بناات إلي جربت شاي Paiyouji تقوولي تجربتها

[البرق80]

انا نزلت موضوع كامل عن الشاي ولقيت ان منظمات الصحه العالميه مانعته مو بعد تقولون تجارب ناس وانا وحده من الناس جربت علبه ونزلت عليه صح ورديت الوزن اللي نزلته مره ثانيه لما تركت الشاي بالرغم من إني كنت احس بنفس اعراضكم دوخه وارهاق وتعب واللي بايعه روحها كيفها كل من عقله براسه وتقبلوا رايي

 

[غلا الشيوخ]

خواتى اناشخصيااستعملته ومازلت استعمله بالعكس نزل الكلستروال ونسبه الدم ارتفعت بالعروض المتنوعه راح تلقين عروضى متوفرعندى الشاى وفيه منه الحبوب اللى ماتتحمل الشراب

 

[** آية من الجمال **]

كويتية والنعم >>>>> ينباع وايد الحين بكل مكان بس إخذي الأمريكي مو الصيني!

الصراحة أنا جربته مرة شريته من صالون شربته وتغصبته لين خلص ........... بس الصراحة ما استفدت شي وبعد أقل من سنة هم قريت دعايات وسوالف ورديت صدقت وتأثرت وشريته تخيلي أنا كنت بسوق بمجمع النقرة ووحدة فلبينية بمحل كنت أنتظر تصليح تنورتي وسولفنا جان تقولي عنه وودتني عند رفيجتها وأنا ركضه وشريت ........... الحمد الله على كل حال طبعا خلصته بس ما تذكر إني إستفدت إلا شوي!

أنا أقولك أي منتج تاخذينه لازم معاه رياضة ونظام غذائي عشان تستفيدين غير شذي نو وهذي ماي بروبليما والله يوفق الجميع يارب ويضعفنا بالصحة والعافية ....... اللهم آميييين

وآسفة عالتطويل!

 

[شانييل]

أنا شريت جم علبة بس ما استخدمت إلا كم جيس لأنه يسبب الارق وأنا خلاني ما أنام لي ثاني يوم وبالغصب وإهية كلها جم ساعة وأحس راسي مو مرتاح كأني قاعدة وأنا نايمة
لأ مو طبيعي علشان جذي وقفته وعلى فكرة الاعراض يتني وأنا أخذ كل يوم وترك علشان أقلل نسبة الارق وهمن ما كو فايدة!!!!!!!!!!!!

 

[غلا الشيوخ]

شوفى عرضى عليه فى العروض المتنوعه للاستفسار 99655975 عندى منتجات تنحيف متنوعه

 

[coolq8]

فى الأصلى والتقليد أنا جربتة ومانزل وزنى وأختى
شرت بس مو نفس أللى عندى

 

[عانس كول]

انا سبب لي اكتأب شددددديد وبس ضايق صدري فيه احد مثلي ؟؟؟؟

 

[غلا الشيوخ]

الطبيعى بالرجيم لانه مافيه اكل ولاحلو

 

[غلا الشيوخ]

وايد ناس تستخدمه وتمدحه عندى بانواعه الثلاثه 99655975

 

[ريمانيا]

السلام عليكم

شلوونكم يا رشيقاات المستقبل

بناات بسألكم منو فيكم جربت شاي Paiyouji

لان ودي اشتريه و خاايفه الصراحه مادري ليش :tomato2:

يمكن لان من الصين :cxxxp:

وسمعت بعد ان ينشف الريج ولازم تشربين مااي واايد

مع ان الكل يمدحه فبليييز إلي مجربه هالمنتج تفيدني الله يخليهااااا

ومشكورين :tek:​

حبوبة انا استخدمته مافيه اي فايدة و الصراحة الله يزيد النعمه يلوع الكبد كانج قاعدة تشربين ماي بحر ع زفرة و المصيبة عالريق هذا كان النوع الاول بس الحين اطلعت انواع ثانية ما جربتها و ما افكر الرياضة يا بنات شنو هالعيز اللي فينا لي هالدرجة كل شي نيبة بسرعة ترا ربكم بنى الدنيا بسبع ايام لة حكمة سبحانة و احنا اللهم يا كافي ما عندنا حتى ذرة صبر انا معاكم في البداية الرجيم يكون ممل و مو متعودة بس بعدين عادي و يصير سهالات انشالة
:weight_lift:

 

[غلا الشيوخ]

الفايده بشرب الماى بكميات كثيره وهوعباره عن طحالب واعشاب بحريه اكيد اذا ماشربتى ماى تتاذين لان الماى ينظف الجسم من السموم الدهون المياه الزايده

 

[غلا الشيوخ]

ررررررررررررررررررررررررررررفع

 

[غلا الشيوخ]

متوفر بانواعه الثلاثه 99946773

 

[غلا الشيوخ]

حبايبى 5 علب شاى بيوجى عادى كورس 3 اشهر30 دينارشامل التوصيل شاى بيوجى بلس 5 علب كورس 3 اشهر 50 دينارشامل اتوصيل حبوب بيوجى 3 علب كورس 3 اشهر شامل التوصيل

 

[x.swar]

شانييل وعانس كول وحتى باجي البنات انا بقولكم تجربتي سبق اني كتبتها من قبل للفائدة وللأمانة ...
انا على شهر 10 اللي فات استخدمت علبة كاملة وكنت بكمل معاه .. بس عقبها خلاص ماني شارية الثانية ..
الصراحة الصراحة ضعفت عليه بالشكل حيل .. بس بالوزن مو حيل يعني العلبة كاملة ضعفت عليها بس 4-5 كيلو ..
أول جم يوم تسكرت شهيتي نهائيا .. استانست ..
بس الايام اللي عقبها كنت احس اشتهي الاكل حيل حيــــل بس ماقدر اكثر بالاكل كلش .. تعذبت ..
بس واااااايد واااايد ارهقني .. تعب ورجفة .. وكلة تعبانة وأرق (عشان جذي لازم ماتاخذينة بالليل ) لكن من اكل شوي (بس شوي) سييييييييييييدة احس يتسكر مخي لاااازم الحين الحين أنام والا بطيح (مرة صارت فيني باستقبال..فشلة):ch12:

والاهم الاهم اني عقب ماخلصت العلبة بفترة احس مفاصلي مو نفس قبل .. احس بالام مثل الخشونة ..
وسببلي ازمة بمفاصل رقبتي خاصة ...اللي السلام بالصلاة صعبة عليي ..والنومة بالحسرة أرتاح فيها من ألم رقبتي ..
لانه شفط الماي اللي بجسمي كلة ... قامت مفاصلي جسمي كلة تقريبا تطقطق بكل وقت ...:lkmnkl:
طبعا غير عوار الخواصر اللي ساعات يضرب فجأة .. اخر شي تكتشفين انها الكلى ... اذا ماكثرتي الماي ..



انا هذا اللي شفته بس بعلبة وحدة ..
وماشاء الله اشوف ناس علبة ورا علبة .. وجم شهر يستخدمونة ما سببلهم البلاوي اللي شفتها ..
كل جسم يختلف عن الثاني ... وانا طريقة جسمي يتحمل بس الظاهر هذا ماناسبني ..

واهم شي اني رديت للاكل نفس قبل .. ووزني رد مثل ماكان ...:tomato2:

أحلى شي.. احلى شي.. احلى شي فيه شعورج وانتي ضعفااااااااااانه .. :eh_s(9):
وحتى هذي ماتهنيت فيها زود لأني رديت نفس قبل سريعا .. وردت الكيلوات اللي راحت ..

انا طرحتلكم تجربتي ... ولكم القرار ...:wqedqw:

 

[غلا الشيوخ]

فايدته بكثره الماى اكيد ماتشربين ماى انتى خسرانه وراح تتاذين اصدقج بكل اللى صارلج علشان جذيه للامانه اى وحده خذته منى تقول انى حرصتها على شرب اكثرمن لترين ماى اصلا بدون ماى ماراح ينزل وزنج

 

[شاكاشاكا]

السلاااااااااااام عليكم اختي كويتيه والنعم انا صراحه جربته من شهرين تقريبا اووقفته ع طول لانه زاد دقات قلبي لدرجه اني مانام ع طول دقات قلبي ترقع وبعدها خفت اووقفته بس الصراحه ضعفني يعني خلاني ماشتهي الاكل بس لمن شفت دقات قلبي زادت عطول وقفته لانه امبين انه موطبيعي لوكان طبيعي جان ماتاثرت دقات القلب وهذي تجربتي حبيت انقلها لج وموفقه

 

[غلا الشيوخ]

اللى اعرفه اعشاب وطحالب بحريه من طعمه لازم تشربين ماى وايد واذاماتشتهين الاكل اكلىتمره

 

[HoOoney]

مرحبا بنات انا ابي انصحكم لوجهه الله وياريت تسمعون نصيحتي اختي شربت شاي بايوجي واهو له اضرار وايد . واهي شربت قبل لاتحمل بشهر وسبب لها تشوه بالجنين .فياليت التاجرات مايبعونه لانه يسبب تشوهات بالاجنه حتى لوشاربته قبل ست شهور وله اضرار وايد

 

[غلا الشيوخ]

شاى بيوجى عادى 5 علب كورس 3 اشهر25 دينارشاىبيوجى بلس 5 علب كورس 3 اشهر 45 دينارحبوب بيوجى 3 علب كورس 3 اشهر30 دينارالاسعارحتى نفاذ الكميه وهى محدوده تلحقين والاالتوصيل لاى منطقه 3 نانير عفوا مسج بعنوانج بنفس اليوم والوقت اللى تطلبين 99946773 (نفس العرض 5علب لاتقولين 1 او2 وغيره)