بنات ابي مساعدتكم تكفون :)

[get over it]

السلام عليكم

شلونج بنات شخباركم
عساكم بخير ,


صارلي فتره اتابع القسم من بعيد عجبني ان اذا انطرح موضوع الكل يتفاعل !
ومو غريبه على كويتيات ..
بنات انا من متابعتي للمواضيع الي اهني حبيت اطرح مشكله تخص رفيجتي ,
وياليت القى تفاعل اكثر من الناس الي جربوا
تقدرون تقولون انها زميله اكثر من انها رفيجه , والصراحه من كثر شكاويها صحيح اني اتحمل واقول عادي , وان اخفف على الناس همومها عشان الناس ترتاح وانا استانس بس هالبنت اوفر !
رفيجتي وحده عايشه ببيت مع اخوانها الي متزوجين وامها مره كبيره كل واحد لاهي مع زوجته وبجناحهم , ابوها متزوج وحده2 وقاعد دوم معاها ..
بالمختصر محد يعطيها ويه بالبيت , ماكو طلعات ولا روحات ولا ييات قاعده بهذا البيت 24 ساعه !
وكله تحن ياليت اتزوج , فحصل مره ان في ناس قالوا نبي وحده وجذي دزيتهم لها , اخوانها ماخلوا عيب بالعالم ماطلعوه بالريال وغيره ...
وتبون الصج هذيل ناس مايعجبهم العجيب ...
يعني انا استغربت الصراحه , هم مو عرب قطريين بس مو عرب ..
لاتقدم لهم واحد اصيل وولد قبايل قالوا لا مانعطي حق ناس قبايل باجر يعاير بنتنه انتي مو اصيله , ولا يالهم واحد ايراني بالعربي الفصيح قالوا لا مانعطيج نخاف ع نستقبلج وهكذاا...
طبعا الحين هي تقول انا متفقه مع امها ان لو يالها حد بتاخذه بدون علمهم فقط بعلم ابوها وامها ..
واهما اصلا محد يعرفهم مالهم معارف وكذا مره اقولها ليش ماتكلمين خطابه تخاف من اهلها ..
اقولها مدام محد يعرفج دقي على الخطابه شنو فيها وجذي , بس انا الصراحه حياتي ماتعاملت بهذا الشي ولاعرفته ,
وبنات انا شخصيا زهقت منها يعني تخيلوا شخص معاكم لمده 24 ساعه يحن ويتشكى وفلان سوالي وعلانه قالت لي ..
مع العلم اني اصلا وايد اساعدها واعطيها حلول يعني هي مو صديقتي وايد بس من باب من نفس عن مؤمن كربه من كرب الدنيا .!
فياليت يا بنات الي جربت انها تتعامل مع خطابه او شي تقولي حتى لو تجارب ناس ثانيين مو شرط تقول انا تزوجت من خطابه حتى لو جنها تتكلم عن احد ثاني , لان الصراحه انا تعبت من اني كل يوم اروح الجامعه الصبح واجابل ويها من صباح الله خير لما العصر واهيا تحن زهقت ...
ودي تتزوج وتروح تفك عن ويهي !
لان ماتتخيليون شنو تعبت انا منها كلمتها بكل انواع الطرق بس مايفيد
الله كريم بس
وياليت تفيدوني ,

 

[Tom ♥ Jerry]

.



انتي ابتلشتي فيها ، لأنه مآ عندهآ آحد بالدنيا غيرج ممكن تشكيله
استحمليها حياتي الله يفرجهآ عليها ..
آنتي الي عليج سويتيه .. قوليلهآ مآلج الا الدعاء
الله يهدي آخوآنج و يرزقج الزوج الصالح

 

[صاعقة بيوتي]

والله مش عارف وش اقول واذا كان هذا الموضوع يخالف القوانين العامة للمنتدى والا لا واذا رات ادارة المنتدى انو بيخالف القوانين تمسحة بدون اي انذار وانا اعتذرللجميع اذا في شيء غلط

لان اشاهد مواضيع فيها كثير من المشاكل وانا والله
والله بنات مريت بمشاكل كثيرة في حياتي
وقد نصحتني احدى الرفيجات وفقها الله
ان اقصد الشيخ ابوالنورد من العراق لحل مشاكلي
رفضت وعصبت في بداية الامر ولكن قلت في نفسي لما لا اجرب
وشي اللي سيحصل لي وقد فعلت بدون ان اخبر رفيجتي
وفعلا قصدت الشخص المطلوب ووجدت الحمد لله الحل لمشاكلي
وهذا الشيخ هو من العراق ومعروف باسم ابا النورد واعتقد كثير من العضوات بيتصلن فية وساعدهن
واللي تبي رقم جوالة تبعثلي رسالة​

والحل هنا ان شاء الله​

​

شنو هذا فايروس داش عرض

 

[ترانيم القصيم]

عزيزتي بيوتي

لا هذا موقع دجل و سحر حسبي الله عليها جعل إيدها الشلل إن كانت تدري بالكفر المترتب على اللجوء للسحرة و تمارسه

انتبهن يا بنات لا تدخلن هالمواقع حتى ما تزعزع عقائدكن , والله العقيدة هي أسمى ما نملك و يترتب عليها جنة و نار

انتبهن من هالأشكال حسبي الله عليهم أقزام صعاليك اشتروا الكفر بعقائدهم الله يورينا فيهم عجايب قدرته يا رحمن يا منان

 

[^^ام مشاري^^]

حبيبتي الله يعينج لا تلومينها مسكينه تشوف كل الي حولها تزوج الا اهيه

ادعيلها وخليها تقوم الليل تصلي حق ربها وتدعي وتستغفر كثر ماتقدر عشان ربي يوفقها ويستجيب دعاءها

الله يرزقها بالزوج الصالح وهذي حكمه من ربج ان ماخله اهلها يوافقون واذا عن طريق خطابه ترى مافيها شي يالغاليه يمكن نصيبها اييها من غير خطابه سبحان الله يمكن تطلع تروح الجمعيه يشوفها ولد الحلال ويتقدم لها ترى كل شي قسمه ونصيب ولا تتسرع الله يخليلها امها وابوها لها ويطول بعمرها

 

[شنو فيه !]

شوفي حبيبتي انا اتوقع رآي يمكن ما يعجب الكل وبيقولون لج الصداقه وما صداقه بس هذي حنانه وهذي الشخصيه السلبيه ترحمج من السعاده وتعيشج بهمومه لا مرتاحه ولا مريحه اللي حولها صديقتي علي عينيوعلي راسي عندها مشكلها اوقف معاها واخفف عنها بس طول العمر مشاكل وتشكي وتبجي حتي استحي افرح واستانس بوجودها الحين واحد من اثنين اما تعلمينه تتوكل علي الله وتلجأ له وان الناس ما بيدهم حيله أو توخرين عنها شوي شوي والزواج قسمه ونصيب ما بيدج شي .

 

[get over it]

مشكورين بنات

وكلامج صح يا شنو فيه !
لان انا اعرف ان هذيل الناس اييبون الهم حق الواحد , يعني حتى لو الله عطاها فرحه تسوي نفسها لا مظلوومه وهي مو فرحانه اصلا و و و و ......
والمشكله انا حدي استحي اني اقولها دايما اقولها يعني مثلا كل الناس عندها ابتلائات كل الناس تصير فيهم اشياا ترى في ناس مصاايبهم اكثر منج بس عمك اصمخ
وعلى قولتهم انفخ في .....
الله يعين بس

 

[malte]

الله يعينج وايد بنات جذي تموووووووت بالشكوى
أعرف وحده ماخذين اناواهي جم ماده بنفس الكلاس
المهم من نقعد تبتدي ريلي طقني ريلي ابن ××× :eh_s(11):
مستحيل احمل منه هذا انا لازم اتطلق اليوم قبل باجر بس اهلي كلهم ضدي!!:eh_s(11)::eh_s(2):
ريلي قفل علي باب الدار وطلع ريلي ماينام الا لما يكفخني وااااااااااي
انا بالبدايه كنت انقث واتكدر معاها وعقدتني من الريايل لمن ارد البيت احس مالي خلق اطالع اخواني
مساكين واهم مايدرون شالسالفه
المهم مره سولفت مع رفيجتي عنها جان اتقولي هذي ماخلت احد ماسولفت له عن ريلها كل الي بالجامعه يدرون عنها يامعوده هذي تحب تحن وتكون اهي المسكينه وترى عندها ولد منه انا عيوني صارت جذي@@
والله صرت من اشوفها اتصدد عنها المشكله كله اتقولنا لاتزوجون شكلها خايفه انبوق ريلها الحمد لله والشكر
عاد ماصرت اسمع لها لمن اتيي اتشكى جان اتمل وتقوم:ggdw:
اتوقع اني ما افدتج بموضوع رفيجتج بس انتي قوليلها لاتحنين وايد الناس يحبون الضحك والوناسه فديتج:eh_s(7):

 

[الترفة]

الله يستر عليهااا ويوفقهاا.