اختي يقول المثل اسال مجرب ولا تسال طبيب..
وانا مجربه وعندي الحل المثالي..
وانا مجربه وعندي الحل المثالي..
لشعر بلا تساقط نهائيا. ولشعر جديد ..
اولا لازم تستخدمين حبوب بنتوجار الالمانيه 3 مرات باليوم مع كل وجبه لمدة 6 اشهر .. لازالة التساقط نهائيا وهالحبوب مخصصه لتساقط الشعر الغزير الوراثي والغير معروف السبب ..
استخدمي تونيك كامينوموتو لانبات الشعر بشكل يومي مرتين باليوم لمدة 3 اشهر ..
مع استخدام ما سك التكثيف مرتين بالاسبوع واللي هو عباره عن (ملعقه كبيره سدر مطحون اصلي ومضمون المصدر +ملعقه كبيره ثوم مطحون+ملعقه كبيره نوه تمر محموسه لين يصير لونها فحم ومطحونه+ملعقة كبيره قهوة محموسه ومطحونه+نص فنجان زيت خروع+|نص فنجان زيت سمسم +نص فنجان زيت ثوم)تخلطين هالخلطه على النار حتى تكون لزجه شوي تتركينها تبرد ثم تسخنينها عبر حمام مائي ساخن وتستخدمينها .. لمدة اربع ساعات..
وللامانه هالخلطه منقوله من العضوة انجل كات ..
وللعنايه الفعليه لازم تشربين يوميا 8 اكواب ماي مع كل كوب ملعقة ماي ورد..
وغسلي شعرج بشامبو سيباميد لتساقط الشعر وخففيه شووووية ماي ورد واتبعي التعليمات المكتوبه عليه تلاقينه بالصيدليه والجمعيات الكبيره..
وبالشطفه الاخيره شطفي شعرج بلتر ماي صحه مخلوط معاه قفشتين خل تفاح اصلي ..لان ماي الحنفيات كله كلور ومواد تطيح شعرج وتدمره ..
واذا بغيتي تنشفين شعرج رجااااااااااء حار لا توجهين حرارة الاستشوار على فروة راسج نهائيا علشان ما تتندمين بالمستقبل ..
استمري ع هالكورس 6 اشهر اذا مو سنه..
وراح تشوفين نتيجه مبهره لان اي شي سواء طبي او من العطار لانبات الشعر او تكثيفه ما تكتمل نتيجه الا بعد مرور 6 اشهر الى سنه .. لان هذي اهي فتره اكتمال دورة نمو الشعر ..
ا
تنويه هام جدا:
قبل لا تبدين اي شي لازم تتاكدين من سلامتج داخليا من اي مسببات لحالتج هذي انصحج تسوين تحليل اسمه تحليل الشعره عند مستشفى الصباح وسوي بعد تحليل غده وهرمونات ..
ومن الحين اقولج الاستمراريه والصبر اهم من اي علاج تاخذينه والايمان بالله فوقهم كلهم .. ارقي شعرج واكثري الاستغفار والله انشالله يحققلج مرادج..
ادعيلي الله يريح بالي ويسعدني..
