بنات الله يخليكم مين استخدمت فيتامينات ماتيرنا قبل الحمل ؟

[Pink Rose_sa]

مرحبااااااا

كيفكم ؟

هل اقدر استخدم هالحبوب قبل الحمل ؟ وهل هي آمنة ؟

اخذ معها فوليك ولا لا

لاني ملاحظه انها تحتوي على نسبة من الفوليك

وهاي مكوناتها :

β-carotene 1,500 iu
vitamin A 1,500 iu
vitamin D 250 iu
vitamin E 30 iu
vitamin C 100 mg
folic acid 1 mg
vitamin B1 3 mg
vitamin B2 3.4 mg
vitamin B6 10 mg
niacinamide 20 mg
vitamin B12 12 mcg
biotin 30 mcg
pantothenic acid 10 mg
Calcium 250 mg
iodine 0.15 mg
Iron 60 mg
Magnesium 50 mg
copper 2 mg
Zinc 25 mg
chromium 25 mcg
molybdenum 25 mcg
manganese 5 mg
selenium 25 mcg

 

[فديت زووله]

شوفي حبيبتي انا اللي اعرفه ومن واقع تجربتي ان حبوب ماتيرنا تاخذها الحامل اثناء الحمل وبعد من بداية الشهر الرابع لكن اذا فكرت المراة انه تحمل تاخذ حبوب الفوليك اسد على الاقل قبلها بشهرين لان يهيئ بطانه الرحم للحمل ويمنع تشوهات البيبي اذا حصل حمل وان شالله اكون افدتج

 

[om MaRyooM]

هلا والله
هالحبوب تقدر الوحدة تاخذها اذا تبي تحمل ولما تكون حامل ومابعد الولادة

بس اذا انتي مو حامل ماله داعي تاخذين معاه فوليك اسيد لأن فيها نسبة بس صغيرة


وانا هالحبوب للحين استخدمها مريحة وماتسبب امساك تكرمين

 

[Pink Rose_sa]

مشكوريييييييييين

ام مريوم انتي اخذتيها قبل الحمل بكم شهر ؟ وهل استمريتي عليها لآخر الحمل ؟

 

[Emanova]

حبوبه انا كنت اعالج للحمل و الدكتوره مشتني عليهم 3 شهور

و نسبه الفوليك الاسيد اللي فيه كافيه لان الكميه الي تحتاجها الوحده يوميا اهي 400 mcg يعني ميكرو جرام

و اللي في المتيرنا 1mg يعني 1 ملي جرام

 

[Tosta]

والله مادري صراحه بس الدكتوره وصفته لي وقالتلي حتي بعد الحمل تقدرين تستمرين عليه

 

[زنزنيتا]

هذي الحبوب واااااااااااااايد زينة وانا وخواني نستخدمها في حمالنا واااايد مفيدة وتكبر حجم البيبي

 

[lailalaila]

ستخدمتهم اول حمل لي

 

[nazek_q8]

اذا نا ويه اتحملين اي اخذيهم عادي

بس انا اخذهم بالشهر الرابع واخذ معاهم فوليك اسيد مع حديد اهي كبسوله وحده طول حملي وحتى بعد الولاده انا دكتورتي جذي تقولي

وعندج حبوب ثانيه خاصه للحمل تاخذينها اذا ناويه تحملين يعني قبل الحمل واثناء الحمل وبعد الولاده

اسمها

برجنل بلان فيها اميغا ثري
سألي عنها انا اخذتها صارلي اخر شهرين من حملي لانها فيها اميغا ثري وتقوي الذاكره خصوصا اني صايره نسايه بشكل مو طبيعي

 

[Om _ Almona]

أنا أخذت حبوب الفولك اسيد بأول 3 أشهر من حمالي بعدين كملت باجي الأشهر بالماتيرنا (هذا بحمالي الأولي)

ألحين قاعده آخذ بريجنا بلان وااايد ارتحت منه

والصحه والعافيه من الله سبحانه

 

[Pink Rose_sa]

مشكورين والله يعطيكم العافية

 

[سويتا]

حبيبتي انا بقدملج نصيحة بس انتي تاكدي منها بالاول ..
انا بصراحة حبوب الماتيرنا وصفها لي الصيدلاني وخذيتهم تقريبا شهرين ( شهري الرابع والخامس )
ولما سألتني دكتورتي شنو الفيتامينات اللي تاخذينها قلتلها ماتيرنا فقالت لي : وقفيها لان فيها فيتامين a يسبب تشوهات للجنين ووصفت لي حبوب اسمها برجنا بلان ..
حبيت افيدج بس واذا تحبين تاكدي من دكتورتج احسن ..
وادعيلي الله يسهل علي ولادتي ويرزقني طفل صاحي سليم يا رب​

 

[Pink Rose_sa]

سويتا تسلمين حبيبتي

انا اكمان الماتيرنا وصفها لي الصيدلي

بس قولي لي كيف تشوه الجنين وهي اصلا فيتامينات خاصة للحوامل ؟

بعدين اغلب الاكل يحتوي على فيتامين a

مع احترامي لدكتورتج شي ما يتصدق !!

والله يسهل ولادتك ويرزقك بالذرية الصالحة

 

[nazek_q8]

لا يبا شكو

كل اهلنا ياخذون ماتيرنا وهم حمل انا اشوف انها مافيها شي واحسن فيتامينات تكبر البيبي وتختخ

بعدين كثرة فيتامين اي احنا شنو اكلنا كل خرابيط والا وجاهز يعني ما اعتقد راح يزيد جرعة فيتامين اي

 

[Pink Rose_sa]

لا يبا شكو

كل اهلنا ياخذون ماتيرنا وهم حمل انا اشوف انها مافيها شي واحسن فيتامينات تكبر البيبي وتختخ

بعدين كثرة فيتامين اي احنا شنو اكلنا كل خرابيط والا وجاهز يعني ما اعتقد راح يزيد جرعة فيتامين اي

:ggdw::ggdw: