شدعوة شمسوي الولد ؟ صح ممكن يكون مشاغب ويرفع صوته
حبيبتي أهم شي ولدج وأنا مدرسة ودرست هالمرحلة وأعرف الأسباب
مايصير تقولين له صير عاقل وهو في بيئة ما ترحم
المدارس فيها أولاد صعب التعامل معاهم والعاقل الهادي مايعيش فيها ويحس انه ضعيف الشخصية
فلما تطلبين منه يكون مثل ماكان وهو بأولى ابتدائي هذا يعني انه يكون طفل ضعيف وهو يشوف انه وصل لمرحلة الرجولة ويكره يكون الطفل اللي يسمع الكلام لان كل اللي حواليه صبيان شرسين وهذا منطقهم
وترى في هالمرحلة ما يذمون الكسلان المشاغب هذا قائد عندهم مو مثل البنات
البنات حكمهم على البنت اذا كسلانة ومشاغبة ووصخة ينبذونها لكن الاولاد لا الشاطر عندهم اذا ماكان عنده شخصية ماله قيمة
انا اقولج من تجربة وفهم لاني درست البنات ودرست الاولاد
اذا تبين ولدج يتصرف صح حطيه في البيئة اللي تعتبرينها صح
يعني اما تخلينه يدافع عن نفسه ويثبت شخصيته ولا تسمحين لاحد يستدعيج قولي لهم تصرفوا معاه ولا تكتبوني شي انتوا متخصصين اما انا مادري هذا ولدي وراح احن عليه دايما
اعطيه دعم وثقة بأنه قادر انه يحل مشاكله ولما يقولج فيه أولاد يتحرشون فيني قولي له انا واثقة انك تقدر تدافع عن نفسك وتأدبهم
عطيه دعم
او طلعيه من هالبيئة العنيفة ووديه مدارس نظامية خاصة لان البيئة لها حكم ومهما اقتنع انه لازم يكون عاقل بيقول طيب شسوي اللي حوالي مو عقال وانا مابي اكون بينهم طرطور
فهمتيني حبيبتي ؟ ترى الطيبة الزايدة ما تنفع فيه مصاعب في الحياة فيه اجناس واشكال من البشر مو كل الناس مثلكم ولا كل الامهات يقولون لعيالهم لا تطقون
وربي يصلحه لج ويوفقه وتشوفينه احسن الناس
