تتزوجين واحد مووحلوو !!

[سنووايت__]

اذا اخلاقه ok .. وعيبه الوحيييد ( انه جيكر او متين ) ..
ارضى مو مشكله ,, لان الجمال مو كل شي ,,
الصراحه اقتنعت بالموضووع بسبت سالفه كتبتها عضوة بالمنتدى عن وحده تعرفها , تقدم لها ريال خوش واحد بس عيبه انه متين ,,
ورفضته وعقب تقدم لها واحد حلو ومهندس ومثل ما تبي ,, لكن للأسف طلـــــع ( شآذ ) والعياذ بالله !!

{ وعسى ان تكرهوا شيئا وهو خير لكم }
هذا رايي وادري قرقت واايد :$
يعطيج العافيه ..

صج مااقريت موضوعهاا حسااااافه

 

[سنووايت__]

اقبل

علشان اشوف نفسي عليه بجمالي لوول
ماحب يكون احلى مني

لاااااا من هالنااحيه اهو طاااااااير فيهااا ماشاء الله

 

[سنووايت__]

هههههههه ما اقدر اجاوب راحت عليناااااااا




بس اعرف مزاين تزوجوا بطاطه ====متااااان حدهم والبنات عصلات

ومستانسيين ؟؟؟!؟؟

 

[رزه مرتزه]

حبيبتي اهم شي الاخلااق الريال مخابر مو مناظر

واستخيري اول وتاالي

ونصيحة اخت دام الريال خووش ريال ومواصفاته حلووه ويناسبج لا تطوفينه عشان متنه او جيكر الوحده مو كل يوم اييها ريال اخلاق ومواصفاته حلوه

واستخييييييري الاستخااره ترريحج

وادعيلي فديتج

 

[طـفولية]

الشكل بالنسبة لي مهم ..
ومو عيب ان الوحدة ترفض واحد عشان شكله ..
ومو حرام ..
الوحدة تستخير ربها اول قبل ما تستشير ..
واذا حست انها مو متأقلمة مع ويهه ولا في استلطاف .. لا ما تاخذه ..
واحد بيجابلها طول عمره .. سوري يعني بيكون بينهم علاقة وعيال ..
مو شرط يكون جمييل .. بس يكون مقبول بنظرها .. مو تلوع جبدها لا شافته
يمكن هالريال بعين وحدة ثانية جميل .. وبيعنها لا
فيشترط ان يكون مقبول بعينها اهيا مو بعين الناس
اهيا تقرر
وربي يوفقها ..

 

[خليفة العظماء]

اذا كان جيكر جيكر حتي الدين يسمح للمرا تتطلق منه اذا جيكر او متين تري

اذا كان شكله مقبول مافيت اعاقه اوكي ليش لا

 

[طيش سكر]

لا متين مدري

اذا كان اخلاق اوكي

 

[طيش سكر]

اذا كان جيكر جيكر حتي الدين يسمح للمرا تتطلق منه اذا جيكر او متين تري

من صجججج ؟؟

اول مره اسمع بجذي !!

عيل وش فايدة الشوفة الشرعيه :eh_s(10):

 

[عونك يارب]

الجمآل مو جمآل الوجه
الجمآل جمآل النفسس والروح
إذا كآن جمييل وقلبه إسسسود
وإذا كآن جيييكر وكله إخلاق وذوق وإحترام ..
موفقه غلاي ..

 

[دآنة آلرشآيده]

ممممم آنآ شخصيآ مآيهني شكل الرجآل
اهم شي اخلاقهـ والرجال مايعيبهـ شئ اذا زييين
ليش لا ​

 

[سفيره الكويت]

الشكل مو كل شي ومرد الشكل الذبول مثل الورد يبقى القلب فاذا كانت اخلاقه حسنه فهو كنز لا يضيع من يد الفتاه وكم من بنت تزوجت

جميل والنتيجه ماذا يستغل جماله لاغراء الفتيات والتحدث معاهم ويمكن معاشرتهم والقصص بهذا كثيره

 

[نويّر-]

فعلا الجمال مو كل شي
اذا واحد بيحطني على راسه ويحترمني ويعرف حقوقه ويساعدني على طاعتي لربي ولوالديني ويسعدني ويخاف ربه في كل شي
والي ماتوقع شخص فيه هالمواصفات الا النادر فعساه يكون من نصيبي

 

[دروب انثى]

متين لااااااااااااااء احس روائـح واصوات وشخير ياااااع مستحيل


جيكر قبيح هم لااااااااااااااء

جيكر عادي ومتقبلته نفسياااااااااااااااااا اي

لان الجكر درجاااااااااااااات

هم ترا المزيون ما اقبله اغااااااااااااااااااار
بس مزيون عادي اي

لان الزين درجات

 

[ياغفور اغفر لي]

اقبل مافيها شي اذا هو يخاف ربه واخلاقة حلوة وكل شي اوكي اتوكل عل الله واخذه انا كل شي اتقبله الا المتن صراحة فاذا متين عادي بس لازم يسوي ريجيم ... اما الفيس مو ذات اهميه

 

[همآليل]

اطيب و احسن واحن قلب ، قلب المتين .. :eh_s:
والله والله تحطينه خاتم بَ إصبعك بكلمتين حلوين
حتى لو مو من قلبك قلتيها ..
بس قبل المتن و النحف ، . . .
آستخيييييييييييييييييييييييري .. ​

 

[Angel-Lady]

وايد بنات يقولون عن رياييلهم جميلين بس لما اتشوفينهم ما يعرفون معنى الجمال

بس الاخلاق خلت ريايلهم ملوك في الجمال

فالوحده اذا حبت الريال بيصير ملك جمال بحياتها بغض النظر عن شكله

فالاولى السؤال عنه و بعدين الاستخاره و بعدها ان شالله يكتب الي فيه الخير

 

[لورا آشلي]

اتصدقين عاد انا ممكن اقبل بجيكر

بس متين لا مااتصور وان شاء الله ياااااارب مايكون نصيبي واحد متين

 

[الـزين و الجـود]

عادي فديت اللي عندي اجكر منه مافي
والحيااه مستمره <:

 

[جنوبية وأفتخر]

أهم شي يعجبني .....

 

[Unusual]

انا مايهمني الجمال ،، بس يهمني يكون شكله مقبول ،،
لكن سالفة المتن ،، ف اذا كان حيل حيل متين ماراح اخذه ابددددد ..

لأنه مو بسهولة راح يخسر وزنه خصوصا اذا هو ماعنددده مشكله وعاجبه وضعه ..
ف من البداية ماراح اتعب نفسي مع شخص يمكن اقدر اروضه ويمكن لا ..