بنااااااااااات ولدي بجاااااااااااااني صاااادمني...

[اسوووره]

شكله مضطرب من هاللي يشوفه بالمدرسه

والله ما يندرى

بجيتيني ياعمري الله يخلي لج عيالج ولا يحرمج منهم بدعي لج بظهر الغيب ربي يهدي لج عيالج ويسخرج لهم ويطولج بعمرهم ويكونو بااااااااارين بج مطيعين لج ووبكامل الصحه والعافيه وماتشوفي منهم شيء يضيق خلقج يارب امين

بعد قلبي والله مو قصدي بس من حر مافيني وصج مالقيت غيركم ...وربي يسلم قلبج على هالدعوات يا الغاليه و لج بالمثل يارب بعد عمري صج فرحتي قلبي بهالدعوات الطيبه مثلج يا الغاليه ربي ينولج كل اللي في بالج ...

 

[اسوووره]

الله يعينج حبيبتي

عليج بالدعاء ثم الدعاء ثم الدعاء

حبيبتي ولدج يصلي؟ سامحيني على هالسؤال بس عادة الاماهات يهملون هالناحيه خاصة هالعمر

اذا كان جوابج ايي ... تعاليله بمنطق ربك

قوليله الله يحب العبد لما ايي ويوقف بين ايده افعاله كلها صح ومو مسوي غلط

قوليله ان المدرسة باجر ربك راح يسألك عنها ... لا تقولين توه صغير على هالكلام

كلميه بطريقه عاديه مو ترهيب ... قوليله اي حبيبي لو نبي ربنا يوفقنا بحياتنا لازم كل خطوه نسويها نفكر فيها عدل

ونقول الله يرضى فيها؟

صدقيني الياهل بتشوفينه يتغير و تصرفاته راح يربطها كلها برضى ربه عليه

وعموما اتوقع ردة فعله طبيعيه لان انتي وابوه منفصلين ... حتى لو كان مابينكم مشاكل وحتى لو ريلج الحالي يحبه

ستيل ولدج حاس بشوووووية نقص ... يعني هالامور قاعد يسويها مثل تعويض لكن من غير قصد

يعني اهو مو قاصد يغلط على الابله لانج منفصله عن ابوه

لا لا لا هذا التفكير في عقله اللاوعي

حبيبتي جربي هالطريقه و ادعيله ربي يهديه

واخذي رقم هالدكتور محمد الكندري عن تجربه من اهلنا تدقين عليه وتقولين له مشكلتج وان شاء الله يفيدج

99880323

وطمنينا

بعد قلبي ماقصرتي يا الغاليه و الحمدلله اهو يصلي ولله الحمد وواااايد كلمته و مثل ماقلتي انا لمن اكلمة ماكلمه جنه ياهل كللللللللللللش بالعكس والله يا قلبي ما ييتكم الا بعد ماخلصت كل الاساليب الا مدة الايد اللي مابي استخدمها معاه فمن جذي ييتكم والدعاء والله مالي غيرهم اهو و اخته اطالع ربي و اطالعهم والدعاء 24 ساعه ... و واااااااااااااااايد شكرا حياتي على الرقم و انشالله اليوم بدق عليه و انشالله يارب يفيدني ...

 

[اسوووره]

ديري بالج على ولدج

انا صديقتي نفس الحالة سبحان الله تطلقت وعندها ولد وتزوجت وجابت عيال
المهم نفس الكلام والمشكلة بس للأسف الحل عندها اختلف تدرين شنو سوت

طرشت ولدها لأبوه مع باقة ورد ةتنازلت عن ولدها لأبوه اللي متزوج تايلندية لأن ولدها كان يضرب عيالها من زوجها الجديد.

والحين عايشة بدونه ومرتاحة على قولتها بس انا كل ما اشوفها ااعاتبها على ولدها ليش سوت فيه جذيه بس كان هذا هو الحل ولدها يبي ابوه وبيعيش عنده . والحين صار له 5 سنوات عند ابوه .

رفيجتي الثانية ولدها عمر 11 وتزوجت امه وصار الولد المسالم عدواني وراعي مشاكل مع انه كان مؤدب تدرين شنو سبب التغير زواج امه
ومناشب مع زوج امه لما انتهى فيهم المطاف بالمخفر لأن الولد كبر وصار عمره 18 وما يبي زوج امه يتدخل بحياته ولما شافت الأم ولدها شايل السكين على زوجها قررت الانفصال رأفة بولدها اللي كان كابت ومتعقد من زواج امه .

الحل : لا تهملين ولدج بعد ما تجيبين عيال من زوجك الحين
عطيه حب غير عن عيالج الباقين لأنه فاقد حنان ابوه

صبري عليه وعززي ثقته بنفسه وخليه ياخذ حقه بحياته لا تجعمينه .
ازرعي فيه الثقة بالنفس وكبري راسه خليه يقول ويحس انه رجل حتى تتعبين معاه الحين بيسرج لي كبر ان شاء الله

لا تفرقين بين عيالج وزوجك الجديد لا يتدخل بوليدج كلش

وااااااااااااااااااااااي عفيه قلب اخلي ضنااااااااااااااااااي عشان يطق اخوانه :eh_s(14):

واااي يما ربي لا تبليني بهالقلب اموت ولا عيالي بعاد عني ربي يخليهم لي يارب و يحفضهم ...

و بالنسبه للسالفه الثانيه الله يعينها مسكينه عورت قلبي ربي ياجرها بميصبتها ويخلف عليها بالافضل و الاخير اللهم امين ...

ياقلبي انتي بقولج واااااااااااايد شكرا يا الغاليه على مرورج و بوضحلج اني تزوجت و ولدي صغير يعني وعى على ريلي يعني مثل اللي فتح عينه عليه و يحبون بعض وااايد الحمدلله بس انا ماحب ادخل ريلي بشي عشان ولدي لا يتحسس من السالفه فتلاقينه اذا بيتدخل يكون تدخله بالنصيحه و الكلام فقط لا غيييييييييييييير و التفريق كللللش مافي تفريق بينه و بين اخته الحمدلله اصلا اهم وايد يحبون بعض و بحكم حالته الخاصه انه مريض فساعات وااايد الاهتمام يكون صوبه اكثر من اخته الصغيره بس مادري اشفيه الحين فجأه تغير 180 درجه الله يهديه ...

بعد قلبي اسعدني مرورج وربي يعطيج العافيه ماقصرتي يا الغاليه ...

 

[أم حوور]

حبيبتي اسوووره
انا صادفت نفس مشكلتج تقريبا

وخليت المدرسه تساعدني بطريقه اسلوبه مع ربعه واخته لأن كان يطق اخته طق موطبيعي

طبعا اسلوبي معاه تغير
واحسسه ان اللي يسوي جذيه غير مرغوب
وايد شغلات صارت معاه

بس كنت ابجي بالليل بالفراش عشان المعامله اللي اعامله فيه بس علشان يحس ان هو علطان والتصرفات الغلط راح تخلي كل الناس ماتحبه

والحمدالله صار وايد احسن

تراني نفس حالتج منفصله وتعبت وايد بطريقه التربيه

ترا المدرسه لها دور عن طريق اخصائيه نفسيه كانت تقابله وتتحاور معاه اكتشفت وايد اشياء بولدي وخوفه وسبب هالتصرفات
والحمدالله صار كلشي اوكي

 

[alhabibah]

أسسورة شوفي من يماشي، أقصد ربعه
لأن احتمال كبير قاعد يقلد حركاتهم في العناد والمرادد

 

[اسوووره]

حبيبتي اسوووره
انا صادفت نفس مشكلتج تقريبا

وخليت المدرسه تساعدني بطريقه اسلوبه مع ربعه واخته لأن كان يطق اخته طق موطبيعي

طبعا اسلوبي معاه تغير
واحسسه ان اللي يسوي جذيه غير مرغوب
وايد شغلات صارت معاه

بس كنت ابجي بالليل بالفراش عشان المعامله اللي اعامله فيه بس علشان يحس ان هو علطان والتصرفات الغلط راح تخلي كل الناس ماتحبه

والحمدالله صار وايد احسن

تراني نفس حالتج منفصله وتعبت وايد بطريقه التربيه

ترا المدرسه لها دور عن طريق اخصائيه نفسيه كانت تقابله وتتحاور معاه اكتشفت وايد اشياء بولدي وخوفه وسبب هالتصرفات
والحمدالله صار كلشي اوكي

هلا قلبي ام حوحو ... واحنا هذي مشكلتنا نعاقب و عقب بليل ما تييلج النومه و مخدتج تنملي بهالدموع

انزين قوليلي شنو سويتي و الاخصائيه اشقالتلج ؟؟

وانا كاني الحين بقوم البس و اروح اشوف شسالفته و ايي اقولكم كل شي ...

ربي يخليلج عيالج و يبلغج فيهم و يكونون لج سند و ظهر و بارين فيج اللهم اميييييييييييييييييييين ...

 

[اسوووره]

أسسورة شوفي من يماشي، أقصد ربعه
لأن احتمال كبير قاعد يقلد حركاتهم في العناد والمرادد

هلا يا الحبيبه كاني والله بقوم البس و اروح اشوف و بقعد مع الاخصائيه و المدرسه و اولفيكم باخر الاخبار الله يسهل يارب ...

 

[الله يخليني]

حبيبتي أسووورة ... الله يعينج أخيتي ...
ولدك يعاني من ضغط وكبت وقاعد يطلعه بهذي الصورة في شي مضايقة ومو قادر يقول ، أخذي ولدج بحضنج ولميه دايماً لميه وخلي عنج سوالف ماني مكلمتك انتي أمه إذا بعدتي عنه منو بقرب منه ويعرف شنو فيه ، أخذي ولدج بحلمج وهدوءك ولا تكلمينه في الموضوع نهائياً اليوم وطلعيه وخليه يستانس حده وإذا تقدرين تنامين عنده اليوم نامي حسسيه إنه محور اهتمامج وسولفي معاه حسسيه باراحة وبعدها سأليه قولي له أدري آكو شي مضايقك اشرايك تقولي علشان أساعدك نلاقي حل سهل وبسيط راح يتجاوب معاج وإذا ما رضى يتكلم معاج في الموضوع قولي له متى ما تبي تتكلم ترى راح اسمعك ..

 

[أم حوور]

كانت الاخصائيه لها اسلوب مادري شلون خلته يفضفض اللي بنفسه من تعب نفسي

وانا طبعا طريقتي تغيرت معاه للأحسن

كان فيه كبت وصراع داخل نفسه هذا كلام الاخصائيه بعد ماقعدت معاه وبالفعل يعطيها الف عافيه الاخصائيه وطريقه شغلها مع ولدي

 

[milkshake]

فديتج والله لاتهمين نفسج..وترا في هالعمر عادي ..وقولي الحمدلله انه ماسوا مصايب هاليهال اللي نسمع عنهم الايام هذي ..
خلج صبورة ..وخلي علاقتج فيه قوية ولا تخسرينه..وخلي زوجج او ابوه يتقرب منه اكثر الفترة هذي..
وحالو بعد تشغلونه هالايام بأشيا وايد مثل نوع من انواع الرياضة او الحداق او غيرها عشان يلها عن ربعه اللي مو زينين..وطمنينا عليه وعليج

 

[ام الغالين]

الله يعينج حبيبتي

عليج بالدعاء ثم الدعاء ثم الدعاء

 

[Athwaq]

ماله داعي الابلات يستدعونج على كل حركة يسويها .. جنهم يهال

اهو يعد نفسه ريال و من كبار المدرسة برابعه ابتدائي محد يحاجيه

بدال لا كل شوي منادينج .. خلي الاخصائيه تكلمه .. يمكن مايبي يقولج شفيه .. بس ممكن الاخصائيه تقدر تسحب منه حجي لانه تخصصها هذا ولازم تعرف تتعامل مع الحالات



و بعدين اهو صبي شي طبيعي بيتغير و بتغير تصرفاته

شوفي يمكن مرافج ربع يدد لسانهم طويل او ايدهم طويله

يمكن اسلوب الابله مو شي و اهو ماتعود احد يعامله بهالطريقه

وماله داعي تمسكه و تقول له اقعد مو بالروضه اهو

وحرام لا تحقرينه .. مو مسوي ذنب كبير اهو .. ترى مهما كان زوجج زين معاه .. يكفي انه فاهم انه مو ابوه

الله يهديه و يشافيه يارب ويخليه لج

 

[MissChoco]

والله بالتربيه انا ماعرف للاسف لانه ماجربت هالشي :\\


بس دام مافاد وياه المره والمرتين وكلمتي ريلج الي يستحي منه ,, عيل ماكو فايده


اكيد الاصبيان يحارشونه مثل ماقال وتدرين بالصبيان اكيد يقولون ها اتزفك وساكت ومن هالكلام


انا بقولج نصيحه وديه مدرسة مدرسين رياييل احسله والله


وهمن انتي حرميه من المصروف ومن الطلعات وجذي وقوليله انتا سويت هالغلط وعدتني ماتعيده وعدته مرتين وثلاث!!

وتبي باجر الناس ماتذكرك بالخير .. ومن الكلام الطيب تعاليله لا تييله بالطق والهواش


دايما ذكريه انه الله مايرضى ومن هالامور ويغضب عليه وجذي, وبعدين قوليله عن الناس بيقولون عنه انسان مو محترم وامه ماربته
ومن هالكلام عرفتي! وانه يرضى اذا قالو امك مو مربيتك يعني امك مادرت عنك وانا الي محافظه عليك وجذي قوليله.
وبعد قوليله انه باجر ماراح يذكرونك بالخير, واذا شافوك قالو كلام مو زين عنك وانتا ترضاها يعني!
وبعد ذكريه انه باجر عياله بيسون نفس مايسوي,
وبعدين عاد انتي قوليله انا بعاقبك,, وعاقبيه مثل ماقتلج والاصبيان اهم شي عندهم الطلعه فعاقبيه بالطلعه عشان ينقرص


واخر شي قوليله ترضى امك اتروح ويزفونها الابلات ويقولولها ادبي ولدج وربيه!! ترضى احد يزفني!!
وقوليله بعد الي يسوي بامه جذي الله مايرضى عليه ويغضب عليه واتصير عنده سيئات



وان شاء الله يتغير وليدج والله يخليه لج يااارب العالمين,, وسامحيني ترا ماعرف عدل :××

 

[toota]

ياااحلوة ولدج كبر ولدي وهذا العمر حووسة يبييلهم اهتمام خاص اهم شي ( لااااااا تقاطعينة ) لوشنو يصير ترى يحز بنفسه بيقول عشان الابلات جذية بتسوي فيني وانا ولدها ترى هذا تفكيرة / ومن إلي اشوفه الحين بالمدارس (بعض) الابلات ما يحترمون الطلبة ويحرونهم ويشتكون عليهم وعيالنا الحين مو مثلنا اول نخاف // كسبي ولدج وضمييه لج ( لميية)كل وقت خل يحس انه اهو اهم شي عندج واتوقع بروحه بيوخر عن الحركات ( بداية مراهقة )وشوووووفي ربعة منو وشنو (التحرشات) إلي تيييلة.. الله يحفظة وتفرحين فية واخوانة

 

[هدوء]

اسوووره

ولدج اكيد عنده مشكلة بالمدرسة .. في شي مضايق هناك .. خلي الاخصائية النفسية تساعدج روحي لها وقولي لها السالفه وشنو تصرفاته
اكيد بتساعدج ..

وانتي حاولي تكونين مو بس امه .. كوني اخته صديقته عشان بفضفض لج علميه يسولف لج شنو يصير معاه .. تصرفي وتعاملي معاه على اساس انه كبير مو ياهل .. اعتمدي عليه باشياء بسيطة في البداية عشان ثقته بنفسه تزيد ..

فهميه اهمية المدرسة والدراسة لحياته .. وان الواحد يفتخر فيه لما يكون متفوق ومؤدب ..


الله يهديه لج ان شالله

واحنا مالنا غير مخادنا تالي الليل نترسها دمووع .. الحال من بعضه

الله يعين ويفرج هم الجميع

 

[اسوووره]

حياااااااااااااتي والله كلكم وربي يسركم و يستركم دنيا واخره على هالردود و المرور الطيب مثلكم حبايبي ...

حبيت اقولكم اني توني راده من المدرسه ولا السالفه واصله لي الناظره و كتبوني تعهد وراح تكون له متابعه و يوم الاحد راح اقعد مع الاخصائيه النفسيه ...

وبالمدرسه عندهم برنامج راح يتبعونه معاه من عقاب و ثواب مع متابعه و الطريقه :

انهم يحرمونه من الفرصه يقعد عند الاخصائيه الاجتماعيه ما يلعب مع ربعه ويقعد يا ان يكتب واجباته او ان اذا غلط بشي يمسك ورقه يكتب فيها انا اسف انا اسف انا اسف لين تخلص الفرصه و اذا تسنع راح يكون له ثواب من هدايا و تكريم و كل يوم راح يدزولي ورقة متابعه يوميه فيها اهو شنو سوى و شنو ماسوى ...

وقعت الورقه اني اوافق على هالبرنامج معاه اشرايكم بنات ؟؟؟

و السؤال الثاني بالبيت هم اتم معاه شديده ولا ارخي معاه دام بالمدرسه راح يشدون معاه ؟؟؟

انطر ارائكم حبايبي ...

 

[نور**الدنيا]

مساء الخير صديقتي سالفتج عورت قلبي ذكرتيني في بنتي اهيه برابعه بعد بس صدقيني مو منه لانه مافي ابووو فوق راسه ولا تنسين اهوه قاعد يكبر انا قاعده اعاني من هلاشي انا نفس حالتج المشكله احنا منفصلين في البيت صارلنا 5 شهور المشكله يشوفونه داخل البيت بس ما يكلمهم ولا شي ولا يسال عن اي شي في البيت انا من داخلي عادي عندي بس اليهال معورين قلبي ميخالف لا تصارخين عليه حرام اهوه ماله ذنب وخليه يواظب علي صلاته اخذيه بالكلام الحلووووووو فديتج الله يخليكم حق بعض

 

[toota]

تروالي هذي شدة زايدة ..بتصكون علية ليش حرام ما يطلع بالفرصة يعني طول اليوم قمتة ...برايي تاخذين رأي دكتور متخصص تدقيين علية مثل : د. الخليفي او اي احد يقول راية بنظام المدرسة صح أو غلط ..مادري بس كتابة كلمة آسف ليش على أي اساس انا أشوف تسألين متخصص أحسن ..ترى هذي أزمة وتعدي لاتخلونة يكرة المدرسة ..اللة يحفظة

 

[اسوووره]

مساء الخير صديقتي سالفتج عورت قلبي ذكرتيني في بنتي اهيه برابعه بعد بس صدقيني مو منه لانه مافي ابووو فوق راسه ولا تنسين اهوه قاعد يكبر انا قاعده اعاني من هلاشي انا نفس حالتج المشكله احنا منفصلين في البيت صارلنا 5 شهور المشكله يشوفونه داخل البيت بس ما يكلمهم ولا شي ولا يسال عن اي شي في البيت انا من داخلي عادي عندي بس اليهال معورين قلبي ميخالف لا تصارخين عليه حرام اهوه ماله ذنب وخليه يواظب علي صلاته اخذيه بالكلام الحلووووووو فديتج الله يخليكم حق بعض

هلا حبيبتي مساء النور اسمله على قلبج و تبين الصج هم سالفتج عورتلي قلبي ربي يفرجها عليج و يهديلج ريلج و يبلغج بعيالج اللهم اميييييييييييييييين ...

ياقلبي والله بحاول معاه مره ثانيه و بشوف و يفداج اعداج حبيبتي وربي يسمع منج و يخليلج غاليج يا الغاليه ...

 

[اسوووره]

تروالي هذي شدة زايدة ..بتصكون علية ليش حرام ما يطلع بالفرصة يعني طول اليوم قمتة ...برايي تاخذين رأي دكتور متخصص تدقيين علية مثل : د. الخليفي او اي احد يقول راية بنظام المدرسة صح أو غلط ..مادري بس كتابة كلمة آسف ليش على أي اساس انا أشوف تسألين متخصص أحسن ..ترى هذي أزمة وتعدي لاتخلونة يكرة المدرسة ..اللة يحفظة

والله مادري يا توتا ضيقتي خلقي :0bee2e8d89:

انا هم انشالله اليوم بدق على الرقم اللي عطتني اياه الغاليه امواج و بقوله و هم حبيت اعرف رايكم ...

وااايد شكرا يا الغاليه على مرورج الطيب ...