تجاربكم مع سفريات القروبات الافضل والاسوأ (ارجو التثبيت)

[ضماي هو وهناي]

هلا انا راايحه معاهم بإذن الله بالعيد لندن تاريخ 20/8

موفقه حبيبتي
لا انا ب24 /8 ان شالله

 

[سالي6]

موفقيين يارب

 

[اخت خالتهم]

رد: سفريات الوسيط ...وبئس الوسيط"

سرداب معتقل هتلر....يووه ماحب اذكره كل يومي ابقعد برا

كلش ولا الغرامه عالوردات لثلاثه المقطوعه

الله يعينكم بس بقيت اعلق
عن الوردات صح لازم ماتقطعون تخيلي حديقه بيتكم اقطع وردج بتضحكين بويهي
تصرف مو حلو نقطع الورد ونخرب طبيعتهم حتى هيالهم عمري ماشفتهم يقطعون

 

[mrs_ntfa]

لي عوده

 

[ام علاوي الالماسه]

اختى ضماي مشكوره الحين دفعنا وخلاص بجرب بس والله في ناس تذم حتى الفنادق

 

[درابيل كويتية]

أختي الكادي اعذريني توني أدش الموقع!!!!
اسم القايد بوخالد العتيج...

 

[50فلس]

منو رايحه او بتروح مع سفريات الفضاء واي رحله فيدونا الله يعطيكم الف عافيه

الفضاء من احسن وافضل السفريات بالكويت
والكل يمدح في فنادقهم والاهم مشرفين الرحلات كلهم ممتازين
انا معاهم من 6 سنوات كل سنة اروح قروبات معاهم

 

[ضماي هو وهناي]

الفضاء من احسن وافضل السفريات بالكويت
والكل يمدح في فنادقهم والاهم مشرفين الرحلات كلهم ممتازين
انا معاهم من 6 سنوات كل سنة اروح قروبات معاهم

مشكوووووووره فديت قلبج
مشكوره وااااااااااايد

 

[حبيبه ببي]

...

 

[الفجرالبعيد9]

من أفشل القربات شركة الوسيط
الله لايسامحه القائد اللي كان برحلة6/7/2012
حسبي الله عليه
غير القروب اللي معاهم يهال وأهلهم لامبالين بالمواعيد.

 

[حنانك سر حبي]

السلام عليكم
تقبل الله طاعتكم ان شالله
بالنسبه للسفريات المذكوره
انت تقصدين الديوان اللي بحولي
انا رحت معاهم لتركيا العام الماضي
ماادري مااعرف اقول زينين اولا لاني كانت المره الاولي اللي اروح جروب
ماارتحت لانهم بالمره ماعندهم برنامج مرتب وحلو
المواصلات والفنادق طيبه بس خبرتهم متواضعه بالتنسيق والترتيب
باختصار انا اعيد فكره الجروبات عادي بس بهالسفريات لا مااحس اني استفدت كسياحه ووناسه
عادي مافي شي مميزابد ابد ...
ويمكن السلبيات اللي لاحظتها كانت من المسافرين اللي معانا لانهم مو يايين للسياحه كثر ماكان هوسهم الاسواق

بالضبط والله
هم انا جذي شكلهم بس يبون سوق

 

[حنانك سر حبي]

ايجابيات القروب ان يوفر لكم مواصلات وحجوزات داخليه واللي من غير ريال معاهم يكون اامن لهم بس هذا الايجابي فيه ترا

اما سلبياته شكثر
يعتمد اول شي :على القايد مالكم اهو يخلي السفره حلوه ولا بالاحلام او يخليها سفره تعيسه
ثاني شي : الناس اللي معاج بالقروب اذا كانو ملتزمين وزينين راح تستانسين اما اذا كانو يتشرطون وكله يتاخرون او اللي يايبه كوده يهال معاها واذيه تخرب عالباجي او اللي رايحه الرحلات من قبل وماتبي تروح الحين وتخرب على الناس اللي معاها واللي تبي بس سوق حسبالها يايه بروحها ووايد مشاكل تصير بسبة الناس اللي معاج بالقروب خصوصا اللي معاهم اطفال او حريم كبار تتشرط وين بتروح.
ثالث شي : الجو هم عامل مهم بالسفره بالنسبة لي .. اذا كان الجو حار والوضع في القروب متوتر يزيد الطين بله اكثر
رابع شي : اجواء الزحمه من السياح في الدوله ..

انا انصح اللي زوجها او ابوها او وولدها او اخوها او خالها او عمها او اي ريال معاها ماله داعي القروب ابد ماتحتاجين وجود القروب .. والله السفره بروحج تستانسين اكثر تروحين وتردين وتسوينلج جدول بالاماكن اللي تبينها حتا السوق على كيفج متا تدشينه ومتا تطلعين منه شلج بالاذيه

واللي تقول تعارف يامعوده اي تعارف؟! الكل لاهي مع اهله وعياله ولا ساعات حظوظ اهي ترا ايولج بالقروب ناس غثيثين شايفين نفسهم تأكسين عالرحله واللي فيها )))))

 

[PuPa^^SWeeT]

حسبي الله علييه من قااايد



وبالعكس قدموو كلكم شكوى عليييه


و عليي السفريات



لانه اللي يدشوون قروبات يبون رفقة امنة


وين الرفقة الامنية اذا القايد نفسه مو اميين



يضيع و يلهط بالفلوووس

 

[noo7a]

بنات
اذا ابي استراليا بالصيف
القروبات متى تنزل عروضهم ؟؟؟
ومنو احسن سفريات للقروبات لاستراليا ؟؟

 

[fat]

السلام عليكم

حبيت اشارك موضوعكم وايد حلو بس ابي اقولكم عن ملاحظه صغيره انا سافرت استراليا مع قروب المستقبل والقايد كان اسمه حمد الجراح كان وايد زين

وانا قبل لا اسافر يعني يوم حجزت التذاكر كلمت القايد وقلت له عن الاماكن الي ابي اروح لها وفهمته اني ادل الديره عشان مايوديني اي مكان علبوا ان احنا غشم لا ويوم سافرت هم قعدت اقوله عن اشياء اهو ماكان يعرفها مثل بطاقه الخصم للسياح وفج حلجه واعتقد قال هذي مايات استراليا من قبل واتعرف معلومات انا ماعرفها والحمدلله كانت رحلتنا ممتعه



وهي نصيحتي بحثوا عن الديره قبل لاتسافرون عشان تصير عندكم خلفيه عنها

 

[سعاد1111]

يووووه قهرر مررة انقهرت عليكم

 

[$حبيبة عبودي$]

سفريات المستقبل حسبي الله عليهم الله لايبارك فيهم بس هوشات القائد راح وخلانا تخيلو سافر ..
وكل يوم يمشونا اي شي واحيان يقولون يوم حر اذا توهقو فينا يعني اي شي السفره معاهم اعصااااب
انصحكم تروحون بروحكم اوروبا سهله مايبلها شي ..والله انصحكم من قلبي واهم شي سياره اجرو ماتندمووووون

 

[احساس أنثى 85]

وييييه حبيبتي الله يعينج بس تظل القرووبات أرخص اذا كنتوا رايحين عايلة بس اذا انتي وزوجج لا والله أبرك لكم تروحون لحالكم
وأتمنالج سفرة أخرى سعيدة

 

[احساس أنثى 85]

اختي حبيبة عبودي انتو كنتو مسافرين الصيف اللي فات لان احنا كنا قروب مع المستقبل وقالنا قائدنا ان القروب الثاني اللي جاي قايدهم رجع الكويت وخلاهم

 

[fat]

سمعت عن سفريات الركن اليماني منو جربته ودي اروح امريكا بس ماني عارفه