بنات جالكسي اس 3 تعالوا نفيد بعض..

[Nwear_a]

السلام عليكم..

هدفنا من هالموضوع نفيد بعض ونكتشف مميزاته اكثر
اللي عندها اي معلومه حطها لنا اهني

عن نفسي حبيت بهالجهاز وايد اشياء:
طبعا اول شي:
ميزه ان ليت الشاشه ما ينطفي طول ما انتي تطالعينه وعينج عليه,
وشي ثاني:
ليت الled اللي اهو الليت اللي بالزاويه فوق ويكون للتنبيه حبيت فيه ان اقدر اغير لون الليت مثلا خليت لون الواتس اب لمن يوصلني خضر واذا قروب الليت يصير بنفسجي.
وما شالله البطاريه زينه مع كثره الاستعمال ما تخلص بسرعه
وتصويره روعه
وراح احط لكم البرامج اللي نزلتها وفادتني

 

[Nwear_a]

انا مو يديده عالاندرويد ومن قبل مجربه اكثر البرامج

من اهم البرامج استخدم متصفح اوبرا موبايل



هالمتصفح من مميزاته لمن تسوين منه كوبي وبيست لي الواتس اب يطلع كلام مفهوم مو طلاسم مثل المتصفح الاساسي.
وشي ثاني لمن تكبرين صفحه المتصفح (منتدى مثلا) يطلع الكلام تحت بعض ما يحتاي تروحين يمين ويسار


هذا رابطه من الماركت
https://play.google.com/store/apps/details?id=com.opera.browser

 

[❞ Cleoραtrα ❝]

انا خذت جلكسي اس 3 من شهر يمكن

الصراحه اول شي خذته وماقمت استخدمه مادري ليش والايفون قبله نفس الحكايه

اما الحين صرت ادمان واكثر شي استخدمه النوت ماله وايد يونس واحب اكتب يومياتي

 

[ajeeba_21]

تسلمين

 

[Nwear_a]

الله يسلمكم حبايبي.


***

البرنامج الثاني :

وااايد مهم بالنسبه لي اللي اهو

ZDbox

اهو عباره عن كذا برنامج فبرنامج واحد وسريع وخفيف
من مميزات الجهاز

1. انه يطلع لج البطاريه بالنسبه المؤيه بالشريط الاساسي فوق.
2. عن طريقه تقدرين تصكرين البرامج المبطله فالخلفيه.
3. يبين لج احصائيات استخدامج للنت
4. وضع رقم سري للبرامج

وغيييره من الاشياء
البرنامج فري
هذا رابطه من الماركت
https://play.google.com/store/apps/details?id=com.zdworks.android.toolbox&feature=search_result

 

[Nwear_a]

في طريقه لتحميل البرامج اللي بفلوس فري يمكن في بنات ما يعرفونها

اهي تكون عن طريق التحميل من المتصفح عادي او من فور شير مثلا

البرنامج اللي تبينه ويكون بفلوس

دشي قوقل وكتبي (اسم البرنامج) + .apk
وحمليه وبيقولج تنبيت البرنامج ضغطي نعم

بس قبل كل هذا لازم تجيكون اول ان في صح عند التالي:
الضبط > الحماية > مصادر غير معروفه (السماح تطبيق تطبيقات غير خاصة بالسوق)

وسلامتكم

 

[Nwear_a]

افضل كيبورد استخدمته

وافضل من الكيبورد الاصلي لان كل حرف منفرد

وتقدرون تتحكمون بحجم الحروف وشكل الكيبورد والالوان بعد

a.i.type keyboard

 

[بيرلا ستور]

خوش موضوع
تسلمين

 

[ماآاريا]

بنات بسال سؤال عن حجم جلكسي 3


كبير نفس الجلكسي نووووت ؟؟

 

[سكارلت]

الجهاز حيل حلو وفيه مميزات واجد
كنت ناوية أشتريه بس كثر الألتزامات
اللي علي من مصاريف رمضان والعيد والسفر
خلتني أجل شرائه حتى شهر 9

 

[Nwear_a]

الله يسلمج lady حبيبتي

ماريا عزيزتيرالجهاز اصغر من النوت اطول من جالكسي اس2 بشوي

سكارلت ان شالله تشترينه حبيبتي

موفقين

 

[A7la_MEMO]

هااي انا جديده ع الجلكسي امس شريته واستعماله حلوو وخفيف
بس للحين ماعرفت انسخ من موقع
يعني مثلا هني بالمنتدى ماقدر انسخ الكلام اللي بالمواضيع او الردود
هالشغله عقدتني ف ياليت احد يفيدني فيها

وبغيت اعرف الفيسات اللي موجوده بالايفون ماتنزل هني ؟؟
واكون شاكرتلككم فديتكم

 

[ماآاريا]

احلى ميمووووة


نزلي برنامج اوبرا موبايل عشان تنسخين الموبايل


ومتصفح حلوووو وسريع

 

[ماآاريا]

بنات

صج انه شاشة الجلكسي بسررررعة تنكسررررر

حتى لو طيحة بسيطه

جيت اشتريه وترددت

 

[A7la_MEMO]

ياحياتي يسلمووو ماريا ضبطت معاي فديييتج
اي شاشته خفيفه بس عادي حطي كفر البوك اريح ماتحاتين

 

[Mjnont '3lay]

قاعده افكر فيه بس احاتي مميزاته وعيوبه
بالبدايه كنت ناويه على ايفون اخر اصدار نزل
بس اليوم شفت الجالكسي بيد اخوي الكبير وشاشته ماشاءالله راهيه كبيره وواضحه مو مثل الايفون الشاشه صغيره
وصاير ضعيف واجد وخفيف عجبني شكله بسس خووووفي من استعماله والله
والروابط اللي حطتها صاحبة الموضوع ترى مافهمت شي لووول ميخالف حدي عليميه على هالسوالف ولي يومكم هذا على نوكيا يعني كلش ما اعرف بهالبرامج وهالسوالف
ياليت وحده شقرديه تتطوع وتفهمني
وبجم الجالكسي اس 3 وفيه منه الوان ولا بس ابيض ؟؟

 

[Mjnont '3lay]

بنات بغيت اسال عن شغله محيرتني
مره سمعت وحده من البنات اللي معاي بالمركز تسولف وتقول انه لازم نسكر الصور برقم سري او شي جذي يعني مافهمت هي شقالت بالضبط الوكاد عشان لمن نشبك بالنت محد يقدر يتطلع على الصور والخصوصيات اللي بجهازي
وقالت الطريقة نروح على اعدادات ومدري شنو بعد قالت نسيت يااربي يالييييت اللي تعرف ماتبخل علي فديتكم

 

[A7la_MEMO]

امممم ادري اسألتي واجد
بس الوتس اب التوبكات ماتطلعلي كامله !!
شسوي ؟
النجده ههههه

 

[Mjnont '3lay]

بنات صج جالكسي اس 3 مافي عربي ومايصير نحوله عربي
هذي الوهقه والله

 

[A7la_MEMO]

لا شكو في عربي وانجليزي
انتي لاتسمعين من احد
روحي المحل وامسكيه وشوفيه وتوكلي ع الله
ترا والله يهبل وونيس ومافيه تعقيد