بنات يبت سسترات من شركة طبيه لرعاية المواليد دخلوا وشوفوا

[كويتيه مذهله 87]

انا ضد هالفكره الا لظرووووووووووف حيييل قويه اي ممكن
انا والده قيصريه والله بالغصب اقوم لولدي اموت من العوار يبجي مع هذا تحملت وماعندي احد يساعدني لا خدامه عندي ولا عند امي خدامه وامي مرا كبيرا وخواتي مو يوميا اييووني كاا كبر ولدي وماعليه الا العافيه كنت اسهر بروحي معاه وجرحي التهب وعوار وحالتي حاله بس تحملت علشان اتعب صج اكون ام مثاليه خل نتعب شوي اشدعوه اييب يهال ما اتحمل السهر !!

 

[ftana]

انااا مع النيرس حق البيبي محد جرب من اهلي بس انا انشالله ان الله كتب اول وحده بس والله صج دلال وعنايه احس
كويتيه مذهله بصراحه اغلب النفسه اكثر وحده تتعب امهااا بسهر والبنت خصوصا البجر والله مالها خلق شي تبي تنام وتبي ترتاح وان بجا البيبي نادت امها وقالت مادري شفيه !!!!!!! والام تشقا على ماتطلع بنتها من النفاس الا تحت عيونها اسود وليش عاد اييب سستر على الاقل متخصصه حق البيبي كل شي تسويه طبي وبعنايه فائقه وتعرف ليش يبجي وشنو فيه وانا متطمنه ومرتاحه وامي مرتاحه وبالعكس هم محد مخليها ومتكل عليها بس بتشيل شوووي عنه وتوفر علينا الوقت والجهد ...
صج فكره حلووووه وانا معاها

 

[NODA 2]

انا ضد هالفكره الا لظرووووووووووف حيييل قويه اي ممكن
انا والده قيصريه والله بالغصب اقوم لولدي اموت من العوار يبجي مع هذا تحملت وماعندي احد يساعدني لا خدامه عندي ولا عند امي خدامه وامي مرا كبيرا وخواتي مو يوميا اييووني كاا كبر ولدي وماعليه الا العافيه كنت اسهر بروحي معاه وجرحي التهب وعوار وحالتي حاله بس تحملت علشان اتعب صج اكون ام مثاليه خل نتعب شوي اشدعوه اييب يهال ما اتحمل السهر !!

معاج 100% عيل شخانتكم امهات والله لو تطلع روحي هم اجابل عيالي و مو عذر حتي لو بجر والله لما كنت بجر وخياط و بجي وما اقدر انام هم كنت بروحي و ساعات اختي تعاوني بس اييب نيرس ماكو شغل يبا خلي الخدامه يمج علي الاقل تسوي الحليب تزهبلج تجابله لما تروحين الحمام بس غير حذي لاء ضاني انا اجابله وبالذات اول الايام احلا ايام صج تعب بس كله اجر من رب العالمين ليش ربج قال امك ثم امك ثم امك لا ان اهو عارف بالشقا الي نشقا فيه

 

[كويتيه مذهله 87]

انااا مع النيرس حق البيبي محد جرب من اهلي بس انا انشالله ان الله كتب اول وحده بس والله صج دلال وعنايه احس
كويتيه مذهله بصراحه اغلب النفسه اكثر وحده تتعب امهااا بسهر والبنت خصوصا البجر والله مالها خلق شي تبي تنام وتبي ترتاح وان بجا البيبي نادت امها وقالت مادري شفيه !!!!!!! والام تشقا على ماتطلع بنتها من النفاس الا تحت عيونها اسود وليش عاد اييب سستر على الاقل متخصصه حق البيبي كل شي تسويه طبي وبعنايه فائقه وتعرف ليش يبجي وشنو فيه وانا متطمنه ومرتاحه وامي مرتاحه وبالعكس هم محد مخليها ومتكل عليها بس بتشيل شوووي عنه وتوفر علينا الوقت والجهد ...
صج فكره حلووووه وانا معاها

أمبيه مو صج الكلام كلش مومقتنعه فيه شنو تحت عيونها سواد من السهر ونفاااس وين الجنه تحت اقدام امهات اذا مو قد المسئوليه لا اييبون عيال بس يحملون ويكودوون يهال والتربيه علي الخدم
وبخصوص البجريه ماتعرف شنو فيه امها موجوده خالتها اختها عمتها مو معقوله ماعندها احد عيل شلون بتصرف باجر كل مابجي دقيت علي امي قتلها اشفيه يبجي لوووول

وبالاخير هذي وجهه نظرج وكيفج وضناج مو ضناي الحمدالله اجابله واسهر معاه انا ابي اعرف ليش ولدي قاعد يبجي واغيرله واشربه مميه بجري وابي استانس فيه علشان الثاني والثالث اعرف اتصرف مع ياهل النفاااس وكل تعب له اجره ترى :rerrerek:
ومشكوره نودا علي رااايج:eh_s(22):

 

[مزاا_جية]

حمدلله على سلامت اختج بغيت رقمها واللي يعافيج

 

[tbola]

قوووووووووووووه بنات

اختي ولدت ويابت بيبي اينن << قولوا ماشاء الله وتبارك الرحمن

المهم وايد تعبت وتبهذلت خصوصا انها والده بقيصريه

وكان مرتفع عندها الاستيون وونزل الدم عندها واااااايد لدرجة يابوا اجياس دم اثناء العمليه

المهم ماقدرت تعتني بالبيبي دخلت هني المنتدى ادور ارقام لسسترات وماتوفقت

بدلت الجريدة هم ماتوفقت

عاد انا مشتركة بمنتدى الثاني لقيت عندهم اعلان لشركة طبيه تييب سسترات

دقينا عليهم وكلمناهم واتفقنا

طبعا اللي راح تكلمكم وحده كويتيه راقيه واسلوبها اينن

اتفقنا على سستر هنديه اتيي من 10 بالليل لي 10 الصبح عساس تهتم

يات السستر

وطلبت طلبات البيبي وطبعا احنا مجهزين كل شغله

المهم يات خوش هنديه النفسيه اتينن

نظامها شلون

تسبح البيبي كل يوم بس اختي رفضت لانه وايد صغير
كل ساعتين حليب وتبديل حفاظات

تقعد عند راسهم تراقبهم ماتنام عاد ابوي ماكان مرتاح كل شوي يقولي دخلي فجأه عالسستر شوفيها شتسوي

ههههههههههههه فديته

والله يابنات وماعمري حلفت بالله جذب انها ياقاعده على الكنب واطالع فيه او تبدله او ترضعه

يعني ماشالله مهتمه فيه حييييييييييييييييييييل

حتن ماسمعناله صوت

وهذي تجربتي قلت ابلغكم لانه تعبنا واحنا ندور سسترات سنعات ومالقينا واتمنى انكم تستفيدون والله يسهل عليكم

اللي تبي الرقم عالخاص ..لانه ممنوع وضع الارقام عالعام:bbbiu:

ابب

 

[هدولى]

حبيبتي دزي رقمها يمكن احتاجها .

 

[RO0O7Y KUWAITYA]

يقول المثل حط فلوسك بالشمس واقعد بالظلال
وكلن وحسب مقدرته وصحته وامكانيته

 

[منـــوه]

لو سمحتي ممكن الرقم ع الخاص

مشكورة عالافادة

 

[zoooba]

لو سمحتي ممكن الرقم عالخاص

مشكورة

 

[أم عزيـز]

فعلا يفيدون حق اللي سبحان تولد يحوشها نزيف او شي يخليها تطول بالمستشفى اكثر من ١٠ ايام
وتالي يتوهقون في البيبي ماعندهم احد يحطونه عنده
يقدرون يدقون على هالشركه تساعدهم في رعايته

انا عن نفسي انا اجابل عيالي حتى امي ما اخليها تجابلهم
اسهر واتعب بس مردي ربي بيريحني مع ان امي مسكينه تقولي خليني اساعدج فيه
بس انا ما اخليها ابيها ترتاح وانا مسؤوليتي اللي لازم اربي واسهر واجابل عيالي

لكن مثل ماقلت في ناس تحتاجهم خاصه اللي ماعندها احد وتكون حالتهم صحبهة
وماتقدر تجابل الياهل لاسباب صحيه

شكرا اختي على الرقم *

 

[أإلع ـشق دلع ـهـأإ]

يسسلموووو حبيبتي

 

[ام اغلى الناس]

مشكووووره
لو سمحتي الرقم واسم الهنديه عالخاص

 

[وصايف4]

مشكوووره اي والله يفيدووون

 

[ضحاوي الديره]

خووووووش فكره صراحه
انا الحمدلله امي موجوده وبصحتها وخواتي كلهم بعد موجودات بس اذا اقدر ارتاح واريح امي وخواتي ليش لأ ؟؟؟
وطبعا اهيا والبيبي راح يظلووووون تحت عيني واراقبهم واذا مو انا اكيد يا امي او وحده من خواتي بتراقب النيرس ماراح اقط عليها ضناي وانسااااه طبعا
بس صج صج صج نحتااااااجهم عندي خدامه الحمدلله بس الخدامه يديده وماتعرف كل شي اييب هالنيرس منها تراقب البيبي وتتعلم منها خدامتي

 

[أم سعود1]

اختي اذا ممكن ابي الرقم على الخاص ماعليج امر
واذا وحده حصلت الرقم ترسله لنا في اسرع وقت بليز

 

[أنهار الكويت]

مذهله حبيبتي مو لهدرجه يعني الوحده لي حطت النيرس ترى بس اول عشر ايام مو اكثر يعني بس يبرى الجرح ماهي مربيته النيرس
واذا عالسهر فالسهر دربه طويل ماراح يخلص بهالعشر ايام
ومو معناة هذا ان الام ماتدري عن ضناها بهالعشر ايام لا الحمدلله جدام عينها وعقب ماتروح النيرس يكون عندها بس كل مافي السالفه انها بوقت الجرح صعبه قومتها وقعدتها حسستيني چنها قاطه الياهل بحضانه او مركز صحي طول النفاس وماتدري عنه
عشر ايام او اسبوع تكون معاها وحده تساعدها بالبيت بدل لا تأذي امها ولا تنسون ام الوالده تكون لاهيه ابنتها من اكلات نفاس واستقبال ضيوفها وغيره

بالاخير وجهات نظر لحد يزعل

 

[Om fhoood]

ماشاءالله عليكم عسى ما الوحدة كتبت موضوع قلبتوه نجرة

عموما ما علينا

خوش موضوع ومشكورة حياتي على نقل تجربتج وصراحة تجربة مفيدة وايد نفعتيني

 

[* بنت المطر *]

ماتصلح لي انا ناويه ارضع طبيعي ان شالله ربي يقدرني عشان احافظ على جسمي وصحتي