بنات بقدم شكوى على ستار بكس وين اروح

[*ماي الورد*]

بعرف الشايع شلون ساكت على شوية النصابين اللي مشغلهم عندهم
انا كنت اقرا اهنيه ينصبون بالحساب بالافنيوز
شوفو المواقف اللي مريت
1 رحت فرع سلوى قتله ابي موكا حجم رقيولار اتفاجأ انه مجهزلي اكبر حجم
2 رحت فرع المركز العلمي نفس الطلب و قتله ابي رقيولار رحت طليت و لا اشوفه مطلع اكبر كوب حصله زفة محترمة قتله انا ما قتلك رقيولار قعد يستعبط
3 رحت فرع سلوي هالمرة طلبت اسبرسو قالي تبين دبل شوت قتله لا شوت واحد الدبل شوت قوية
انزين الحين الصدمة الموظف الثاني كان داخل يي و القهوة جاهزة جان ينادي دبل شوت اسبريسو از ريدي
شفتو النصب مجهز لي قهوة دبل شوت علشان ياخذ فلوس زيادة
و الله حدي منقهرة ابي اقدم شكوى بالشركة نفسها مو حماية المستهلك
تدرون اذا ما صار شي راح اطرش ايميل بالشركة الام راح افضحهم

 

[بنت الاحلام]

والله ماعرف وين بس اتوقع حمايه المستهلك

 

[Melazlaza]

زين تسوين والله عفية عليج
انا الي اعرفه حماية المستهلك
وانتي حاليا طرشي شكوى للشركة الام ان وكيل الكويت يمارس الغش

وهم دقي عالبلدية سإليهم شنو الاجراءات

الله يوفقج
صرنا لقمة سهلة للوافدين

 

[Hi--class]

من صجج وتاخذينه !!
انا سووها فيني مره بالبدع وقلتلهم مابيه
رديته وردولي فلوسي كاملله ..
اكره النصب والاستغفال والله خليج عظم ابلعومهم وراح يردون فلوسج و غصبا عليهم الموظف اللي زاده يدفع الحساب من حسابه الخاص ..
وسويلج اوردر يديد

 

[خلطات المذهله]

مادري تصدقون اني مانتبه ولما يسالني من حوسه اليهال دايما اقول يس ههههههههههههههههه

 

[ام كوثر2007]

حبيبتي دقي علي هالرقم وقوليلهم شكوتج 135

 

[أغلى حبيبه]

ليش ماتردينه وتقولين له انا ماطلبت الكبير
خليه يستحي على ويهه ومو كل مره يطوفون له

خوو الاجانب صايرين مايستحون جنه الديره ديرتهم واحنا الوافدين

 

[سويت فانيلا]

والله اناهامطعم اموت فيه ولامره سوى فيني هالحركه

 

[*ماي الورد*]

اللي قالولي ليش ما رديتيه اكون مستعيلة بروح الدوام
المهم انا حطيت عليهم اكس خلاص
بحول على كاريبو و لا كوستا
كاريبو قهوتهم حلوة مرات احسها احلا من ستار بكس

 

[SRM]

وانا صار لي نفس الموقف طلبت هوت جوكلت حطلي دبل كراميل بدون مايسالني يوم شفت الفاتورة ماخذ 900 فلس زيادة رجعت سالته منو قاللك دبل كراميل قال جربيه حلو مدام قلت له انا مااحب الحالي غيره ماراح اخذه لازم تسالني موكيفك تشربني قال خذيت الفلوس ماقدر ارجعلج صحت وقلت ابي المسؤول شنو هالفوضة كان مافي احد بالمحل بدبنهامز الافنيوز ويه المسوول وقال خلاص نسويلج ثاني ونرجعلج الفرق مايون الا بالعين الحمرة مااحب الاستغفال عبالهم بس ندفع وبنفس الوقت يه صبي صغير يسال ليش عطوة بهالسعر الظاهر اهله مهاوشينه ونفس الشي مسوينله ددبل كريم وكراميل ومسكين استفسر وراح بس لاتخلون حقكم جيكو ورا هالنصابين

 

[@ام يوسف@]

ااااب

 

[popa]

عفيه عليج شاطره تعجبني هالشخصيه
اشتكي خل يعرفون في ناس ماترضه عن حقها

 

[popa]

والله اناهامطعم اموت فيه ولامره سوى فيني هالحركه

هههههه ستار بكس كافيه مو مطعم

 

[popa]

على فكره ستاربكس في امريكه القهوه على ٢ دولار
بالكويت شايلين الدولار وحاطين دينار
يعني ماخذينه بسعر خيالي
الدولار ٣ فلس تقريبا
شفتو النصب ؟!

 

[أم نواف غير]

ليش ماتردينه وتقولين له انا ماطلبت الكبير
خليه يستحي على ويهه ومو كل مره يطوفون له

خوو الاجانب صايرين مايستحون جنه الديره ديرتهم واحنا الوافدين

اوالله كلامج 100/100

 

[قطوة@@]

واايد تصير فيني هالحركه بس ما اسكتب اقولهم غيروا طلبي مو طالبه جذيه و غيرونه

 

[ذات الهمة العالية]

الموضوع قديم بس قطع قطع قطع

ومع نتوب بعد


انا قمت ما استحى اسأله هذا بكم وهذا بكم إذا كان عرض مو حاطين قيمته

لكن هم نصبوا إذا طلبت حجم كبير القى فوووق النصف حسبى الله ونعم الوكيل - ما قطع أيدينهم الحين ادفع دينارين وآخذ فوق نص كوب
ودى ارجع له وكت القهوة بوية وآخذ الدينارين كذا مرة يسوووونها فينى

 

[سوسو حبيبتى]

يووة مليون مرة يسوونها فيني

وللاسف استحي اتكلم

وستاربكس فى كندا ب 3 دولار كندي على ما اتذكر

وصراحه مااعرف فى امريكا بكام

وسكند كاب كمان نفس الحركه ونفس الاسلوب

وهمم نفس السعر فى كندا 3 دولار

 

[krkooora]

فوق اسعارهم اللي كل شوي زايده بعد جذي حركاتهم لا تسكتين حبوبه
افي سايت حق شركه الشايع
يمكن فيه قسم شكوى او رقم للاداره دقي بلغيهم عن الافرع بالضبط
ما ينسكت عنهم هالفلبن عبالهم قاعدين على بنك
وبعدين جربي كاريبو كافيه احلى من ستاربكس بألف مرة

 

[micro girl]

حبيبتي انا كنت موظفة سابقة في الشايع اتصلي على خدمة العملاء واشتكي