بنتي عمرها سنتين,, التعامل معاها صعععععب.. محتاجة نصيحتكم :(

[Lulu_Perla]

السلام عليكم


*

بنتي عمرها سنتين و 3 اشهر,,,
هي البجر و المدلعه في البيت.. سواء عند حمولتي ولا عند اهلي

و ابوها مو مقصر بالدلع
عنده شي كبير ان بنته تبجي..!! حتى لو كانت غلطانة بس المهم ما تبجي..!!
غالية دموعها عليه عشششششتوا :eh_s(4):

المهم..
اعاني معاها من وايد شغلات

اول شي الكلام
بنتي ما تتكلم وايد
و اذا تكلمت ليلحين كلامها مو واضح
ساعات ما افهم لها شنو تبي
مادري الغلط انها بحضانة اجنبية..؟؟! او انها مجابلتلي قناة ديزني جونيور و تطالع حبيبها ميكي ماوس طبعا هالقناة كلها انقلش..

والله مو مدخلتها حضانة اجنبية عشان شي.. بس لانها قريبة من البيت و عندي مشكلة مواصلات..
و انا بالبيت احرص اكلمها عربي

ماحب اكلمها بالانقلش جنها بنت الخدامة.. ارفض هالشي الا بالشغلات التعليمية يعني قاعدة اعلمها مثلا انه هذا عصير.. juice .. و هي متعودة بالمدرسة يكلمونها بالانقلش فاحاول اعلمها ان هذا juice يعني عصير..
و متعلمتلي كلمة wash
فجأة تييني تقولي ماما wash .. تكون موصخة ايدها اقولها حبيبتي يالله نسوي wash و نغسل ايدنا..
يعني احاول افهمها ان هالكلمة معناها جذي.. و هكذا
مادري اذا طريقتي صح ولا لا..
بس عندي قناعه.. كلامنا عربي تتكلم عربي.. الانقلش لغة ثانية نتعلمها و نستخدمها عند الحاجة بس مو لغتنا الاساسية

مادري شلون افك عقدة لسانها.. مضايقني انها ما تتكلم و اليهال عند حمولتي بعمرها و اصغر ماشالله عليهم يتكلمون و يسبون بعد ههههههه :eh_s(1):


*

ثاني شي العناد و العصبية
ما تتفاهم
اذا قالت تبي الشي تبيه ولازم تنفذون طلبها ولا بتطيح عالارض و تزعل
مثلا.. تبي تاكل كاكاو قبل لا تنام..
قلت لها لا و قامت تبجي

طريقتي للتعامل مع الموضوع.. اتجاهلها و احاول اكلمها بشي ثاني عشان تلهى و احاول افهمها ما يصير كلينا و اشغل التلفزيون على قناتها المفضلة
بس كاكاو عقب ما تجهزنا للنوم ممنوووووووووووووووع

ابوها..
ايي على صراخها يفتح الدرج و يعطيها كاكاو و انتهينا..!!!

طبعا ابوها قفل نوعا ما ..
ماني عارفة افهمه و ابينله ان تصرفه مو قاعد يعالج الموضوع و انه قاعد يخرب البنت بهالسوالف ..


*
و مشكلتي الكبيرة معااااها و اكره شي يصير كل يوم
ماتبي تدش تغسل او تبدل
كل مرة ندش نغير بامبرز او نستخدم الحمام .. ( انا الحين قاعدة احاول اعلمها تستخدم الحمام مكرمين و نقط البامبرز ) او نغسل اسنانا لااااااااااااازم صراااااخ و صيااااااااااح
معاي او مع الخادمة
لاااازم الصياااااح
جنه احد قاعد يطقها
مع ان نساحل و نفهم و اكلمها و اشجعها تروح
اقولها يالله عشان تصيرين حلوة و نظيفة و اذا يت عقب التبديل نظيفة و مرتبة و الدموع ترس الويه
المها و استانس و اقولها الله بنتي صارت نظيفة و احبها و اشمها و اقول الله ريحتج حلللللوة بنتي حلوة غسلت و صارت نظيفة و ريحتها حلوة..
بس ماكو فايدة هالتصرف يتكررررر كل يوووووووووم و كل وقت ندش فيه نغسل


راقبت تصرف خدامتي معاها
مافيه شي ولا قاعدة تعورها ولا شي
و حتى لما انا اغيرلها نفس الشي.. بس هالفترة ليش اني حامل و ثقلت قمت ماقدر اخذ مكان الخدامة فلازم الخادمة هي الي تغسلها

و الخادمة و الظليمة شينة كل ما بنتي بجت تخترع و تحاول بس تسكتها و تساحلها
ساعات اكون واقفة ورا باب الحمام مكرمين اشوف الخدامة شتسوي
و صج مو قاعدة تسوي شي و مو قاعدة تعورها انا متأكدة من هالشي بس بنتي عياااااارة
لا صارت الخدامة تغيرلها تبيني انا


مااااني عارفة شلون اتعامل معاها
و شنو افضل طريقة اخليها تهدى
و اعودها تستخدم الحمام
و تتكلم
و ما تعاند

التعامل معاها صعععععب
:krkrkr:
احسها مو بعمر انها تفهم العقاب و بنفس الوقت تفهم و تعرف شلون تاخذ اللي تبيه

محيرتني هالبنت
ياليت تساعدوني
ودي ب super nany تيي و تعدل بنتي

 

[attoosh]

بنتج اللي مخرب عليها الدلع بس صدقيني صايره مركز اهتمام الكل وابوها الله يهديه ما اصير يكسر كلامج جدامها لازم بينج وبينه تتفقون مو جدامها ولازم وانتي رايحه الحمام مثلا تغنون مثل بناتي مثلا توام بعمرها مالفتلهماغنيه حق الحمام اقواهم ( يالله شور شور شور وناسه ) زجذيه فيستانسون وصيري جاده معاها احيانا واحيانا دله مو دايما ادلعون ديربالج من هل النقطه والله يعينج شكل بنتج على هل الدلع ما راح تتقبل اخوها اللي بالطريج فبلشي معاها من الحين ، وعلى الكلام الانجليزي بنظري مافيها شي خليها تتعلم بالعكس وعززي هل شي اكثر العربي لاحقه عليه مصيرها بتختمه بس الانجليزي اهو الاهم

 

[Lulu_Perla]

حبيبتي
مشكورة عالنصيحة

ابوها الله يهديه جم مرة افهمه الموضوع و اكلمه على جنب
ماكو فايدة
بس لازم لي قعدة جد معاه
موزين عالبنت جذي

و بحاول اسويلها مثلج نألف اغنية عشان تروح الحمام و هي مستانسة عالاقل

اما عالغيرة الله يعيييييييييين صج احاتي هالشي
مشكووووووورة يا قلبي و ماقصرتي

 

[همي رضى خالقي]

احسها ليلحين صغيره

انا بنتي دلوعه بعد ودعله اذا خذينا شي من ايدها بجي ومناحه وتطق بعد

وماترضى امشطها ولا اقرض اظافرها
وسالفه تبديل الملابس جنه احد ثاعد يذبحها ههههه بجي لويه


خل تكبر شوي والحلو انج مدخلتها حضانه تعدل سلوكها شوي

 

[همي رضى خالقي]

احسها ليلحين صغيره

انا بنتي دلوعه بعد ودعله اذا خذينا شي من ايدها بجي ومناحه وتطق بعد

وماترضى امشطها ولا اقرض اظافرها
وسالفه تبديل الملابس جنه احد ثاعد يذبحها ههههه بجي لويه


خل تكبر شوي والحلو انج مدخلتها حضانه تعدل سلوكها شوي

 

[مسـك]

لولو


وربي نفس معاناتي تعبت نفسيتي ولما اقول لاحد يضحك علي للعلم شخصيتي قويه بس قاعد امسك اعصابي قد مالقدر واتعامل معاها بالتفاهم


بس عنيده بشكل مو طبيعي ومستحيل تعطي نفسها مجال انها تسمع على طول تبي تنفذ اللي براسها والا صياحها يشيل البيت


وهي مدلعه من ابوها حيييييييل وانا تعبت


والتبديل والبامبرز لازم اكون معاها والخدامه تبدل ومع ذلك صياح

 

[Lulu_Perla]

همي رضى خالقي
حبيبتي.. سالفة الاظافر عندنا و عندج خيررررر
اسم الله عليهم يشلعون القلب

فعلا الحضانة غيرتها شوي
بس مشكلة البجي و الصياح كل صبح مو راضية تتعدل
اليوم الصبح بغى يحوشني انهياااار عصبي
قفلت على روحي الدار و خليتها تبجي بالصالة
مو متحملة اسمع صياح

 

[Lulu_Perla]

مسك

ويييي
الله يكون بالعوووون
اي و الله انا بعد شخصيتي قوية و كلمتي وحدة و ماحب الدلع الزايد
بالكويتي يعني ماعندي كيري ميري

بس دايما اخاف اني اتصرف بطريقة معينة و هالطريقة تأثر سلبيا عالبنت
ابي احاول اوصل لطريقة تعامل مريحة و سهلة معاها
مووو قادرة

 

[لذه السكر]

والله جنج تتكلمين عن ولدي نفس العمر

توه اشكي لاختي قتلها تعالي اليوم اخذيني قبل لا انحاش من البييييت :eh_s(11)::eh_s(11):

بالنسبه للانجليزي

طريقتج اتوقع صح مثلي مع ولدي اقول الكلمه مرتين عربي وانجليزي مشالله في شغلات يعرفهم باللغتين وفي شغلات لا وهم شريتله كتاب في كل الاشياء مكتوبه بالعربي والانجليزي اخليه يقولي شنو اصححله الاخطاء

الحمام

تكرمين بدليها على طوووول عشان من تنترس شوي تتضايق
ودخلي العابها معاها الحمام وسولفي معاها
احتمال الماي بارد او حار او الخدامه ايدها خشنه او دفشه

ولابد من العساره والبجي والعناد :eh_s(4)::eh_s(4):

 

[ملح الكون]

الله يعينج .. بنتج مدلعه والسبب ابوها وانتي ... انا بنتي مدلعه بس لا عصبت عليها قلت لها لا لا ابوها مرات يعفس الدنيا بس تسمع كلامي .. اول شي قللي من القناه اللي اتابعها يعني ساعه ولا ساعتين وخليها تنزل تحت اذا كنتي عند حمولتج تشوف الصغار وتخلطهم وتتكلم .. واقعدي معاها اشتري قصص اللي فيها حيوانات وكلميها مام شوفي اسد شسمه اسد وهكذا وترى الصغار ماشاء الله يحفظون بسرعه ..وسالفه التغيير بنتي كانت نفس بنتج كنت اوديها انا اغير لها عادي بس جبت خدامه وخليتها تغيير لها وبايب الماي اللي بالحمام نكسر او انفجر طلع صوت توشششش ههههه ومن يومها الله وكيلج بس تدخل الحمام تبجي وان قلت بس حمام مناحه .. كسرنا الخوف شريت لها حوض صغير على قد الحمام وحطيته وعبيته العاب وحطيت لي كرسي ووغمسج رجول بالكرسي وقامت تناديني ولا قلت لها تعالي قالت مام وينج قلت انا العب بالحمام انصدمت .. مام حمام تبجي دزت الباب مال الحمام قالت العاب قلت اي العاب واطربش بالماي قالت بقعد معاج فصخت ملابسها وقعدت.. وفتحت الماي حيييل طلع له صوت وفزت انا متعمده قلت لها ماي ماما شوفي ماكو شي واخليها تمسك الهوز ورشت علي ولعبت فيه .. الحين الحمدالله يمكن بنتج مخترعه .. وحاولي تعرفين شنو مخرعها .. والكاكاو انا بنتي ابوها كل مايرد من الدوام معاه كاكاو لها مرره مرتين وصرت ازفها اخذ الكييس من ابوها واقول لها ااكلي غدا واعطيج الكاكاو اول شي بجت وابوها عطيها جاهل قلت جاهل لاصار فيها سكر ماراح تنفعي الجاهل سكت ههههه الكاكاو صار شي رسمي بعد الغدا ساعه .. وع العناد اذا طلبت شي ومارضيت لا تعطينها لو تموت بجي مره مرتين تستوعب كلمه لا وخليها تبجي وتقط عمرها وتسوي اللي تبي بس خليج صارمه ..

حاولي برجلج ان البنت ابي اشد عليها شوي عنيده وان شاء الله ماراح يدخل وبتعرفين تتصرفين والله يسخرها لج ويحفظها

 

[! Miss.Q8 !]

بنتج كبر بنتي ونفس المشكلة بالعناد انا احاول اطنشها وما اعطيها اللي تبيه
وتروح حق خالتي مرات وتعطيها اللي تبيه فخليت ريلي يكلم خالتي ان هالشي بيخربها ويخليها تعاندني
انا اقول لج شتسوين بالنسبه حق ريلج قعدي معاه وتكلمي وفهميه وبنتج مالج حل الا تلهينها بالكلام
او تقولين لها اعطيج ككاو باجر مثلا اذا طلبت وقت النوم

وبالنسبه حق التلفزيون مو زين تجابله وايد خصصي لها وقت محدد بس باليوم تشوف فيه
وحاولي تخلينها تشوف براعم او قنوات اطفال عربيه راح تتعلم منهم عربي وايد لان الياهل ينشد حق هالسوالف اكثر من سوالفج معاه

بالنسبه للحمام حاولي تعلمينها شوي شوي
واذا سمعت الكلام كافئيها مثلا قولي لها اذا تسبحتني وبدلتي بدون صراخ اشتري لج هديه
اغلب اليهال يستعسرون مع الخدم احس حتى لو مو قاعده تعورها بس اهما دفاشه ما راح تكون حريصه على بنتج مثلج

 

[Bnt-USA]

وييي والله ما الومج لاني شخصيا اشوف هالعمر عيال صديقاتي المغتربات الانقليزي ما يفارقهم مع ان بالبيت يتكلمون عربي مادري يمكن عشان امريكا ويضلون لين الخمس بالمدرسه ف ما الوم الطفل الصراحه لي تكلم انجليزي

اصلا التعامل بهالعمر صعب لان ما يفهم الكلام ويحب يعاند
حاولي مثلا للسبوح تشترين لها العاب البانيو البطه اللي تطفح و شامبو على رسمة يهال

فرشتها الاسنان خليها على شكل حلووو

ولا تقولين لها بصريح العباره ماكو ككاو
خشيه وقوليلها ضاااع وينه وينه وبتنساه
قوليلها قصه عنه وان يسبب سوي و ياكلونه بس الصبح


الله يكون بعونجججججججج انا من الحين احاتي هالعمر مادري شيسوي

 

[كوكي العسل]

سبحان الله لولو نفس ولدي
وانا ولدي اكبر بكم شهر وللحين كلامه مو مفهوم لان انا متغربة ومسكين
قاعد يتعلم 3 لغات مع بعض واحس نفسيتي متازمة ابي ينطلق لسانة مو مهم باي لغة:bbbiu:
هو ذكي حبيبي ويتعلم وايد من الحضانه حتى سالت اللي بالحضانة عن الكلام قالت طبيعي
الطفل اللي يكون يتعلم اكثر من لغة يتاخر بالكلام
انا حريصة على ان يتعلم ويتقن العربي حتى بالبيت يشوف قناة براعم مااحط غيرها
يارب الله يحلل عقدة لسانهم والعناد والدلع نفسس الشي عنيد خلاص الشي اللي يبيه لازم يسويه
ولا يقلب البيت بجي وابوه اغلب الاوقات يعطيه اللي يبيه بس علشان مايبجي وهذا غلط
اذا نطلع برة البيت صج اتازم لان العناد يزيد واخاف اصرخ عليه برة لان هني ممنوع ضرب او الصراخ على اليهال يعتبرونها جريمة وياخذون الطفل من اهله فصج عايشه بحالة نفسيه مع الحمل وتعرفين الحامل ماتتحمل :eh_s(2):
يارب الله يهديهم ويعينا على تربيتهم تربية صالحة ويحلل عقدة لسانهم ويفرحنا فيهم يارب العالمين

 

[Lulu_Perla]

والله جنج تتكلمين عن ولدي نفس العمر

توه اشكي لاختي قتلها تعالي اليوم اخذيني قبل لا انحاش من البييييت :eh_s(11)::eh_s(11):

بالنسبه للانجليزي

طريقتج اتوقع صح مثلي مع ولدي اقول الكلمه مرتين عربي وانجليزي مشالله في شغلات يعرفهم باللغتين وفي شغلات لا وهم شريتله كتاب في كل الاشياء مكتوبه بالعربي والانجليزي اخليه يقولي شنو اصححله الاخطاء

الحمام

تكرمين بدليها على طوووول عشان من تنترس شوي تتضايق
ودخلي العابها معاها الحمام وسولفي معاها
احتمال الماي بارد او حار او الخدامه ايدها خشنه او دفشه

ولابد من العساره والبجي والعناد :eh_s(4)::eh_s(4):

هههههههههههههه
ياااااااااا ربي الحااال من بعضه
ساعات احس ودي اهجججج من البيت

حلوة فكرة الالعاب
عندنا العاب بالحمام بس وقت السباحة اعطيها اياهم
بحاول الهيها فيهم كل وقت و اشتري جم لعبة يديدة هذول من هي بيبي عندنا اياهم اتوقع ملت منهم و ماقاموا يشدونها
شككككككككككرا حبي عالنصايح
:eh_s(17):

 

[سلاسل ذهبيه]

ماقصرور البنات قالو اللي كنت بقوله

 

[Lulu_Perla]

الله يعينج .. بنتج مدلعه والسبب ابوها وانتي ... انا بنتي مدلعه بس لا عصبت عليها قلت لها لا لا ابوها مرات يعفس الدنيا بس تسمع كلامي .. اول شي قللي من القناه اللي اتابعها يعني ساعه ولا ساعتين وخليها تنزل تحت اذا كنتي عند حمولتج تشوف الصغار وتخلطهم وتتكلم .. واقعدي معاها اشتري قصص اللي فيها حيوانات وكلميها مام شوفي اسد شسمه اسد وهكذا وترى الصغار ماشاء الله يحفظون بسرعه ..وسالفه التغيير بنتي كانت نفس بنتج كنت اوديها انا اغير لها عادي بس جبت خدامه وخليتها تغيير لها وبايب الماي اللي بالحمام نكسر او انفجر طلع صوت توشششش ههههه ومن يومها الله وكيلج بس تدخل الحمام تبجي وان قلت بس حمام مناحه .. كسرنا الخوف شريت لها حوض صغير على قد الحمام وحطيته وعبيته العاب وحطيت لي كرسي ووغمسج رجول بالكرسي وقامت تناديني ولا قلت لها تعالي قالت مام وينج قلت انا العب بالحمام انصدمت .. مام حمام تبجي دزت الباب مال الحمام قالت العاب قلت اي العاب واطربش بالماي قالت بقعد معاج فصخت ملابسها وقعدت.. وفتحت الماي حيييل طلع له صوت وفزت انا متعمده قلت لها ماي ماما شوفي ماكو شي واخليها تمسك الهوز ورشت علي ولعبت فيه .. الحين الحمدالله يمكن بنتج مخترعه .. وحاولي تعرفين شنو مخرعها .. والكاكاو انا بنتي ابوها كل مايرد من الدوام معاه كاكاو لها مرره مرتين وصرت ازفها اخذ الكييس من ابوها واقول لها ااكلي غدا واعطيج الكاكاو اول شي بجت وابوها عطيها جاهل قلت جاهل لاصار فيها سكر ماراح تنفعي الجاهل سكت ههههه الكاكاو صار شي رسمي بعد الغدا ساعه .. وع العناد اذا طلبت شي ومارضيت لا تعطينها لو تموت بجي مره مرتين تستوعب كلمه لا وخليها تبجي وتقط عمرها وتسوي اللي تبي بس خليج صارمه ..

حاولي برجلج ان البنت ابي اشد عليها شوي عنيده وان شاء الله ماراح يدخل وبتعرفين تتصرفين والله يسخرها لج ويحفظها

اهلييييين ملح :*


ماعرفتيني انا جدددددا صارمة معاها و عندي الدلع ممنوووع
بس ابوها اذا صار موجود يخرب علي كل شي

هي ما تخاف من الحمام
حزة السباحة عندها عييييد وناسة تحب تلعب بالماي
بس التويلت ماتبيه


يبيله قعدة جد مع ابوها :eh_s(14):

 

[Lulu_Perla]

بنتج كبر بنتي ونفس المشكلة بالعناد انا احاول اطنشها وما اعطيها اللي تبيه
وتروح حق خالتي مرات وتعطيها اللي تبيه فخليت ريلي يكلم خالتي ان هالشي بيخربها ويخليها تعاندني
انا اقول لج شتسوين بالنسبه حق ريلج قعدي معاه وتكلمي وفهميه وبنتج مالج حل الا تلهينها بالكلام
او تقولين لها اعطيج ككاو باجر مثلا اذا طلبت وقت النوم

وبالنسبه حق التلفزيون مو زين تجابله وايد خصصي لها وقت محدد بس باليوم تشوف فيه
وحاولي تخلينها تشوف براعم او قنوات اطفال عربيه راح تتعلم منهم عربي وايد لان الياهل ينشد حق هالسوالف اكثر من سوالفج معاه

بالنسبه للحمام حاولي تعلمينها شوي شوي
واذا سمعت الكلام كافئيها مثلا قولي لها اذا تسبحتني وبدلتي بدون صراخ اشتري لج هديه
اغلب اليهال يستعسرون مع الخدم احس حتى لو مو قاعده تعورها بس اهما دفاشه ما راح تكون حريصه على بنتج مثلج

صاجة حبيبتي اليدات وايد يخربون اليهال
انا بعد خالتي تخربها بالكاكاو و الاي باد
مع انهم ممنوعين عندي و هي تدري
بس ترشي بنتي فيهم عشان تقعد عندها :eh_s(4):

يمكن تكون الخدامة شوي دفشة صح
يبيلي اركز عليها اكثر

يسلمووو عالمرور و المشاركة حبيبتي :eh_s(17):

 

[Lulu_Perla]

وييي والله ما الومج لاني شخصيا اشوف هالعمر عيال صديقاتي المغتربات الانقليزي ما يفارقهم مع ان بالبيت يتكلمون عربي مادري يمكن عشان امريكا ويضلون لين الخمس بالمدرسه ف ما الوم الطفل الصراحه لي تكلم انجليزي

اصلا التعامل بهالعمر صعب لان ما يفهم الكلام ويحب يعاند
حاولي مثلا للسبوح تشترين لها العاب البانيو البطه اللي تطفح و شامبو على رسمة يهال

فرشتها الاسنان خليها على شكل حلووو

ولا تقولين لها بصريح العباره ماكو ككاو
خشيه وقوليلها ضاااع وينه وينه وبتنساه
قوليلها قصه عنه وان يسبب سوي و ياكلونه بس الصبح


الله يكون بعونجججججججج انا من الحين احاتي هالعمر مادري شيسوي

ههههههههه
اي و الله هالعمر حرج و لازم تكونين حريصة بالتعامل

عندها تويلت على ميني ماوس و الفرشة على هالو كيتي و الشغلات الي تحبها
بدر بعد اشياء تحببها بالحمام

يسلموووو يا قلبي على نصايحج :eh_s(7):

 

[Lulu_Perla]

سبحان الله لولو نفس ولدي
وانا ولدي اكبر بكم شهر وللحين كلامه مو مفهوم لان انا متغربة ومسكين
قاعد يتعلم 3 لغات مع بعض واحس نفسيتي متازمة ابي ينطلق لسانة مو مهم باي لغة:bbbiu:
هو ذكي حبيبي ويتعلم وايد من الحضانه حتى سالت اللي بالحضانة عن الكلام قالت طبيعي
الطفل اللي يكون يتعلم اكثر من لغة يتاخر بالكلام
انا حريصة على ان يتعلم ويتقن العربي حتى بالبيت يشوف قناة براعم مااحط غيرها
يارب الله يحلل عقدة لسانهم والعناد والدلع نفسس الشي عنيد خلاص الشي اللي يبيه لازم يسويه
ولا يقلب البيت بجي وابوه اغلب الاوقات يعطيه اللي يبيه بس علشان مايبجي وهذا غلط
اذا نطلع برة البيت صج اتازم لان العناد يزيد واخاف اصرخ عليه برة لان هني ممنوع ضرب او الصراخ على اليهال يعتبرونها جريمة وياخذون الطفل من اهله فصج عايشه بحالة نفسيه مع الحمل وتعرفين الحامل ماتتحمل :eh_s(2):
يارب الله يهديهم ويعينا على تربيتهم تربية صالحة ويحلل عقدة لسانهم ويفرحنا فيهم يارب العالمين

اهلين كوكي العسولة

اي و الله عقدة لسانها مخوفتني
بس اللي مريحني انها تفهم علي و تتجاوب و تعرف اذا قلت لها الشي تييبه
بس الله يهديها ما تتعب روحها و تتكلم
مثل ما قلتي وايد قالولي اليهال الي يتعلمون لغتين مع بعض يصير كلامهم قليل و متأخر عن الباقي

اللهم امين ياااااااااا رب :eh_s(7):

 

[Lulu_Perla]

ماقصرور البنات قالو اللي كنت بقوله

حياج الله و مشكورة عالمرور :eh_s(7):