بنتي سارقة

[souhaila]

السلام عليكم ورحمة الله
انا عندي بنت عمرها سنتين و نص
دخلتها تحضيري سنة اولى
هي مندمجة مليح مع المدرسة وكل الاطفال يحبوها
يعني للحين مافي مشكلة
نظام المدرسة انو مايقدم وجبة الغداء لانه بلد اجنبي و فيه مختلف الديانات مسلمين و بوذيين و هندوس و مسيحيين و اقلية من اليهود
على هاذ الاساس كل طفل بيجيب اكله معه
المشكلة انه بنتي الله هداها بتسرق حلوى الاطفال الثانيين,وبتاخذ اكلهم غصب.وترجع اكلها تاكل منه الاشوي,مع اني انوع في الاكل و احط في علبه اكلها كل مالذ و طاب,بس هي ما يعجبها الا الي في ايد غيرها.
بنتي عنيدة.وموعاوزة تفهم انه الشيء الي تعمله خطا
طلبت من المشرفة انها تراقب تصرفاتها
ما ودي شكاوي اولياء الاطفال
وبنفس الوقت ماودي بنتي تاكل لحم خنزير و لا شيء مو حلال
هاذ ناهيك عن سلوكها الخطا
الخلاصة
بنتي هي بجري يعني ما عندي خبرة كيف اقومها
الي عندها حل تسعفني بيه
و مشكورات مسبقا

 

[اذوب بكلامه]

سراقه مره وحده !! الله يهداك
ياقلبي الاطفال بالعمر هذا مايعرفون ولا يفهمون انهم اذا اخذو شي مو لهم انهم يسرقون!!
حاولي تتفقين على طريقه معينه مع المعلمه مثلا انها تقعد معاهم وقت الاكل وتعلمهم ان كل واحد منهم لازم ياكل اكله وبس وماياخذ اكل غيره
وانتي بالبيت دايم علميها ان الشي هذا مو صح من خلال القصص
ومع الوقت ان شاء الله بتتعلم

 

[souhaila]

سراقه مره وحده !! الله يهداك
ياقلبي الاطفال بالعمر هذا مايعرفون ولا يفهمون انهم اذا اخذو شي مو لهم انهم يسرقون!!
حاولي تتفقين على طريقه معينه مع المعلمه مثلا انها تقعد معاهم وقت الاكل وتعلمهم ان كل واحد منهم لازم ياكل اكله وبس وماياخذ اكل غيره
وانتي بالبيت دايم علميها ان الشي هذا مو صح من خلال القصص
ومع الوقت ان شاء الله بتتعلم

اشكرك حبيبتي عالنصيحة
انا استعملت مصطلح سراقة لانها هي بتستعمله
البارحة رجعت للبيت زعلانة
-اقولها اشفيك
-تقول المدرسة غضبت مني
-اقولها ليش المعلمة غضبت عليكي
-بتقولي علشان انا شقية
-وليش انتي شقية شو اعملتي
-عشان انا بسرق حلوى و اكل الاطفال
-الاكل ما تقربي عليه بس احلوى و البسكوت تقدري تبدليه مع غيرك
-لا ما اعطي حلوياتي و راح اسرق حلواهم
انا ترجمت الحوار الي داربنا البارح علشان بنتي تحكي انجليزي على فرنسي
مادري اناماعندي خبرة بس احس انهافاهمة انهابتعمل خطا و مصرة عليه

 

[اذوب بكلامه]

اشكرك حبيبتي عالنصيحة
انا استعملت مصطلح سراقة لانها هي بتستعمله
البارحة رجعت للبيت زعلانة
-اقولها اشفيك
-تقول المدرسة غضبت مني
-اقولها ليش المعلمة غضبت عليكي
-بتقولي علشان انا شقية
-وليش انتي شقية شو اعملتي
-عشان انا بسرق حلوى و اكل الاطفال
-الاكل ما تقربي عليه بس احلوى و البسكوت تقدري تبدليه مع غيرك
-لا ما اعطي حلوياتي و راح اسرق حلواهم
انا ترجمت الحوار الي داربنا البارح علشان بنتي تحكي انجليزي على فرنسي
مادري اناماعندي خبرة بس احس انهافاهمة انهابتعمل خطا و مصرة عليه

الله يحفظها لك ماشاء الله مبين عليها ذكيه بس حتى لو قالت كلمة سراقه هي ماتفهم معناها هي قالتها لأنها سمعتها من المعلمه وان شاء الله مع الوقت بتتعلم انتي خليك متواصله مع المعلمه عشان تعلمك بتصرفاتها وقوليلها اذا ما اخذتي اكل اصحابك بسويلك مفاجأه وخليها بسيطه وامدحيها طووول اليوم وبعدين قولي لها اذا يومين المعلمه قالت انك شاطره وما اخذتي اكل اصحابك راح اسوي لك مفاجأه ثانيه وشوي شوي زيدي الايام لين توصلين لأسبوع كامل ولا تستعجلين يبيلها وقت عشان تتعلم لسه صغيره وعلقي ورقه كبيره في غرفتها او الصاله وكل يوم تتصرف صح حطي لها فيس مبتسم واليوم الي تتصرف فيه غلط حطي لها فيس زعلان وكل ماجمعت فيس مبتسم اكثر عطيها هديه وخليها بسيطه
ربي يحفظها لك

 

[.:lady bug :.]

حبيبتي فهمي المدرسه انه تنبه الاطفال ان كل طفل ياكل من اكله

هذا شي

الشي الثاني ع طول كلميها وفهميها ان اكلهم مو نظيف وجذي
ودايم حطي لها الاكل الي تحبه

وحاولي اذا لج خلق تسوين اكلها ع اشكال والوان

حطي الاكل الي تشتهيه
وقولي اكلج خلصيه كله
واذا احد يبي عطيه
علميها الكرم
وعلميها لاتمدين ايدج ع احد غيرج حرام بعدين شنو ياكل

 

[M!SS.LOBY]

الله يحفظها لج ولا تشوفين فيها مكروه

 

[souhaila]

اشكر كل البنات الي ردو علي و ساعدوني بطرح افكارهم و صايحهم
الله لا يحرمني منكم
والله يحفظ عيالكم و يرزقكم برهم يا رب
بالفعل ابتديت اطبق نصايحكم و الحمد لله جابت نتيجة
بنتي الها يومين ما مدت ايدها على اكل غيرها
الحمد لله وانا موصية المشرفة تبلغني عن تصرفاتها اول باول

 

[ريتاج_90]

الله يخليها ڵــچ ويحفظها
وانتي علميهاااا انه غلط

 

[طيبة83]

عادي علميها مبدا ال sharing

انها تاخذ منهم وتعطيهم

قوليلها اذا اخذتي منهم وما عطيتيهم راح يزعلون

they will be sad

they will not play with you

ولا تنقدين على اكلهم ان موزين او وصخ يمكن تروح وتخبرهم او تنقل لهم كلامك

 

[M!SS.LOBY]

ممكن تحب التنويع وفي شغلات غريبه
او شوكولاته مميزة تحب تذوقه

او

بنتج من النوع اللي تحب اى شئ بيد غيرها يحلا لها

 

[souhaila]

الله يخليها ڵــچ ويحفظها
وانتي علميهاااا انه غلط

الله يخليك ويسخر لك عباده يا رب:eh_s(17):

 

[souhaila]

عادي علميها مبدا ال sharing

انها تاخذ منهم وتعطيهم

قوليلها اذا اخذتي منهم وما عطيتيهم راح يزعلون

they will be sad

they will not play with you

ولا تنقدين على اكلهم ان موزين او وصخ يمكن تروح وتخبرهم او تنقل لهم كلامك

مشكورة حبيبتي عالنصيحة
بس الصراحة انا ودي تصير كريمة بس ما ودي تاكل اكلهم
وانا معاك في نقطة اني لا انتقد اكلهم لانها طبيعي راح تقول;اكلك وسخ,اكلك نجس.وهاذ شكلا مو حلو
والله احترت شاقولها الحين حتى لا تاكل اكل غيرها اذا الاطفال طبقو معها مبدا sharing؟

 

[souhaila]

ممكن تحب التنويع وفي شغلات غريبه
او شوكولاته مميزة تحب تذوقه

او

بنتج من النوع اللي تحب اى شئ بيد غيرها يحلا لها

اي والله حطيتي ايدك عالجرح,,,مايعجبها الا الي في ايد غيرها
انا ادري انه الاطفال يستهويهم التغليف قبل الذوق
وعلى هاذ الاساس انوع شكلا و لونا وذوقا
على كل حال انا بكرة اخذت موعد مع المديرة
وراح اطرح المشكلة من جانبها الديني
وراح اشوف وش تقترح علي

 

[M!SS.LOBY]

الله يوفقج

 

[mrs.abk]

هي صغيرة جدا .. بس إنتي روحي معاها المدرسة واطلبي من المدرسة إنها تاخذ أكلها كل ما بنتك أخذت أكل حد .. فهي بتفهم ان اي شيء تسويه بيرجع لها نفس الموقف وبتترك هالعادة

 

[زوجت الشمري]

اختي وين عايشين مدرسه تقول لبنتك سراقه وانتي تسكتين والله لاروح واشرشحه لاتسكتين عليها وبعدين بنتك صغيره عمره سنتين عارفه شنوسنتين يعني طفله ماتعرف شي وكل طفل يشتهي الي بيد غيره انا ياالكبيره مرات اشتهي الي بيد غير بس انتي امسكي بنتك وعلميها باسلوب انهاتستاذن

 

[souhaila]

اختي وين عايشين مدرسه تقول لبنتك سراقه وانتي تسكتين والله لاروح واشرشحه لاتسكتين عليها وبعدين بنتك صغيره عمره سنتين عارفه شنوسنتين يعني طفله ماتعرف شي وكل طفل يشتهي الي بيد غيره انا ياالكبيره مرات اشتهي الي بيد غير بس انتي امسكي بنتك وعلميها باسلوب انهاتستاذن

اشكرك حبيبتي عالمداخلة
بس حبيبتي ما اظن المعلمة قالت لبنتي سراقة
ممكن هي قايلة لها الي تسوين خطا و يسمى سرقة و الي يعمل هاذ الشيء نسميه شقي وسارق
انتي فهمتي الموضوع خطا
والصراحة مع كل احترامي لك الشرشحة منهي من اسلوبي
افضل الحوار الودي و المعاتبة باسلوب لطيف و راقي