بنات منو تعيين يديد وبتباشر دوامها عقب العيد ؟ شنو شعوركم :)

[fri2010]

بس ممكن ياخذون صوره الوجه ويركبون عليها صور

ترا كل شي يسوون

خاصه اذا كانت البنت تبي تنتقم من الابله

 

[:: سمر ::]

ايييييه يبتوها عالجرح يابنات الله يرحم ايامنا اول كانت من تدش المدرسة الصف نوقف نتافض من الخرعه
صج هيبة ورهبة مو الحين طاقين كل شي بعرض الطوف لو الوزير يطب عليهم ولا يهمونه ​

وصج حتى اذا في وحده ماتستحي صورت الابلة عالاقل هالابلة بإحترامها داخل الصف تشرح
الي تسوي جذي تروح ورا الشمس وربكم ماينسى احد لاتحاتون :eh_s(17): يما توصل لي درجة يركبون ويه عالجسم !! شهالجرأه والوقاحه يما منهم سمالله الرحمن الرحيم !!​

 

[بنات حواء2]

بس ممكن ياخذون صوره الوجه ويركبون عليها صور

ترا كل شي يسوون

خاصه اذا كانت البنت تبي تنتقم من الابله

اي و الله صاجه بنات هلايام ممكن يطلع منهم بس ترا مو معقوله اكيد المدرسه بتحس ان في احد صورها خاصه صورة الوجه و لا انتوا شرايكم ؟؟

 

[fri2010]

ما يندرا عنهم والله اختي بالمتوسطه لاحظو لما البنت تبي تصور الابله تخلي الكتاب والفتحه اللي تطلع من الكتاب تخلي كاميرا التيلفون تشتغل عشان محد يشوفوها وتصور الابله والابله ما تدري

وجم موضوع قريته اهني بلاوي

من جذي ادور على هالقلم

 

[بنات حواء2]

ايييييه يبتوها عالجرح يابنات الله يرحم ايامنا اول كانت من تدش المدرسة الصف نوقف نتافض من الخرعه
صج هيبة ورهبة مو الحين طاقين كل شي بعرض الطوف لو الوزير يطب عليهم ولا يهمونه ​

وصج حتى اذا في وحده ماتستحي صورت الابلة عالاقل هالابلة بإحترامها داخل الصف تشرح
الي تسوي جذي تروح ورا الشمس وربكم ماينسى احد لاتحاتون :eh_s(17): يما توصل لي درجة يركبون ويه عالجسم !! شهالجرأه والوقاحه يما منهم سمالله الرحمن الرحيم !!​

اي و الله انا قبل من الابله تخزني اسكت و هذا و انا كبيره بثانويه
الحين الي بالمتوسط عبالهم اهمه حريم كبار و كلش مايدرون انهم بعدهم يهال

 

[بنات حواء2]

امبي حدي انصدمت بالمتوسط و يطلع منهم جذي واي الله يعين اهلهم عليم هذي ايهل و تفكر جذي اشلون لو كبرت شبتصير استغفر الله صج شي يلوع الجبد بصراحه الله يعينه على هلجيل الغريب و التربيه الغريبه الي ابي اعرفه وين اهلهم وينهم مايكلمونهم و يعقلونهم

 

[fri2010]

ايييه وحتى الابتدائي ترا ماشاء الله اذكيا دايما اقول زمن الطفوله راح وانتهى

والمتوسطه يقولون العن من الثانويه بعد

ووين اهاليهم ترا اهاليهم اهما اللي يقولون رفعو صوتكم على الابله اذا زفتكم وخزتكم

هذا غير سالفه اولياء الامور اللي طقو المدرسات جدام الاخصائيات

 

[ذكريات عشاق]

امبيه ترى والله صج قبل على ايامنا ماكان في هالسوالف

 

[fri2010]

ايه صح ما كان في بس كان عندنا بنات اييبون معاهم تيلفونات

وبعد اللي يبوقون تيلفونات الابلات

كانت عندنا بمدرستنا هالسوالف قبل

 

[ذكريات عشاق]

والله انا مستحححيل اخلي تلفوني واروح لو شنو انشالله
وحلاته يكون المكتب فيه الدرج اللي فيه مفتاح عشان تحطين جنطتج وتقفلين المفتاج ويكزن وياج وترتاحين

 

[fri2010]

اي والله جان زين في الدرج اللي فيه مفتاح!

بس اذا مافي يعني معناه لازم اخذ جنطتي وياي

والا بيكون شكلي غلط!

 

[ذكريات عشاق]

اختي تقول احط تلفوني صامت واحطة بالمقلمه خخخخخخخخخخخخخخخ

والجنطة سكريها وحطيها تحت بالدرج

شنسوي بعد

 

[fri2010]

ايه ماكو الا جذي

عيل ما ناخذ ويانا فلوس وايد اذا جذي

 

[ذكريات عشاق]

اي اككييييييد عاد هناك وايد تخافين وهالخدم اللي داشين وطالعين لا دير بالج

 

[fri2010]

ايه والله بس ان شاء الله يكون في مفتاح

 

[ذكريات عشاق]

شفتوا التوينز اللي لابسته البنت
خذيتلي جم لون بس يكون ساده
وبركب عليهم نفانيف
وبصراحة رحت السوق ماعجبوني
شكلي باخذلي خامات واوديهم الخياط
لان عندي موديل للنفنوف حيل حلو ومرتب علي فودي اخذلي خامات واسوي نفسه

 

[:: سمر ::]

بنات حواء ذاك اول ايامنا احنا الي نخاف من ظل الابله وصوت الناظره اما الحين بلاوي زررررقه والله اختي تقولي في ابله بجوها وحلفت عند المدرسه الاولى ماتدرس صفهم :eh_s(1): هذي حاله ! مادري شهالمستوى الي وصلوله هالجيل الخايس​

fri2010 ديري بالج تخلين بوكج وموبايلج بالمكتب
لا واذا تلفونج في صور وانباق ! لالالا كلش ولا الموبايل والبوك مايتخلون
اخذيلج ملف خام مثل ملفات الجامعه الي فيهم سحاب وجيوب حطي دفاتر تحضرج واوراق العمل ملوتج بالملف وبالجيوب دعسي موبايلج وبوكج لاتخلينهم هدد بالمكتب​

ذكريات انا شكثثثثر شاريه تايورات هالطقه حيل ذربين مع نفانيف
عسى تلقين خياط يضبط لج القصه والموديل الي تبينه
اذا تبين نفانيف حلوه طقي فرة بالافنيوز والله تطلعين لج بجم قطعه
احلى شي بجويس وريفا بس موبوقت التنزيلات لووول لا الوقت العادي​

 

[fri2010]

حلو والله بس ليش خليتيه ساده حلوه المربعات اللي فيه

يمدحون خياييط اللي بالبلوكات بسوق الديره وايد عندهم سوالف فناتق ويخيطون

بس اذا رحتي الحين بينهبونج على بو موسم قرقيعان وعيد

 

[fri2010]

والله هم خوش فكره سمر

 

[Blonde B]

حبايبي انا معلمه صارلي سنه
وسالفه الجنطه مهمه وااااايد
تخيلوا انباق مني 30 دينار
ومره 50 دينار
ووحده معاي انباق منه 220 دينار
@.@
والله لا تستهينون مرات اخذ معاي فلوس انساها بالبوك
او بطلع السوق بعد المدرسه يعني تنجبرين
فانا شنو اسوي عندي درجي وفيه مفتاح احطها بالدرج واقفله مالمفتاح
اخشه بين الدفاتر واما تلفوني صامت وبمخباتي طووولت الوقت
لان فيه صوري واخاف عليه ودايما بمخباتي لان مرات رئيسه القسم تدق علي
بالحصه تسال انا اي صف واشياء معينه