ابي اكمل علي الاخت اللي فوقي واقول انهم يقللون من المدرسين الوافدين واالي امسببن الدروس الخصوصيه ويحطون الاخوات البدون
وبعد يخلون مبني المدارس متطورمن ناحية الفصول والارضيات واللوحات ويسكرون الساحات الخلفيه ويخلونها كافتيريا سنعه وبعد يحطون فيها لابتوبات والعاب مسليه منها تكون كفتيريا ومنها الابلات ياخذون فيها طالبات الاحياطات يتسلون بشي ينفع بدال القرقه والصراخ بالاحتيااط
وودي بعد كل مدرسه يكون فيها حضانه والعاب خاصه حق اطفال ما قبل الروضه علي اساس الام ماتحاتي عيالها ومافيه مانع يكونون المشرفين علي الاطفال من الخوات البدون
واسوي مسرح او سينما اعرض فيه بغض الافلام الثقافيه الهادفه والا الحلقات اللي تفيد مثل برنامج خواطر واللي الصراحه اتمني الكل يشوفه ويكون حق كلل بنات المدرسه ولو مره بالاسبوع في ساعه النشاط الفاشل والا علي الاقل تقوم وحده من مدرسات المدرسه بعمل ندوه داخليه للطالبات عن اي موضوع حر وتناقش فيه الطالبات والله بتلقينهم يتفاعلون معاد انا كنت اسويها في حصص الاحتياط وتلاقين البنات منشدين لج ويسالون ويتفاعلون معاج
بس نرد ونقول منو يسمع هالاقتراحات احنا نهذري بروحنا
