تتزوجين لبناني ؟؟

[ملآمح يوسفيه]

,​

لبناني ونعم فيه
يمكن في لبنانيه احسن من كويتين
بس ما نقدر وصعبه ناخذ من هذي الدول
لو خليجي قلنا ما يخالف
بس لبناني احس وايد صعبه
وحلااته تاخذين الي نفس عاداتج وتقاليدج
ونفس الاطباع
والدنيا قسمه ونصيب
,​

​

 

[MayOumii~]

..

,,

مممم عن نفسي ماراح ارضى..لان تفكيره غير وعيشته غير

بس ما يمنع انج تاخذينه اذا مرتاحتله واهم شي اذا كان مسلم ومتربي بالكويت وماخذ طبايع الكويتيين..انا رفيجتي امها لبنانية وابوها كويتية واخوها ماخذ كويتية عن حب والحين حامل عااادي ماصار شي وللحينهم يحبوون بعض ...اذا كان صج يحبج قبل الزواج هالحب ماراح يروح بعد الزواج اما اذا تسلية او حب مراهقين هذا الي بيختفي ويروح...

عالعموم استخيري ربج وادعي ان الله يرزقج الزين ويبعد الشين عنج..((=

..

,,

 

[غدووور الكويت]

حلاة الثوب رقعته منه وفيه بس هم الوحده لازم ما تستعيل ولازم تسأل زين عن خلقه ومدى التزامه لأنه هالشيين لهم دور كبير واساسي في اسقرار الزواج

 

[طير الحب]

ما اخذ مو عشان تكبر ولا شى
بس صعبه لى اخذ لنبانى

 

[PINKEIA]

آنا أحب لبنان بلد وشعب بس ما أرضى آخذ من برا ديرتي آحب زوجي يكون نفس لهجتي وعيالي نفس جنسيتي أصلا أهلي مايرضون وحتى لو خليجي ما أقبل كويتي وبس

 

[shouq_m]

بس حبيت اوضح حق البنت اللي تسال عن الهديه
لا مو انا هذي بنت خالتي
وعرسها شهر خمسه ان شاء الله
بنات اهوه ابو كويتي عايش بالكويت كل شي فيه كوووووييييتتتتيييييي
بس امه النسره شرطت على ابو لمن انفصلو انه هالولد يطلع عليها
ياخذ جنسيتها
ومسكيين والله يعور القلب لمن قالي السالفه يقول احس اني منهاااااان
وربعه مايدرون بهالسالفه
الكل عباله كويتي
انا صج محتاره مادري شسوي
والمصيبه انه الولد حيييل حساسه مره تهاوشت معا وقلتله بس مابيك
قعد يبجييي يقولي فهميني انا ابوي يصرخ علي امشي عنه
ابوي يقولي انت عديم احساس
قلبك صخر
والله مابجيت الا عشانج
ولمن مات اخوي
بنات عفيييه انا احبه بس ساعات افكر فيها اقول اهلي مستحييل يرضون
حتا ابو مايبي بدوو
يعني لا من اهلي ولا من اهله
اذا بهده شلون اهده ؟ شسوووووووووي ؟؟

 

[مقمش لولو]

فى فتره من الزمن حبيبتى تقريبا بعد الغزو مباشره لانى عشت ذيج الايام
للأسف بعض الاجانب لعبوا لعب اى والله

البنات خاصة الفلسطينيات والعراقيات لعبوا لعب فى الشباب قاموا يتزوجونهم بدون مهر بس علشان يقعدون ماينطردون

عقبها البدون يبلس هالعقال والغتره ومنشي ويركب هالسيايير الكشخه كلها اجار طبعا وباليوم يرقم هالبنات 12 13 وحده واللى تصيب معاه اى والله يحبونه ويموتون عليه واخر شي يقول لها حبيبتى انا بقول لج شي ومن هالتمثليات

عمرى حطى بالج على روحج احنا نصحناج وانتى عندج عقل انتى موياهل شنو يبجى شنو ياخذ جنسية امه شنو هالفلم العربي

ترى من هالسوالف وايد وفى قصه معروفه عن واحد هد اهله وعافهم وتزوج فلسطينيه قعد معاها بشقتهم بالسالميه الكل يعرف هالسالفه لانه ولد عايله كل بالسحور والطبوب حرموه من اهله الله يحرمهم


الحين الشباب دايرين على الكويتياتحطوا بالكم على بناتكم مدام الكويتيه يطلع لها بيت وتجنس عيالها استخفوا وصارت الكويتيه صيده سهله الله يحفظ بناتنا وبنات المسلمين

 

[ذبحني صمتي]

بدويه ولبناني

لاتصيرين انانيه فكري بأهلج والله هالشي بغثهم العمرررررررررررر كله

ولو كنا مو مقتنعين في تقاليد تحكمنا وكذاب يقولج ان مايهمني الناس ..

انتي بتعشين بين النااس وبتحسين بحجم الخطأ اللي ارتكبتيه بحق نفسسج واهلج

صدقيني لوووو انه ملاك العيب مو فيه العيب انج انتي في مجتمع وبين ناس مايقبلون

فكري الف مره ولاتضيعين عمرك

واقطعي هالعلاقه الحرام

واجلسي في بيتج واستغفري الله وبعووضك باللي احسسن


ياخذج وانتي بعزز ابوج واهلج

 

[غلا،،]

بالنسبه لي انا ماراح ارضى اخذ غير ولد ديرتي^ــ6

امممم وبالنسبه لج اذا اهلج راضين وما عندهم مانع((اهم شئ رضاهم))
ووالولد مافي شئ يعيبه وولد ناس ومسلم ليش لأ ..

بس انتي فكري اختي واستخيري ولا تستعيلين^ـ^

موفقه خير

 

[MiṦs ♥ fĩẍ]

اي ما فيهاشي ليش مو انسان

اذا خوش واحد و يناسبني ليش لأ ؟؟

بس اهم شي يكونون اهلي راضيين

 

[Flower20]

تقولين اهو كويتي بس عنده جنسية لبنانية

يعني مزدوج على قولة بعض الناااس لووووووووووول

تزوجيه عاادي شنو فيها

لوو عااادي عندنا جااان تزوجت لبناني لوووووووووووووووووووول

 

[منار البربرية]

العنوسه أبرك لها اللي ما تتزوج بالدنيا تتزوج بالآخره

 

[travel_addicted]

لا ما ارضى ابغير الكويتي مو تقليل في الجنسيات الاخرى
لكن الحياة مو بس حب لازم نفكر ابعقل باجر لي ان شاء الله لا ياج عيال ما راح ياخذون اي ميزة يتمتعون فيها الكويتيين
و بعدين اذا احنا في المجتمع الواحد العادات و التقاليد تختلف من بيت لي ثاني شلون لي صار من ديرة ثانية ؟
و هالشي راح يسبب خلافات وايد كبيرة بينكم و و خاصة باللي يخص عيالكم
و الله يوفقج ان شاء الله

 

[جروح ودموع]

حبوبه هالاجانب يدورون الزواج من الكويتي دواره وتشوفينهم يستذبحون على الكويتي وانتي تبين لبناني لا اختي نصيحه لا تغلطين غلطة العمر والله لو تقعدين عانس بعز اهلج ابرك لج

 

[Cander]

والله في لبنانيين ما ينقال لهم لا

خصوصا لما يقو تؤبريني لوووووووووووووووول

 

[amoona89]

مااالج الا الكوويتي لوو مهمااا يصير
ع الاقل العاادات والتقااليد متفااهمين
بعكس يوم يجيج من دووله عربيه فيه شغلات تقولينها ماراح يفهم عليج
وبعدين الموضوووع محسووم ومرفووض من اهلج واهله فلا تتعبين نفسج وتخسرين اهلج​

 

[هنووفوو]

وااااي لوشنو ما اخذ واحد موكويتي
شذنب عيالي تطلع جنسيتهم لبنانيه
حمدالله اني كويتيه
والكل حاسدنا لان كويتيين او يموتون بس عشان ياخذون الجنسيه

 

[مجنونة حبه]

ااذا امه معطيت له جنسيه اللبنانيه خل يعيش لبنان احسن
اهني صعبه عليه وايد وابوه وينه وليش مادافع عن ولده وعطاه الكويتيه وماله شغل فيها
يضيع مستقبل الولد علشان امه وعنادها حرام

انا امي لبنانيه وبعد زواج من ابوي دام ٢٥ سنه وبعد تحديدا ماخذت الجنسيه الكويتيه
طلبت طلاق ابوي ماطلقها
راحت وتبلت فيه علشان يطلقها وطلقها من بعد محاكم ومشاكل وااايد

ولما يو ناس يخطبوني اهي كانت ترفض من غير سبب وتسبب مشاكل علشان لايتم
بس الله فوق ونصيب يالي واحد حترم وكويتي وولد ناس ابوي وافق بس اهي عندت ورفضت وماتبي وابوي ما اهتم لها
سوت مشاكل من غير سبب مع اهل زوجي وغير العرس ماحضرت
بس الحمدالله تم كل شي وعديت هالمشاكل وتخطيتها رغم النفسيتي كانت تعبانه لان ماادري شلي غيرها وشنو صار وليش امي الحنونه اقلبت الي عمري مازعلتها ولا ضايقتها بكلمه

سالت ابوي وقالي ان امي كانت ماتبي اتزوجني كويتي تبي تزوجني لبناني وواحد من اهلها
اخخخ علشان عناد على ابوي وتبي تنتقم منه تبي تزوجني بلبناني
تضايقت حيل بس قلت خلاص يمكن بعد زواجي اطخ وترضى عني طلع العكس
اتزيد من مشاكلي ولاهامها سعادتي اتقولي اطلقي منه وارضى عنج

ولما رفضت قالت ماتبيني ولا تبي تشوفني

والحين عايشه والحمدالله مع ان مرات اتمر ببالي ومرات اكون محتاجتها بس تصرفاتها تبين ان كانت تعيش معانا علشان بس جنسيه ولما خذتها باعت كل شي ونستنا ولا هامها شي الا وناستها وسفراتها

والحين ٥ سنين وماشفتها
سوري طولت عليكم وكتبت قصه حياتي
بس ابي اوضحلها شغله والله والله من غير ديرتج لا تاخذينه عيشي مرتاحه
باجر لي تزوجتوا فكري بعيالج فكري فيهم شنو يقولون عنهم شلون حقوقهم تمشي
باجر انتي وريلج اكيد بتصير بيناتكم مشاكل واكيد راح يتحسس من جنسيته ويحس ان اقل منج
اذا ابوه كويتي خل ياخذ الجنسيه لا تضيع مستقبله علشان مشاكل بين امه وابوه حرام اليهال يضيعون بينهم

وانتي فكري عدل فكري بعقلج مو بقلبج ترا الحياه معاه مو يوم ولا يومين حياه معاه سنين

والله يوفقج واهم شي اهلج

 

[" ام حمود "]

لاا اكيد مآآرضى لازم كويتيء والحمدالله ريليء كويتيء ..
وبعدين اذا خذيت مو كويتيء بالمستقبل عيالي مو كويتين والمعيشه الحين صعبه
ومصروف ومعاشه مو مثل معاش الكويتي واهله غير عنى مونفسناا
اخذ كويتيء من ديرتي احسسن ..

 

[شوشو الشقيه]

يسلمو
اختي صعبه
بصراحه
مو عن شيء