عشقي طفولتي
New member
- إنضم
- 18 فبراير 2009
- المشاركات
- 142
- مستوى التفاعل
- 0
- النقاط
- 0
السلام عليكم ورحمة الله ... نورتوا يا بعد جبدي..
هالاكله بيتزا صحيح بش كل وطعم غييييييييييير وتنفع للفطور او خفايف او لرمضان تقبلون عليه بالخير ان شاء الله ..
انا اخذتها من بنت خالي جزاها الله العافيه .. والله انها اخف من البيتزا العاديه .. واخواني لم اسويها يقرضوها قرض ..
مره سويتها لخطيبي ياخذها المجلس معاه .. خشيتها عنهم خخخ .. وراح منها كم وحده .. >> محد سوى بيتزا غيرج !!
المهم .. نخش عالصور والطريقه على طول
رولز البيتزا او سينابون البيتزا
بدون خطوات لكن اسمحوا لي انا ما احب اصور واجد خصوصا ويا العجين حرب هه
ماشاء الله تبارك الله ...
::
::
المقادير والطريقه :-
المقادير بكوب الشاي :nbptr: العادي مو تستخدمي صغير لا اللي يطبعون عليه ويفنتقون وهالشغلات عرفتوه ؟
2 كوب طحين لكل كوب ملعقة سكر وملعقة حليب بودره .. يعني >> 2 قفشة سكر + 2 قفشة حليب بودره
ملعقة خميره فوريه
ربع كوب زيت ( كوب قياس المقدار )
كوب ماء من الحنفيه
رشة ملح ...
نعجن المقادير وتخمر من ساعة لساعة ونصف انا نسيتها هالمره ساعتين بس هم تمام طلعت بس العجين عموما مو حلو يتخمر واجد لانه في الخبز يهبط
ولنجاح العجينه عدة امور :
1- كل المكونات تكون بحرارة الغرفه
2- يصب الماء تدريجيا لحين اكتفاء العجين منه ولا يتم وضع الكوب في مرة واحدة بيحيث يختلف نوع الطحين
3- تعجن العجينه لمدة طويلة
::
::
المهم نجي للحشو :
1-( الصوص)
نفرم بصلة صغيره ناعم مره ونذبلها بزيت زيتون ونبشر لها 4 طماطم وسط ونرش كمون وفلفل اسود وفلفل ابيض وملح ونخليها تتسبك عالنار لين تخف ماي الطماطم.. وترى ريحة الكمون يمكن مو حلوه بس تطلع نكهه للبيتزا مره روعه .. >> نصيحه سويها قبل لا يجي ابو الشباب حتى لو بردت عادي لا يقول ان الريحه منك ما تحممتي خخخخ
2- ( الحشو)
فليفه مفرمه ناعمه + زيتون اسود ناعم ..
الطريقه
بعد ما تخمر العجين نفردها بشكل مستطيل ونحشيها بالصوص وننثر فوقه الحشو ونلفها ونقطعها بنفس طريقة السينابون .. ثم تصف في صينيه مرشوشة بطحين
ثم تخمر 10 دقايق قبل دخولها لفرن مفتوح مسبقا ..
بس تتحمر طلعيها من الفرن
وبعد خروجها مباشرة تدهن بجبنه سائله وتزين اما بحلقات الفلفل الحر او شرائح الفليفله او حلقات الزيتون ..
