بنات العلوم اجتماعية حياكم عازمتكم على شاي الضحى

[Miss-Madry]

مرحبآ

ام منيييييييييرة لج وحشه’’

 

[toshaa]

رد : بنات العلوم اجتماعية حياكم عازمتكم على شاي الضحى

اهاليل
فديتج والله ماتقصرين
اسجلها عند منو احسن محمد جمال حسن حبيب ولا عادل ابراهيم شبل السيد برجل

 

[اهاليل]

رد : بنات العلوم اجتماعية حياكم عازمتكم على شاي الضحى

فداج اعداج يا قلبي توشه

الصراحه ما جربت ولا واحد فيهم

بس اعرف وحده خذتها عند محمد جمال و ما تمدحه حييل بس يعطي هوموركات واجد
و كويزات مفاجئه و كويزاته وااااجد

بس الحمد الله طلعت بقريد حلو و ما توقعته

بس احسن انج تسالين البنات

عاد انا اخر همي اسأل عن الدكتور
عادي اخذ عند اي دكتور ماكو مشكله

 

[Queen_Angel]

بنات وينكم ما رديتوا علي ؟؟ :s141:


شرايكم ب فواز العنزي مدخل اجتماع ؟؟

شلون المادة وجم ميدتيرم فيها سهالات ولا لأ ...؟؟

:yaaaaaarb:

 

[اهاليل]

رد : بنات العلوم اجتماعية حياكم عازمتكم على شاي الضحى

الدكتور فواز زين
و المدخل هم زين
انا اخذت عند فواز ماده جناح احداث كان فيها ميدتيرم واحد

بس اتوقع المدخل فيها ميدتيرمين
و كانت الاسأله مقالي و موضوعي
و كانت اتذكرني بامتحانات الثانويه

يعني صح و خطأ و اختاري و عددي و بس

اتمنى اني قدرت افيدج

 

[Queen_Angel]

مشكورة اهاليل زين شرايج بالدكتور شلون طريقته نوت ولا تدرسون من الكتاب الكمية كبيرة ولا عادي - يعطي كيرف؟؟ واهم شي التصحيح ؟؟


لاني كلية علمية وباخذ المادة رقع معدل فأبيها سهالات ما تاخذ وقت كبير وحفظ واايد.. ف شرايج تنصحيني بالمادة سهالات ولا يبيلها؟؟

وتسلمين حبيبتي ما تقصرين..

 

[اهاليل]

رد : بنات العلوم اجتماعية حياكم عازمتكم على شاي الضحى

العفو حبيبتي

حلو شرحه و ندرس من الكتاب و كانت الكميه زينه مو واجد
اتوقع يعطي كيرف لان صج ما توقعت درجتي

لا التصحيح زين يعني يطوف اشياء غلط و يخليها صح

هي ماده سهله و حلوه و ان شاء الله ترفع معدلج بس شدي حيلج

و ربي يوفقج

 

[نــوره]

^
^
^
^

ياهلا ياهلا بمرشدتنا السياحيه ..<<مانست الفره اللي مواعدتنا فيها حوول الكليه

اخباااااااااركوووم ؟!

كووووين .. انتي معااي بالمحاضره فواااز ماخذه عنده المدخل هالكورس ويمدحوونه ..<< مستجده
بس الساعه جم محااضرتج ؟!

 

[شموس الوطن]

اهاليل
والله يا قلبي انا مسجلتهاا عند محمد جمال وجني سمعت ان ما يمدحونه بس اضطريت اسجلها لأني محتاجتهاا حيييل
كووين انجل
انتي كنتي محتاره بين رعايه ومدخل اجتماع شوفي :
رعايه الماده حلووه ويعطونج تدرسين من نوت بس ع حسب انا خذيتها عند جميل المري وكان عجيب مادري عن غيره بس الماده حلوه
علم اجتماع دكتووور فواااز عجيييييب ويعطي كيرف وطيب وفوق هذا لو رحتي اخر شي بعد الفاينل كلمتيه ممكن يعطيج قريد زياده حيل طيب وامتحاناته اختياري واخر شي سؤال مقالي عباره عن نقاط
هذا اذا قصدج عن المدخل
بس للأمانه مادة المدخل نفسها دسمه شوي وغثيثه يعني فيها وايد علماء بس تقدرين انتي تشدين حيلج فيهاا انا خذيت عنده a
ووهو عباره عن كتاب تدرسين منه مو نوت
وسوري ع الاطاله والله يوفقج

 

[اهاليل]

رد : رد: بنات العلوم اجتماعية حياكم عازمتكم على شاي الضحى

^
^
^
^

ياهلا ياهلا بمرشدتنا السياحيه ..<<مانست الفره اللي مواعدتنا فيها حوول الكليه

بس الساعه جم محااضرتج ؟!

هلا فيج نوره

افا عليج ان شاء الله راح افر فيج الكليه كلها
بس انا اول محاضره عندي بكيفان و اذا ما سجلوها رفيجاتي معاي راح اسحبها
استاحش اروح لكيفان بروحي
لازم معاي احد :friends:

و اذا ما سحبتها بداوم من الصبح عشانج

متى يبدي دوامج ؟؟؟؟

 

[اهاليل]

رد : بنات العلوم اجتماعية حياكم عازمتكم على شاي الضحى

محاضراتي يوم الاحد و الثلاثاء و الخميس
11 بكيفان و 2 بالشويخ

و الاثنين و الاربعاء
9.30 الثانيه 2.15 بالشويخ

بس راح اغيره ان شاء الله

 

[نــوره]

ههههههههههههههههه ع جدولج هذا ماراح تشوفيني بالمررره و الجايات اكثر
انا اداوم 26/9 وثلاث ايام في الاسبوع المحاضره الاولى الساعه 10 والثانيه 3 الله يعيني ..
بس في وحده من موادي بكيفان ناسيه اي ماده ! بس وين بكيفان بالضبط اي كليه يعني !!

 

[اهاليل]

رد : بنات العلوم اجتماعية حياكم عازمتكم على شاي الضحى

هههههههههههه
ان شاء الله اقدر اشوفج >>>> الا اشوفج غصب

يومين بالاسبوع ما عندج شي ؟؟؟؟؟

 

[نــوره]

ان شاء الله ياقلبي ليش لأ

يس يومين عندي Off وناااسه

بس تعالي اذا مادتي الثانيه بكيفان وين اروح اي كليه !!والا ع رقم القاعه اروح!

 

[اهاليل]

رد : بنات العلوم اجتماعية حياكم عازمتكم على شاي الضحى

مو مكتوب بجدولج بأي كليه ؟؟؟؟

انا الصراحه هذي اول ماده عندي بكيفان
يعني ما ادل شي

بس كان عندي امتحانين هناك و قالولي رقم القاعه


شنو الماده اللي بكيفان ؟؟؟

 

[نــوره]

لا مو مكتوب بس اسم الماده تاريخ حضاره عند الديحاني ..!

 

[اهاليل]

رد : بنات العلوم اجتماعية حياكم عازمتكم على شاي الضحى

تاريخ حضاره بكليه الاداب

روحي الاداب و اسالي هناك بنات القوائم او السكيورتي

و الله يعينج على خوف اول يوم

 

[نــوره]

يمممممممممممممممممه لا تخرعيني انا ع طرريف
ان شاء الله ما اضيع قولي آآمين

ووووووووع عاد الاداب ماحبيتها امتحنت فيها القدرات ماعجبتني الله يعدي هالكوورس حبطتيني ..

 

[اهاليل]

رد : بنات العلوم اجتماعية حياكم عازمتكم على شاي الضحى

لا ان شاء الله ما في خوف
و سهالات و الله

احمدي ربج ان هالكورس ماخذه بكيفان مو بالكورس الثاني او صيفي
لانه عن جد تنشوييييين من الحر
عالاقل على نص 10 يكون الجو حلو

الله يوفقج و لا تخافين

متى محاضرتج اللي بكيفان ؟

 

[نــوره]

امبييييييييييييييييه الله يعيني عاد انا ماتحمل الحر والخيسه وووع
ياحيااااتي اجمعين
ومحاضرتي الساعه 3