السلام عليكم ورحمة الله وبركاته
بنات ماقدر اوصف لكم الحال الي انا فيه الحين الله يضوق احد ان شاء الله هالقهر الي فيني والحرة ..
ابيكم تشورون علي حطو نفسكم مكاني بسم الله عليكم من الي انا فيه بس حاولو تحطون نفسكم مكاني عشان تتخيلون وضعي شلون صاير .
انا متزوجة من 9 شهور وحامل بالشهر ال8 . زوجي طيب وحليو وحنون ويعاملني احسن معاملة ويحترمني .. وقبل ما اخذه سألنا عنه زين ما زين فوق الشهر واحنا بس نسأل .. وما بقى احد ماا مدحه ومدح اخلاقه . وفعلا انا ما شفت منه الا كل خير ...
لحد أمس .. فتح ايميله من الآيباد وفتح كذا رابط وما كان منتبه وعطاني الايباد وبس لهى بالايفون .. انا يابنات ما افتش وراه كلش ولا اتعب نفسي بهالسوالف واحترم خصوصيات الغير وايد وماعندي فضول اني اعرف شنو تحت راس الي جدامي كل واحد وكيفه ..
لكن امس .. لما خذت الايباد قعدت اسكر الصفحات مالت الروابط لين وصلت لصفحة الايميل الاصلية ولقيت شكثر ايميلات من برنامج Tagged اذا اسمه صح بعد . انا على طول فكرت انها دعايات ولا اضافات او شي جذي وقلت بمسحهم مالهم سالفة .. لما فتحت اول واحد شفت الي ما كان عالبال ولا عالخاطر.
محادثة بين زوجي و وحدة .. طلع هو يسيف المحادثات عالايميل ومتأكدة انه ما يدري ولا جان ما بسيفهم عالايميل .
المهم قمت افتح ايميل ورى الثاني وشفت البلاوي يا بنااااااااااااااااااااااااااات .. ما بقت بنية عاد اهي فليبينية ولاغيرها ولا بقى شاذ جنس الا مرقمهم ومواصل معاهم الكلام في الوتس اب .
تصوروا كاتب حق وحدة طلعي معاي واعطيج 50 دينار !!!!!!!!!!!!!!!! وغير البلاوي الثانية مع القذرين الشواذ كلام كلام ما ينقال يابنات ومواعد اشكرررررررررررررررره !!!
ولما حاولت اجيك التواريخ كله قبل عرسنا بشهر لحد قبل اسبوعين !!!!
بنات مو مصدقة .. مو مصدقة ان ريلي الي ماشفت منه الا الطيب والحنان والاحترام والحب تطلع هذي سوالفه .. ولا مو بس مع بنات .. الا حتى مع الشواذ حسبنا الله ونعم الوكيل !!!
بنات لاتقولون لاتظلمينه يمكن فاهمة غلط .. كلللللللللللللللللللل شي وااااااااااااااضح والكلام اشكره .. ترقيم ومواعد .. وكلام ما ينقال . لاعت جببببببببببببببببببببببببببببببببدي والله اني منهارة من امس مو عارفه شسوي مو عارفه شلون اتصرف .. ماقدر ادخل احد كلش كلش هذي سواد ويه ما اتجرأ اقول لأحد ان ابو بنتي هذي سوالفه .
بنات شوروا علي شسوي انا للحين ما قلت له بس هو حاس ان فيني شي لانه قام حق دوامه وانا عيوني وارمة وخشمي حمر من الصياح :eh_s(2): كنت بلحظة بنهار وبقول له كل شي بس قلت وبعدين؟ شنو بسوي وشلون بتصرف ؟؟
ابي نصيحتكم بنات وخاصة صاحبات التجارب والحكيمات
ودعواتكم دعواااااااااااااااتكم لي خواتي ان الله يهون علي ويبرد قلبي ويهدي لي هالريل الي صج صج صج صدمتي فيه ما تنوصف :eh_s(2):
