بنات النفاس خلونا ندردش مع بعض

[بيلسـان]

مشكوره حبيبتي خبيرة اعشاب يعني اكيد عادي الهوا اللي فيني وربي مضيق خلقي
بس ابي اسال عادي اسوي كبو والخياط لسى ماطاح كله لاني سمعت ان مو زين تتبخرين والخياط فيك
وعلى طاري الرده متى ناوين ترجعون لبيوتكم بعد ماتكملون الاربيعن كلها ولا قبل لان زوجي يقول بااخذك قبل يعني قبل بااسبوع لان احنا بمدينه ثانيه مو مع اهلي بنفس المدينه
يلا كل وحده تقول وش نظامها تنامون عدل ولا مخربط نفسي وايش النظام والادويه اللي تاكلونها

 

[ورديـــه]

رد: رد : رد: بنات النفاس خلونا ندردش مع بعض

السلام عليكم

شخباركم بنات ؟؟؟

جزاج الله خير اختي عالفكره الحلوووه

والله صج لازم ندردش مع بعض عشان كلنا حاسين بهالشي و فاهمينه و نقدر نساعد بعض ان شاءالله

انا الحمدالله من اسبوعين ولدت

و جبت محمد الله يحفظه

بس بصرااااحه بناااات حاااااااسه بكاابه مو طبيعيه

احس مالي خلق البيبي ولا اشيله ولا شي اول كنت والله احلم باليوم الي اجيبه

و الحين من جبته مادري شفيني مالي خلقه ولا شي

و جسمي بصراحه متغير حيل احس كل شي فيني متغير وضايق خلقي

و لما احس مالي خلق البيبي اتم ابجي احس اني ماستاهل اكون ام

و انا قلت هالشي بالمنتدى و ردو علي البنات جزاهم الله خير

بس بعد احس للحين بهالشي

بليييز بنات قولولي مريتو بهالشي من قبل للي ولدت اكثر من مره
هذا اول بيبي لي و ماعرف بهالسوالف ...

هذا شي طبيعي حبيبتي

عاادي لازم النفاس تحس بهالشعور خصوصا اذا اول بيبي..

انا باول نفاس كنت جذي بس ابجي وكنت ما ابيها احس ان انا مو ام مااااادري شنو

وماكنت احس باي شعور من ناحيتها ولاتكسر خاطري ولا شي كنت حاقده عليها خخخخخ

بس فبنتي الثانيه حف هالشعور شوي

والحين في بنتي الثالثه الوضع عادي تجيني ضيقة مرات بس خفيفه

وضيقة لاني بس قاعده وما اتحرك واجد وعوار الغرز والظهر ..

عادي ياقلبي لاتحاتين شي طبيعي

بس شغلي عندج سورة البقرة

انا كل يوم بالليل لما انام اخليها شغاله واحس براحة مو طبيعيه حتى بنتي تنام بهدووووووء

 

[شموخ عتيبيه]

رد : رد: رد : رد: بنات النفاس خلونا ندردش مع بعض

مشكوووووره حبيبتي

يعطيج العافيه

والله صج احس مالي خلق شي

و بصرااااااحه انا مدمنة كولا و بيبسي

و نفسي فيهم حيل

حتى طرشت خدامتنا بالخش تجيبه لي

لاتشوفه امي تعصب ههههههههههههههههه

 

[سمردحه]

رد: رد : رد: رد : رد: بنات النفاس خلونا ندردش مع بعض

السلام

بنات انا نفاس صارلي35 يوم
وشريت تحاميل بيتادين لمن فتحتها لونها عنااااابي


ولي سمعته ان لونها اسسسسود

 

[در الـبحـور]

رد: رد : رد: بنات النفاس خلونا ندردش مع بعض

در البحووور

انا اعرف امل في صالون مس ون قصها وصبغها رهيب بس يقولون جنها خربااانه الحين

بس يمدحووون قولدا في كونتينتال

وانشاءالله يفيدونا البنات

حتى انا ابحث في هالموضوع

مشكورةDoOoOoha بعد عمري جزاج الله خير و انشوف الباجي وينكم وين التفاعل بسكم غلقة :friends:

و شموخ عتيبية تعوذي من الابليس عادي كلنا مرينا بضيقة خلق و بجي بس انتي قعدي مع أمج و خواتج

تنسين الضيقة و شغلي قرآن لمن تنامين بالليل أو تكونين سهرانه مع البيبي و الله يعينا أجمعين :eh_s(17):

خبيرة أعشاب جزاج الله خير ، وجودج معانا فعلا يفيدنا مشكورة ما تقصرين :eh_s(17):

إلا بنات متى الوحدة تقدر عالأقل تمشي تمارس رياضة المشي بالبيت ،، قالت لي الردادة عادي امشي نص ساعة

يوميا انتو اشرايكم ، بصراحة وايد وايد متأزمة من وزني الله يعينا اشلون بنرجع أجسامنا مثل قبل الحمال ؟؟

اشرايكم بمراكز مساج التخسيس مثل فيلا روزي وحدة من أهلنا اتقول نزلها 10 كيلو بس عالمساج اشرايكم

متى الوحدة تقدر تسويه بعد الولادة ؟؟ يلا بنات تفاعلوا ترى الموضوع وايد حلو و يشوق :eh_s(9):

 

[خبيرة اعشاب]

رد : رد: بنات النفاس خلونا ندردش مع بعض

شموخ عتيبيه

اجل بنعلم عليج الوالدة الحين

 

[ورديـــه]

امبي شموووخ !!!!!


حدج بايعتها تشربين بيبسي وانتي نفاس؟؟؟؟؟؟؟ :eh_s(2):


حرام عليج ...

 

[ورديـــه]

ام خالد الظاهر ماكو الا انا وياج خنسولف بروحنا :fun:


بسالج دوا القهوة شنو فايدته..؟؟

 

[G0theka]

انا بعد بالنفاس
واكثر شي غاثني زيادة الوزن
نبي نلبس ونكشخ والجسم صاير لوعه

 

[شموخ عتيبيه]

رد : رد: بنات النفاس خلونا ندردش مع بعض

هههههههههههه عادي علمووو

بصراااحه والله ما اتحمل

لا وبعد اذا امي نايمه اطرش السايق يجيبلي من باسكن جمب بيتنا الحمدالله فرصه و زوجي لما يزروني اقوله يجبيلي من ماكدونالدز يقولي مو زين على الي اسمعه قتله لا عادي و يجبيلي

 

[ورديـــه]

رد: رد : رد: بنات النفاس خلونا ندردش مع بعض

هههههههههههه عادي علمووو

بصراااحه والله ما اتحمل

لا وبعد اذا امي نايمه اطرش السايق يجيبلي من باسكن جمب بيتنا الحمدالله فرصه و زوجي لما يزروني اقوله يجبيلي من ماكدونالدز يقولي مو زين على الي اسمعه قتله لا عادي و يجبيلي

امبي ليش جذي تسوين بنفسج؟؟؟

زوجج يدري ان موزين وانتي ماتدرين وتقولين له عادي بعد؟؟


والله لاطلعتي من النفاس محد بياكلها غيرج

لا تخربين وينحاش منج زووووجج


خلي هالخرابيط بيبسي وايس كريم ومادري شنو

اكلي اكليفيدج ويسكرج من تحت لاتصيرين وسيعه وساعتها ماراح يفيدج لا البيبسي ولا البرررررد



واااااااي فيني حرررررررة عليج :flower:

 

[ام بوحنة +]

رد : بنات النفاس خلونا ندردش مع بعض

أنا لي اليوم سابع من نفاس
بس أنا اجهاض بخمس شهور ونص
ومثلكم فيني ضيقة
اول الايام كنت بس ابجي على البيبي الحين خفيت
بس هالضيقه اللي مو راضية تروح
وعندي ولدي عمره سنتين مريض ويصير بجاي اذا استمرض
زايد من ضيقتي

 

[DoOoOoha]

رد : بنات النفاس خلونا ندردش مع بعض

يا حرررام عليج بيبسي وخرابيط ليش لاحقه عليهم

حنا ذابحنا الوزن نبيه يخف وانتي بيبسي حرررام بتاكلينهااا عقب

بناااات الله يسهل علينا نفاسنا وانشاءالله إحنا مونس بعضنا بهالموضوووع

حبيباااتي شنو خلطاات تستخدمونها عشااان يرجع لون جسمك نفس اول

ونبي خلطات سهله نسويهااا بالبيت ومجربه

 

[!! عروسة !!]

رد: رد : بنات النفاس خلونا ندردش مع بعض

السلااام عليكم

وربي الضيقه الي فيني متعبه نفسيتي حيييل

وعسى ربي يفرجهاا علي وعليكم ياارب

بناات انا ولدت24\8 وجبت بنووته وانا اول انفااس لي

انا الحمدالله موااظبه عالدوياات بس مشكلتي ماحب الحر

واشرب مااي بس داافي

وخايفه من هالشي

ياليت تردون علي وتفيدوني بهالشي ...

 

[fulla.81]

على البركه ما جبتوا يتربون بعزكم

عادي حبيبتي شربي ماي دافي وعصير دافي لا تحرمين نفسج .. والحين الله يعينكم الجو حااار لازم سوائل ​

 

[خذااني الشوق]

رد : بنات النفاس خلونا ندردش مع بعض

اهلين بنات شخباركم

الحمدلله على سلامة كل اللي ولدو ومبروك ماجاكم

وانا ابشركم ولدت وجبت ولد يجنن ولي تقريبا 23

بس بنات نفسيتي تعبانه حيل

اول ماولدت كنت طايره من الفرحه

ولما عديت اسبوع صرت احس بضيقه مو طبيعيه

وصايره حساسه حيل ادنى كلمة تبكيني

صرت عصبيه حيل بذات على عيالي

واغلب تفكيري في الموت وعيالي

اخاف افقدهم او يفقدوني

تكفون ساعدوني مدري وش صابني

ابي احد يخفف عني معاناتي

 

[أم راشد المطيري]

G0theka

تصدقين اانا اللي يشوف كرشي عالى بالة حامل هههههههههههههههههههههههه

متى يروح هالكرش الخايس

والجسم اسسود وخايس شنسوي

مالنا الا الحمامات المغربية

 

[أم راشد المطيري]

عروسة

انا يا كثر ما اشرب ماي

انا اموت بالماي وما اقدر اني ما اشرب

بس اشرب ماي دافية وانا حدي خايفة اطلع من الاربعين اكون رطبة من تحت

 

[خبيرة اعشاب]

رد : رد: بنات النفاس خلونا ندردش مع بعض

يا بنات انا بقول لكم شغلة

ليش يضيق خلقكم

بالعكس النفاس فترررررررة راااحة ووناسة

يعني بنفاس عندج وقت اتسوين كل شي و تجابلين عمرج .... مو شرط انج 24 ساعة بالسرير طايح وجهج

اول شي انا بنفاس دايما ببيتي عشان اجابل عيالي و اموري

و طبعا اول شي العناية بالجسم دهونات و كريمات .. الخ و اجيب صالون للبيت اسوي تنظيف بشرة و منكير وبدكير ...

غير المساج كل 5 ايام جذي اجيب وحدة اترددني و طقطق عظامي

و يا حلو اكل النفاس ... اتحسينه شي لذيذ مرات انا اسوي او يجيبون لي حريم او اطلب من حريم يسوون

و اللبس و الله البس بنفاس .... ملابس ناعمة و احط مكياج و اكشخ :hjy5jewf: حتى الرجال لو يشوفج يستانس ههههه
فالنفاس و الله مرات ما ودي يخلص .....

 

[fulla.81]

فترت النفاس علميا وطبيا لازم تصيب أغلب الحريم ضيقه .. لانج ما تصلين
وبصراحه انا وحده منهم .. وأحس الايام ما تمشي بالنفاس .. ويصيبني أرق وأحس جسمي تعبان .. صج النفسيه تلعب دوور
الله يسهل على كل وحده ويطلعها من الشر