بنات النفاس خلونا ندردش مع بعض

[شذى الكويت]

يعطيج العافية حبيبتي عالموضوع الرائع

انا بعد نفاس صار لي 9 ايام والدة

صج النفاس ضيقة خلق خاصة هاليومين اشوف اهلي والكل مستانس ولاهي مع تجهيزات العيد وانا ضايق خلقي ياربي تعدي هالايام علي وعليكم يارب وصايرة اشتاق لريلي حيييييييييييييييييل لاني حيل تعودت عليه ولما يزورني عند اهلي ماودي يروح جني ياهل حتى اهوا والله صايره اكسر خاطره ويحاتيني مادري انتو نفسي والا لا ؟

 

[جاذبة الخير]

رد : بنات النفاس خلونا ندردش مع بعض

آنا نفسج
فكري بطلعتج من الاربعين شنو تلبسين
البيبي شنو راح يلبس ؟
وين تحطين مكياجج
شنو تصبغين شعرج
الناس اللي تزورج سولفي واضحكي معاهم ترى يونسونج..
من يصير لج عشرين يوم غدا شرج ان شاء الله روحي السوق شوفي الناس وتشري حق طلعتج لزوجج..
دزي مسجات حلوه لزوجج .. ترى هالفتره حلوه لان تكونون مشتاقين لبعض ..
أول ماتطهرين صلى ركعتين شكر وحمد لله

الدال علي الخير كفاعله ـ جزاك الله خير:yaaaaaarb:

 

[جاذبة الخير]

رد : بنات النفاس خلونا ندردش مع بعض

تري معروف ان فترة النفاس تتغير الهرمونات و تصير النفسيه تعبانة

شغلوا قران و خصصي وقت للدعاء مو نفاس وما نصلي يعني خلاص

بس لا تقولين حاله كسيفه استغفر الله اشوفها قويه احنا بنعمه كافي ربي سلمنا و ولدنا بالسلامه

 

[اوووفه]

مرحبا بنات رحبو فيني
انا ولدت 25/8 وجبت بنوته حلوة وحبيت انظم لتجمع كنت ناويه انزل موضوع بقصه ولادتي بس لاني تعبانه واوا ما طلعت صارتلي ضروف الله اعلم فيها
بسولفلكم عنها بعد ما سويت استقبالي بالمستشفي وطلعت باليوم الي طلعت فيه بنتي الكبيرة دخلت المستشفي وقعدت عشر ايام معاها التهاب حاد بالكلي وحده من كلياتها ضامرة ما تشتغل ونفاسي صاركله ضيقت خلق وبكي ونفسيتي زفت حتي بنتي الصغيرة ماني يمها وماني يم النفاس لا اكل ولا اهتمام رايحه راده للمستشفي
بس الحين الحمدلله صارت زينه وتوني فضيت وقمت ادش المنتدي والحين بنات نبي نونس بعض نبي كل وحدة تقولني شنو برنامجها بالنفاس من ادويه واكل وعنايه بالجسم وشنو تنصحونا باحسن ردادة ومتي نجيبها ونبي تجاربكم بالمشروبات الي توخر الكرش ومشكورين

 

[خبيرة اعشاب]

رد : بنات النفاس خلونا ندردش مع بعض

بنات الي يضيق خلقها

اول شي خل تشغل عندها سورة البقرة و تريح شوي

بعدين ممكن تشغل لها فلم او شي بالتلفزيون ترى الترفيه و الضحك يغير النفسية

و اذا كلللش سووا طريقتي

البس عدل و اتميكج و ادق على زوجي اخليه يطلعني ... و يتمشى فيني بالسيارة شوي و بعدين ارد البيت

و ترى بعد ال 20 عادي اذا بتروحين سوق او سينما او مطعم .... مو شرط قاعدة 24 ساعة بالبيت

 

[G0theka]

وااي انا بالنفاس وماراح اعيد بالعيد
جسمي لوعه زايده ١٣ كيلو واحس بنفجر


 

[روعة افكاري]

وانا برضوا والدة 30/8
ونفسيتي تعبانه من الغرز تعورني حيل
بنات شنو افضل كريم للغرز انا استخدم فيوسيدين مافادني وحدي تعبانه مقدر اجلس منها

 

[fulla.81]

الغرز سويلج .. خواجوا روووعه
وعندج كريم نيبو كانت صارفته لي دكتورتي هم حلو

 

[zain-alq8]

انا ولدت الحمدالله 27-8-2010 اكثر شي مضايقني الم الخياط وطلعتلي بواسير وشرخ يذبح ...ان شالله يلتئم الجرح باسرع وقت لاني صج يعور ...

 

[أم راشد المطيري]

يعطيج العافية حبيبتي عالموضوع الرائع

انا بعد نفاس صار لي 9 ايام والدة

صج النفاس ضيقة خلق خاصة هاليومين اشوف اهلي والكل مستانس ولاهي مع تجهيزات العيد وانا ضايق خلقي ياربي تعدي هالايام علي وعليكم يارب وصايرة اشتاق لريلي حيييييييييييييييييل لاني حيل تعودت عليه ولما يزورني عند اهلي ماودي يروح جني ياهل حتى اهوا والله صايره اكسر خاطره ويحاتيني مادري انتو نفسي والا لا ؟

انتي نفسي انا اليوم اليوم العاشر لي صج احس بضيقة بس هاليومين مو حاسة فيها الحمد الله لانة العيد جاي والناس بتزورنا يعني الناس تفرج عنج شوية يونسونج وهذا اللي مونسني

 

[أم راشد المطيري]

وانا برضوا والدة 30/8
ونفسيتي تعبانه من الغرز تعورني حيل
بنات شنو افضل كريم للغرز انا استخدم فيوسيدين مافادني وحدي تعبانه مقدر اجلس منها

انا نفسج واستخدم كريم فوسيدين صج الغرز تعور بس ما غيرت الكريم لانة الدكتورة كاتبتة لي

 

[أم راشد المطيري]

الغرز سويلج .. خواجوا روووعه
وعندج كريم نيبو كانت صارفته لي دكتورتي هم حلو

شلون نسوي خواجوا علمينا

 

[أم راشد المطيري]

بنات الخياط عادتة متى يطيح

 

[bison.girl]

مرحبا بنات

مبروكين ويتربى بعزكم

انا لي 7 ايام .. حده ذابحني الخياط
الله يعين

بنات مليت وانا ادور على رقم رداده زينه تجي البيت
اللي عندها تفيدنا

 

[أم راشد المطيري]

مرحبا بنات رحبو فيني
انا ولدت 25/8 وجبت بنوته حلوة وحبيت انظم لتجمع كنت ناويه انزل موضوع بقصه ولادتي بس لاني تعبانه واوا ما طلعت صارتلي ضروف الله اعلم فيها
بسولفلكم عنها بعد ما سويت استقبالي بالمستشفي وطلعت باليوم الي طلعت فيه بنتي الكبيرة دخلت المستشفي وقعدت عشر ايام معاها التهاب حاد بالكلي وحده من كلياتها ضامرة ما تشتغل ونفاسي صاركله ضيقت خلق وبكي ونفسيتي زفت حتي بنتي الصغيرة ماني يمها وماني يم النفاس لا اكل ولا اهتمام رايحه راده للمستشفي
بس الحين الحمدلله صارت زينه وتوني فضيت وقمت ادش المنتدي والحين بنات نبي نونس بعض نبي كل وحدة تقولني شنو برنامجها بالنفاس من ادويه واكل وعنايه بالجسم وشنو تنصحونا باحسن ردادة ومتي نجيبها ونبي تجاربكم بالمشروبات الي توخر الكرش ومشكورين

مرحبتين هلا فيج بتجمع النفاس عسى ربي يخليلج البيبي ويتربة بعزج وتشوفينها احلى عروس

وقرت عينج في بنتج الكبيرة

وبالنسبة لبرنامج النفاس ماخذتة من ام خالد الهاجري خبيرة الاعشاب

وانا حجزت مع الردادة ام اسد راح تجيني يوم الاثنين تجيني بليل وثاني يوم الصبح وبس وبالاربعين دينار

 

[أم راشد المطيري]

مرحبا بنات

مبروكين ويتربى بعزكم

انا لي 7 ايام .. حده ذابحني الخياط
الله يعين

بنات مليت وانا ادور على رقم رداده زينه تجي البيت
اللي عندها تفيدنا

هلا والله

الله يبارك فيج وانتي مبروك ما جاج ويتربة بعزج

الله يعينج على الخياط

انا يوم الاثنين راح تجيني الردادة ام اسد

واحسن وقت للترديد بعد اليوم العاشر​

 

[bison.girl]

ام سكوووت

ام اسد شنو جنسيتها ؟

وعلى جم جلستها ؟ وكم يوم لازم تجييج ؟

 

[اضوى]

هلا بناااات انا ولده ب 18 /8 ويبت بنت الحمدالله طبيعي وللحين تعبانه من الجرح اللله يعينااا ويطلعنااا من باااقي شره
اليوم يتني الرداده ام نادر والله حلووو شغلهاااا

 

[اوووفه]

هلا فيج ام سكوووت
مشكورة علي الترحيب وبسألك منو احسن ام اسد او ام علي
انا لاحظت من موضوع منزلته احد الخوات عن احسن ردادة انهم اكثر شيء يمدحون ام اسد وام علي

 

[اوووفه]

بنات ذابحتني ارحامي احس هواء داخلني مثل سكاكين بارحامي ابي حل الي تعرف اعشاب او بخور عفيه خل تفيدنا ام خالد نداء لك فيدينا