بنات حدي مضااايقه والله من تصرفات خطيبي من رايكم افل الخطبه ؟!

[Miss trfa]

والله مادري بس من المفترض انها تكون اكثر فتره حلوه بحياه اي شخصين

شنو عقب سنه ونص معلقني خطوبه حتى مو ملجه واخر شي توك تستوعب ان فيني تصرفات ما تعجبك

باجر عقب ثلاث سنين زواج بيقول والله تصدقين شكلج مو عاجبني

انا اقول اثقلي عليه وخليج قد كلامج تبيني انا جذي ماتبيني الله وياك و من هالموقف يتعرفين اذا هو جاد والا كلام فاضي

شنووو اعطيج فرصه شمسويه انا سولفي وقرقري والا فرصتج 1 بالميه
سوري بس عصبت شوي

 

[قمرية الفيس]

المشكله ومافيها انتي حساسة وهو دقيق
ولا الي صار اصلا كانه مو موجود بس انتوا اوجتوه وكبرتوه وعظمتوه الى ان فكرتوا بالانفصال مع اني شايفة انه اعماركم حلوه مو جهال توكم

 

[L A T T E]

شوفي

اسلوب التغلي، واسحب عليك تلحقني، واشوتك تردلي.. تنفع مع الرياييل اللي عندهم سواالف وماعندهم كرامة لكن نوعية ريلج راح يهدج واهوا يضحك دام ماملج عليج يعني ماكو مهر ويعني ماخسر شي ولانه ريال زين وعمره مثاالي فصدقيني الف وحدة تتمناه يعني عنده خبر انه مرغوب.

بالنهاية انتي ماراح تخسرين شي، خلج معاه واستغلي فرصتج بالزينة وان شاء الله تتوفقين، لكن نظام النية اللي مش كويسة راح يخليج تطيحين من عينه ويهدج بطريقة يمكن ماراح تعجبج.

 

[حبيبي مالكني]

انا ضد ان فترة الخطوبه تصير طويله
حلاته اكثر شي 6شهور
ثانيا ليش اهو يبي يغيرج اهو يبي يمحي شخصيتج ويسوي شخصيه تعجبه وعلى كيفه
إذا كنتي مو عاجبته ليش استمر معاج
ولا فوق هاذيه يهددج ماله حق
سمعي حبيبتي اذا انتي مقتنعه بكلامه حاولي تتغيرين
بس اذا لا خليه اهو يقرر يا ياخذج مثل ماانتي او تنفصلون
بس يمحي شخصيتج ويسوي شخصيه تناسبه لا والف لا
كلنا فينا اشياء يمكن الطرف الاخر ما يتقبلها ونحاول نغيرها عشانه
بس يكون شي او اثنين مو يمحي الشخصيه جذرياً

 

[hawraa]

اكثر شي ينرفز اهو المراة الضعيفة اللي تتشكل بيد الريال مثل ما اهو يبي.. الرجولة الحقيقية مو ان اهو يسيرج مثل مايبي ويشكلج شخصيتج.. الرجولة ان يحبج مثل ما انتي واذا مو متقبل شخصيتج يتوكل علا الله بدون تهديد ووعيد وحجي اليهال هذا.. استقلي بشخصيتج وماعليج منه.....

 

[مُتعبة]

حبيبتي ترى موضوعج كلش عادي !
الرجل بطبيعته مخلوق ماتتوقعين أفعاله
ما راح تلاقين رَجُل كامل من أساس
لازم كل واحد منهم له عيوبه ..
إذا انتي من البداية تحسين روحج مو قادرة اتمين معاه
فالأحسن تتفارقون من ألحين قبل لا يكون بينكم رباط اولاد
و في النهاية أهم شي راحتج و راحة قلبج حبيبتي
وبالتوفيق إن شاء الله

 

[Sweetq8]

حلوه هذي ماعزيتي نفسج ولا حبيتي نفسج ولا انتي مقتتنعه بنفسج
اشلون تبين الرجال يقتنع فيج
هذا واحد قاعد يتعذر ويتحجج

شكو انتومنو عشان تدخل باسلوبي وكلامي

انت بتكون زوجي لك حق بس اتوجهني لو في غلط فيني

لكن والله لان حضرت جنابك مايجوزلك اسلوبي الطبيعي والعفوي

فعفوااا يالمريض المعقد طلبك وسلعتك الي ادور عليها مو عندنا

انا لو مكانج اطلع فيه عيوب مثل مايقولي غيري اقوله حتا انت فيك هابشغله ماتعجبني غيرها

خل يحس اشلون الله حق

وارجع واقول انتي سبب تسلطه علييييج

 

[mrs.perfect]

ًشنو اعطيج فرصه اكمل معاج او لا
ولا يقولج الفرصه 1٪
انا اقول قوليله عندك فرصه اسبوع تقولي يا نستمر او لأ
مايسير كلله اهو مسيرج جنه يمن عليج
وجنج مو محصله ريل
لاحبيبتي انتي قدري نفسج
وقدري الموقف اللي انتي فيه
والله يرزقج الزوج الصالح اللي يريحج تكونين قرة عين له

 

[جـنـون]

واضح انج مادحته حيل .. او مبينه له انج طايره فيه ومستانسه ومو مصدقه !!

عشان جذي شايف نفسه وطايح له تكسير فيج ..


انا اقول قوليله هذا انا من اول ماعرفتني .. تبي تطلب طلبات مهمة واشياء واضحة
اوكي انا مستعدة .. غيره الله ييسر امرك ..

واتركيه واستخيري .. ان فيه خير لج بيرجع لج ..

غيره الله يسهل دربه

 

[بدويه ستايــل..]

اب اب اب اب اب اب

 

[cat-girlq8]

بنات شخباركم والله لكم وحشه
اقول خطبتي طلعت اي شي صار لي سنتين وكل مانبي نملج يصير شي ياوفاة من اهل ابوه وامه سوت حادث
بس الحمدالله اللحين احسن

بنات للحين يرد علي نفس الاسطوانه تغيري وانا دمي قاعد يحترق مابيج اتكررين الكلام اكثر من مره ولا ابي اسألة تأكيد اذا كنتي عارفه الاجابه ولا ابيج تسكتين وانا ساكت
واللحين داش لي بالطبع الناشف اللي يدقر ويزف ويجعم اقوله تري انا وايد مضايقه وغير من طبعك هذا يوالمني يقولي انتي وصلتيني حق هالمرحله
انتي غيري من تصرفاتج وبعدين انا اغير
ومالج حق تطلبين مني اي تغيررر تفهمين
قلت له
تري انا مضايقه ودام انه وصلنا حق هالمرحله خلاص يعني كل واحد يطلع من حياة الثاني جان يقولي انتي صاحيه ؟..
انا مضايق من تصرفاتج بعدين اكلمج
وبصراحه بنات مادري شسوي برج الجوزاء من الابراج الي تحير الواحد

 

[بنــت الــكـويت]

ومالج حق تطلبين مني اي تغيررر تفهمين ؟؟ يعني اهوو له الحق بس .. هذا من الحين امسوي نفسسسه << اكررره اللي يتأمر ومايشوف نفسه بالاوووول

واذا تكلمتي معاي بالفون وانا ساكت لاتسكتين تحجي !! علي طاري هالشغله انتو صدف معاكم جذي ؟

اي والله صدف و اشوفه عادي ماتوووصل لـ افكر اعطيج فرصه وغيري ومادري شنو شهالنوووعيه ..

وانا مع اختي فراولة شريره ( اللي يحب شخص يحب عيوبه قبل مزاياه وناس بعد من كثر ما يحبون يعتبرون العيوب أهيا مميزات )

اذا يحبج يحب كل شي فيج ويتكلم وياج بأسلووووب مو يزف ويجعم ( قاعدين تتفاهمون مو تتهاوشون ) :eh_s(10):

الله يصلح الحااال ويكتب اللي فيه الخيرر لكمم
​

 

[الانسة الشابة]

(اذا فيج صفه مو حلوه) فالمفروض التغيير يكون من داخلج يعني انتي بنفسج ودج تغيرين هالصفه اللي فيج … مو تغيرينها عشان شخص معين… لان التغير بيكون مؤقت مو تغير نابع من ذاتج

بعدين المفروض انتي تكونين واااثقه من روحج … كل مره قال لج تغيري او مو عاجبنتي هالصفه فيج ع طول تغيرين روحج… يمكن هالصفة ما فيها شي…
خليه يشوف عيوبه اهو اول...... و لا يقعد يدقق ع الناس…
انا لو منج راح اقول له: حبيبي هذا صفاتي … مو عاجبتك و لا قادر تكمل حياتك مع صفاتي اللي مو عاجبتك خلاص كل واحد يروح بحال سبيله… و انا انسانه راضيه بكل صفاتي … و حابه روحي… و ما ابي واحد يفصلني ع كيفه… و الحمدالله اني راضيه فيك بكل صفاتك … فارضا فيني مثل ما انا رضيت فيك او روح دور لك بنت تفصلها ع كيفك…

هالنوعيه من الرياييل ما يتعامل معهم غير باسلوب بارد نفسهم…

و اذا انتي مو قادرة تتحملينه … استخيري و ادعي ربج انه يساعدج و يوفقج…
و ان شاء الله يكون افدتج …
و الله يوفقج و يحميج و يسعدج بكل مكان....

 

[mmloo7a]

يا بنت الحلال

المره مو كل يوم لها ريل

بس انتي حاولي تغيرين من تصرفاتج وشوفي شنو اللي يضايقة بالضبط

يمكن يبيج تقوليله كلام حلو وخلج دايما لينه معاه
الرياييل طبعهم مايسولفون وساكتين وحتى لوسولف شتحبين يسولف معاج

وصدقيني حاولي انج تكسبيه ترى الحياة فيها مد وجزر

يمكن اهو نوعه مايسولف الا لمن تقعدين معاه ويشوفج يعني موكله بالتلفون تسولفون او كل يوم تحاجون بعض اكيد السوالف بتخلص

حاولوا تطلعون تستانسون عشان تكونون حياة حلوه وايام تتذكرونها دايم

الله يسخره لج

 

[miss.unique]

انا شايفة ان الملل يبدى يتسرب حق علاقتكم ... العلاقة بالتلفون مهمن كان مو نفس الواقع ...
وبالنسبة حق كلامه انه بعيد النظر في زواجكم ... هاذي اهانه لج حبيبيتي

وشكلج تحبينه وتبينه .. حسيت من كلامج ماتبين تفلينها و مترددة حيل

اهوة انسان انتقادي ... هل مستعدة تتحملين هالشي ؟
اذا لاء فليها .. اذا اي سايريه و ساحليه بذكائج .. ترى المرة الذكية تعرف شلون تتعامل ويا الريال .. ودايمن الفترة الاولى من الزواج فيها مشاكل معروف هالشي

انصحج تحطين النقاط عالحروف ... بسكم تلفونات و خرابيط ..
خل احد يدخل عشان تسرعون الملجة عالاقل ... واذا ما يبيج خل يقول .. كافي تمغط بالسالفة

نصيحتي النهائية ... لا تكملين علاقة التلفون

 

[مصرقعه كوول]

حبيبتي هذي انتي ولا تغيرين تصرفاتج عشان احد وانا وحده ارفضضضضض تماما ان البنت تكلم زوجها كلش ماله داعي شماله يعني مردج راح تعودين عليه ليش العجله ودايم تصير مشاكل بسبة هذي السالفه وتصير مشاكل وتغلب البنات الي يكلمون عشان يشوفون اذا بيصير تفاهم او لا ع قولتهم دام ماصار شي واذا ما تفاهمو قالو اشلون الحين راح يطلقني مو انتي جبتيه لنفسج وانا انصحج ماتكلمينه حاليا ليما العرس لان احسه مقزرها وشبع وانتي نصيحه خليه لي لية العرس احسنلج

وشكرا

 

[البارونـه]

انتو للحين ماملجتو فـ القرار لج ، إذا من اولها جي جنكم متزوجين من عشرين سنه
والله كيفج انا ماحب احرض حد على طلاق ولا فصخ خطبه بس انتو للحين مابينكم عقد اصلا
وانتي صارلج سنتين تشتكين منه، استخيري وفلي و الله يعوضج باللي احسن منه

 

[نـعـومـه]

لحظه شفيه عليج

شنز تغيرين وتغيري وبعطيج فرص !!

شنو اللي موعاجبه فيج !!!

 

[عسل حدي]

البعد عنه غنيمه لاتضيعين عنرج مراكض وراه هذا نايبيج

 

[قصْر شآمخ~]

يوووووووووووووووووووه كاتبه رد وانمسح
عموما البنات ماقصروا وانا مع اختي ام الدرر قوي ثقتك بنفسك

ونصيحه اجلسي معاه وعطيه كلمتين بالعظم
قولي اسلوبي جميل وعاجبني والحمدالله انا واثقه من كل كلمه اقولها واذا مايعجبك
شي راجعلك ومايخصني
وشي ثاني انت فاهم الحياه الزوجيه والشراكه بالحياة غلط
مو حلو ان تكون اي شراكه طبق بعض ونفس النمط
لابد من الاختلاف عشان كل واحد يكمل نقص الثاني
ومثل ماعندي صفات ماتعجبك فيني انت بعد عندك صفات ماتعجبني وتخليني افكر بالانفصال
بس لاني راقيه بفكري وادري ان محد كامل ولان عيني ماتشوف الا الايجابي وماعندي نقص عشان اتصيد اخطاء الاخرين
ساكته ومحترررمتك
حاليا انا قلت لك كل شي بخاطري وانت عاد اتخذ قرارك ورد علي
وقووووووووومي عنه خللللللليه يفكر

ولا تردين عليه كم يوم الا اذا شفتي اصررررررررررر بالاتصالات بعدها ردي
ولاتكثرين كلام معه الا اذا سمعتيه يتاسف ويتفق معك بكل كلمه قلتيها

اتمنى اكون افدتك والله يوفقك ويكتبلك الخير

كلاااااااااام ممتااااااااااز ..
أنا أشوف إنج لازم تقوين شخصيتج وتعرفين تردين عليه بـ قوة إذا انتقدج
لا توقفين معاه ..

والدليل لما قلتي له ننفصل انصدم وقال انتي صاحية .؟
لأنه ما توقعها منج دايم كنتي الطرف الضعيف وهو القوي
لما بينتي له إنج قوية ومستغنية صدمتيه ..

حاولوا تملجون بسرعة حتى لو من غير حفلة وطقطقة لأن طولتوا وأتوقع إنه ما يجوز تكلمينه وانتو ما ملجتوا للحين .. حتى لو خطبة رسمية لازم ملجة وعقد


موفقة