تجربتي مع لطفعلي زاده .. تمت العمليه

[شيهانه الشعلان]

بعد حووواااسه طويله بالمنتدى وقراءه مختلفالمواضيع والتعليقات وبالذات موضوع مس قطريه الله يحفظها ويخلي لها خشمها اليديد

اتوكلت على الله وقررت اعمل عمليتي في ايرانفي مشهد... وبعد مراسلات بالايميل وجذي حددت موعد معاه... اللي هو الدكتور امير عباسلطفعلي زاده
تفاصيل الرحله :
ايران - مشهد

الخطوط الجويه الايرانيه ماهان

الكويت – مشهد – الكويت

الحملة .: حملة الثقلين الكويتيه
http://www.althaqalain.com/index.php

مده الرحله 4 ايام وتم تمديدها الى 7 ايام
مده الطيران : ساعه ونص
التكلفه بالدينار : 140 شامل الفيزا والسكنوالتذكرة+145 دينار تمديد 3 ايام
الفندق الغدير

ايصال الدفع للحمله
http://cutt.us/q8yat
العرض
http://cutt.us/q8yat2
بطاقه المكتب
http://cutt.us/q8yat3
فلوس العمليه
http://cutt.us/q8yat4
http://cutt.us/Rgb4
اغراضي واهم شي اني مانسيت المره
http://cutt.us/q8yat5


تابع ...:ch12:

 

[شيهانه الشعلان]

طبعا طيران ماهان طلعوا روحي جابوا لي الرعبوالسبب المطبات الهوائيه واللي يمي طلع الكيس بيزوع... المهم وصلنا بسلام بصراحه الاكللذيذ وخشوم المضيفات روعه وفوق الروعه...

صورة من الاكل..
http://cutt.us/mahaan
المهم نقلونا بالباص الى المطار والله لايوريكمالمطار خرابه مو مطار ... والمدينه نفس الشي مو ذاك الزود بس اصحاب الحمله جدا روعهوخدومين

وصلت للاوتيل على الساعه 6 المغرب بتوقيتايران... وحطيت اغراضي بالغرفه .. الغرفه بسيطه ونظيفه ومرتبه .. اتصلت على العيادهلان هو قال لي اول ماتستقرين بمشهد اتصلي علي .. ردت علي السكرتيره وقامت تكلمني بالايرانيوانا اولول لاني مافهمت شي لكن استوعبت انها قالت لي تعالي عقب الصلاه الدكتور يكونموجود يعني على الساعه 9 بتوقيت ايران .. واحد من مسوولي الحمله رتب لي مع سواق وشبهمترجم يوديني ... وصلت للعياده شبه فاضيه حتى شكيت اني بالعياده الصح من الكلام الليسمعته من البنات ...

صور الغرفه
http://cutt.us/Z4j5
http://cutt.us/Z7ea
http://cutt.us/Gzdp

وذي من الحمله .. الموزة احلى شيالكيوي يابس ولااحد يسالني عن سر الخياره
http://cutt.us/4oae

عنوان العياده .. مشهد ...شارع احمد اباد قائم 2 الطابق الاول...المهم فتحت ملف ب 17000 تومان ايراني يعني اقل من 5 دنانير ... ( 5 دنانير = 28 الفتومان ) وبدات الناس تتوافد وكل خشم يقول الزود عندي.. وطلع فعلا بعد الساعه 9 ونصماكو موضع قدم لج بالعياده...

الفلوس الايرانيه
http://cutt.us/Nszd
http://cutt.us/1FMv

مدخل العياده
http://cutt.us/XP94

دخلت عليه قال لي انفك جميل مافيه شي لكنممكن يكون احلى وانتي جميله وبتكونين اجمل ان شاء الله...

وعلى فكره ترا سياره الدكتور لكزس يعنيمو بس اللي عندنا بورشات وسيارات فخمه ... المهم رفض يعمل لي العمليه لان 4 ايام جداقليل وهو ماتهمه الفلوس كثر ماتهمه سمعته لانهي مش بس جراحه هي جراحه وفك غرز ومتابعه وكل شي وبعد مناقشات طويله ورفض صارم من جهتهكلمت الحمله ومددوا لي لغايه يوم 2 يونيو مقابل 145 دينار كويتي

تابع ..:ch12:

 

[zqertya]

حمدالله على سلامتج جم كلفتج العمليه ؟؟

بس جنه 140دك شويه انزين مع الفندق ولا بدون ؟

 

[شيهانه الشعلان]

تكمله ..


المهم انا اتناقش وياه وهو بالغرفه قاعدينظف ويفك الغرز حق وحده وماسمعتها الا صرخت ياخداه ... جان اشيل شنطتي وانحاش ...قعدت شوي برااا احسبها براسي ورجعت له وتممنا الموضوع ان عمليتي تتم بتاريخ 27 مايوالساعه 3 الظهر ولان ماكو وقت صورني بالموبايل حقه ما دزني للمصور

رجعت الاوتيل .. تعشيت ورقدت وصباح عمليتيدق علي السايق صحاني من النوم عشان بنروح نسوي الفحوصات اللي هي الدم والاشعه وسويتهاولكن وانا بالمستشفى ترددت وكنت ناويه اكنسل العمليه لكنه كلمني وشرح لي وهدا باليوقالي اذا عزمت ف توكل على الله .. دفعت له الفلوس ورديت الاوتيل على اساس ان 1 ونصاكون بالمستشفى وتكون عمليتي الساعه 3 الظهر ... رديت الاوتيل والساعه 1 ونص انا بالمستشفىمعاي الحليب والاسكريم اللي قال لازم تاكلينهم بعد العمليه ..

فاتورة العشاء ذيك الليله
http://cutt.us/KU8G

بوابه المستشفى
http://cutt.us/WeKt

الاسعاف العجيب
http://cutt.us/fPGU

غرفه المستشفى
http://cutt.us/CczH

دخلوني غرفه العمليات الساعه 3 وربع العصر.. كانوا الدكاتره قاعدين في صاله ملحقه بغرفه العمليات يتغدون ويشوفون تلفزيون وقعدوايسولفون معاي ويطمنوني انه كل شي بيكون بخير ولا ااخاف ولاابجي ...والكل استغرب اندكتور التخدير صب لي شاي اشرب مع اني المفروض اكون صايمه من الساعه 10 الصبح وقال لهملان في انبوب بيدخلونه بحلقي فلازم يرطب الحلق عشان مايتجرح .. المهم دخلت غرفه العمليات.. والغرفه اللي جنبي وحده توها مخلفه بيبي وبين الغرفتين وحده توها مخلص خشمها ومسدحهاهناك ..

المهم انا من الخوف قعدت ابجي على طاولهالعمليات .. ومالقيت الا الدكتور على راسي وانا اقوله له دكتور طلعني حلوة مو جيكرهقال لي انا دكتور تجميل وهذا شغلي لاتحاتين ولف يلبس قفازاته وانا تخدرت في سابع نومهوصحيت لقيت نفسي بغرفتي مو واعيه على شي .. بس الحمدلله لا دوار ولا الم ولاوجع واقدراتنفس من انفي ولانهم مانعيني اقوم صورت نفسي قلت بشوف الازرق والاخضر تحت العين مالقيتشي .. وتذكرت ان حتى البنات اللي عنده ماطلعت لهم هالكدمات..

نمت الليله بالمستشفى .. وصباح 28 مايومر علي الدكتور الصبح شال البلاستيكات من خشمي الحمدلله ماكان اكو اي الم او اي شيواعطاني ادويه ومحلول احقنه بالانف كل ساعه عشان يظل خشمي مفتوح .. وكل اللي حسيت فيهمجرد شعور بالانزعاج لاغن الخشم للحين متيبس ومع الغرز لاتقدرين تبتسمين ولا تفتحينفمج عدل عشان تاكلين وبعد العمليه بيوم تنفخت خدودي شوي ورجعت اكل اسكريم واشرب كلشي بارد واحط كمادات وماجاء يوم الجمعه الا الوجه فش وصار عادي
المهم29 مايو قال لي مري علي بالعياده بالليل عشان ينظف الانف بس والعياده كانت زحمه بزيادهبنات وشباب .. والكل كان يسال عن انفي اللي خلاني احس ان خشمي حلو .. المهم دخلتنيالمساعده حقته للغرفه بتنظف خشمي وماقدرت لان الغرز متيبسه والفتحات حدها ضيقه من الدموالاشياء المتجمعه فيها ونادت الدكتور وقال لي انا مو قلت لج كل نص ساعه تحقنين لوتصحين بالليل تروحين التواليت تحقنين وتردين تنامين قلت له والله اسوي دكتور المهممسك الملقط وحط الشاش ودخله بخشمي حسيته وصل الى مخي ( والله للحين كل مااذكر الموقفتجيني قشعريره لان فعلا شعور مرير ومولم وخايس ) جان امد ايدي وامسك ساقه من الالموهو يقول للمساعده فكي ايدها بيطيح البنطلون وهي تقول لي في برا مرضى لاتخوفينهم... المهم نظف لي انفي وشعور عجيب بس الكحول اللي بالشاش يضايقج .. ووراني الارنبهعاملها فضيعه ماشاء الله ... وتواعدنا يوم السبت 2 يونيو قبل لااروح المطار امر عليهيفك لي الغرز ... ويعلمني وش اسوي

تابع..:eh_s(10):

 

[شيهانه الشعلان]

تكمله.. :eh_s(4):


1 يونيو بالليل اتصلت عليهااكد الموعد .. قال لي تصحين 7 تاخذين شاور دافي وتفكين الشاش والقالب واللزاق وعلى7 ونص تكونين قدام العياده وهو على فكره مايفتح بهالوقت بس فتحه عشاني ..

نمت من 12 بالليل الى 4 الفجر وصحيت ماادريوش السبب هل التوتر من السفر هل هو الحماس من الانف هل هو الندم اني عملتها ...مااعرف...قعدت اشوف القناتين الوحيدتين اللي راح تلاقينهم بالتي في ام بي سي 3 وقناه العالموفاتحه الشباك يدخل علي نسيم الفجر وميته يوع ولا اكو شي مفتوح لا بالاوتيل ولا حوله

صارت 7 دخلت التواليت فكيت اللزق ومترددهاشوفه ولا اسوي نفسي عمياء المهم اني شفته والانف حده روعه مع انه ماصار له الا 6 ايامبس .. الغضروف نحفه لي والارنبه رافعها شوي على فوق مو كلش ممطوطه والجوانب محكوكهقلت دام جذي من 6 ايام اجل 6 شهور بيكون احلى واحلى ان شاء الله حتى ملامحي حسيتهاانعم

المهم صار الوقت ووصلت عياده الدكتور الغرزمره ثانيه كانت حدها ناشفه واكثرها داخليه واللي حول الارنبه خارجيه وطلعت روحي وربالكعبه طلعت روحي وهو يفك فيهم ... وخشمي اليسار بعد ماخلص ظل مقفول وجان يسوي الحركهالمعتاده الملقط والشاش والكحول واختكم تحس انها تغرق مخنوقه ومكتومه ومتالمه وحالتيلله وهو مايرحم .. حسيته هالمره فعلا وصل لعظام تجويف الانف من داخل من كثر ماهو يبيالانف ينفتح.. ولكن ظل مسكر وقال لي شوي شوي بيفتح تنفسي على خفيف وفعلا فتح ولكن ظليتتعبانه من الالم والمعاناه والدم اللي طلع وهو يفك الغرز وينظف الانف ورد ويهي تورممرة ثانيه .. واعطاني مفاجاه .. قال لي انتي مو ملاحظه لما تبتسمين مااعاد فيه خطوطبوجهج .. ركزت على المرايا وقلت له صحيح قال لي هذي هديتي لج انا سويتها بالعمليه عشانتبينين اصغر بالعمر اكثر .. وعقبها قال لي مكان الغرز تحطين عسل مو زيت ولا لوشن قاللي عندج عسل قلت له ايه قال لي اصلي قلت له ايه قال لي اقولج هذي هديه ثانيه ويعطينيعلبه عسل صغيره .. وعلمني شلون احط اللزق على خشمي واستمر عليها لمده شهرين وقت الليلوبالنهار الكريم الواقي من الشمس اذا بطلع .. وهنا انتهى اللقاء بيني وبين الدكتورالروعه المبدع الانسان الراقي لطفعلي زاده ...

من تجربتي من هالعمليه ..
اقل شي من 8 الى 10 ايام .. مش اقل ولاماراح يرضى يعمل العمليه

يفضل يكون معك احد لما تطلعين من العمليهحق الماي والتواليت والاسكريم والكمادات

اسوا طيران بالتاريخ طيران ماهان رعب وتاخيروخدمه بدون نفس بس اكل لذيذ او يمكن لاني يوعانه

احلى الاكلات اللي جربتها هناك .. السبزيمن المطعم اللي قبال الفندق وكنت اكله مع رز لان الخبز حقهم مو ناعم

والسندويتش المكسيكي من مطعم الاوتيل.. وعلى الريوق اختاري السمون مش الخبز لانه مو ناعم وماراح تقدرين تمضغين بسهوله

يسوون ام علي على الريوق بالكورن فليكسوالرهش حدها لذيذه كنت اكل لي منها ملعقتين وهم كنت اكل من الفته لذيذه .. البيض ماانصحفيه ماعجبني وايد

بتعانين يااختي من كل انواع الملل اخذيمعك شي يسليك ومو يكون مرتبط بالنت لان كل شي عندهم مقفل .. تويتر .. يوتيوب .. حتىعموو قوقل محجوب يعني ماعندك الا الايباد ولا الايبود وافلام والعاب وتجهزين التقريرمثلي

كثري من الاسكريم والعصاير البارده والكماداتعشان التورم يروح .. ابعدي عن العلك والمكسرات واي شي صلب

كنت اتعب لما ينقفل الانف .. ماعليكي الاانك قطن الاذن مع مره او المحلول اذا مانفعت الابره .. وعلى خفيف وبيفتح معك الانف..

لاتنسين مرطب الشفايف لانها فعلا تيبس وتتقطع

بشكل عام مثل ماقلت الدكتور والطاقم حقهمن اروع مايكون حبوبين وطيوبين وخدومين وحتى اصحاب الحمله احس ان الله رزقني وسخر ليناس مااكو احسن ولاانظف من قلوبها

للحين انفي منفخ وويهي بعد اول مايهدونشوي راح انزل الصور ان شاء الله .. لكن بنزل صور مبدايه
هذا ملخص رحلتي بالكامل اتمنى اني افدتكمواللي عندها اي سوال او استفسار يامرحبا واهلا فيها .. واللي بتفتي اقولها انا عارفهالفتوى وجزاج الله الف خير والله غفور رحيم وجميل يحب الجمال وانفي كان مضايقني وعملته.. وطبع البني ادم طماع بالجمال ..

انفي القديم من الامام
http://cutt.us/q8yat-1

انفي القديم من الجنب
http://cutt.us/q8yat-n

انفي الجديد بحمد الله وهذا هو للحينماكمل اسبوع:bbbiu:

http://cutt.us/SXCk

http://cutt.us/CaJQ

http://cutt.us/CMkR

 

[شيهانه الشعلان]

حمدالله على سلامتج جم كلفتج العمليه ؟؟

بس جنه 140دك شويه انزين مع الفندق ولا بدون ؟

الله يسلمج كامل كل شي تقريبا تقدرين تقولين كلفتني 1600 دينار كويتي

الفندق والطيران والفيزا والريوق والاستقبال والتوديع بالمطار:rerrerek:

 

[غاده بنت وليد]

..


الف الحمد لله علا سلامتك


وفعلا تبارك الله ما شاء الله
يهبببببببببببببببببببببببببببل بسم الله عليك//
فعلا هذا التجميل مو هنا فرم خشوم وحوسه
لا جد شغله نضيف وانا اموت عالخشوم اللي كذاولو انا اطلب الله انه يثبت
علا هالشكل..

تتهنين يارب،،

واسلوبك يجنن وما قصرتي ابداا
بس مدخل العياده يروع ولا يعطي ان شغل حلو وبرفاشنل،،
الله يتمم عليك الشفاء العاجل
انتبهي لنفسك..يا حلوه..

..~​

 

[شيهانه الشعلان]

..​

الف الحمد لله علا سلامتك​

وفعلا تبارك الله ما شاء الله
يهبببببببببببببببببببببببببببل بسم الله عليك//
فعلا هذا التجميل مو هنا فرم خشوم وحوسه
لا جد شغله نضيف وانا اموت عالخشوم اللي كذاولو انا اطلب الله انه يثبت
علا هالشكل..​

تتهنين يارب،،​

واسلوبك يجنن وما قصرتي ابداا
بس مدخل العياده يروع ولا يعطي ان شغل حلو وبرفاشنل،،
الله يتمم عليك الشفاء العاجل
انتبهي لنفسك..يا حلوه..​

..~​

الله يبارك فيج ياقلبي وفعلا شغله محترم وهو كشخصيه خياليه ومحترم وجنتل فوق ماتتخيلين ومو كل ماتروحين له مراجعه تدفعين لا مرة وحده كل شي الادويه والمراجعات مادفعت له ولا شي غير ال 4500 دولار ... والحمدلله انك تشوفينه حلو انا اول مافتحته شفته عجيب والحين مو عاجبني .. صرت من اللي يوسوسون عقب ماكنت اقول للناس انطروا 6 شهور ...

المدينه كلها اصلا جذي فقيره ومو ذاك الزود.. دليل على لاتغرك المظاهر... وامين يارب وتسلمين لي على الرد:eh_s(7):

 

[غاده بنت وليد]

..


لا لا لا حلوووو شغله لا توسوسين بجد راااااااائع يارب يثبت يارب،،
لا خطير سوي لك الشد من دون ما تقولين له
شوفي الذمم بسمو هناااايا صبرنا علا الاطباء اللي هنا لو مكانه ما سوها والله،،
الله يحيمك

 

[شيهانه الشعلان]

..


لا لا لا حلوووو شغله لا توسوسين بجد راااااااائع يارب يثبت يارب،،
لا خطير سوي لك الشد من دون ما تقولين له
شوفي الذمم بسمو هناااايا صبرنا علا الاطباء اللي هنا لو مكانه ما سوها والله،،
الله يحيمك

فعلا من دون مااقوله ولاكنت افكر حتى فيهم اصلا لان مااحسهم مسوين بويهي شي بس هو لاحظهم وشالهم .. يعني دكتور يعطي مريضته حنى العسل اللي تحطه مكان الجروح مااتوقع اني القى مثله.. تسلمين يارب .. وعقبالج ياغاده اذا ناويه تعملين :ggdw:

 

[غاده بنت وليد]

..


ايه والله نااااويه مع اني مسويه بس برضوا ابغي نفسك
وما كنت شايفه غير بهزاد شغل واخلاق وكلووو من تجربه*dianaالله يسلمها
بس حتي شغل دكتورك رهيب رهيب رهيب..لا لا ششيشتينيبس الله كريم ..الله يتمم عليكوعاد صوري بعد شهربسلامتك نشوف المراحل الف شكر​

 

[$نرجس$]

كللللللللللللللللللووووووووووووووووش الحمدالله على السلااااامه خشمج يييييييييييييييييييججججججججججججججججننننننن والله يهببلوموضوووعج رووووعه يييهببببببببل ونااااسه اشحلاااته والله قااعده اقراا جني وياااج

 

[غاده بنت وليد]

نونوووووووووووو

هههههههههه ادور عليك ابيك تخلين موضوعها يهبل صح تبارك الله
الان وش اقول لاهلي هههههههههههه

 

[شيهانه الشعلان]

كللللللللللللللللللووووووووووووووووش الحمدالله على السلااااامه خشمج يييييييييييييييييييججججججججججججججججننننننن والله يهببلوموضوووعج رووووعه يييهببببببببل ونااااسه اشحلاااته والله قااعده اقراا جني وياااج

هههههههههههه :krkrkr:ىفديتج نرجس .. هذا اللي ابي اوصله احسسكم انكم معاي لانكم فعلا كنتوا معاي وكنت كل شوي اكتب التقرير وافكر فيكم :eh_s(7):... بس شنوو رايج بالخشم للحين .. ادري يبي له وقت بس مبدايا

 

[$نرجس$]

ديااناا موضووعهاا كاان يجننن وشيهاانه الشعلااان بعد يمه الايراانيين شطااار اناا من زماان كنت ابييه بس لماا مارضى بمشهد قلت طهراان وقاالي اوكي بعدهااا عقب مااا قررت قاال لاااا مافييه ورحت لبناان وحساافه والله خسااره افلووس على الفااضي انا شفت ايراانيه بمحل ماكس الساالميه خشمهاا يجنن بس اطاالعه بغييت ابجي واخوي بس يتمقل فيهااا بغييت اكفخه بالجيييس الي معااي من الحره بااط جبدي كله لاااااا لاااااااااا خسرني افلووس وتعب على الفاضي

 

[شيهانه الشعلان]

ديااناا موضووعهاا كاان يجننن وشيهاانه الشعلااان بعد يمه الايراانيين شطااار اناا من زماان كنت ابييه بس لماا مارضى بمشهد قلت طهراان وقاالي اوكي بعدهااا عقب مااا قررت قاال لاااا مافييه ورحت لبناان وحساافه والله خسااره افلووس على الفااضي انا شفت ايراانيه بمحل ماكس الساالميه خشمهاا يجنن بس اطاالعه بغييت ابجي واخوي بس يتمقل فيهااا بغييت اكفخه بالجيييس الي معااي من الحره بااط جبدي كله لاااااا لاااااااااا خسرني افلووس وتعب على الفاضي

اانتي الاروع ياعمري.. صدقيني نتي هناك بس تطالعين بالخشوم يانرجس ... والله ان كان بالعياده ان كان بالاوتيل ان كان بااللي يتمشوون بالشارع ان كان مضيفات الطيران .. وترا والله مافيه شي ماادري ليش الناس تخاف تروح ... اقنعيه انتي وان شاء الله بيقتنع ...

 

[$نرجس$]

والله ييييييييجججججججججججججججججننننننننننننننننننننننننننننننننن حلوووووووووووو وياارب للاحلى اهم شطااار لاا اتخاافيين مو نفس الي عندناا بوووق وتعب على الفااضي ودي احرق شهاايدهم ماالت علييهم موو دكااتره

 

[$نرجس$]

الله يسمع منج يااقلبي والله ماضنتي عنيييييد شسوي اقترحت اني ارووح وياا رفيجتي قالي لااااوالله مقهووره يقوولي البناات يقصوون علييج املووع جبدي ماايفهم ابببببببد

 

[شيهانه الشعلان]

الله يسمع منج يااقلبي والله ماضنتي عنيييييد شسوي اقترحت اني ارووح وياا رفيجتي قالي لااااوالله مقهووره يقوولي البناات يقصوون علييج املووع جبدي ماايفهم ابببببببد

قصي عليه قولي له بروح ماادري وين مع البنات ورتبي السفره كلها من وراه شنوو يعني .. والله

 

[$نرجس$]

لاااااا ماضنتي يعررف ماتفووت علييه شكلي برجع واكلم مستشفياتنا مره ثاانيه يمكن هالمره يرضوون ويجيبوون هالدكتور اماانه ادعيلي