طبعا زمن امي كانوا ييبيون خدامات من دول عربية بعدين حولوا على شرق اسيا و زمن يدتي تييهم خدمهم من نفس الديرة او كانوا العبيد وكلنا عبيد الله
مدري وش الزمن اللي مافيه خدامات من زمن الرسول وهو فيه عبيد وخدم
ومع ذلك معليش اول غير والحين غير
أول وش كانوا يطبخون اكلات شعبية وطبخة وحدة والحمد الله على النعمة , مافيه مواجيب وزوارات وان ياهم احد عطوهم قهوة وتمر وان تكلفوا بيبسي بفتاحة موب احنا سلطات و مقبلات و صواني و حلو و موالح اشكال وانواع وتفنن غير التفنن باللبس والتسريحات
تزين طقت الديرم و لبست لها جلابية حمراء والشعر مغسول بسدر و مكسر وريلها مايشوف غيرها , احنا القصير الضيق وتسريحات واستشوارات وحوسة ولا مبين في عين بعضهم
عيالهم لادراسة ولا شئ في الصكيك يلعبون ويعافرون ويحوسون وان درسوا امهم ماتدري عنهم اصلن لانها ماتعرف تدرسهم وفي الاخير اللي ييب مقبول بينجح وبيدخل الجامعة وبيحصل وظيفه تشرف مو احنا تعال يافلان ذاكر رياضيات ويافلانة ليه ما حليتي الواجب ولازم الامتياز و يدخلون الجامعة بتخصص زين ويالله نحصل لهم وظيفة غير تلبسهم و تزينهم وحوستهم
وفوق هذا كله وظيفة الزوجة او دراستها لان كل شئ غالي و تصير ياتساعد ريلها او شئ يصير لها ضمان بعد الله
