بنات أخوي خطب وراح يملج بعد سبوع وفجأه تفركش الموضوع

[بخـــارى]

مافي نصيب وخلاص

 

[Om_Ksha]

انا وريلي فسرنا جملتها اكثر من ٤ تفاسير واهوا مع اخوووج واحاول اقنعه بوجهه نظري تصدقين اهوا فهمها انه اهيا عاااادي عنده يخربط ويسوي بس بعيد عنها انه لا تجرحني وكذا تفسير ،، واااي هالريايل يفكرون بكل شي

عاد انا البنيه حسيتها على ويهها ماتثمن كلامها ،، بس اهوا اكيد خيره لهم ومو نصيبها الحين ينفصلون احسن من الملجه

 

[cutee__q8]

حراااام يمكن البنت قصدها اذا يحب ومجبور علي هالزواج وماتبي تنصدم بعدين من معاملته لها
بسبب انه يحب غيرها
ويمكن اهوه فهمها غلط
الله يعوضهم خير ان شاء الله

 

[وصوف]

انا وريلي فسرنا جملتها اكثر من 4 تفاسير واهوا مع اخوووج واحاول اقنعه بوجهه نظري تصدقين اهوا فهمها انه اهيا عاااادي عنده يخربط ويسوي بس بعيد عنها انه لا تجرحني وكذا تفسير ،، واااي هالريايل يفكرون بكل شي

عاد انا البنيه حسيتها على ويهها ماتثمن كلامها ،، بس اهوا اكيد خيره لهم ومو نصيبها الحين ينفصلون احسن من الملجه

كلامهااا عيييييييين العقل
ترى الرجال يفسر الكلام من منطقه هو ويقول هي ماتبني واو عادي اخونها
ويمكن هي ماقدرت تفهمه الي تبي او خانها التعبير <<متعوب عليها الكلمه
ترى دايم تصير فيني اخبط بالكلام من الربكه وصلي لخوك الكلام هذا
وفيه شغله ثانيه شكل اخوك مابلع البنيه على طول اوت:eh_s(10):​

 

[نعم نعم شنو]

الله يهديه ليش ماطول باله شكله عصبي

كل شي ايي بالتفاهم

بس سبحان الله كل شي قسمة ونصيب

 

[manar-al-hala]

انا مع " ظل الياسمين "

اهيا الغلطانه ،،،

لو ميسره الامور جان تيسرت ،،،

الله يهداها بس ،،،

والله يرزقهم بنصيب احسن من جذي ،،،

 

[منيرره]

البنت اذا انخطبت عيب وما يصير تفتح مع خطيبها موضوع حاجيت من قبل او عرفت من قبل خلاص اهي مالها شغل بالماضي اهي بالحاضر والمستقبل واللي بتشغل نفسها بالماضي مع احترامي هبله ...

ومالهم نصيب ربج مقدر الخير وين ما كان

 

[زيتونا كويتيا]

مشكورين بنات على ردودكم

وماقصرتو بس اخوي خلاص مايبيها وتفركش الموضوع

الله يرزقه بوحده ثانيه ان شاء الله

 

[engnera]

آلبنيه مآغلطت كلآمهآآ جدآ عادي

 

[[[ عيون جابر ]]]

امبي الله يهديييييييه اخوووج ليش تسرع البنت ما غلطت بشي

 

[انصاريه قمره]

الله يهديه اخوج ما قالت شي بنت الناس

 

[pusy cat]

مافهمت كلامها

يعني قصدها اذا كانت لك علاقات من قبل ما ابيك ؟

ياريت اتوضحين مافهمت

بس دام تفركشت السالفه خلاص

والله يهدي اخوج ترى اذا اسلوبه جذي عمره ماراح يتزوج خليحترم نفسه شوي هذي خطيبته مو رفيجته خليفرق

 

[viva la glam]

مافيه شي سؤالها بس اخوج كبر الموضوع
نصيب

 

[al-musk]

ألبنت مو غلطانة اخوج الي مايعرف يتصرف وفوقها صاكه بوجهها .. هذا من اول شي جذي بعدين شنو بيسوي !!

 

[ظل الياسميـن]

مرحبا يا بنات

احنا وصلنا في هذا الموضوع اربع صفحات

والاغلبيه يقولون انه اخو صاحبة الموضوع اهو اللي غلطان

ليش اهو اللي غطان ؟؟؟؟؟؟؟ اهو ما سبها ولا هواشها ولا طقها

ليش مو البنت اهي اللي غلطانه وهدمت حياتها على شغله تافهة

وانتم كلكم اميدين البنت انها اهي الصح والولد اهو الخطا

بسالكم سوال

الحين البنت ليش سالت خطيبها وتقوله انت حبيت من قبل ولا لا

مالها حق تسال هالاسئله ليش اهو واحد من ربعج تقوليله هالكلام
لانها مو وقته بعدين بتعرف مع المعاشره وياه

هذا بدال لاتقوله وتساله عن حياتهم ومستقبلهم

وين بيقضون شهر العسل وشنو اللبس او اللون اللي يعجبك
ومن الكلام الحلو الذرب

مو هذي سائلته انت تحب من قبلي ولا ماتحب
ترا هذا زواج مو لعب


الله يوفقه ان شاء الله
ويرزقه على قد نيته

 

[الزين 85]

قسمة ونصيب

تحياتي يالغلا

 

[Tom ♥ Jerry]

,

حطي في بآلج آنه مآلهم نصيب في بعض !
محد ياخذ الا نصيبه
وهاذي البنت مو من نصيب آخوج .،
عآدي .، الريال مآ آرتاح لها (=

خلوه على رآحته !

 

[Miss MeMi]

اخووووووووج غلطاااان ومليييون مررررره غلطااااااااااان
شنو انه انتي خبله
لا ولله اهو الخبل سوري قلبي
بس من الحرره
كاانت بكلامها هاذا انهااا تبييه يفهم من الاول
امبيه الله يسامحه اخووج
بالعكس مفرووض ينعجب فيهااا
لانه صارحته وخايفه من هالشي
امبيه اخوج لا مستحيل
الله يهديه هاذا باجر على اي شي بيزعل من زوجته
يمكن خيره حق البنت

 

[dalo3at-ahalha]

اي والله هبله ونص
من صجها في وحده تتجرأ تييب طاري هالسوالف جدام واحد ما يعرف عنها ولا شي
يعني المفروض ما تزل ولا زله لأنه اكيد بياخذ عنها فكره غلط
هذا المفروض يكون درس حقها
بعدين اهيا عطته فكره انه عندها سوالف من قبل ولا انتي شعرفج بسوالف الحب و التكلم ولا تجرحني !!
ليش انتي مجروحه من قبل !!
على العموم انا مع اختي ظل الياسمين

و الله يوفقه و يوفقها >>> شوي شوي لا يصير فيني شي​

 

[fdeet_shosho]

خخخخخ فى ناس مشتطه وغصب البنت غلطانه يبا كل واحد وله راية ويشوف الموضوع من وجهه نظرة
زين ماحكمتوا على البنية بالاعدام ؟!! الرجال يحاجيها فترة يبون يتعرفون على بعض مو من اول مكالمه قالتله وانا اشوف السؤال عادى ومن حقها - ماحب نوعية ان المره غلطانه ومو من حقها تسال او تعرف هذا رجال وانتى مرة اهوا يقول ويسال اللى يبي واهيا تسكت وتسمع !!
ماقول الا ربي يعوضها يارب ويرزقها