بنات كلية التربية الاساسية حياكم بتجمعنا الثاني

[أمووونه]

السلام عليكم شلونكم يابنات
مواعيد السحب والاضافه انزلت يالله جيكوا على مواعيدكم
موفقين

 

[خفايا الروح]

يسلموو امون

شفت موعدي المصون ... مو حلو عندنا عرس ... ~

تسجيلي من 9 الى 10

وكلت بيضكم ...

 

[om-HaSsoOon]

بنات بسألكم عن طلال المسعد اعداد الروضة كبيئة تربوية
ومحمد الكندري تطور رياض اطفال
ورباح النجادة ابي عن نظامها ياليت تفيدوني:>

هلا حياتي اعرفهم كلهم

طلال المسعد ما اخذت عنده بس البنات يمدحونه حيل
اخذت عند محمد الكندري شوفي يكدش شوي بس امتحاناته سهله ومحاضرته حلوه ويساعد اذا ساعدتيه يعني مو سوالف تكشتين وطاف وتبينه يزيدج :eh_s(6):
ورباح زينه بس اهم شي عندها الغياب لا تغيبين على طول حرمان لوول من اول يوم تحسب الغياب تره وامتحاناتها موضوعيه مع سؤال واحد مقالي بونص والفاينل كذلك موضوعي بس سؤال مقالي واحد بونص وشرحها عادي مافيه شي

موفقه :ggdw:

 

[al-7lwa]

قووووووووووه بنااااااااااات

شسالفة البيض ؟؟

خفايا الروح ترى دخلت على رابط بيضتج وبعدها ضغطة على click here وبعدين شيصير




في احد بيداوم 5-10 انا عندي محاضره ساعه 1 لي ساعه 3 عند هت ماودي اداوم
بس خايفه يسون ندوه للمستجدين ويصير اشياء وانا ماادري ضروري اداوم اول يوم
ترى انا مستجده وموعارفه نظامكم

 

[om-HaSsoOon]

هت يعني هيئه تدريسيه يعني ماتدرين شسم دكتورج اي دكتور بيطلع واحد ولا وحده مفاجاه انتي وحظج

بالنسبه لي انا مو مستجده ماراح اداوم اول اسبوع بس داومي بما انج مستجده شوفي قاعاتج وين صايره دليها وتعرفي على دكاتره محاضراتج

 

[نبع الامل]

السلام عليكم بنات وش اخباركم


سؤال للاخت خفايا


الله يصلحكم وش سالفة البيض انا ضغطت على الرابط الثاني وقمت اخربط الين سجلت لى بيضة وحطيت ايميلي



طيب بعدعا وش اسوى اشلون انزلها بتوقيعى واخليكم توكلونها


تكفون علموني بشووف وش يطلع اخر شى شكله بيطلع لى ديناصور صغير ههههههههههه


وتراني وكلت بيضكم كلكم كل وحده حاطة لها بيضها ضغطت عليه وقلت بسم الله ويتربي بعزكم هههههههههه


وبسألكم ادب اموي تمدحوني اخذنه عند منو احمد العلي ولا الهام المفتي ؟


وشكرا لكم

 

[al-7lwa]

القاعات ادل اماكنها 100 بالطابق التحت 200 فوق
عندي محاضره ساعه 1 لمصادر المعلومات العامه وخدماتها بقاعه 1
هذي وين مكانها انا شفت كل القاعات لم رحت اخذ جدولي بس قاعه هذي ماشفتها وين صايره

 

[نبع الامل]

قاعه 1


شوفي اى مبني الرئيسي ولا مبني 1 مال الاقتصاد المنزلي ولا مبني 2 اللى فيه الكهرباء


اول مره اسمع عن قاعة واحد صراحة

 

[جوجو.]

بنات أبو بكر عبيد شرايكم فيه
والادب الجاهلي عند منو اذا مو محمد نعناع

 

[amish]

شلونكم يأحلى بنات
مستعدين حق الدوامات

القاعات ادل اماكنها 100 بالطابق التحت 200 فوق
عندي محاضره ساعه 1 لمصادر المعلومات العامه وخدماتها بقاعه 1
هذي وين مكانها انا شفت كل القاعات لم رحت اخذ جدولي بس قاعه هذي ماشفتها وين صايره

حبيبتي هذه تلقينها مبنى المكتبات فوق ​

 

[نبع الامل]

بنات أبو بكر عبيد شرايكم فيه
والادب الجاهلي عند منو اذا مو محمد نعناع

يا هلا وغلا

ابو بكر يمدحوونه الى ابعد حد


اما الادب الجاهلي انا خذيته عند محمد نعناع تراه زوين بس يبيلج تركيز وحفظ اول باول يعني مادة لا يستهان فيها بالدراسه لجل تنجحين فيها وتعدينها


والله انى انا مجربته شرحة حلو بس هو انفيسه وعمره ما يضحك بس امتحاناته واضحة وتصحيحه اوكيه هذا بالنسبة لى وعن تجربه


وشكرا

 

[al-7lwa]

انا جدولي ثابت وماعندي غير ثلاث مواد ومو راضين يزيدون
تخيلوا اداوم يوم لاحد بس عشان ماده وحده ماتسوى علي
لو قاعده بالمدرسه احسن هههههههههههههههه

 

[al-7lwa]

قاعه 1 قصدج فوق عند قسم المكتبات صح

 

[amish]

قاعه 1 قصدج فوق عند قسم المكتبات صح

اي حبيبتي صح ​

 

[جوجو.]

يا هلا وغلا

ابو بكر يمدحوونه الى ابعد حد


اما الادب الجاهلي انا خذيته عند محمد نعناع تراه زوين بس يبيلج تركيز وحفظ اول باول يعني مادة لا يستهان فيها بالدراسه لجل تنجحين فيها وتعدينها


والله انى انا مجربته شرحة حلو بس هو انفيسه وعمره ما يضحك بس امتحاناته واضحة وتصحيحه اوكيه هذا بالنسبة لى وعن تجربه


وشكرا

مشكوره يانبع الامل عالمعلومات
انزين منو غيره يدّرس أدب جاهلي

 

[نبع الامل]

والله ما ادري يا الجورى

بس انتى لما يجي يوم تسجيلك افتحى على الموجودين بالادب الجاهلي وشوفي


والله ما عندي علم الا بمحمد نعناع


والعربي بكبره كريه ربنا يعينا عليه هو مساندنا


وشكرا

 

[music_teacher88]

لاتحاتون بيضكم بعيوني لوول

 

[صحارى 89]

السلام عليكم
بغيت أسأل متى بتداومون >>>>> مو مستجدات
ماودي أدوم أول اسبوع شرايكم

 

[جوجو.]

صحاري يوم الاثنين

 

[جوجو.]

صحاري حياج الله معانا بما انج يديده ونورتي المنتدى