بنات لا تخلوني الله يخليكم ساعدوني

[بنت الارسنال]

امبيه شتبين فييه بطقااااق انتي مو رخيصه الي ماشراج من اولها بيعيه بتراب وصدقيني بييج الي احسن منه وبتحسين ان كان لعب يهال

 

[من الصفا]

صدقيني هو اللي ييندم لأنه هو اللي ظلم والله راح يكون مع المظلوم وراح يجيج اللي احسن منه

 

[زينة2008]

حبيبتي مسحي دمعتج ما يستاهاله تر والله صدقيني الله إحبج وخره من طريجج
شكله مومال مسؤليه كلش يامعوده لاتحرين نفسج......واي مادري إشفيني أنا أشقاعده أقول أحد يقولي :dddds:
ضحكي حبيبتي والله أدري صعبه بس شنو بيدج خلاص إلي ما يبيج لا تبينه

 

[أم عبير]

اللي باعني برخيص أبيعه بنعال

وحمدي ربج إنج على البر

في ناس أعرفهم يعيشون العمر كله مع رياييل ما تستاهل ويصرفون على رياييلهم واييبون اعيال ويتحملون ظيمهم وآخر شيء يقولها ان حياتنا مع بعض غلطة ويطلقها ويبتدي حياة يديدة ويتزوج
واهيه يكون ضايع عمرها وحياتها وفلوسها

فلله الحمد والشكر

 

[الوردة المكنونة]

اللي هواك اهواه واللي نساك انساه واللي قدر فرقاك تقدر على فرقاه

صدقيني الله بيرزقج بأحس منه

سلي نفسج بأي شي
اقولج على شي انا قبل لا اتزوج ريلي كنت مخطوبه حق شخص ثاني وبفترة الخطبه دقت رفيجتي قالتلي خطيبج اليوم عرسه على غيرج شفته بصاله افراح السالميه وفعلا رحت وشفته بعيني ورديت البيت ولا دقيت عليه ولا ناقشته كل اللي سويته قلت حق اهلي وعطيتهم الدبله والهدايا اللي يابها عشان يسلمونهم له ورحت ثاني يوم سجلت بنادي رياضي وسليت نفسي وشغلت وقتي وصار يركض وراي من مكان لي مكان بس عشان يشرحلي على السبب اللي خلاه يتزوج ما عطيته فرصه ابدا وبهالفتره رفضت كل اللي تقدمولي بعد هالسالفه بسنه تزوجت والحمدالله ريلي حبوب وطيب بس عيبه امه والله يعيني والحمدالله على كل حال ترى النسيان نعمه من رب العالمين انسي

 

[Toadette]

حبيبتي زين انه قالها من البدايه بدال لا يتزوجج تالي ينكد عيشتج

اما عن الحب وجذي والله ماقول غير الله يعينج ادري مصيبه كبيره حق قلبج (( قلبج ))

بس هذا حظج ونصيبج

احس مهما اقول كلامي بيكون مكرر وسطحي

اهم شي اقولج اياه حبي نفسج ودللي نفسج ودام الحمدلله صحتج ومالج واهلج عندج الحمدلله
بس هذي نصيحتي لج

واهوا طاف ريال بداله ألف ريال أهم شي انتي
بتقولين لاااااااه ومايصييير واحبه ادري بس الوقت يداوي الجروح وهالجرح اللي تشوفينه ماله دوا باجر بيختفي
والله يعينج

 

[-Bello-]

امبيه حاسه فيج الله يصبرج ويقويج .. خلج قويه واقوى منه .. وخليهيولي ورفسييييييييييه مردده مثل الجلب بيرجع بس راح تكونين انتي بايعته

 

[شموخ العجمية]

ياقلبي بنات ماقصروا
بس مع الايام راااح تنسين ويرزقج ربي باحسن منه وحمدي ربج انج ماغلطتي معاه بشي واهو اصلا لو ف ذرة رجولة ماكان قالج دزي صورج مع سايق

 

[BaiTotia]

أهوووووووو الخسران

مايستاهلج صج حقير

بس غريبة ماكلم أبوج؟؟؟؟ يعني أهلج شقالوله

والله يوفقج مع ولد الحلال حبيبتي

 

[طوق البنفسج]

الي مايعدج راس مال لا تعدينه فايده

اذا اهو مو شاريج في الف غيره يشترون خاطرج .. و بعدين زين انج عالبر

يمكن بتتعبين شهر شهرين .. بس بترتاحين العمر كله

الله يعينج

 

[أم حمـــــودي]

هاي حور اشلونج حياتي انا اشور عليج انج اتخلينه يولي لان هذا واحد ما يستحي ولا يستاهل دمعه من عيونج الحلوين ومو كفو انج تكونين من نصيبه وسبحان الله الله كشفلج معدنه قبل لا تبتلشين فيه هذا حده هيلقي حتى موعارف اشلون يتنحش اللي ما يستحي ولا تضعفين بعد مده وترجعيله يااااااااويلج ويلاااااااااااااه هههههههههه اتغشمر معاج ، اي ضحكي ترا الدنيا ما تسوى انج اتزعلين روحج عشان واحد مثل هالياهل والله يكتبلج النصيب مع اللي احسن وابرك منه وحمدي ربج هذي خيره من رب العالمين لج والله يوفجج يا قلبي

 

[♥ąϻᴑŁ♥]

حبيبتي ,,

الله يعوضج فيه خيــر

هذا مبين يلعب وناوي يعيش ويستانس على حسابـــج

خليـــه ووخري عنه دامها يت منــه!!

صدقيني هذا بيلعب لا اكثر ولا اقــل ..

 

[سنفــــــور غضبـــــان]

تبين الصج ولاا ولد عمه!!

هذا مايحتاج تسألين شلون تنسينه!!

لانه مايستاااهل وبايعج

وفي مثل يقول من باعنا برخيص بتراب ينباع

اذا انتي صج تحبين نفسج وتحترررمينها ماتسمحين ان قلبج يتعلق بواحد بايعج واشكررره ماعنده استعداد يتزوج

يعني شنو الاخ يتسلى!!

لا يبا انتي اكبررر واغلى من جذي !!


وشنو سالفه يشوووف صورج!! وانتوو مو مملجييين!!

هذا دليل انه يتسلىىى فيج لانه يوم شافج ذهينه ومو مرخصه نفسج استغنى وقال هذي ماوراها شيئ

يبه حمدي ربج الي فكج منه

:ggdw:

 

[ورودالكويت]

مرحبا حبيبتى خليه يولى هذا موكفووووو واضح انه كان يلعب ولو هو فيه ذرة رجوله او يحبج ما قال طرشى صورج مع السايق الى يحب يغار ويخاف على حبيبته حقير وصدقنى يوم من الايام بيدق عليج بس اذا دق ردى عليه انت منو انا ما اعرف هالاشكال وسكرى بوجهه الخايس

 

[وديان@@@]

ما قصرو الخوات قالولوج كلشي بس اتركيه عنج اشوه انه بين وانتي ما ملجتي
الله يعينج

 

[Hello_kitty]

حبيتي خيره


الله صرف الشر عنج


الله قاعد ينبهج ويفتح عينج ان هالريال ما يناسببج ومو زين

الله يعوضج باللي احسن منه يااااااااااااارب

 

[أعرف قدر نفسي]

ربي يعوضك باللي احسن منه

 

[pain]

واااااااااااي عسى الله لا يخليني منكم يا بنات ديرتي

بتبوتا اللي باعنا برخيص نبيعه بتراب نبيعه بأرخص

انا اليوم اشوى بس اجذب لا قلت لكم ماهمني

بعد قلبي ماقصرتوا دعواتكم يالغاليات

 

[برونزيه نعومه كتكوته]

خليه يولي طقااااااق يشيله الزم ما عليج كرامتج و عزي نفسج قبل ما تعزينه
صج انها صعبه كثير
بس شتسوين و شاللي يطلع بيدج ؟
ما بيدج شي عمري خليه يولي و انتي شكلج حبوبه و طيوبه الله يرزقج اللي يسوى طوايفه مو بس يسواه اهو

 

[pain]

برونزيه تسلمين يا قلبي الله يوفقج بدراستج يارب

بنات امي وابوي دروا

ابوي طقته البووهه ووايد حزين وتعبان

امي قطت اللوم علي

خواتي يتشمتون فيني ويضحكون علي يقولون كننا ندري

بس باباتي عور قلبي وايد وايد والله