بنات التربيه الاساسيه المعدل لحقوني

[ستروبريه]

مسائكم ورد ونوير يا احلى كويتيات اتمنى تكونون بصحه وعافيه ياقلبي انا مستجده بالتربيه وعندي 12 وحده ومعدلي نقطتين فاصله 33 وخايفه شرايكم بالمعدل وشسوي انا تخصصي عربي وبحول شنو المواد اللي اخذها ترفعني طبعا التحويل لازم سنه وانا بوقف قيدي الكورس الجاي لان عندي ولاده ادعولي :0bee2e8d89: ادري تعبتكم معاي بس ادري ماراح تقصرون ابي نصايحكم شنو المواد العامه واي دكاتره علما بان خذيت ثقافه اسلاميه واصول تربيه ومدخل علم نفس وتكنلوجيا تعليم وحضاره عربيه ومشكوووووووورييييييييييييييييين:ggdw:

 

[شيخـة الـزيـنـااات]

الله يقومج بالسلامه انشالله
مشالله معدلج زيين بس شدى حييلج بالكورس الجاي وحاولي تجيبيين بكل موادج>>>أ
بس ترا التحويل لازم ما اتعدين 35 وحده ولازم مايكون معدلج اقل من نقطتين ونص
اما المواد والدكاتره اللي اخذت عندهم ومتساهلين بس طبعا مع دراااااسه
تطور فكر تربوي <<<عروب القطان
مناهج>>>>ساميه السنافي(عضوه منتدبه)
طرق تدريس التربيه الاسلاميه>>>جوهره المحيلان
الادره التربويه التعليميه>>>>عروب القطان
صحه نفسيه>>>فوزيه التركيت
ثقافه موسيقيه>>>فهد الفرس
تطور فكر تربوي اسلامي>>>محسن الصالحي
وموفقه يالغاليه
ولاتنسيني بالدعوه :yaaaaaarb:

 

[رتيل الحب]

الله يوفقج ويقومج بالسلامة يارب

إخذي انقلش عند سمر ماضي
وفن وحياه عند عصام عرفه
مناهج بحث عند مبارك الذروه
ثقافه علميه عند عماد الدين
وتدريبات عند عائشه الانصاري ولا عادل الصراف

واهم شئ ما تتعدين 45 وحده ومعدلج يكون اتوقع نقطتين وثمانين

 

[ام اللقافه]

لازم معدلج يكون اكثر من نقطتين و نص
و تاخذين اكثر من 14 وحده

والمواد العامه وايد
اخذي الفن و الحياه سهل
تربيه اسريه
ميكانيكا سيارات
في وايد مواد عامه بس هذيلا انا ماخذتهم وسهلين و تضمنين الـ a

 

[ستروبريه]

مشكووووووورين ياحياتي كلكم ماقصرتو عسى الله يوفقكم انشالله اقول طلع معدلي نقطتين ونص كنت غلطانه بس سؤالي عادي بالصيفي اخذ 8 وحدات وجم مثلا المعدل اقصى شي بالكورس اللي وراه شلون يحسبونها يعني اذا هالكورس جبت نقطتين ونص الكورس الجاي جم نقطه لازم اجيب والف شكر

 

[ستروبريه]

لان الكورس الجاي بوقف قيدي ولاده ادعولي وبكمل صيفي