بنات بنت خالتي دقت علي قبل شوي منهاره من البجي بليز خنساعدها ولو بنصيحه

[life1]

مرحبا بنات







شونكم







بنت خالتي هذي خل اقولكم سالفتها...


كانت تدرس في جامعةالكويت كلية العلوم

وكانت ناويه تحول هندسه......


بس صارت لها ظروووووف(امها مريضه بالسرطان واهي وحيدها الي توديها مكي الجمعه و المستشفيات ومراكض فيها)

ماقدرت تدرس وكل يوم ساقطه ابماده....

وكل ما تعيدها وتحاول تشد حيلها ما تقدر تتابع وتسقط فيهم

مسكينه نزلولها انذار اول و ثاني


وحاول تشيلهم ما قدرت المهم الحين صارلها 3 كورسات بالكليه وما قدرت تكمل سحبت اوراقها وقدمت على التطبيقي

وانشاء الله يقبلوها

بس الموقف الي صارلها انه بنت خالتنا قام تحرها انها حولت هندسه وقاعده تشمت فيها لانها حقيره :eh_s(14):

والي ابيه منككم كل وحده تحاول تشد حيلها اولا

ثانيا:::بنت خالتي تبي تتخرج من التطبيقي و تكمل بكالوريوس بس مو عارفه شلون واذا عطيتها الحل الحين راح تتشجع وتييب معدل عالي بالتطبيقي

بس اهي ما تبي تسافر بره عشان امها ما تقدر تهدها


عشان جذي ما عليكم امر عطوني اقتراحاتكم

 

[*[Be_True]*]

حبيبتي أول شي ما عليها من كلام بنت خالتها وما تدري يمكن خيره لها انها سحبت ودشت تطبيقي

وخليها تشد حيلهااا وأهم شي تكمل دراستهاا وتاخذ الشهاده

أما عن شلون تكمل بكالوريوس ما عندي فكره وانشالله البنات يفيدونج..

 

[معشوقتهـ]

تتوكل على ربها وتشد حيل ولاتقصر بأمها وربي ماراح يضيع تعبها والله وياهاااااااااااااااااا

 

[صب القفشه]

ان شاء اللهـ خيييرهـ لها

و ختشد حييلها بالتطبيقي تحاول تييب a

و عندي اقتراح ليش ما توقف قيدها بالجامعه سنه ع الاقل و بعدين تكمل

و اللهـ يوفقها ان شاء الله

 

[-Bello-]

حبيبتي تقدر نكمل عن طريق البعثات الداخليه .. ختشد حيلها اهي بس والباجي عند رب العالمين ..

 

[ع ـبدليه]

مثل ماقالت اختي صب القفشه توقف قيدها احسن لها منها تتفرغ لامها واذا ردت بعدين تشد حيلها..
والله يشفي امها يارب

 

[Queen_Angel]

قدر الله وما شاء فعل... يمكن خيره اللي صار لها.. قوليلها تشد حيلها وتييب معدل عالي عشاان ان شاء الله تقدر تكمل بعثة داخلية بالجامعات الخاصة..

 

[غلاك اش فادني فيه]

خليها تدخل التطبيقي تربيه اساسيه وتشد حيلها ترااا الدكاااتره حييييل طيبين وحبوبين ويتفاهمون مع ظرووف البنت خصوصا اذا كانت طالبه حريصه ...... وراح تتخرج منه بشهادة بكالريوس مو دبلوم اذا دخلت تربية اساسيه ...وتكمل بجامعة الكويت ماجستير اذا تبي تكمل
والله يوفقها

 

[المـــــها]

حبيبتي خل تدش التطبيقي و تشد حيلها و إن شاء الله الدكاترة بيساعدونها و هم الدراسة فرررررق عن كلية العلوم
و إذا جابت نسبة زينة إن شاء الله تقدر تكمل

و الله يشافي والدتها و يقومها بالسلامة و يخليهم لبعض
و جزاج الله خير حبيبتي ،، و الله يكثر من أمثالج

 

[حلوه بس فصله]

حبيبتي الاساسيه اهي بكالريوس اذا يابت نسبه حلوه
في قرارا من سنه اللي بتكمل ماجستير بجامعة الكويت والدكتوراه بعثه بره الكويت
يعني الاساسيه لها مستقبل لان دراستها 4سنسن حالها حال الجامعه مودبلوم سنتين

 

[life1]

مشكورييين والله يعطيكم العافيه


انا ودي اعرف شنو الجامعات الخاصه الي تقبلها

 

[نايفة الوصوف]

الله يوفقها ان شاء الله ..
اذا لها مجال ترد الجامعه انا مستعده اساعدها في المواد اللي متوهقه فيهم لاني خلصتهم والحمد لله جبت فيهم قريدات زينه
واذا مالها مجال ان شاء الله يكون لها خيره بانها سحبت اوراقها

 

[~~ SaM ~~]

الله يشافي والدتها ان شالله

و خلها من بنت خالتها اللي اتحرها


وان شالله تدخل الاساسيه سهله و تجيب a بكل المواد



الله يوفقها

 

[أإلع ـشق دلع ـهـأإ]

ياقلبي عليها ..

مداام اهي باره بامها وخلت دراستها علشاان تشووف امها .. الله ماراح يخليها ..

خليها تدعي ربها وتذكر محاسنها خليها تقول اللهم اني تركت دراستي واهملتها علشاان ادير بالي على امي اللهم وفقني بدراستي ونجحني .

وخلي امها تدعيلهاا دعاة الام مستجابه ...

وان شالله ربي مايخيب رجاها ..

وخليها تدرس تشت حيلها اول بالاول خليها اذا راحت لامها تجيب كتبها وتدرس ..

والله يوفقها وينجحها ويسعدهاا يااارب ويشفي امهاا يااارب

 

[غيدآء]

الله يوفقهااا,,,

خليها تدش كلية التربيه الاساسيه,,,وتقدر تكمل بالبعثات الداخليه

وان شالله خيره لهااا

 

[||Miss Shiny||]

الله يشافي أمها وجميع مرضى المسلمين

تقدر توقف قيدها بالجامعة

و اذا ماتبي وسحبت تقدر ادش تربية اساسية وتتخرج شهادتها بكالريوس مثل الجامعة ماكو فرق

و تقدر ادش جامعات خاصة بس راح يكلف مصاريف وكل كورس بفلوس


نصيحة التربية الاساسية حلوة الدراسة سهلة هناك

 

[العجميه سبشل]

اذا ادخلت كليه التكنولوجيا خليها تاخذ تخصص هندسه كمبيوتر
وتيب معدل عالي اكثر من 3.7 تقدر تكمل بجامعه الكويت بكالوريوس


وكأني سمعت ان التطبيقي بيسونها باكالوريوس

 

[amish]

وعسى أن تكرهوا شئ وهو خيرا لكم
حبيبتي خل تقدم على التربية الاساسية لانها بكالوريس وتختار تخصص تقدر تكمل فيه درسات عليا بالكويت
وإذا ماقبلوها تربية خل تدرس كورس واحد وتيب فيه معدل قوي علشان تحول تربية اساسية
وفيه بعد كلية التكنولوجيا اذا تخرجت منها بمعدل قوي تقدر تكمل هندسه بس صعبه شوي لان الكراسي التحويل 5 كراسي او أقل يعني السالفه مو مضمونه التربية الاساسيه أضمن والله يوفقها ​

 

[noo7a]

دام انها كانت بالجامعه وحولت تطبيقي
عيل موضوع الامتياز سهالات راح يكون انشالله
دراسه التطبيقي سهله و خفيفه و الدكاتره هناك يراعون مو مثل الي عندنا بالجامعه و خاصه الي بالعلوم
فيعني راح تييب امتياز بسهاله
انا رفيجتي ما يابت معدل بالثانويه العامه ودخلت التجاري تخرجت بامتياز
وبعدها خلوها تكمل بجامعه الكويت لانها متفوقه
و الحين كاهي معانا مشالله ماشيه بالدراسه
بس اذا بتكمل لازم على نفس التخصص الي كانت متخصصته بالتطبيقي
يعني انا رفيجتي كان تخصصها بالتجاري كمبيوتر تخصصت بالجامعه هم كمبيوتر

 

[life1]

الي عندها اي معلومه خل تقولناااااااااا