بنات النفاس خلونا ندردش مع بعض

[أم راشد المطيري]

ام سكوت
انتي تكرريين جملة ( تنفسي عدل ) مو فاهمه شنو أتنفس عدل

يعني اشربي اعشاب وادوية النفاس

 

[حلوة الروح]

ام سكوت شكثر صارلج من النفاس

 

[أم راشد المطيري]

أنا أخر الأسبوع ببدي أطلع أتشرى لطلعتي بس مادري بشنو أبدي اشتري محتاره

انا طلعت فصلتلي 3 عبي مع ملافعهم

وهاليومين رفيجاتي بيجوني ما اقدر اطلع

بروح على الاربعاء افصل دراعتين

وبروح اشتري جنطتين وساعتين والعطورات

 

[أم راشد المطيري]

ام سكوت شكثر صارلج من النفاس

صارلي 21 يوم

 

[حلوة الروح]

ام سكوت هذا بجرج

 

[أم راشد المطيري]

اي بجري

وانتي هذا بجرج

 

[الجريئه 80%]

رد : بنات النفاس خلونا ندردش مع بعض

أهلييين بنات أنا بالنفاس وبطلع بعد اسبوع وشوي بغيت أسألكم ؟؟
أنا زوجي ما يرضي أقص شعري مع أن ودي وأنا لون شعري بني الله اعافي الصبغ والحنه وودي أغير اهو احب اللون الاسود ففكرت مادري أحط هذي خلطت الأعشاب الطبيعية الي تغنيج عن الاستشوار واتخلي لون الشعر أسود من باب التغيير اشرايكم ؟؟ مع العلم أن اذا حطيت هالخلطه خلاص ما أقدر اصبغ او احني فوقها لين اتطول وتنقص اشرايييكم ؟؟؟؟
ولا مرة جربت الاسود ودي بس خايفه .....

 

[أم راشد المطيري]

طاعلة من الشر

لو تبي لون اسود يا انج تشترين صبغة سودة من الجمعية او تشترين الحنة السودة اللي عند العطار

انا عكسج الحين شعري اسود وابي اصبغة بس خايفة لانة عمري ما صبغت

 

[الجريئه 80%]

رد : بنات النفاس خلونا ندردش مع بعض

هلا حبيبتي أم سكووووت اتهقيييين أصبغ شعري أسود ؟ خايفه بس ودي أغير ...
أخاف ما يطلع حلو علي واذا صبغت اسود ما ينصبغ فوقه شرايج ؟ وانا اقولج حطي حنه بنيه اذا خايفه من الصبغ أنا عن نفسي أحححححب اللون البني ... وغيري واذا ما اعجبج تقدرين اتحطين حنه او خلطة تردينه أسود

 

[bison.girl]

جيكره شسوي اتردد قاعده احاتي التطهير
شكلي بطهره بمستشفى دار الشفا هالاسبوع

ام سكوووووووت
هههههههههههههههههههه والله على بالي تنفسي عدل يعني اخذ شهيق وزفير ولها طريقه هههههههههه
توني استوعب

انزين انا محتاره شنو اصبغ شعري
انا مو بيضا .. بشرتي حنطاويه فاتحه
مادري شنو اصبغ

 

[جيكره(و)تتغلى25]

صبغة حليمه حلووووووووه

 

[حبي عبودي]

رد : بنات النفاس خلونا ندردش مع بعض

مرحباااااااااااا بنوتااات شلونكم شكلي بنظم معاكم يا حلوين انا بنفاس صارلي 30 يوم

دامكم اتكلمون عن الصبغات انا ودي اصبغ زيتي فاتح مع خصل ثلجيه اشرررايكم حيل عاجبتني هالصبغه بس مدري شلون راح تطلع علي انا كنت كله اصبغ اشقر ومتعوده ليه بس هالمره بغير اشرررررررايكم

بنفاسي الاول طلعت عند زوجي بدراعه عاديه ما كنت اعرف شي بس انشالله هالمره ناويه اجهز من قلب ودي اروحله بنفنوف اقصير وذرب مثل الي تلبسهم لمياء طارق في زوارة خميس اشررررررايكم

 

[om_3azoz]

سلام عليكم بنات

ان شاءالله طالعين من الشر يارب ,, والحمدالله على سلامتكم

بغيت افيدكم بالتطهير احسن شي اطهرون عيالكم وانتو بالاربعين ,, انا طهرت ولدي بدار الشفاا عند دكتور هشام الخياط وايد حلو تطهيره ومايحط شاش لا حلقه و4 ايام وطاحت بروحهاا وايد نظيف تطهيره

 

[*ريما*]

رد : بنات النفاس خلونا ندردش مع بعض

رفع

 

[جيكره(و)تتغلى25]

اب اب اب اب اب اب اب

 

[أم راشد المطيري]

بنات انا مفكرة البس بدلة تحت العباية

وبس اوصل البيت ابدل والبس نفنوف قصير

شرايكم بنات حلوة الفكرة ولا لا

 

[حلوة الروح]

هلالالالالالالالا فيكم

انا شكلي بصبغ شعري لون عسلي
صبغه وحده بغير لاني انا على طول اصبغه اشقر خصل
وبروح الشرقيه حق الحمام المغربي

اشرايكم

 

[أم راشد المطيري]

حلوة الروح

انا عمري ما صبغت شعري فمحتارة شنو اضبغ ووين اصبغ

اما بالنسبة للحمام المغربي انا راح اروح نجوم الكريستال بسوي اشتراك اربع حمامات ويطلعلج واحد مجاني واول حمام ببلش فية اليوم

اليوم صارلي 22 يوم

 

[حلوة الروح]

ام سكوت مو جنه بعد شوي على الحمامات المغربيه

يعني على الاقل 30 يوم وفوق
انا جذي بعيالي على الاقل يصيرلي 35 يوم احسن شوي سبحان الله ما تدرين يمكن يدش هوا فيج

 

[أم راشد المطيري]

شسوي حلوة

انا لانة ما سويت شي طول فترة نفاسي اللهم كريم كنت احطة على وجهي ورقبتي والمنطقة الحساسة

وفوق هذا لي الحين ما بينت النتيجة فودي الكلف والسواد يروح

وان شاءالله يروح بالحمامات المغربية

فشلة اقابل زوجي جذي

وان شاءالله ما يدشني هوا ولا شي والله يستر