بنات قطر هذا تجمعنا التجميلي

[$نرجس$]

العنوود لااازم يصغر الفتحاات من تجربه رفيجتي اقعدت اتشرط على الدكتور واتقوول ما ابي اتصغر الفتحااات لانهاا عاجبتهااا الحين لماا تضحك ينفرش والحيين لاازم اتصغرهم الدكتور عاارف اذاا نحت العظم لاازم يصغر الفتحاات اول شهريين اتشوفيينهم اصغاار بعديين ينفرش مع الوقت يااخذ شكله الطبيعي

 

[lady قاقا]

انا شليت الجبيره اليوم

ولانها كانت ضاغطه شكله مب شي قالي لي بكره بتشوفينه طبيعي يوم شلها بقيت انط من دريشة مكتبه وانتحر انا مو انا وانا جوعانه ههههههههه

بس احين رد شوي انتفخ لان كان من فوق ضعيف حده وتحت متين من الجبيره وشوي شوي يصير احسن


وعبود سوري ماقدر اضيفك والله ودي بس هلي واخواني مارضوا


ياليت تحط لنا صور هني ونشوف ونقارن وانا بس يفش بحاول احط صور بدون مابين ملامح وجهي

 

[$نرجس$]

الحمدالله على سلاامتج ليدى قااقااا

 

[$نرجس$]

والحمدالله على سلاامتكم كل الي سوو العملييه

 

[ورد فاخر]

بنات ابي تجاربكم في تجميل وشد الصدر
ف ارميله استشاري طلال الهتمي

بلييز
محتاجه ضروري

 

[ورد فاخر]

عبود
وقاقا الف سلامه
وتتهنون بالوك اليديد 



اب

بنات ابي اراكم في الاستشاري القطري طلال الهتمي تجميل الصدر ف الرميله
بليز
بليز
محتاجه ضروري

 

[lady قاقا]

الله يسلمج نرجس

عبود الله يسلمك , هو عدل لي الانحراف ونحت لي العظم من الجوانب وصغر الفتحات حتى ماقدر اضحك ويهي مشدود لان يقص من الجلد الي جنب الخشم ويشده وخشمي يبين ماسوى فيه الا شي بسيط وصدق كلامك نفس قصت خشم الممثل الهندي هيرتك






ماغير بخشمي وايد انا خشمي كان فيه طول ودقيق حتى امي واخوي يقولون لي زين خشمج مثل ماهو مافعصه لج


تقريبا قصات الخشم عنده نفس الشي ,, نفس خشم سارا قطر الي حطت صورها صار خشمي مثلها والحمدلله ماحس بألم راح بس تحت عيوني انتفاخ ومن جنب الخشم منتفخ


عبود انت خشمك مع الايام صاير يضعف ولايمتن؟

 

[lady قاقا]

هلا اختي ورد فاخر


الله يسلمج من كل شر


الدكتور طلال يمدحونه لعمليات التشوهات واعتقد بيكون شاطر بتجميل الصدر لانها ترى عمليه بسيطه صج بتتعبين وبتحسين مركبين طابوق بصدرج اول شهر تقريبا


عملية تجميل الصدر تعتمد على المادة الي بيحشيها لج اذا كانت ممتازه فعمليتج ممتازه ان شاء الله والحمدلله مستشفياتنا يجيبون اغلى انواع الادوية والمواد

الله يوفقج ويعطيج مرادج

 

[مس قطريه]

عبود قطر


يا مرحبا فيك بس اخوي هذا منتدى نسائي ما يصير تسجل

 

[ورد فاخر]

ليدي قاقا
الله يهنييج انتي وعبود

قطريه عادي احنا اهنيه نقول نجاربنا وهو يبي يفيد ولا هو مسويها وخالص يعني


انزين ليدي قاقا بليز مممكن خاص
والدكتور طلال الهتمي
يسوي صدر؟؟
انا متخرعه اول مره بسوي تجميل في حياتي
واخاف يشوه لي المكان


بليز اذا جربتي عنده او حد تعرفينها مممكن رقمها بضيفها ع الواتس
بلييييز موعدي الاربعا ومتخرعه والله بلييييز

 

[@P!nK@]

السلام عليكم

ليدي قاقا و عبود
مشكورين على طرح تجربتكم
بغيت اسأل كم تكاليف العملية ووين سواها لكم الدكتور
ومدة الاقامة فالمستشفى
ويراويكم قبل العملية صور قريبه للشكل اللي بيسويه ؟
وكم يوم الاجازه المرضيه ؟
اللزقات يخلونها كم شهر ؟

 

[مس قطريه]

عبود ،،،



حتى لو ما كلمتني برد عليك مو محتاجه اذن حد


المنتدى نسااائي بحت انا ادري انك داش تستفيد ما قلنا شي وعلى راسي


لكن بعد يظل منتدى نسااائي لو هو للاثنين حياك الله بس هذا نسائي




ورد فاخر بعد نفس الكلام اختي


حياكم

 

[@P!nK@]

عبود
مشكور اخوي عالرد
كم مدة الاقامه فالمستشفى ؟
والجبيره واللزقات اشكثر يخلونهم ؟
وبعد اسبوعين لو داومت تداوم باللزقات ؟
وفي الم كبير بعد العمليه ؟ يعني احتجت تاخذ مسكنات كم يوم ؟

مس قطريه
حبيبتي سوي سيرج فالنت وطلعيلي تجمع غير هذي يتكلم عن التجميل في قطر
مافي .. انا لي فتره ادور وما لقيت
وانا معاج ان المنتدى نسائي
بس كان يقدر يسجل بإسم وحده ويقعد يلعب ويسولف على انه وحده ولا حد بيدري عنه
انا اشوف انه سجل بإسمه هالشي يزيد من احترامه
ما ادافع عنه لسبب
بس الحق ينقال .. بالنسبه لي استفدت من رده
اذا تشوفين وجوده غلط ومخالف لقوانين المنتدى
بلغي الاداره وهم اللي يقررون اذا كان ممكن يشارك ولا لا

 

[ورد فاخر]

مس قطريه
مافي داعي تسوين فتنه وحساسيه بينا

الاخ تكلم عن تجربته وحاب يفيد ويستفيد
وماظن انه تكلم خارج الموضوع او تكلم بقلة احترام

بلعكس كلامه مافيه شي. او اي شي خارج عن الموضوع..
مو عاجبج لاتناقشين معاه وانتهى الموضوع مافي داعي تسوين سالفه من لاشي



اتمنى تقبلين راييي وتفهمين وجهة نظري




كل عام وانتم بخير

 

[ورد فاخر]

ليدي قاقا. او اي وحده حبايبي ممكن رايكم في دكاتره التجميل في الرميله

وتجاربكم معاهم

بليز قاقا اذا عندج معلومات في تجميل الصدر بليز بليز افيديني محتاجه جدا

 

[dalo0oa121]

تعرفون شنو احسن دكتورة نساء وولادة بقطر
ووين المكان

 

[ورد فاخر]

سميره الطائي
استشارية نساء وولاده لها عيادة خاصه في شارع النصر اظن
صوب غاية الاحلام لتعكيس

 

[@P!nK@]

ورد فاخر
في مستشفى رميله اشوف حالياً البسطي افضل الموجود
بس عموماً في رميله كلهم مواعيدهم بعيده وايد

 

[مس قطريه]

انا ما قلت انه قل ادبه ولا قال شي مو زين حرام انا ما اظلمه


ولا اسوي فتن بالعكس لو هو منتدى ثاني على عيني وراسي

واذا عندكم شكوى لانه بس نساائي راجعوا بنت الكويت


ومو ان اسوي سالفه بس ما يصير


على العموم براحتكم اذا الاداره شافته هي تلقائي بتوقف عضويته


واخوي عبود

لك الحشيمه انا مو ضدك ابد


اتمنى تفهمون شالفكره

 

[حبي الرحمن]

مرحباً
أنا بقول تجاربي مع عمليات التجميل سويت خشمي عند حمد الجابر دكتور ممتاز وبعدها بسنه رجعت سويت عند محمود عطا الله لان الأرنبه عندي ما تغيرت وبعد ما سويتها عنده الحين أنا مبسوطة من شكلي الحمد الله وسويت عند دكتور جوزيف بخاش تكبير صدر بالسيليكون وشفط وشد البطن في نفس اليوم والحمد الله كل شي تمام وبعدها بكم شهر سويت نحت الجسم وتكبير المؤخرة عند كمال حسين صالح احس ان شغله نص ونص بس الحين مقتنعة من شكلي وصرت امشي بثقة والكل لاحظ على مب نفس قبل كافئني شي بارز مثل المسطرة والحمد الله على كل حال