بنات وزاره الاعلام والي عندها خبره فيها يريت تفييييدنا:)

[AmOoNa-]

:tek:هـــــــــــــاي
انا و وحده اعرفها انقبلنا بالاعلام وتخصصنا انجليزي
تهقون المكان زين ولا نرفض؟ وشنو ممكن يكون طبيعه شغلنا؟
ومعاش الجامعي جم؟؟
وشكرا

 

[q8palooma]

وانا اضم صوتي لكم ,, وانا بعد انقبلت بوزارة الاعلام وانا تخصص اعلام مادري ارفض ولا لا؟
وشنو احسن الاقسام عندكم؟؟

 

[spanish-girl]

هلا والله حبايبي ما عندي فكره الصراحة بس حبيت ابارك لكم وموفقين وانشاءالله البنات يفيدونكم

 

[q8palooma]

هلا والله حبايبي ما عندي فكره الصراحة بس حبيت ابارك لكم وموفقين وانشاءالله البنات يفيدونكم

تسلمين يالطيبة ماقصرتي

 

[أم خـــدود]

انا الصراحه اختي موظفه بوزارة الإعلام

والصراحه وايد مرتاحه والوزاره وايد زينه والله العظيم يابنات لاترفضون تراها واااااااااااايد زينه

وحتى المسؤلين اللي عندهم اختي وايد تمدحهم

وطبعا كل مكان فيه الناس الزينه والشينه وهذا مايمنع

وهذا اللي اعرفه والله يوفقكم ان شاء الله

 

[AmOoNa-]

للرفع

 

[أم خـــدود]

الحين من الصبح محد راد عليج غيري انا وخرتها حتى مافيه كلمة شكر

 

[q8palooma]

الحين من الصبح محد راد عليج غيري انا وخرتها حتى مافيه كلمة شكر

مشكورة حبيبتي ماقصرتي طولي بالج ,
اختج باي قسم
في اقسام يمدحونها واقسام لا ! شلون نعرف وين حاطينه ممكن تسالين اختج يزاج الله خير

 

[AmOoNa-]

الحين من الصبح محد راد عليج غيري انا وخرتها حتى مافيه كلمة شكر

والله موقصدي تره كنت مبطلته بس بجيك واطلع حتى ماقريت الرد كتبت للرفع وتوني راده البيت شبكت سوري
ومشكوره مااقصرتتتتتي:**** واسفه

 

[q8palooma]

شصار عليج امونه , مارجعتيهم اليوم ؟؟
انا قلت بروح اليوم بس راحت علي نومه :$ باجر ان شاءالله نشوف الاوضاع

 

[AmOoNa-]

ماصار شي مادري بيتنا ورفيجاتي مومشجعيني الكل يقول رفضي وزاره واسطات والمعاش موشي ومادري احترت

 

[q8palooma]

والله انا قالولي نفس الشي , بس بروح اشوف وصليت استخارة وان شاءالله الله الي كاتبه بيصير

 

[AmOoNa-]

انشالله يارب

 

[Papaya_87]

هلا بنات شلووونكم ؟
اولا مبروك عالقبول انا بعد اقبلوني بوزارة الاعلام مع رفيجاتي بس كلنا تخصصنا محاسبه فمادري !!! صراحه اهلي يقولولي رفضي بس ودي اروح اشوف الاوضاع شلون , انزين اذا مابي لازم اقدم كتاب اعتذار و الا مالاداعي؟
بنات بلييز اللي تروح لهم خل تفيدنا شصار معاها و شلون مكانهم ؟
مشكووورين و موفقين انشاءالله

 

[AmOoNa-]

بابايا لاماتقدمين كتاب اعتذار من كلام رفيجتي تقول بس تروحين الديوان وتودين صوره من بطاقتج المدنيه وترفضين وبس

 

[MassComm]

انا بعد وياكم

 

[رحاب]

مبروك قبولكم بنات والله يوفقكم

بنت عمي تشتغل في وزارة الإعلام في مبنى الشويخ .. وايد مرتاحة لدوامها .. المبنى مريح ومافيه زحمة عكس المبنى الرئيسي وااااااااااااااااااااااااااايد زحمة والمسئولين زينين والدوام مريح من 8,30 إلى 12,30 أو وحدة بعض الإدارات
تمدح كل الإدارات اللي في الشويخ وهذي الإدارات تاخذ تقريبا جميع التخصصات وفي بدل للي يشتغلون في هذه الإدارات بحدود تقريبا شي وخمسين وكل مازدتي درجة تزيد قيمة البدل

أما الرئيسي في إدارات تكون المعاشات فيها قوية مثل الإذاة والتلفزيون والإعلام الخارجي بس ما عندها خبر عن المسئولين وبالنسبة للدوام حسب كل إدارة

هذا كل اللي قالته لي وسامحوني على القصور​

 

[AmOoNa-]

رحاب مشكوووره واااايد بس ناعندج فكره عن المعاشات؟؟
اذا الدوام جذي جم ساعه وناسه حده

 

[رحاب]

العفو حبيبتي ما سويت شي ..


بخصوص المعاشات ما عندها خبر بالضبط جم بس تقول حسب كل إدارة والبدل اللي فيها بس الأكيد إن ..

427 هذا الراتب الأساسي + الهلاوة الإجتماعية
120 زيادة الحكومة
50 + 50 الزيادة

647 أقل راتب لو كانت الإدارة من غير أي بدلات أو كادر

الإدارات اللي لها كادر في مبنى الشويخ ( المطبوعات والنشر - الصحافة - المصنفات الفنية ) بس على فكرة الكادر مو وايد مثل ما قلت لكم قبل شوي بحدود الخمسين

أما إدارتها فبدون أي كادر أو بدل وما فكرت تطلع لأنها واااااااااااااااااااااااااااايد مرتاحة لأن مديرها عجييييييييييييييييييييييب وكل مسئولين الإدارة زينين

البنات اللي تخصصهم محاسبة لهم كادر بس ما أدري جم وهالكادر يعطونهم إياه بكل مكان لأن من الخدمة المدنية مو من الوزارات

أتمنى إني أفدتكم​

 

[AmOoNa-]

مشكوره واييييد وايد رحاب الله يعطيج الف عافيه ماقصرتي))