بنات النفاس خلونا ندردش مع بعض

[خبيرة اعشاب]

رد : رد: بنات النفاس خلونا ندردش مع بعض

صراحة انا مو نفاس

بس لان شغلي كله اغلبه نفاس و متابعة النفاس

احس اني بشكل يومي لازم اتكلم بامور النفاس

و اني بيوم واحد ممكن اكون والدة قيصرية ,,, ووالدة طبيعي ,,, و جايبة توام ,,,, و حامل بالسابع و مشيمة البيبي نازلة ... و حامل بشهرين و فيني التهاب قوي و لايعة جبدي من النساة

و الحمد لله ابشركم طهرت على 27 يوم و الله وفقني و رح اصوم ال 10 الاواخر

شرايكم مو شي يجنن

بس و الله كل زبونة عندي احس كانها انا ... و اعيش معها كل لحظة من الحمل و النفاس

و الله وصلت لمرحلة اذا وحدة قالت لي احس برحمي يعورني ما اخذ دقيقتين الا احس مغص ببطني

عشان جذي اي موضوع عن النفاس او الحمل احس اني منجذبة و ملزمة اني ادش فيه

اتمنى اكون ضيفة خفيفة عليكم

خبيرة اعشاب

ام خالد الهاجري​

 

[a7la wa7da]

صج الله يعينكم إنتو السابقون ونحن اللاحقون بس بنات شلون تعرفون إنه داش فيكم هوا الله يخليكم ردو علي لانه ما أعرف بهل أمور :lkmnkl::eh_s(2):

 

[BiiShOoO]

الله يهون عليكم و تطلعون من النفاس بسرعه

زهبي حق طلعتج و تجهيزاتج الي بتسوينها

 

[!! عروسة !!]

وانا معاكم صارلي 11 يوم

وفعلاا طفشت وضايقه حيييييل

عسى الله يعيناا ,,

 

[حبيبـــ أمي ـــتي]

أختي بيلسان أنا وخواتي ناخذ أدويتنا من وحده نعرفها عدل ومضمونه رقمها 66624583 أم عبدالله بالجهرا وتوصل للمناطق الثانيه ب
س على حسب المنطقه قلت أفيدج

وقالتلي عن الهوى الي صار فيني نفس الي فيج وقالت استخدم عشبه اسمها حزا وكمون وعلك مر اخلطهم واخذ مقدار فنجان واحطه بالغوري وعليه ماي حار استخدمته اقسم بالله فضيع وراح العوار والهوى
وكل اعشابها فضيعه من مردود وحسو الحليب وغيره دقي فضيعه

 

[دنيتي كلها دودي]

:68_asmilies-com:

مـــــرحبا وانا بعد ولدت بتاريخ 22\8 الساعه 4 ونص وجبت حمـــــادين فديته
بس من ناحيه ضيقة خلق اوووووووف ملل متى اصير عشرين وارووح السوق بنات نبي خلطات وبسالكم عادي اربط بطني ؟​

 

[أم راشد المطيري]

انا والدة يوم 30-8

ودنيتي يصير تربطين بطنج بعد الاسبوع لو طبيعي

عروسة انا وانتي طفشانين شنسوي قوليلي ههههههههههههههه


زين بطلعتكم شنو راح تلبسون عيالكم

انا ناوية البسة مهاد البشت شرايكم حلو ولا لا


وما راح يسولي استقبال شنو البس اول ما ارد البيت

 

[ورديـــه]

انا بعد والدة 29_8

وحدددده ضااااااايق خلقي ملل وعوار ظهر وعوار الغرز وااااي صج صج تعب :0bee2e8d89:

الله يهون علي وعليكم انشالله

بسالج حبيبتي ام خالد شلون اعرف اذا معاي هوا ولا لا؟؟

انا اسمع اصوات تطلع من بطني من تحت وكلة معاي ريح << اتمنى عرفتي قصدي ما اقدر اوضح :tomato2:

وظهري كله يعورني هل هذي اعراض هوا؟؟


امي تقول هالاصوات والريح اللي معاج لازم بالنفاس لان يدشج هوا وقت الوادة بس مع الوقت والاهتمام والعنايه والاكل يروح؟؟

مادري عاد؟؟

حبيت استشيرج ,,,,

وعوووار الظهر شنو الحل معاااه

ذبحني ذبحني ظهري من الطلق الصناعي

مايروح الالم الا لما اكل مسكن .....

 

[ماكنتووشه]

الله يقومكم بسلااااااامه وتطلعووون احلاااا عرايييس


علي طاري النفاس تدرون شننو اتمنى

اتمنى لما اولد انفس عند اهلي طبعا امي لاكن الله يرحمها وخواتي كلهم متزوجاج وبيت اهلي مافيه غير مرت اخوي وماخذ راحتي كلش

فبنفاسي الاول والثاني انفست بشقتي وصج صج زهقه وضيقت خلق خاصه ان خواتي ساكنات بعيدين عني

وماقول الا الحمد للـــــــــــــــــــــــــــــــه علي كل حااااااااال

ترا انا فضفضت لكم لانكم خواتي وحبكم

 

[lady az3ag]

alla y3ench 7bebty oo ana b3d alnfas thab7nee oo may`9l shy ab6nee oo hatha awl 7mal 7gee ad3olee anee old blslama oo y5f 3ley alnfas

 

[بيلسـان]

حبيبتي امي
ياقلبي انا في السعوديه
ابي اسالكم وش النصايح اللي سمعتواها من الحريم
انا بكر ومافي احد مااملى علي نصائح ونصها خرااااابيط واولها كريم ميبو الله لايعيده دمر خياطتي اهو والمر
خبيرة اعشاب حبيبتي ابي اسالك عن علاج للهوا لاني من جد ضاااايق خلقي بسبته
دعوااااااااااااتكم يلتئم جرحي بسرعه صار لي 22 يوم واحسه شوي مفتوح:cxxxp:

 

[دندونه@@@]

حبيبتي بيلسـان الميبو ما يستخدم على الخياط الا بعد ما تطيح الغرز لانه كريم تجميلي يمحي اثر الجرح ولا كأنه موجود والمفروض ما تستخدمين غير الغسول الطبي والكريم المخدر اللي توصفه لج الدكتوره والسبري المطهر ...طبعا انا قاطه وجهي مونفاس بس لاحقتكم انشاء الله بعد شهرين :n2006107:

 

[DoOoOoha]

رد : رد: بنات النفاس خلونا ندردش مع بعض

عساااااااااكم على القوه حبيباااتي

ونفاااس سعيد انشاءالله

انشاءالله يضيع الوقت مع البيبي وازعاااجه

بس همن حبيت اسالكم انا نفاااس وقيصريه بس بعرف متى اربط ولون جسمي قااالب شلووون ارجعه

ونبي شي مجرب ومضموووون

ولا تتحلطموووون فلوووووها اهني مانبي ضيقة النفااس تلحقنا بالنت


سي يووووو

 

[بيلسـان]

مو اقولك نصائح الحريم
والله وحده قالت لي من اطلع من المستشفى وانا احطه
والثانيه تقول بعد عشر ايام وانا استخدمته بعد عشر ايام مره وحده بس وارخى الخيوط
دااااااااااااااااااخ راسي من سوالف هالحريم كلن له راي
الله يعين بس

 

[در الـبحـور]

السلام عليكم و رحمة الله و بركاته

ألف مبروك ما جاكم و أنا بعد وياكم و لله الحمد ولدت تاريخ 24 - 8 و جبت فطومة عسى الله يحفظها بحفظه اللهم آمين

و الله صاجين سبحان الله تحسين بضيقة عجيبة يااارب عسى ربي يعدي النفاس على خير لكل وحدة اللهم آمين و ترجعون

عرايس :wqedqw:

إلا بنات صج اشرايكم نتكلم عن النفاس بصراحة أستعمل نفاس أختنا ( غنوة استايل ) جزاها الله خير

و حابة نسولف عن تجهيزاتكم بعد الأربعين .... بخاطري أغير ستايلي وايد أخاف من قص الشعر

أحس مو أي وحدة تضبطه ؟؟ الله يعافيكم اللي تعرف وحدة تقص شعر فنانة للشعر الطويل وين ؟ و بأي صالون ؟

و مشكورة يا قلبي أم سكوووت عالموضوع لا يضيق خلقج إحنا معاج قلبا و قالبا

 

[om yassor]

واااي انا بعد نفاس بس وصلت العد التنازلي بعد 5 ايام باذن الله برد بيتي يصير لي 35 يوم

 

[أم جوري]

رد : رد: بنات النفاس خلونا ندردش مع بعض

الله يعينكم وتطلعون من النفاس على خير ..

 

[شموخ عتيبيه]

رد : رد: بنات النفاس خلونا ندردش مع بعض

السلام عليكم

شخباركم بنات ؟؟؟

جزاج الله خير اختي عالفكره الحلوووه

والله صج لازم ندردش مع بعض عشان كلنا حاسين بهالشي و فاهمينه و نقدر نساعد بعض ان شاءالله

انا الحمدالله من اسبوعين ولدت

و جبت محمد الله يحفظه

بس بصرااااحه بناااات حاااااااسه بكاابه مو طبيعيه

احس مالي خلق البيبي ولا اشيله ولا شي اول كنت والله احلم باليوم الي اجيبه

و الحين من جبته مادري شفيني مالي خلقه ولا شي

و جسمي بصراحه متغير حيل احس كل شي فيني متغير وضايق خلقي

و لما احس مالي خلق البيبي اتم ابجي احس اني ماستاهل اكون ام

و انا قلت هالشي بالمنتدى و ردو علي البنات جزاهم الله خير

بس بعد احس للحين بهالشي

بليييز بنات قولولي مريتو بهالشي من قبل للي ولدت اكثر من مره
هذا اول بيبي لي و ماعرف بهالسوالف ...

 

[خبيرة اعشاب]

رد : رد: بنات النفاس خلونا ندردش مع بعض

السلام عليكم

حبيباتي اكيد الوحدة اذا بنفاس اتحس ان معها هوا و غازات بالجهاز الهضمي

و هاذي طبعا مسالة عادية و ما تاثر ان شاء الله

بس ان الوحدة ادفي نفسها عدل

و تهتم بادوية النفاس

و باذن الله ما فيها الا العافية ان شاء الله

 

[DoOoOoha]

رد : رد: بنات النفاس خلونا ندردش مع بعض

در البحووور

انا اعرف امل في صالون مس ون قصها وصبغها رهيب بس يقولون جنها خربااانه الحين

بس يمدحووون قولدا في كونتينتال

وانشاءالله يفيدونا البنات

حتى انا ابحث في هالموضوع