السلام عليكم ورحمة الله وبركاته
انا اليوم حتكلم عن تجربتي في جراحة الوجه و الفكين وبالأصح هي مو تجربه هي تحقيق أكبر حلم كنت أتمناه
وبفضل الله انعم عليا وتحقق هالحلم و صار يوم جراحتي بالنسبه لي هو يوم ميلادي الجديد الي مستحيل أنساه :eh_s(17):
- يوم جراحتي : هي ٣١ يناير ٢٠١٥
- حالتي : هي كلاس ٣ ( تراجع الفك العلوي وتقدم الفك السفلي )
- دكتوري الجراح : ( بدر الجندان ) وكان معاه الدكتور عبدالله الحركان و دكتور تيسير الحماده .
واحمد الله انه سخرلي دكاتره كٌفؤ لهذه الجراحة
-أسلوب الجراح وتعامله : ممتاز
- المستشفى : بروكير
- المنطقه : الخبر
- استغرقت الجراحه : ٤ ساعات
- دكتوري التقويم : قبل الجراحة كنت مع د. محمد غنايم
في عيادات رام وكان دكتور رائع ، ولكن مع استعدادات الجراحة دكتوري الجراح بدر الجندان خيرني بين دكاتره تقويم يتعامل معهم مع اجراءات الجراحة واخترت د. أحمد بسيوني في مستشفى التعليمي بالخبر ، لاني طالبه في جامعه الدمام واستطيع تكمله العلاج فيه بعد تحويل من مركز طبي
______________________________________
الحين انا قاعدة أكتب تجربتي بعد مرور سنة
على الجراحة ، سنه وكيف مرت ما ادري !! الحمدلله من كل قلبي و هحاول اتذكر بعض التفاصيل واكتبلكم نصاايح تفيد كل الي داخلين للجراحة قريبا بإذن الله
بداية رحله التقويم ركبته بسبب : انو عندي سنين فوق بعض
الي بالنص فوق ولما اضحك الكل يلاحظ هالسنين
وكثير من اهلي قالولي ركبي تقويم اسنان وفعلاً رحت عيادات رام وركبت تقويم اسنان ومع مرور الشهور حسيت اسناني لما قاعدة تترتب قاعد يصير فيني تقدم في الفك السفلي وقاعد يزيد بشكل ملحوظ لدرجة اني كرهت ابتسامتي ووجهي وقالي دكتور التقويم انو يبغالك جراحة فكين بعد ماتخلصي التقويم لانو هالمشكله ماتنحل بالتقويم
وخلصت تقويم بس ماشلته وقعدت سنه أبحث عن تجارب ناس سوو جراحة الفكين وعن دكاترة كويسين ودخلت بعالم الجراحة اقراا عنهاا واتثقف وتعرفت على بنتين سوو الجراحة ، وصارت حلم من احلامي اني اسوي هالجراحة
طبعا انا كأي بنت اهلها كلهم رافضيين الجراحة ومو شايفين انو فيني مشكله بعد :eh_s(14):، بس بديت المشوار لحالي وانا متفائله اني حسويها يوما ما ان كانت خير لي ، اول شي سمعت عن دكتور بدر الجندان وشفت بنات سوو عنده واستشرت ووكلت امري لله ودقيت على مستشفى بروكير واخذت موعد معاه وكنت انتظر يوم الموعد بفارغ الصبر ولما جاه يوم الموعد رحت للدكتور انا وأمي ،
دكتور بدر ماقصر معاي شاف مشكلتي وفهمني حالتي انو حنقدملك الفك العلوي وحنرجع الفك السفلي وطمني كثير من ناحيه الجراحة وارتحت كثير وجاوبني على كل أسئلتي وامي اقتنعت بالجراحة نوعا ما
وكنت جاهزة للجراحة وقال د بدر انو لو حابه تسويها في بروكير عندي يوم فاضي للجراحة آخر هذا الشهر ٣١ يناير وانا صرت زي المجنونه واشوف احلام ورديه
انو لو اهلي وافقو حسويها بعد ٢٠ يوم من الان
ورجعنا البيت وانا كل يوم على سجادتي
أدعي ( يارب لو الجراحة خير لي في حياتي فيارب بقدرتك حققلي حلمي وان كانت شر لي في حياتي وعاقبة أمري فيارب اصرفها عني وأرضيني بما كتبته لي ) وادعو الله وانا موقنه بإجاااابته :eh_s(6):
لييين الحمدلله اهلي وافقوو :eh_s(9):وكلمت الدكتور بدر وحجزت يوم ٣١ يناير موعد لجراحتي ، يارب لك الحمد والشكر :
وخلال الايام قبل الجراحة ، اخذو مقاسات وجهي ومقاسات اسناني عشان يسوو دراسه دقيقه كم احتاج سانتي لتقديم الفك العلوي وكم سانتي لترجيع الفك السفلي ليصبح الوجه متناسق وطبيعي ، وعمل اشعه مقطعيه للوجه .
# الحييين بتكلم عن أول أياااام جراحتي
:
أول يوم انطلقنا من البيت الساعه ٦ صباحاً الى مستشفى الرعايه بروكير دخلنا كانت المستشفى فاضيه مافيها احد غير عامله او ٢ بينضفو هههه ورحنا مكتب دفعنا مبلغ الجراحة وبعدها طلعونا الغرفه حقتي وقعدت انا وامي واخوي وكل شوي تجي ممرضه تقيس الضغط والحرارة ويسألوني اسأله وتطلع وتجي وحدا تانيه تسوي نفس الشي ! بعدها اعطوني ملابس العمليه لبستهااا وقعدت اصوور نفسي واتصور مع امي واخويا والغرفه كذكريات بعدها اتوضيت وقمت صليت الضحى وقمت ادعي ربي وأقوله اللهٌم اجعل يدك فوق ايدي الدكاترة اللهم اجعل يدك فوق ايديهم اللهم اني اتوكل عليك اللهم اني استودعتك نفسي واستودعتك وجهي ويارب خشمي مايتغير يارب كُن معي ، كنت ادعي وانا واثقه من ربي ما كنت خايفه ابداً كنت إيجابيه ولا افكر بأي شي سلبي بعدها سلمت من الصلاة وامي تطالع فيني وتقول وانا اشوفك وانتي ساجده وتدعي ، ربي ماحيخيبك يا بنتي ربي ماحيضيعك :eh_s(2): قمت ضميتها وجوو الممرضات على طول قالو حناخدك للعملية وجابو السرير وانسدحت وغطوني واخدوني بمكان قبل غرفه العمليات الغرف الي فيها ستاير وجاني وقتها دكتور التخدير وسألني كم سؤال وامي كانت تبكي وتدعيلي وهم يدخلوني غرفه الجراحة دخلوني غرفه فريزر واللبس الي لبسوني اياه ماكني لابسه من اصلو طبعا ماشفت دكاتره ابدا ماشفت الا ممرضين مسكوني وقامو يحطوو ابر بيديني وانا اتكتك من البرد
وجاتني ممرضه قالت حنحطلك قسطره لما تنامي قلتلها القسطره لو سمحتي ممرضه تحطلي وانتبهي لا اتكشف لأحد قالت ايوا اكيد بعدها بدأو يحطولي ابرة البنج وانا كنت ارجف وادعي واقول اللهم اجعل يدك فوق ايديهم وبعدهااا ما حسيييت في شي ........ كانت الساعه ٨ صباحاً
استغرقت جراحتي ٤ ساعات ، وصحيت من الافاقه بعد ٧ ساعات ، بالبدايه لما بديت اصحى من البنج كنت اسوي ردات فعل بيدي بعدها سمعت صوت السرير بيمشي بعدها سمعت صوت امي واخوي واناا لسه دايخه ودوني غرفتي وكانو اهلي كلهم موجودين وهذي من اكبر النعم ، طبعا انا مو مركزة وشبه مغمي عليا بس اسمع اصواتهم يقولو ايش الجمال دا وايش الخشم وايش الدقن هههههه كني بيبي وهم يمدحو فيني وانا لسه ما شفت وجهي وكان اخوي الله يجزاه خير ماسك الكمادات الثلج طول ما انا دايخه وهو يحطلي كمادات ثلج عشان يخف الانتفاخ ، ولقيتهم جايبينلي مخدتي ولحاف سريري وبطانيتي الزرقا اهم شي ، طبعا اول يوم كنت اغلب الوقت اقوم استفرغ دمممم وانام قتيله ما كنت مصحصحه ابداً بعدين كذا بالليل فقت شويا وقعدوني والكل يطالع فيني ويتغزل عاد جاني الفضول ايش دا ابغى اشوف نفسي بعد كل دا الغزل والف وجهي يمين عشان الشباك يعكس مراياا واشوف نفسي واصررررخ ههههههه اقولهم آآآآآآواطالع فيهم بنظرات وكلهم فقعو ضحك :krkrkr: كان وجهي مرا منفخ حينفجر بس كان مقبول الحمدلله وجاني الدكتور بدر يتطمن علي وقال ترا وجهك بكرا حينتفخ اكتر من كذا وانا اقوله ما حينتفخ قال لا حينتفخ وقال انو كل شي تمام وطمني وراح وانا ادعي ربي واقول بقدرتك يا الله ما ينتفخ وجهي اكتر وقاعدا طول الليل احط كمادات ثلج وكنت اشرب عصير منقا واستفرغ لانو بطني كان مليان دم من الجراحة بلعت كثير وصارت امي تشربني عصير منقا فبطني تتحرك واستفرغ ويطلع الدم قعدت كذا يومين لين حسيت انو بطني نضفت من الدم ، وبالليل طبعا ماقدرت انام مصحصحه كني بوووم من كتر الالم والامساك الي كان مرا مضايقني ، عاد كانت لغتي مرا غريبه مو صوتي ابدا :eh_s(10):كنت انادي ماما > نانا ، وعصير المنقا > انقا
، و الامساك > انساك ، حرف الميم ماقدر انطقو وفيه حروف مايمديني انطقها من كتر ما الوجه منفخ والشفايف منمله
بس اهم شي اهلي حبوو صوتي ولغتي الغير مفهومه بس يفهمو عليا ويعاملوني كني بزر توه يتكلم بالذبط :wqedqw:
قعدت ٣ ايام بالمستشفى استنى اليوم الي حتطلع فيه
ما كنت مرتاحه والابر و المسكنات ما كانت تسويلي شي
في اليوم الثاني كنت افضل من اليوم الاول الحمدلله
وجا دكتور بدر يتطمن وبرضو قال وجهك حينتفخ بكرة اكثر وانا اقوله ماحينتفخ وانا مؤمنه بربي وبقدرته والحمدلله ما انتفخ اكتر وصار الانتفاخ يخف يوم عن يوم بفضل الله
وفي نهايه اليوم الثاني شالولي القسطره وصرت امشي عشان احرك الدورة الدمويه واتنشط وكنت مو طايقه نفسي ابغى اترووووش :eh_s(11): ومصدعه ومتألمة والامساك ذابحني وقاعدا اقول لامي روشيني يمكن اتحسن وهي خايفه عليا لانو كان توازني مو تمام لازم امشي وهي جمبي او امسك بالاشياء لين اوصل الحمام ، فقالتلي اشوف بكره يمكن اروشك وعاد ما نمت طول الليل استنى الترويشه
جا اليوم الثالث بدو يعطوني ادويه حبوب بلع عشان اتعود عليها واطلع من المستشفى كنت اطحنها واحطها مع عصير واشربها بالابره ، كان طعمهاا مٌرر
واتروشت واهديت وقدرت انام شوي الحمدلله
وكذا ع المغرب جاه الدكتور بدر وتطمن علي وسوالي اجراءات الخروووووووج :eh_s(9):
ورجعت بيتي الحمدلله بالسلامة ، واحس مارست حياتي الطبيعيه ، بس كنت عايشه على المسكنات كل ٤ ساعات
كان يجيني الم بمفصل الفك مرررا مؤلم ومايخليني انام ،
وقال دكتور بدر هذا بسبب انو المفصل مشدود ومع الايام حيروح ، وكان وجهي حار وكنت شغاله على الكمادات البارده ماوقفتها ابدا لين راح الانتفاخ مع انو دا غلط الدكتور قال الكمادات تنحط في الايام الاولى بعد العمليه بس انا اتعلقت فيها شسوي
والالم الي يجيني بمفصل الفك اسبوعين وراح الحمدلله
والانتفاخ يوم عن يوم يخف لين ٦ شهور يروح تماما وخلال سنه حتصيري اجمل
وبالنسبه لخشمي صار جميل بعد الجراحة ومتناسق مع وجهي الحمدلله
بالنسبه للأدويه الي كنت اخذها امممممم خلااص ما ابغى اتذكرهااا :eh_s(11):بس حقولكم نصايح سويتها وحتفيدكم
اولا بالنسبه لخشمي كان يسييل دممم اول اسبوع بعدين وقف الحمدلله ، كنت كل يوم اسوي تنظيف وترطيب لخشمي
تحتاجي ( بخاخ مويا وملح /و عود أذن /و مرهم بيبانثين الوردي ) كنت انظف بعود الاذن لما ما اقدر انٌف بقوا وبعدها بعود الاذن احط المرهم ورطبي داخل انفك كامل
واستمريت على كذا لين حسيت خشمي طاب والجروح الي داخل التئمت .
ثانيا : نجي عند الاكل : فيه ملاحظة مهمه اذا انتي من النوع الي ما ياكل يعني مثلا ماتشربي حليب ماتاكلي خضار وفواكه ، لا تسوي الجراحة :eh_s(4):
لأنووو لو اهتميتي بصحتك شربتي حليب شربتي عصاير طازجة شربتي شوربه خضااار ، اعطيتي جسمك هالفتره اشياء يحتاجهااا عشان بسرعه تتشافي حتى التنمييل والكهربا كل هذا حيروح اذا انتي اهتميتي بغذائك :rerrerek:
يعني انا يارب لك الحمد والشكر الحين ما اعاني من ولا شي التنميل راح وما طول معاي والاحساس الحمدلله ماراح ابدا وهذا بفضل ربي وثقتي فيه اني حكون بخير
واهتمامي بنفسي وبغذائي كان سبب كبير اني اتحسن بسرعه ، عشان كذااا هذي النقطه اهتمي فيهااا
ثالثاً : فيه شي كنت اسويه كمان ، طول فترة ايام المسكنات كنت كل ٤ ساعات اخذ مسكن ف خطر على جسمي يتعب من المسكنات فكنت اشرب مويا دافيه واذوب فيها ملعقه عسل واشربها ، يعني لازم تحبين العسل كمان :bbbiu:
ورابعاً : بالنسبة للمسكنات الي ناسبتني
١/ سولبدين فوار ( ينأخذ كل ٤ ساعات) عند الحاجة
٢/ ڤولتارين ١٠٠ حبوب ( حبه كل ١٢ ساعه )
الڤولتارين مرا يريحني كنت اخذه قبل النوم
عشان اقدر انام وفي الصباح السولبادين كويس
وبس انا الحين لسه ماخلصت تقويم في التعليمي
يمكن كدا شهر او شهرين وافكه بإذن الله
واشكر كل الي اهتمو فيني في التعليمي
من دكتور نبيل ابو النور ودكتور تيسير غازي الحماده
ود احمد بسيوني و باقي الدكاترة ❤
ودكتور بدر الجندان كان دايما يوصيهم علي ، الله يسعده
وأخيييراً ، أقوووول لكل الي قادمين على الجراحة
ولكل الي محتارين وخايفين يسوووها
توكلو على ربكم وسووو الجراحة لانو منجد حياتكم
حتتغير للأفضل من جميع النواحي والم الجراحة يٌستحمل وتقدري عليه ، وتستاهل كل تعب والم لانو حتشوفي نتايجها بعدين ، ودكتور بدر الجندان ماحيقصر معاكم حتتطمنو كثير لما تسوو الجراحة معاه سواء بالتعليمي او في بروكير هو دكتوور كٌفؤ بعون الله ❤
اي استفسار منكم انا جاهزة للرد عليكم
واتمنالكم الخير والحظ الافضل مني ومن غيري
لكل الي قادمين للجراحة بإذن الله
انا اليوم حتكلم عن تجربتي في جراحة الوجه و الفكين وبالأصح هي مو تجربه هي تحقيق أكبر حلم كنت أتمناه
وبفضل الله انعم عليا وتحقق هالحلم و صار يوم جراحتي بالنسبه لي هو يوم ميلادي الجديد الي مستحيل أنساه :eh_s(17):
- يوم جراحتي : هي ٣١ يناير ٢٠١٥
- حالتي : هي كلاس ٣ ( تراجع الفك العلوي وتقدم الفك السفلي )
- دكتوري الجراح : ( بدر الجندان ) وكان معاه الدكتور عبدالله الحركان و دكتور تيسير الحماده .
واحمد الله انه سخرلي دكاتره كٌفؤ لهذه الجراحة
-أسلوب الجراح وتعامله : ممتاز
- المستشفى : بروكير
- المنطقه : الخبر
- استغرقت الجراحه : ٤ ساعات
- دكتوري التقويم : قبل الجراحة كنت مع د. محمد غنايم
في عيادات رام وكان دكتور رائع ، ولكن مع استعدادات الجراحة دكتوري الجراح بدر الجندان خيرني بين دكاتره تقويم يتعامل معهم مع اجراءات الجراحة واخترت د. أحمد بسيوني في مستشفى التعليمي بالخبر ، لاني طالبه في جامعه الدمام واستطيع تكمله العلاج فيه بعد تحويل من مركز طبي
______________________________________
الحين انا قاعدة أكتب تجربتي بعد مرور سنة
على الجراحة ، سنه وكيف مرت ما ادري !! الحمدلله من كل قلبي و هحاول اتذكر بعض التفاصيل واكتبلكم نصاايح تفيد كل الي داخلين للجراحة قريبا بإذن الله
بداية رحله التقويم ركبته بسبب : انو عندي سنين فوق بعض
الي بالنص فوق ولما اضحك الكل يلاحظ هالسنين
وكثير من اهلي قالولي ركبي تقويم اسنان وفعلاً رحت عيادات رام وركبت تقويم اسنان ومع مرور الشهور حسيت اسناني لما قاعدة تترتب قاعد يصير فيني تقدم في الفك السفلي وقاعد يزيد بشكل ملحوظ لدرجة اني كرهت ابتسامتي ووجهي وقالي دكتور التقويم انو يبغالك جراحة فكين بعد ماتخلصي التقويم لانو هالمشكله ماتنحل بالتقويم
وخلصت تقويم بس ماشلته وقعدت سنه أبحث عن تجارب ناس سوو جراحة الفكين وعن دكاترة كويسين ودخلت بعالم الجراحة اقراا عنهاا واتثقف وتعرفت على بنتين سوو الجراحة ، وصارت حلم من احلامي اني اسوي هالجراحة
طبعا انا كأي بنت اهلها كلهم رافضيين الجراحة ومو شايفين انو فيني مشكله بعد :eh_s(14):، بس بديت المشوار لحالي وانا متفائله اني حسويها يوما ما ان كانت خير لي ، اول شي سمعت عن دكتور بدر الجندان وشفت بنات سوو عنده واستشرت ووكلت امري لله ودقيت على مستشفى بروكير واخذت موعد معاه وكنت انتظر يوم الموعد بفارغ الصبر ولما جاه يوم الموعد رحت للدكتور انا وأمي ،
دكتور بدر ماقصر معاي شاف مشكلتي وفهمني حالتي انو حنقدملك الفك العلوي وحنرجع الفك السفلي وطمني كثير من ناحيه الجراحة وارتحت كثير وجاوبني على كل أسئلتي وامي اقتنعت بالجراحة نوعا ما
وكنت جاهزة للجراحة وقال د بدر انو لو حابه تسويها في بروكير عندي يوم فاضي للجراحة آخر هذا الشهر ٣١ يناير وانا صرت زي المجنونه واشوف احلام ورديه
انو لو اهلي وافقو حسويها بعد ٢٠ يوم من الان
ورجعنا البيت وانا كل يوم على سجادتي
أدعي ( يارب لو الجراحة خير لي في حياتي فيارب بقدرتك حققلي حلمي وان كانت شر لي في حياتي وعاقبة أمري فيارب اصرفها عني وأرضيني بما كتبته لي ) وادعو الله وانا موقنه بإجاااابته :eh_s(6):
لييين الحمدلله اهلي وافقوو :eh_s(9):وكلمت الدكتور بدر وحجزت يوم ٣١ يناير موعد لجراحتي ، يارب لك الحمد والشكر :
وخلال الايام قبل الجراحة ، اخذو مقاسات وجهي ومقاسات اسناني عشان يسوو دراسه دقيقه كم احتاج سانتي لتقديم الفك العلوي وكم سانتي لترجيع الفك السفلي ليصبح الوجه متناسق وطبيعي ، وعمل اشعه مقطعيه للوجه .
# الحييين بتكلم عن أول أياااام جراحتي
:أول يوم انطلقنا من البيت الساعه ٦ صباحاً الى مستشفى الرعايه بروكير دخلنا كانت المستشفى فاضيه مافيها احد غير عامله او ٢ بينضفو هههه ورحنا مكتب دفعنا مبلغ الجراحة وبعدها طلعونا الغرفه حقتي وقعدت انا وامي واخوي وكل شوي تجي ممرضه تقيس الضغط والحرارة ويسألوني اسأله وتطلع وتجي وحدا تانيه تسوي نفس الشي ! بعدها اعطوني ملابس العمليه لبستهااا وقعدت اصوور نفسي واتصور مع امي واخويا والغرفه كذكريات بعدها اتوضيت وقمت صليت الضحى وقمت ادعي ربي وأقوله اللهٌم اجعل يدك فوق ايدي الدكاترة اللهم اجعل يدك فوق ايديهم اللهم اني اتوكل عليك اللهم اني استودعتك نفسي واستودعتك وجهي ويارب خشمي مايتغير يارب كُن معي ، كنت ادعي وانا واثقه من ربي ما كنت خايفه ابداً كنت إيجابيه ولا افكر بأي شي سلبي بعدها سلمت من الصلاة وامي تطالع فيني وتقول وانا اشوفك وانتي ساجده وتدعي ، ربي ماحيخيبك يا بنتي ربي ماحيضيعك :eh_s(2): قمت ضميتها وجوو الممرضات على طول قالو حناخدك للعملية وجابو السرير وانسدحت وغطوني واخدوني بمكان قبل غرفه العمليات الغرف الي فيها ستاير وجاني وقتها دكتور التخدير وسألني كم سؤال وامي كانت تبكي وتدعيلي وهم يدخلوني غرفه الجراحة دخلوني غرفه فريزر واللبس الي لبسوني اياه ماكني لابسه من اصلو طبعا ماشفت دكاتره ابدا ماشفت الا ممرضين مسكوني وقامو يحطوو ابر بيديني وانا اتكتك من البرد
وجاتني ممرضه قالت حنحطلك قسطره لما تنامي قلتلها القسطره لو سمحتي ممرضه تحطلي وانتبهي لا اتكشف لأحد قالت ايوا اكيد بعدها بدأو يحطولي ابرة البنج وانا كنت ارجف وادعي واقول اللهم اجعل يدك فوق ايديهم وبعدهااا ما حسيييت في شي ........ كانت الساعه ٨ صباحاً
استغرقت جراحتي ٤ ساعات ، وصحيت من الافاقه بعد ٧ ساعات ، بالبدايه لما بديت اصحى من البنج كنت اسوي ردات فعل بيدي بعدها سمعت صوت السرير بيمشي بعدها سمعت صوت امي واخوي واناا لسه دايخه ودوني غرفتي وكانو اهلي كلهم موجودين وهذي من اكبر النعم ، طبعا انا مو مركزة وشبه مغمي عليا بس اسمع اصواتهم يقولو ايش الجمال دا وايش الخشم وايش الدقن هههههه كني بيبي وهم يمدحو فيني وانا لسه ما شفت وجهي وكان اخوي الله يجزاه خير ماسك الكمادات الثلج طول ما انا دايخه وهو يحطلي كمادات ثلج عشان يخف الانتفاخ ، ولقيتهم جايبينلي مخدتي ولحاف سريري وبطانيتي الزرقا اهم شي ، طبعا اول يوم كنت اغلب الوقت اقوم استفرغ دمممم وانام قتيله ما كنت مصحصحه ابداً بعدين كذا بالليل فقت شويا وقعدوني والكل يطالع فيني ويتغزل عاد جاني الفضول ايش دا ابغى اشوف نفسي بعد كل دا الغزل والف وجهي يمين عشان الشباك يعكس مراياا واشوف نفسي واصررررخ ههههههه اقولهم آآآآآآ
واطالع فيهم بنظرات وكلهم فقعو ضحك :krkrkr: كان وجهي مرا منفخ حينفجر بس كان مقبول الحمدلله وجاني الدكتور بدر يتطمن علي وقال ترا وجهك بكرا حينتفخ اكتر من كذا وانا اقوله ما حينتفخ قال لا حينتفخ وقال انو كل شي تمام وطمني وراح وانا ادعي ربي واقول بقدرتك يا الله ما ينتفخ وجهي اكتر وقاعدا طول الليل احط كمادات ثلج وكنت اشرب عصير منقا واستفرغ لانو بطني كان مليان دم من الجراحة بلعت كثير وصارت امي تشربني عصير منقا فبطني تتحرك واستفرغ ويطلع الدم قعدت كذا يومين لين حسيت انو بطني نضفت من الدم ، وبالليل طبعا ماقدرت انام مصحصحه كني بوووم من كتر الالم والامساك الي كان مرا مضايقني ، عاد كانت لغتي مرا غريبه مو صوتي ابدا :eh_s(10):كنت انادي ماما > نانا ، وعصير المنقا > انقا، و الامساك > انساك ، حرف الميم ماقدر انطقو وفيه حروف مايمديني انطقها من كتر ما الوجه منفخ والشفايف منمله
بس اهم شي اهلي حبوو صوتي ولغتي الغير مفهومه بس يفهمو عليا ويعاملوني كني بزر توه يتكلم بالذبط :wqedqw:
قعدت ٣ ايام بالمستشفى استنى اليوم الي حتطلع فيه
ما كنت مرتاحه والابر و المسكنات ما كانت تسويلي شي
في اليوم الثاني كنت افضل من اليوم الاول الحمدلله
وجا دكتور بدر يتطمن وبرضو قال وجهك حينتفخ بكرة اكثر وانا اقوله ماحينتفخ وانا مؤمنه بربي وبقدرته والحمدلله ما انتفخ اكتر وصار الانتفاخ يخف يوم عن يوم بفضل الله
وفي نهايه اليوم الثاني شالولي القسطره وصرت امشي عشان احرك الدورة الدمويه واتنشط وكنت مو طايقه نفسي ابغى اترووووش :eh_s(11): ومصدعه ومتألمة والامساك ذابحني وقاعدا اقول لامي روشيني يمكن اتحسن وهي خايفه عليا لانو كان توازني مو تمام لازم امشي وهي جمبي او امسك بالاشياء لين اوصل الحمام ، فقالتلي اشوف بكره يمكن اروشك وعاد ما نمت طول الليل استنى الترويشه
جا اليوم الثالث بدو يعطوني ادويه حبوب بلع عشان اتعود عليها واطلع من المستشفى كنت اطحنها واحطها مع عصير واشربها بالابره ، كان طعمهاا مٌرر
واتروشت واهديت وقدرت انام شوي الحمدلله
وكذا ع المغرب جاه الدكتور بدر وتطمن علي وسوالي اجراءات الخروووووووج :eh_s(9):
ورجعت بيتي الحمدلله بالسلامة ، واحس مارست حياتي الطبيعيه ، بس كنت عايشه على المسكنات كل ٤ ساعات
كان يجيني الم بمفصل الفك مرررا مؤلم ومايخليني انام ،
وقال دكتور بدر هذا بسبب انو المفصل مشدود ومع الايام حيروح ، وكان وجهي حار وكنت شغاله على الكمادات البارده ماوقفتها ابدا لين راح الانتفاخ مع انو دا غلط الدكتور قال الكمادات تنحط في الايام الاولى بعد العمليه بس انا اتعلقت فيها شسوي
والالم الي يجيني بمفصل الفك اسبوعين وراح الحمدلله
والانتفاخ يوم عن يوم يخف لين ٦ شهور يروح تماما وخلال سنه حتصيري اجمل
وبالنسبه لخشمي صار جميل بعد الجراحة ومتناسق مع وجهي الحمدلله
بالنسبه للأدويه الي كنت اخذها امممممم خلااص ما ابغى اتذكرهااا :eh_s(11):بس حقولكم نصايح سويتها وحتفيدكم
اولا بالنسبه لخشمي كان يسييل دممم اول اسبوع بعدين وقف الحمدلله ، كنت كل يوم اسوي تنظيف وترطيب لخشمي
تحتاجي ( بخاخ مويا وملح /و عود أذن /و مرهم بيبانثين الوردي ) كنت انظف بعود الاذن لما ما اقدر انٌف بقوا وبعدها بعود الاذن احط المرهم ورطبي داخل انفك كامل
واستمريت على كذا لين حسيت خشمي طاب والجروح الي داخل التئمت .
ثانيا : نجي عند الاكل : فيه ملاحظة مهمه اذا انتي من النوع الي ما ياكل يعني مثلا ماتشربي حليب ماتاكلي خضار وفواكه ، لا تسوي الجراحة :eh_s(4):
لأنووو لو اهتميتي بصحتك شربتي حليب شربتي عصاير طازجة شربتي شوربه خضااار ، اعطيتي جسمك هالفتره اشياء يحتاجهااا عشان بسرعه تتشافي حتى التنمييل والكهربا كل هذا حيروح اذا انتي اهتميتي بغذائك :rerrerek:
يعني انا يارب لك الحمد والشكر الحين ما اعاني من ولا شي التنميل راح وما طول معاي والاحساس الحمدلله ماراح ابدا وهذا بفضل ربي وثقتي فيه اني حكون بخير
واهتمامي بنفسي وبغذائي كان سبب كبير اني اتحسن بسرعه ، عشان كذااا هذي النقطه اهتمي فيهااا
ثالثاً : فيه شي كنت اسويه كمان ، طول فترة ايام المسكنات كنت كل ٤ ساعات اخذ مسكن ف خطر على جسمي يتعب من المسكنات فكنت اشرب مويا دافيه واذوب فيها ملعقه عسل واشربها ، يعني لازم تحبين العسل كمان :bbbiu:
ورابعاً : بالنسبة للمسكنات الي ناسبتني
١/ سولبدين فوار ( ينأخذ كل ٤ ساعات) عند الحاجة
٢/ ڤولتارين ١٠٠ حبوب ( حبه كل ١٢ ساعه )
الڤولتارين مرا يريحني كنت اخذه قبل النوم
عشان اقدر انام وفي الصباح السولبادين كويس
وبس انا الحين لسه ماخلصت تقويم في التعليمي
يمكن كدا شهر او شهرين وافكه بإذن الله
واشكر كل الي اهتمو فيني في التعليمي
من دكتور نبيل ابو النور ودكتور تيسير غازي الحماده
ود احمد بسيوني و باقي الدكاترة ❤
ودكتور بدر الجندان كان دايما يوصيهم علي ، الله يسعده
وأخيييراً ، أقوووول لكل الي قادمين على الجراحة
ولكل الي محتارين وخايفين يسوووها
توكلو على ربكم وسووو الجراحة لانو منجد حياتكم
حتتغير للأفضل من جميع النواحي والم الجراحة يٌستحمل وتقدري عليه ، وتستاهل كل تعب والم لانو حتشوفي نتايجها بعدين ، ودكتور بدر الجندان ماحيقصر معاكم حتتطمنو كثير لما تسوو الجراحة معاه سواء بالتعليمي او في بروكير هو دكتوور كٌفؤ بعون الله ❤
اي استفسار منكم انا جاهزة للرد عليكم
واتمنالكم الخير والحظ الافضل مني ومن غيري
لكل الي قادمين للجراحة بإذن الله
