بنات بصراحه انا لي الحق اني اشوف نفسي لآني....

[MiSs Roma]

فديت كلام الإمام علي عليه السلام ( مافي مثل بلاغته و حكمته )

و التفاخر بالأصل و الحسب و النسب يكون بس للهاشميين

يعني للرسول و أهل بيته ،،،

اما احنا البشر العاديين لنا التباهي بالأخلاق و الدين و العلم

" لان قيمة الانسان ترتفع بأخلاقه مو حسبه و نسبه "

------​

 

[NEW WOMEN]

ربي يهدي الجميع لا احسن الاخلاق

 

[أحلى البشر]

حب القبيله والانتماء والبلد شي فطري في الانسان محد يقدر ينكر هالشي ومو معناته ان نشوف نفسنا على خلق الله

 

[sweet.sanfoora]

انا اشوف الانسانة اللي تمشي وتقول انا بنت مادري منو واصلي واصلي واصلي وفصلي احسها انسانة فاضية
لانه بدون اصلها ما تسوى شي الانسان الناجح هو اللي يخلي اصله يفتخر فيه

كن ابن من شئت واكتسب أدباً يغنيك محموده عن النسب !

وبثث

ثانكيوو ع مواضيعج المميزة

 

[بحر هادي]

احب قبيلتي وافخر فيها
بس مو عاد وين مارحت اخلي الكل يدري اني من هالقبيله..هذا نسميه عندنا هياط..مو يم الفخر والله..
الفخر له مواقفه وحزاته..مو بالطالعه والنازله..
ومعروف لما الواحد حاط براسه انا من القبيله الفلانيه وانا من الفخذ الفلاني واحنا واحنا..هالشي بيخليه مع الوقت يشوف نفسه على باقي القبايل..كلمه من هنا وكلمة من هنا..وهوشه..
واحنا شايفين وبالمنتدى تحديدا شكثر هوشات صارت من هالسبب..

والرسول عليه الصلاة والسلام ماقال (دعوها فإنها منتنة) الا بوحي من ربي..لانه ماينطق عن الهوى..

مشكووره اختي ع الموضوع والطرح الرااقي..اعجبني الموضوع والله

 

[tbola]

خووووووووووش موضوع يعطيج العافيه

 

[ام حموديNEW]

مااحب هالنووعيه واشووف ان احنا كلنا انخلقنا من طيين على شنوو نتكبر ونتفاخر على بعض ونشووف انفسنا
واحتقر الناس اللي جذي ومااحب اقعد بقعده فيها ناس جذي
مشكوووووووووره عالموضوع وان شاءالله الكل يستفييد منه

 

[EleGanZa]

والله خوش قرار

على قولتج الافتخار بالقبيلة احسه من الجهل والجاهلية

كلنا واحد وكلنا كويتيين

شنو فيها اذا افتخرتوا انكم تنتمون للكويت وانكم كويتيين ؟!

 

[حكاية شهرزاد]

تفاخري بالاخلاق وبالتواضع ,, لانه تفاخر في محله ومحد يقدر يظن فيج سطحية

 

[لحن التياعي]

صادقة الله يجزاك خير
رضي الله عن علي بن ابي طالب وعن ابو بكر وعمر وعثمان وامهات المؤمنين

 

[Green tea 93]

صح كلامج

 

[Hello_kitty]

صح كلامج انه قريت هالقرار بالجريده انهم يمنعون اي رمز او اشاره الى الاسم او العائله او القبيله او المذهب قرار رائع ومتحضر جدا

ملينا من هالعصبيه والمهايط مادري على شنو مو بس بالتواقيع حتى بالنيك نيم والصور بعضهم مسطرين اعضاءقبيلتهم ولا مذهبهم

ماكو احلى من ان الواحد يفتخر بوطنيته وانتمائه حق الكويت هذا الفخر وبس

وعندي قناعه اللي ماعنده غير سالفه الاصل جذب على عمره ان مخلوق غير البشر وصدق عمره والله انسان فاضي مفلس ماعنده انجاز ولا تاريخ ولا اي شي

يفتخر فيه غير هالسالفه اللي من تأليفه ولو تلاحظين دايما الناس المتعلمه الواثقه من عمرها واصحاب اخلاق ودين عمرهم ما تباهو باصلهم وعوايلهم ولا

يطرون هالموضوع وقمه بالتواضع لانهم ناس سنعه شايفه خير واهل نعمه وواثقه من عمرها ما فيها عقده نقص تطلعها على الناس

 

[جود المري]

قال عليه الصلاة والسلام :


((أربع في أمتي من أمر الجاهلية لا يتركونهن: الفخر بالأحساب,
والطعن في الأنساب, والاستسقاء بالنجوم, والنياحة على الميت))

 

[شذى2007]

يعطيج العافيه ع الموضوع

 

[3la-q8']

عادي ما فيها شي اذا الواحد افتخر باصله

 

[المرتاحة]

حياكم حبايب قلبي

كلنا من آدم و أدم من تراب .. مافي احد احسن من احد لانه اصلنا واحد .. بس الشاطر اللي يتميز باخلاقة او بعلمه ويفيد فيه الناس اهني صج يحق له يفتخر

 

[مولاي الفرج]

جود المري يعطيج العافيه هذا الحديث اللي اقصده​

 

[لمعة سراب]

آكيد بيتفآخرون بالاصل مآعندهم غيره!

صج العقل نعمه

يعطيج العافيه ع آلطرح آلحلو

 

[رائعة]

أختي جزاك الله خير وحفظك الرحمن أينما كنت

 

[احساس ملكه]

على الاقل يتفاخر بقيبيلته وهى الفرع لو انها فيها جزء مو صحيح

ووولائه للديره الام الكويت وحاطه صور شيوخه وقياداته الوطنيه

ااااااحسن من الافتخار بولائته المذهبيه والطائفيه تشوفينه كويتى والعلم الى حاطه ايرانى ولا صوره رمز حزب الشيطاان:eh_s(14):