بنات عفيه ساعدوني ضايقه فيني الوسيعه ..

[الملكة فيكتوريا]

السلام عليكم


بنات ساعدووني شسوي بشهاده المتوسط

انا خلصت المتوسط من 3 سنين وادخل ثانويه بس ما فلحت اول ثلاث سنين بسنه اولى !!
ما احب الدراسه مع اني شديت حيلي بس ربي ما كتب

وانا اللحين افكر اطلع من الثانويه واخذ شهادتي وادخل اي معهد
ساعدوني اي معهد يقبل

بنت خالتي اخذت المتوسط وعلى طوول معهد كمبيوتر وخلصتها بـ6 اشهر واقدمت ع الديوان من زمان وتنطر اللحين الوظيف

انا ابي معهد غير الكمبيوتر يكوووون سهل

بلييز ساعدوني وانا بالعشرين ..:eh_s(2):

 

[*^ *الليليم]

حرام ما تكملين الثانوي شهادتج تكووون اقوى

والله ما ادري بس ان شاء الله اللي تعرف بتفييدج ... الله يوفقج

 

[الملكة فيكتوريا]

انا ودي بس شوفي شصار فيني ثلاث سنين بسنه

انا مو مال دراسه
ولا اني كسووله بالعكس شديت حيييلي بس ..
وابي ادخل اي معهد عشان اتوظف

ويوفقج ياارب مشكوووره الليليم

 

[Hope Soon]

اختي الكريمة ليش ما تكملين الثانوية احسن لج .... عشان بعدين اي معهد يقبلج اسرع

الحين حتى المعاهد ودورات الخاصة لازم يكون معاج شهادة الثانوية مثل هيئة التطبيقي

 

[Shwarovskia]

اتوقع الدورات الخاصه

معهد السياحه والتجميل

يقبلونج

الله يوفقج

وان شااء الله اللي عندها خبره

تفيدج

 

[الملكة فيكتوريا]

اختي الكريمة ليش ما تكملين الثانوية احسن لج .... عشان بعدين اي معهد يقبلج اسرع

الحين حتى المعاهد ودورات الخاصة لازم يكون معاج شهادة الثانوية مثل هيئة التطبيقي

كملت ودخلت الثانويه بس ما فلحت
ونويت ادخل اي معهد عشان الوظيف
وعشان اسكت حلووج الناس ونظراتهم

مشكووره حبيبتي

اتوقع الدورات الخاصه

معهد السياحه والتجميل

يقبلونج

الله يوفقج

وان شااء الله اللي عندها خبره

تفيدج

معهد السياحه والتجميل ..! شنو اتوظف بعدين ..؟
ماني فاهمه ياليت توظحين لي حبيبتي
والله يووفقج ياارب
ومشكوووره حبيبتي

 

[محبوبه25]

رد : بنات عفيه ساعدوني ضايقه فيني الوسيعه ..

حبيبتي أخذيلج دوره دبلوم من الأثري راح اتفيدج وأيد

 

[Wi-Mi]

والله يا حبيبتي اذا بطالعين الناس و تسمعين كلامهم بتتعبين

ماكو شي يعادل شهادة الثانوية ... اللحين حتى الشيااااب يبوون ياخذوونها

انا اقول تعوذي من ابليس و انشالله لو تقعدين 5 سنين فوق اللي قعدتيهم مو مشكله بس اهم شي ما تفقدين الامل ...

انا ما اشجع اي احد يستهين بشهادة الثانويه .. و الله ما راح تحسيين فيها اللحين .. راح تحسيين فيها تالي لي توظفتي راح تلاقين ان الحياة صعبه و انا شهادة المتوسطه ما تسوي شي

اهم شي يا حبيبتي ادعي ربج و استغفري و اجتهدي و انشالله ما يضيع تعبج و اطلبي دعاء والدينج بالتوفبيق و النجاح

ترى عندج الكورس الثاني بعد .. شدي حيلج و الله يوفقج انشالله

وهاذي دعوه من القلب " عسى الله يوفقج و يسهل عليج دراستج و يوصلج اعلى المراتب آجلاً غير عاجلا "

 

[الملكة فيكتوريا]

محبوبه

جم سنه ادرس فيها
وشنو المواد الساسيه فيها

وبعدين اقدم ع الديوان والا لها وظيفه.؟

والف شكر لج حبيبتي
ربي يووفقج يارب

 

[الملكة فيكتوريا]

والله يا حبيبتي اذا بطالعين الناس و تسمعين كلامهم بتتعبين

ماكو شي يعادل شهادة الثانوية ... اللحين حتى الشيااااب يبوون ياخذوونها

انا اقول تعوذي من ابليس و انشالله لو تقعدين 5 سنين فوق اللي قعدتيهم مو مشكله بس اهم شي ما تفقدين الامل ...

انا ما اشجع اي احد يستهين بشهادة الثانويه .. و الله ما راح تحسيين فيها اللحين .. راح تحسيين فيها تالي لي توظفتي راح تلاقين ان الحياة صعبه و انا شهادة المتوسطه ما تسوي شي

اهم شي يا حبيبتي ادعي ربج و استغفري و اجتهدي و انشالله ما يضيع تعبج و اطلبي دعاء والدينج بالتوفبيق و النجاح

ترى عندج الكورس الثاني بعد .. شدي حيلج و الله يوفقج انشالله

وهاذي دعوه من القلب " عسى الله يوفقج و يسهل عليج دراستج و يوصلج اعلى المراتب آجلاً غير عاجلا "

والله حااولت والمشكله اهلي هم اللي يحبووطني ويتطنزوون عليه لاني متزوجه واحد جامعي وداايم يقارنوني فيه
والله كرهت العيشه واللحين ابوي يقوولي شقول للناس على سواد ويهج
يبه طااااف انا راااضيه عن كل شيء اهم شيء ادخل معهد واتوظف ومايهمني تعب الوظيفه بعدين

والله كريم ان شاء الله
حبيبتي تسلمين ع الدعوه ولج بالمثل ان شاء الله
ربي يووفقج ياارب

 

[Wi-Mi]

والله حااولت والمشكله اهلي هم اللي يحبووطني ويتطنزوون عليه لاني متزوجه واحد جامعي وداايم يقارنوني فيه
والله كرهت العيشه واللحين ابوي يقوولي شقول للناس على سواد ويهج
يبه طااااف انا راااضيه عن كل شيء اهم شيء ادخل معهد واتوظف ومايهمني تعب الوظيفه بعدين

والله كريم ان شاء الله
حبيبتي تسلمين ع الدعوه ولج بالمثل ان شاء الله
ربي يووفقج ياارب

ريلج جامعي .. يعني عندج حافز كبييييير مشالله .. و بالعكس اللي يقولج ما تقدرين قوليله لا اقدر .. لا تسكتين و تصرين ضعيفه جدامهم .. و ابوج الله يهديه اذا قالج كلمه و لا غيره قوليله يبا حبيبي بس ابي دعوتك .. قوليله انت بس تدعيلي ادري انه ربي بوفقني دنيا و اخره .. و اخذيهم بالكلام اهوا و الوالده .. ترى الابو تشترينه بالكلام بكل سهوله و ما راح تتعبين ..

و ريلج شنو رايه ؟؟؟ يعني معقوله اكو احد ن اهلج واقف بصفج

الله يهديهم و يسخرهم لج

 

[الملكة فيكتوريا]

هو انا صرت ضعيفه وخلصنا وانا حييل حساسه من اي كلمه تنقال دموعي اربع اربع
ولما ابوي قالي هالكلامه ما قدرت اتكلم ولا ارد لانه دموعي بعيووني رحت داري ولا رديت
وامي نفس الكلام وخواني وخواتي حتى الصغار ما سلمت من لسانهم
ومعاهم حق جم سنه منقعه انا بالثانويه عشان جذيه انا تعبت وابي اصير مثل بنت خالتي تنطر اللحين الوظيفه ومرتااحه وزوجها جامعي بعد لله يهينيهم يارب

فأنا ابي اصير احسسن شوي ابي ادخل معهد يكون مدته قصيره لما اعطي اوراقي للديوان يقبلون بمده قصيره
اما ريلي يبني جامعيه
بس انا ثانويه ومغرزه شلون جامعه
فما اقدر اكييد

واللهم امين تسلمين ياقلبي

 

[frawlah_83]

رد : بنات عفيه ساعدوني ضايقه فيني الوسيعه ..

نصيحه كملي الثانويه وكملي بعدها دبلوم اوجامعه دام ريلج مشجع

المتوسط معهد ماراح تسوي لج شي ... بتنطرين وااايد على ماتوظفيين الجامعييين اللحين قاعدين ينطرون فوق السنه

عموما هذا شي راجعلج ... اخذيلج دوره سكرتاريه باي احسن ...


والله اوفقج

 

[خشف الرعآبيب]

والله حرآم مآتكملين ثآنويه

والله البنت الحين مآ تسوى شي بدون شهآده

الحين الكل يدور الشهآيد حرآم عليج توج صغيره

أنآ أدري إنج مآتبين هالحجي بس إحتريت عليج والله

حبيبتي مآفي شي صعب شوي شوي توصلين

محد طلع من بطن أمه عآلم

يآحيآتي توج صغيره والله حرآم لآزم تكملين ثآنوي

وربي وربي أعرف حريم كبآر شكثررر كآنو معآي بالكليه

تخيلي تدآوم مع بنآتهآ وربي

يعني عمرهآ بالأربعينآت وفي منهم بالخمسين ومعآنآ بالكليه

ووحده بعد مره كبيره كآنت تقول رحت أخطب لولدي وكلهم كآنو أول سنه لهم وتوهم متخرجين من الثآنويه

حرآم عليج إنتي حآطه هالشغله في بآلج إنج مآتقدرين

بس صدقيني لو بذلتي الأسبآب بتقدرين وتقدرين وتقدرين

من بعد مآتتوكلين على الله وتخلين إيمآنج فيه قوي

تقدرين تجيبيلج مدرسين يتآبعونج يوميآ

تقدرين تدخلين دورآت تقويه

والله العظيم لي حطيتي الهدف جدآمج وربي توصلين

فلآنه وفلآنه مهم احسن منج

ربي حلقنآ كلنآ سوآسيه الله عطآج مخ مثل مآعطآ كل النآس

بس كلن عرف شلون يستخدم مخه ووصل

والله دآمج بالعشرين توج إستغلي الوقت ولآ تقولين كبرت خلآص لآ مآكبرتي وإذكري الحريم الكبآر اللي قلتلج عنهم

وإن شآءالله تبشرينآ على السنه الدرآسيه الجديده إنج مقدمه على الثآنويه







وبالنسبه للمعآهد والدورآت والله مآعندي علم

موفقه خير حبيبتي

 

[Wi-Mi]

والله حااولت والمشكله اهلي هم اللي يحبووطني ويتطنزوون عليه لاني متزوجه واحد جامعي وداايم يقارنوني فيه
والله كرهت العيشه واللحين ابوي يقوولي شقول للناس على سواد ويهج
يبه طااااف انا راااضيه عن كل شيء اهم شيء ادخل معهد واتوظف ومايهمني تعب الوظيفه بعدين

والله كريم ان شاء الله
حبيبتي تسلمين ع الدعوه ولج بالمثل ان شاء الله
ربي يووفقج ياارب

ريلج جامعي .. يعني عندج حافز كبييييير مشالله .. و بالعكس اللي يقولج ما تقدرين قوليله لا اقدر .. لا تسكتين و تصرين ضعيفه جدامهم .. و ابوج الله يهديه اذا قالج كلمه و لا غيره قوليله يبا حبيبي بس ابي دعوتك .. قوليله انت بس تدعيلي ادري انه ربي بوفقني دنيا و اخره .. و اخذيهم بالكلام اهوا و الوالده .. ترى الابو تشترينه بالكلام بكل سهوله و ما راح تتعبين ..

و ريلج شنو رايه ؟؟؟ يعني معقوله اكو احد ن اهلج واقف بصفج

الله يهديهم و يسخرهم لج

 

[Wi-Mi]

حبيبتي انتي قاعده تحبطين نفسج بنفسج .. انتي قاعده تعززين هالشي فيج اللي اهو الاحباط و فقدان الامل و انج ما تقدرين تكملين .. يعني انتي قاعده تقولين حق نفسج انا خلاص ما اقدر انا خلاص ما اقدر انا خلاص ما اقدر .. هذا بحد ذاته يبين ان انتي الحاجز الاول و الاهم بينج و بين شهادة الثانويه .. يعني مو امج و لا ابوج و لا اخوانج .. انتي اللي قاعده تهدمين نفسج بنفسج ..

بس امبين انج واثقه من قدراتج و واثفه انج تقدرين تنجحين لانج مازلتي تبين تدرسين

بس مازلت اقولج و برد اقولج .. لا تفكرين تطلعين من الثانويه .. انتي بس تحتاجين احد يوقف بصفج .. و مشالله ريلج معاج و الله معاج يا قلبي ..

 

[كويتيهx5]

الله يهدااج انا جامعيه علوم ادايه ولي سبع اسنين مو متوظفه كملي احسلج

واذا ما تبين معهد السياحه والتجميل واييد حلو جاان زين اقدر ادشه بس للاسف بس للي متعثرين دراسيا مثل حالتج
وتطلعين مالت مكياج او مصممه ازياء ويساعدونج تسوين اعمالج بعد
موفقه حبيبتي

وادعيلي

 

[الملكة فيكتوريا]

نصيحه كملي الثانويه وكملي بعدها دبلوم اوجامعه دام ريلج مشجع

المتوسط معهد ماراح تسوي لج شي ... بتنطرين وااايد على ماتوظفيين الجامعييين اللحين قاعدين ينطرون فوق السنه

عموما هذا شي راجعلج ... اخذيلج دوره سكرتاريه باي احسن ...


والله اوفقج

والله حرآم مآتكملين ثآنويه

والله البنت الحين مآ تسوى شي بدون شهآده

الحين الكل يدور الشهآيد حرآم عليج توج صغيره

أنآ أدري إنج مآتبين هالحجي بس إحتريت عليج والله

حبيبتي مآفي شي صعب شوي شوي توصلين

محد طلع من بطن أمه عآلم

يآحيآتي توج صغيره والله حرآم لآزم تكملين ثآنوي

وربي وربي أعرف حريم كبآر شكثررر كآنو معآي بالكليه

تخيلي تدآوم مع بنآتهآ وربي

يعني عمرهآ بالأربعينآت وفي منهم بالخمسين ومعآنآ بالكليه

ووحده بعد مره كبيره كآنت تقول رحت أخطب لولدي وكلهم كآنو أول سنه لهم وتوهم متخرجين من الثآنويه

حرآم عليج إنتي حآطه هالشغله في بآلج إنج مآتقدرين

بس صدقيني لو بذلتي الأسبآب بتقدرين وتقدرين وتقدرين

من بعد مآتتوكلين على الله وتخلين إيمآنج فيه قوي

تقدرين تجيبيلج مدرسين يتآبعونج يوميآ

تقدرين تدخلين دورآت تقويه

والله العظيم لي حطيتي الهدف جدآمج وربي توصلين

فلآنه وفلآنه مهم احسن منج

ربي حلقنآ كلنآ سوآسيه الله عطآج مخ مثل مآعطآ كل النآس

بس كلن عرف شلون يستخدم مخه ووصل

والله دآمج بالعشرين توج إستغلي الوقت ولآ تقولين كبرت خلآص لآ مآكبرتي وإذكري الحريم الكبآر اللي قلتلج عنهم

وإن شآءالله تبشرينآ على السنه الدرآسيه الجديده إنج مقدمه على الثآنويه







وبالنسبه للمعآهد والدورآت والله مآعندي علم

موفقه خير حبيبتي

حبيبتي انتي قاعده تحبطين نفسج بنفسج .. انتي قاعده تعززين هالشي فيج اللي اهو الاحباط و فقدان الامل و انج ما تقدرين تكملين .. يعني انتي قاعده تقولين حق نفسج انا خلاص ما اقدر انا خلاص ما اقدر انا خلاص ما اقدر .. هذا بحد ذاته يبين ان انتي الحاجز الاول و الاهم بينج و بين شهادة الثانويه .. يعني مو امج و لا ابوج و لا اخوانج .. انتي اللي قاعده تهدمين نفسج بنفسج ..

بس امبين انج واثقه من قدراتج و واثفه انج تقدرين تنجحين لانج مازلتي تبين تدرسين

بس مازلت اقولج و برد اقولج .. لا تفكرين تطلعين من الثانويه .. انتي بس تحتاجين احد يوقف بصفج .. و مشالله ريلج معاج و الله معاج يا قلبي ..

الله يهدااج انا جامعيه علوم ادايه ولي سبع اسنين مو متوظفه كملي احسلج

واذا ما تبين معهد السياحه والتجميل واييد حلو جاان زين اقدر ادشه بس للاسف بس للي متعثرين دراسيا مثل حالتج
وتطلعين مالت مكياج او مصممه ازياء ويساعدونج تسوين اعمالج بعد
موفقه حبيبتي

وادعيلي

ياعسى ربي يفرج همكم مثل ما فرجتووها عليه
وربي فكرت بكلامكم
وحسيت اقدر اعطي اكثر للدراسه
انا بظل بالثانويه وبدرس وبجتهد وبدخل مسائي
مشكووورين يااااعسى ربي يفتحها عليكم وين ما تكوونوون
واشكر بالاخص الاخت Wi-Mi وقفتج ماراح انساها ونصاايحج بحطها جدام عيووني
مالي ومال الناااس لو اصك الـ30 ما بطلع من الثانويه الا وانا ماخذتها
والله يبعد عني لساااان الناااس ويقوي عزيمتي واصراري ع النجاااح
وجدامي كووووورس الثاني فيه امل اني انجح واطلع بعد سنتين من الثانويه
دعوااتكم يا بنات والله محتااجتها
اخااف اجيب دور ثاني الله لا يقووله وانا اجهز انا ما ابي هالشيء ابي انحج ابي افرح بنجاحي وبعرسي
ربي يوووفقكم ياارب
ماراح انسااكم بصلاتي وبكل دعااائي
ربي يسعدكم يارب..

 

[frawlah_83]

رد : بنات عفيه ساعدوني ضايقه فيني الوسيعه ..

انتي شدي حيييلج وجابلي دراستج .. ترى الي الي نجحوا مو احسن من بشي

 

[جنون الـq8]

امممم اختي قعدت 4 سنوات بـثانويه اعاامه و عاااااادي .. بالعكس و انا معااهم الشهااده اهم من اي شي

واذا ع الوظيفه معروووف الديوان اي احد يقدم عنده لازم يصبر سنه سنتين يالله يطلع اسمه ...

واذا كلش كلش ما تبيين ...ادخلي معهد معتمد من التطبيقي و اخذي لج دوره اما اداره اعمال او سكرتاريه تنفيذيه << اتوقع هذيل اللي عليهم الطلب واايد .. و بعد المعهد في دراااسه يعني لازم جذي ولا جذي لا تخلين احد يحبطج و توكلي على الله ..