بنات شسوووي تعبت تعبت من الـكـحـه مـالـهـا حـل .. ؟

[بيت التوت]

بنات الكحه صارلها ماسكتني شهر ونص
صايره مثل الشرقه تطلع من حلقي مو من صدري
مرات من كثر ماكح ينزل مني ماي مادي افرازات وانتو بكرامه
وبطني احسها تتشقق من داخل
واحس بيبيي يضغط تحت
ماخليت شي ماجربته
قالولي عسل وليمون وزيت زيتون ومافاد
قالوا كركديه وزنجبيل وهم ما فاد
قالوا ماي دافي مع قفشة عسل وبعد مافاد :eh_s(10):
اشتريت 3 انواع شراب كحه من الصيدليه ومافاد :eh_s(16):
مابقي شي ماجربته :bbbiu:
عفيه اللي تعرف شي ينفع مع الكحه والله لدعيلها دعوه بظهر الغيب :yaaaaaarb:

 

[ام الحلوااات]

ادهـــنــــــي بــــزيـــت زيــتــــووون دااافـــــيء مــــعـــاه شـــويـــه زنــجــبــيـــل وشـــويــة مــســمــااار بــــودره
مـــن خــــلـــف اذــنــج الـــى حــلــقـــج وانـــزلـــي عــلــى صـــدرج ومــن عــنــد رقــبــــتــج وانــزلــي الــى نــص ظــهــرج ولــفــي مــكـــان الــدهـــن ونـــاااامـــــــي
لــيــلــه واثــنــيــن وثـــلاثـــه وان شــــــــآء اللـــه تـتــحــســـنــيــن ولا تــجــلـســيــن عــنــد تــكــيـف بـــااارد
عـــالــجــي الــكــحـــه قــبــل الــولاده لانــج بــتــعـذبــج بــاالــنــفــاس ومــع الــخــيــاااط,,,فــهــمــتــــي
واللــــه يــهــــووون عــلــيـــج يــاااارب​

 

[ام ساره 4]

ماتشوفين شر إن شاء الله توت في دوا كحه ياخذونه الحوامل إسمه بكتورال وفي بروسبان بالأعشاب

 

[بنت الثانوية]

جربي البابونج ,, بس مو تغلينه حطيه بمطاره وحطي عليه ماي حار وخليه 10 دقايق ,,

وسكر نبات علطول خليه ابحلجج ,, بس تأكدي ما فيج سكر مو تحطينها براسي

يعني مو علطول علطول اول ما تقعدين قبل لا تنامين االاوقات الي تزيد فيها الكحه >> عن تجربه

 

[الجوهرا]

صارت فيني ماكو شي ماشربت من ادويه واعشاب وكانت زايرتني رفيجتي الله يوفقها ووين ماراحت شاافتني انصدمت اعرفي اني وصلت لحاله مااقدر اتكلم عشان مااكح في شراب بصيدليه اسمه ميلتوس تقريبا بدينار ونص جربيه وراح تدعين لي

 

[أم الفناتك]

روحي الحواي وقوليله أبي بمبر اهو شكله مثل الكور الصغيره معروف حق الكحه والبلغم انا عيالي على طول اسويلهم الحمدلله تروح عنهم الكحه وحليه بعسل طبيعي او سكر نبات والله يشافيج

 

[روح الأحزان]

حبيبتي في اوراق الجوافه عند الحوااي ممتازة للكحة وفي دوا اسمه جوافليكس بس مادري اذا يصير حق الحامل او لا وااايد زين

 

[بيت التوت]

ام الحلواات

الله يجزاج سعادة الدارين يااااااااااارب
اهي الحين ذابحتني مسببتلي ضيق تنفس فضيع
واحاتي بعد عقب الولاده اذا ربي سهل

 

[بيت التوت]

ام ساروني
الشر مايجيج ي قلبي انا جربته اللي بالاعشاب وخلصت العلبه ولا فاد
وفي دوا كحه جربته خالتي ام ريلي وامي وماشاءالله بينت النتيجه معاهم بسرعه
بس اخاف مايصلح حق الحوامل ليشنه مركز
ربي يرزقج سعادة الدارين ام سارونتي

 

[بيت التوت]

بنت الثانويه ههههههههههههههههههههههههههههه لاتحاتين ماراح اقطها براسج
ان شاءالله ماكو الا العافيه
اللي فهمته انه مسكن للكحه راح اسوي الطريقه من اليوم
ماتشوفين حالتي بالليل اشلون
ربي يسعد قلبج دنيا واخره يارب

 

[بيت التوت]

الجوهرا
راح اشتريه اليوم اذا الله قسم
واذا جاب نتيجه معاي
راح اشكرج بموضوع خاص
عشان الكل يستفيد منه
ربي يرزقج سعادة الدارين يارب

 

[بيت التوت]

ام الفناتك
الله يجزاج خير علي المعلومه
بس بسئل جم يوم وتبين النتيجه؟؟
وجم مرا اعطي عيالي باليوم ؟؟
واعطيهم بقفشه ولا قلاص ؟؟
ياااااارب يخليلج زوجج وعيالج ويصلحهم ويهديهم يااااااااااارب

 

[بيت التوت]

روح الاحزان
هلا ي قلبي انا صج قريت عن اوراق الجوافه قبل
بس نسيتهم وانتي الحين ذكرتيني
ربي يسعد قلبج ويبعد عنج الاحزان

 

[بيت التوت]

الجوهره
حسافه الدوا مالقيته رحت صيدلية منطقتنا ماعندهم
دقيت علي 7 صيدليات وهم مالقيته
ايقولون خالص
يااااااااااااااااااااااااااااااااااااااااااربي :eh_s(11): :eh_s(11):

 

[virgo88]

عليج بماي ونبات قبل لا تنامين كل يوم واايد يريح الصدر
وماتشوفين شر حبيبتي

 

[shy rose]

وش دعوه اختي
انتي جربتي كل شئ
لكل نسيتي حاجه وحده
روحي لدكتورتج وهي توصف لج احسن دواء لعلاج الكحة والخاص للحوامل

 

[@ام يوسف@]

اول شئ ماتشوفين شر حبيبتي وثاني شئ نفس معاناتي بولدي كنت حامل بالخامس وامسكتني الكحه وبعد صدري ومع الله مستشفى الراشد لامراض الحساسيه بالصباح عطاني علاج والحمدلله

 

[وفاء ولين]

اذا مصاحب لها بلغم علاجها الزنجبيل الطازج تبشرينه وتصبين عليه مويا حاره واذا دفأ اشربيه بس ديري بالك ما ادري اذا يناسب الحامل

 

[عنووشه]

روحي لدكتور يفحص الحنجره عندج


لانه راح تلعوزين بالولاده ماراح يعطونج كمام مثلي

 

[يارب احفظ عيالي]

سلامات حيبتي ماتشوفين شر البنات ماقصروا

انا ماقدر انصحج باي شي الحين لاااازم تسالين دكتورتج