تاكد احساسي وزوجي يخوني

[بزه المرتزه]

:eh_s(16):بنات شلونكم
ابيكم تساعدوني باللي انا فيه :eh_s(2):
من قبل جم يوم زوجي واااااااااااااااايد متغير علي
مادري شفيه
وعيزت اساله شفيك يقولي مشغول
صفين النيه وقلت يمكن فعلا مشغول ومابي اضغط عليه
عقبها قام يقل اهتمامه!!
عاد انا هالشي شككني زود!
اهو نوعه على طول يدقدق ويسال عني
ماقام يدق ولا حتى يدري شسويت و وين رحت!
وطبعا هالشي مو عادته!!
اهني بديت اشك!
قمت ادش على الواتس اب اشوفه 24 ساعه شابك!
اهو اول مايدري عنه
نقزني قلبي واحتريت و قمت ابجي جني جاكته!
المهم اليوم قمت من النوم رحت بطلت تلفونه
مع اني ما احب ولا اايد ان المرا تعبث بتلفون ريلها
بس كنت ابي شي يريحني واني ما القى شي عشان ارتاح وتروح مني الشكوك الي ذبحتني!
والا القى رقم بدون اسم دشيت والا كاتبه شسويت!!
انا اهني تاكدت وعرفت ان الموضوع فيه شي
والحين انا متاكده مليووووووووون بالميه انها بنت
الحين المشكله شسوي!
شنو الحل؟
شلون اتصرف؟؟!!
انا من قبل كنت هم جاكته ولما واجهته قلب السالفه علي واني شلون اتعبث بتلفونه
وانقلبت السالفه علي وبدال لا انا ازعل اهو الي زعل
هالمره ودي اتصرف بحكمه ومابي يمسك اي شي ضدي
بس انا الحين محتره وماني قادره افكر صح!
شسوي؟
رقم البنت عندي وودي اطلع منو باسمه بس عقبها شلون اتصرف!!
ساعدوني يا بنات الله يخليكم
انتو خواتي وابي نصيحتكم

 

[ms mooka]

اختي حبيبتي

سمعيني اول شيء لازم تواجهينه بس مو اشكره

خن اقولج انتي هدي بس وتعوذي من ابليس

إذا طلع بعد. ساعه نص ساعه دزيله مسج حبيبي او بعد عمري او ياقلبي ولهت عليك. او ابيك ضروري ترجع محتاجتلك
من. هالحجي.

وخلي كلامج كله حلو.

او قبل لا يطلع قوليله بخاطري نروح المكان الفلاني او المطعم الفلاني

وبعدين. إذا. طلعتي معاه ووصلتو حاجيه قوليله حبيبي تغيرت علي كنت شيء وصرت شيء ثاني
قوليله. شنو الاسباب وشنو الشغل اللي يخليه يتغير
وحاولي كثر ماتقدرين تبررين شغله واي شيء يقوله قولي لا ما اقتنعت انه عذر. او هذا اهم مني ! من هالحجي خل يحس شوي

مو تقطينها اشكره بس ريلج يبين لعوب

الله يكون بعونج.

 

[iLLuMinaTion]

الله يعينج

 

[ليمونة وزيتونه]

اب اب

 

[دنيا جديدة]

الله يعينج ...
صلي ركعتين وادعي الله ان يصرفها عنه
والله ينزل الى السماء الدنيا كل ليله هل من سال فأعطية تحري هاذي الساعه
.. صعبة تواجهينه اول بينكر ثاني شي بتفتحين باب للمشاككل

 

[دنيا جديدة]

شوفي هالموضوع
الاستغفار جعلني اسعد امراة في الكون - منتديات عالم حواء

 

[دهورتني يازين]

اب اب اب اب اب

 

[brettey]

وله عين يزعل ويقلب الموضوع عليج ؟
ليكون راضيتيه
حبيبتي اتصلي عالرقم وان طلعت وحده شرشحيها وقولي لها ان قربتي صوب ريلي ايي افضحج عند اهلج
وان يالج وعصب وقفيه عند حده واتخذي موقف حسسيه بغلطته وان خيانته لج مو شي هين وهدديه بالفضيحه
لاتصيرين سلبيه
وقفيه عند حده انتي الي تزعلين مو اهو وقولي له كما تدين تدان انت ترضى اخونك ؟

 

[Young Mama]

الله يهدي قلبج
اول شي ترى مو دليل كلمة شسويت
يعني اقري المحادثة كلها
سويلها كابتر و دزيها حق نفسج و مسحيها جنه مو دازتها حق نفسج
تأكدي من صاحب الرقم و لما تتوقعون ١٠٠٠٠٠٠٠٠٠٠٪ انها بنت
حاولي توصلين حق أبوها
و دقي عليه و واعدينه ان شالله عند الفرع و قوليله كل السالفة و قوليله أنا ييتك لأني مابي اشهر ببنتك و ترى اقدر
ما أبيها تخرب حياتي
وخرها عني
و يا دار ما دخلك شر
و دائماً على غشمرة قولي شوف اذا بتحاجي بنات حتى أنا بحاجي شباب
و اذا بتتزوج علي أنا بتزوج غيرك
خل يحس انج مو هينة
و حاولي تحتوينه
و بكل سجدة ادعي يا رب اعمي عيون ريلي عن البنات و اعمي عيونهم عنه

 

[ليه الجفآ]

الله يهدي قلبج
اول شي ترى مو دليل كلمة شسويت
يعني اقري المحادثة كلها
سويلها كابتر و دزيها حق نفسج و مسحيها جنه مو دازتها حق نفسج
تأكدي من صاحب الرقم و لما تتوقعون ١٠٠٠٠٠٠٠٠٠٠٪ انها بنت
حاولي توصلين حق أبوها
و دقي عليه و واعدينه ان شالله عند الفرع و قوليله كل السالفة و قوليله أنا ييتك لأني مابي اشهر ببنتك و ترى اقدر
ما أبيها تخرب حياتي
وخرها عني
و يا دار ما دخلك شر
و دائماً على غشمرة قولي شوف اذا بتحاجي بنات حتى أنا بحاجي شباب
و اذا بتتزوج علي أنا بتزوج غيرك
خل يحس انج مو هينة
و حاولي تحتوينه
و بكل سجدة ادعي يا رب اعمي عيون ريلي عن البنات و اعمي عيونهم عنه

اي والله معاها مليون بالميه

اول شي تاكدي لانه مو شرط كلمت شسويت تكون من بنت مو دليل كلش

الله يعينج

 

[هذا مزاجي]

الله يسخرررررره لج

 

[Gifts&Occaions]

الله يعينج

 

[Reelax]

الله يعينج .. ماادري شقوولج لاني نفس حالتج
وكل واحد هاجر الثاني وعلى وشك الطلاق الله يفرجها بس

 

[يـاكـرهـي $:]

الله يعينج يارب .. نصيححه كلش لا تحسسينه انج جاكته نوعية رجلج صعبه يقلب السالفه عليج وتكبر !
وبعدين مو دليل كافي .. شسويت تطلع بنت !!
حاولي تاكدين واذا تاكدتي انها بنت ووقفيها عند حدهاا بدون رجلج يحسس .. والله يهديكم يارب @@!

 

[امـ خــزامـى]

تاكدي بالاول حبيبتي
اتصلي وشوفي الرقم وعندك وش تنتظررررررررررررررين ؟

 

[رنيم القلب]

اول شي لاازم تتاكدين انها بنت واذا عرفتي انها بنت لاتسكتيله بس لازم تدقين عليها وتلعنين خير خيرهاا لاتسكتيلها اليوم يكلم بنت باجر يدخلها عليج ابيتج /والله يابناات ان اعرف وحده تدري ان زوجها يخونهااا وتسكت وتقول باجر بيتعدل واخرها قامت تاخذه حبيبته من جدام بابه على سيارتها واخر شي الناس دروا والسالفة اوصلت للدواوين والكل يقول ان الخبال من زوجته اهي اللي ماوقفته عند حده صج انها خبله وتستاهل اللي يسويه فيها ترا الناس ماتعذر واحرصي على زوجج ووقفيه عند حده وقوليله رجاء الوصاخه ماتدش بيتي وتخرب بيتي وانا ماني مقصره معاك بشي شنو اللي انت محتاجه وماسويته لك وترا كما تدين تدان ترا باجر بتشوفها بزوجتك و بنتك وباختك خل الله يستر علينا لا الله يبلانا من فعايلك ودقي على راعية الرقم جدامه وزفيها زف وهدديها قولي والله اذا شفت رقمج والله لودي رقمج للمباحث ويطلعولي وين مكانج بسهوله واجرج من شعرج واخلي فضيحتج على كل السان ولاتخافين منه ترا الرياجيل ماينفع معاهم الطيب مهما سويتي ولاتسكتيله بعدين يعرف انج مسكينه ولا يخاف منج ويخلي سوالفه علني انتي لازم اتحطين حد للسالفه قبل لاينهدم بيتج من بنات الحرام

 

[صدى الوحدانية]

لححححظة
في برنااااامج بالبي بي او الايفون اسسسسسمه نمبر بوك
حطي الرقم وشوفي شنو مكتوووب الاسم
رااااح تعرفين بنت ولا ولد
و بعدين اذا طلعت بنت اخذي فون زوجج ودقي عليها من فون زوجج واهو مايدري
زفيهااا وقوليلها انج زوجته وابتعدي عنه
واسكتي لاتجيبين طاري الموضوع عن زوجج بالعكس راح يشيلج فوق راسه ومارااااح يتجرأ يجيب طاريها
و يبعد عنهم ان شاءالله​

 

[Miss Eteket]

^^

صصح معااها تأكدي آنهآ بنت بالأوول

 

[((shoOoshoOo))]

تاكدي اول شي انها بنت وعقب دقي عليها وشرشحيها يمكن ماتدري ريلج متزوج وتفج عنه وتكرهه

 

[بزه المرتزه]

انا دقيت يا بنات وتاكدت انها بنت (من قرادة حظي)
بس رديت ثاني يوم جيكت تلفونه والمسج نفسه موجود وهو مو راد!!
بس الي مشككني ان صاير 24 ساعه اون لاين بالواتس اب!!!
وساعات بنفس الوقت القاها اهي بعد اون لاين ولما يطلع من الواتس اب اهي تطلع!!!!!
والله قلبي يعورني والشك ذبحني وماعندي اي دليل عليه حتى لو بكلمه او اواجهه!
حتى اهي ماعندي دليل عليها الا هالمسج
بس انا من كثر ماجابلت الواتس اب قاعده اجيك عليهم
وهالشي شككني زود
وريلي هاليومين حاس فيني يقولي شفيج متغيره وليش كله ضايق خلقج! فيه شي صاير
اقوله لا مامو بس هاليومين مقموته شوي وصداع
يقولي انتي فيج شي واذا ماتبين تقولين كيفج
ومد بوزه ونام
وتصدقون امس الفجر قايم للصلاة لقيته ماخذ تلفونه ودش الحمام @@
دشيت الواتس اب ولقيته اون لاين!!!!!!!
جيكت عليها والا مو داشه الواتس اب!!
والله يابنات الشك ذبحني مادري شسوي
نفسيتي وااااااايد تعبانه وضغطي مرتفع
ومو بيدي ولا شي
وساعات افكر اقول يمكن شكي مو بمحله ةالشيطان يوسوسني
بس لما اشوف تصرفاته اشك زود!
والمشكله اني ما اقدر امسك تلفونه
عنده تلفونه منطقه محظورة
وما قاعد تحصلي فرصه اني اتعبث على راحتي
فمادري شسوي والله تعبت