بليز تجمع للمصابين بالقولون وامراض واضطرابات المعده والجهاز الهضمي

[صبا]

هلا والله صبا منوره جبيبتي شخبارج وشصار معاج انا متابعه موضوعج ومادر شصار عليج امورج الزوجيه تمام؟ واكيد ياج من هالفتره


انتي حيل حيل حيل مثلي يعني جنج تتكلمين عني
وفعلا بالمطاعم غرامي الخضار سوتيه ولي موضوع بالمنتدى طلبت من البنات يعلموني على جهاز يسويه بالبيت بس محد فادني لانه وايد حلو يشبع ومريح للمعده

وبالمنظار ماطلع شي ولما اتعب بالفراش اتخيل مثل كلامج الموت والحساب والنهايه وان الدنيا ماتسوا وليش احنا فيها داما لنهايه مرض الم استغفرالله اكتئاااااااااب

اريح نفسي بالاذكار


وحتى بموضوع الوزن انا مثلج قبل خدودددددددد الكل يلاحظ غمازاتي الحين غمازاتي ماقامو ييبينون وقبل لما اصور بالموبايل صوري حلوه خدود ومتعافيه الحين صوري دايما مرهقه جني مونايمه اسبوع وممصوصه مادري شلون تحسين مافيني صحه وايد متضايقه

وبالدوام توني متوظفه ووظيفتي تخيل استقبال المراجعين واي مرات اييني ومراجع يكلمني اتنح مادري شسوي من العوار

وانا دايما اقول والله الي في قولون يستاهل تقاعد طبي او عالاقل يعطونه ايام اجازه اكثر او تاخير استثنائي

شلون بكمل 15 سنه مادري 25 عالتقاعد

واتمنى امتتتتتتتتتتتتتتتتتتتن الكل يدور الضعف وانا ابي امتن كل ماكليت شي طلع لوا حطلج صوري قبل والحين تقولين هذي انتي؟؟؟؟


بس لانظمتي نومج واكلج في مجال تمتنين

هلا حبيبتي تصدقي حسبالي ما تتذكريني :eh_s(1):
ووويوم دشيت المنتدى قريت رسايل خاصه حبايبي الكل يسأل وبقوولهم شصار
بس الحمدلله كل شي طبيعي ردت المياه لمجاريها واخلي اللي بالقلب بالقلب يا الاسطورية

شووفي السوتيه أنا اسوويه بطريقة بدائية خخخخ تعرفين مشخال العيش ايب جدر وأحط المشخال فوقه وايب الخضار المجمد

مال الرجل الاخضر احط بالمشخال واخلي الجدر يفور والبخار يخلي الخضار يستوي احيانا احط نتفة مكعب ماجي

وشوية ملح ونتفة زبدة

ووفي بتروفاليوو مكينة للسوتيه ما جربتها بصراحة

والله الاذكار والقران وايد يريحون ...

وصج يالاسطوورية حلات الوحدة متعافيه الضعف وايد موو وايد حلو لا المشكلة اللي معاي بدوام يبون الوصفه السحريه اللي ضعفتني عاجبهم حتى بنات من الاهل !! الله يكون بالعون

نفسي بعد تووني متوظفة وايد اسمع انتقادات ماينلامون أعتقد لي تميت جذي بنفصل


وحتى لو نظمت وجباتي ما اقدر امتن لانه كله اكلات خفيف خضار سوتيه سلطات شوية ايدام وما اقدر اكل لحد الاشباع

والحمدلله على كل حال ...

والحبه الورديه antidepressant ادري بتهفيني وأنا كنت رافضه اخذها بس يوم جربتها صج وايد نفسيتي مرتاحه

وصرت اطلع بس لي الحين ماحب اروح استقبالات ويمعات الاهل الشاليه نوو واي ارووح وايد فرق نفسيتي عليهم

أنا حتى لو القولون موو شاب علي نفسيتي كلش مو شي اصارخ وابجي وكله بجناحي بيت ابوي ما اطلع يننت عيالي

بس بعدهم وايد فرق ...


الدكتور خالد انتي اللي نصحتيني فيه مشكوورة ووما قصرتي حبيبتي وكلامه نفس البرفسور بامريكا مافي اي شي عضوي حتى يوم يبت له تقاريري من برا أأكد نفس تشخيصه وكلامه .. ودكتور استشاري ماعليه كلام

الاسطورية عمرج راجتي مستشفى ثنيان الغانم ؟؟ دكتور خالد يداوم هناك بعد مادري ودي افتح ملف واراجعهم ...



بس والله اصعب شي اني قاعد أكتب رسالتي مالت الماستر thesis وومو وايد مكرزه فيها ويارب يارب اتحسن ما ودي أأجل

وماتشوفون شر بنات

 

[a7la roro]

هاي بنات انا جاني القلون قبل شهرين وشوي
عمري 22
تعذبت عذااااااااااااااااب
بطني وحرقه وماكان عندي فكرة ابد كنت افتكره الم مؤقت وبيروح
ولوعه واصله للحلج واحس الاكل واقف بحلجي ماقدر اطلعه ولا اهضمهورجفه بيدي احس بالبرد
جاني القلون بخطوبتي
يعني من سويت الخطوبه والملجه وانا معتفسه
مدري توتر ولا نظره الناس
بس الحمدالله على كل حال
شعور لايوصف الله لايوريكم
يعني للحين مامعي خبرة بالمرض لاني جديده عليه للحين ماعرفت الاكل الي يضايقني
بس طبعا بعد جهد جهيد رحت الكتورة
عطتني كذا دواء واستفدت منهم 10 ايام ورجع لي الالم اكثر من اول
خصوصا التواليت اموت لما اروح له امساك الله لايوريكم
وعوار مو طبيعي
وعطتني نفس العلاج بس غيرت دواء الامساك
ومشى بطني بس مو مرة بس احسن شوي
وعطتني موعد منظار
بليز بنات منو جربت بالتفصيل عن المنظار لاني خايفه وايد ؟؟
الله يشافينا ان شااااءالله ويبعده عنا

 

[a7la roro]

على فكرة ومنعتني من كل الاكل ونزل وزني وايد 10 كيلو بالشهرين
وصرت اخاف اكل لاني اعذب على ما انام

 

[شندوخه]

صبا
ماتشوفين شر بس شنو هالحبه paroxetine ؟


احلى رورو
حبيبتي سلامات وماتشوفين شر ولاتحاتين المنظار مايعور راح تتبنجين ولاتحسين بشي وعليج بالاذكار والتحصينات الشرعيه

 

[الاسطورية]

هلا حبيبتي تصدقي حسبالي ما تتذكريني :eh_s(1):
ووويوم دشيت المنتدى قريت رسايل خاصه حبايبي الكل يسأل وبقوولهم شصار
بس الحمدلله كل شي طبيعي ردت المياه لمجاريها واخلي اللي بالقلب بالقلب يا الاسطورية

شووفي السوتيه أنا اسوويه بطريقة بدائية خخخخ تعرفين مشخال العيش ايب جدر وأحط المشخال فوقه وايب الخضار المجمد

مال الرجل الاخضر احط بالمشخال واخلي الجدر يفور والبخار يخلي الخضار يستوي احيانا احط نتفة مكعب ماجي

وشوية ملح ونتفة زبدة

ووفي بتروفاليوو مكينة للسوتيه ما جربتها بصراحة

والله الاذكار والقران وايد يريحون ...

وصج يالاسطوورية حلات الوحدة متعافيه الضعف وايد موو وايد حلو لا المشكلة اللي معاي بدوام يبون الوصفه السحريه اللي ضعفتني عاجبهم حتى بنات من الاهل !! الله يكون بالعون

نفسي بعد تووني متوظفة وايد اسمع انتقادات ماينلامون أعتقد لي تميت جذي بنفصل


وحتى لو نظمت وجباتي ما اقدر امتن لانه كله اكلات خفيف خضار سوتيه سلطات شوية ايدام وما اقدر اكل لحد الاشباع

والحمدلله على كل حال ...

والحبه الورديه antidepressant ادري بتهفيني وأنا كنت رافضه اخذها بس يوم جربتها صج وايد نفسيتي مرتاحه

وصرت اطلع بس لي الحين ماحب اروح استقبالات ويمعات الاهل الشاليه نوو واي ارووح وايد فرق نفسيتي عليهم





بس والله اصعب شي اني قاعد أكتب رسالتي مالت الماستر thesis وومو وايد مكرزه فيها ويارب يارب اتحسن ما ودي أأجل

وماتشوفون شر بنات

هلا حبيبتي شدعوه ماعرفج موبس من السالفه ياما راسلتيني ورديت على مواضيع لج ورديتي على مواضيع لي من زمااان

مستشفى ثنيان الغانم الي اعرفه ان هناك مايستقبل مراجعيين عاديين لهوامير وشيوخ للاسف عشان جذي رحتله العياده معلةمتي غلط ولالا؟ بس هذا الي سمعته من وايد ناس وحتى اهو بنفسه يدري اني كنت على قدي ماقالي تعالي هناك بس كان يقولي مومشكله الفلوس بعدين بس الحمدالله انا ماتاخرت عليه بشي

وانا مافهمت هالحبوب شنو ليش ازفج ليكون للاكتئاب؟

والله انج فاضيه لماستر ههههههههههه انا شبعت دراسه صراحه بس مابي احبطج بالعكس لاتخلين القولون عائق بحياتج اعتبريه عدو وغلبيه ولاتعطينه اهتمام ادري صعبه بس حاولي واهتمي بعيالج اتوقع اهمه الي ينسونج همج


ان شاءالله ماتنفصلين نامي عدل مبجر تقومين زينه وشبعانه

تشاركين عيالج المج؟

وبما انج مثلي اعرف انج متزوجه تشاركين زوجج المج وتشتكيله انا مرات احس اني حنانه على كثر ما امسك نفسي بس مرات ماقدر

 

[الاسطورية]

هاي بنات انا جاني القلون قبل شهرين وشوي
عمري 22
تعذبت عذااااااااااااااااب
بطني وحرقه وماكان عندي فكرة ابد كنت افتكره الم مؤقت وبيروح
ولوعه واصله للحلج واحس الاكل واقف بحلجي ماقدر اطلعه ولا اهضمهورجفه بيدي احس بالبرد
جاني القلون بخطوبتي
يعني من سويت الخطوبه والملجه وانا معتفسه
مدري توتر ولا نظره الناس
بس الحمدالله على كل حال
شعور لايوصف الله لايوريكم
يعني للحين مامعي خبرة بالمرض لاني جديده عليه للحين ماعرفت الاكل الي يضايقني
بس طبعا بعد جهد جهيد رحت الكتورة
عطتني كذا دواء واستفدت منهم 10 ايام ورجع لي الالم اكثر من اول
خصوصا التواليت اموت لما اروح له امساك الله لايوريكم
وعوار مو طبيعي
وعطتني نفس العلاج بس غيرت دواء الامساك
ومشى بطني بس مو مرة بس احسن شوي
وعطتني موعد منظار
بليز بنات منو جربت بالتفصيل عن المنظار لاني خايفه وايد ؟؟
الله يشافينا ان شااااءالله ويبعده عنا

الله يعينج حبيبتي

توج باديه راح تمرين بمعاناه نفسيه كبيره بس حاولي تخطينها وتغلبينها

المنظار مايخوف ماتحسين شي بتدشين نايمه ماتحسين بشي

وبشرينا عن نتايج التحاليل

 

[الاسطورية]

بنات انا بكلمكم عن سالفه بعد


الحين القولون همه بروحه كافي بس شتسوين لما يحوشج معاه شي ثاني وااااااااااااي

يعني مثلا قولون ونشله قويه وكحه


قولون ونزله معويه


قولون و دوره



قولون وحمل



واي احس وقتها ان اتحمل شنو ولاشنو القولون بروحه اقوله يبيلك قلب مايتعب ولايهدا ولايرتاح هههههههههههههه

:0bee2e8d89:

 

[الاسطورية]

اقولكم انا هالايام شنو حايشني مع القولون

واي التهاب جيوب انفيه صداااااااااااااااع يومي احس راسي المنطقه الي فوق عيني بتنفجر والعظم الي فيها لما اضغط عليه يعور ومابي اتعود عالدوا عندي دوا يخففه وصج صاير همين هم الصداع وهم الاضطراب الهضمي تكفون النفسيه شلون تصيررررر

 

[بنت الاحلام]

الله يعينكم بنات اتا يتهيج علي مع الدوره بعد تخيلو

دوره وقالون
او قالون ونشله او كحه مثل ما قلتي ما يجي بروحه واهو بروحه يهد الحيل


الله كريم صار لي 3 ايام دوره وههم نفخه وتعبانه من معدتي مع اني مستمره ع الحميه والادويه
بس بنات احسن اريح مع الدوا معدتي

بالايام الي طافت


والله كريم
المنظار ما يخوف انا مسويته 4 ايام بس قولي له يحط لج بنج

والاخت الي ما تاكل قاومي ولازم تاكلين لو بسكوته لو لقمه خفيفه بطاطا مسلوقه

روبه
لا تخلين المعده تفضا لان مو زين

 

[cup-cacke]

السلام عليكم

متى حاشج؟

تقريبا من 3-4 سنين

شلون بدا؟

تكرمون سهال واحساس لوعه وترجيع وكل ما اكلت اكلات معنيه يبدي بطني يعورني...مالي خلق لأي شيييي...وكله هاديه وخامله..وطايحه بمكاني...وإذا توترت ولا عصبت زادت اعراضه اكثر واكثر

شنو اعراضه؟

تقريبا مثل اللي فوق
منو شفتي من دكاتره؟

وحده من رفيجات الوالده مدحت عياد عسكر..رحنا له وسوا لي فحوصات..وبالأخير قال فيج قولون

شنو جربتي علاج؟

اهو عطاني ادويه بس مليت منهم...وقال ابتعدي عن التوتر والشغلات اللي تخليج تعصبين

توصلتي لعلاج؟

أبدا لحد الحين...بس ماما تقول بسوي لج غسيل قولون

واذا ماتوصلتي شتسوين لاياج وشلون نفسيتج؟

ابعد عن أكلات معنيه....وأحاول قدر ما أقدر ما اعصب او اتوتر...وعلى قوله بابا..خليج ريلاكس وكوووووول على طول:dddds:

 

[شندوخه]

القولون بروحه هم وهالمره دوره والله عذاب
انا اول ثلاث ايام ارتاح ماطلع اصلا مافيني حيل احرك نفسي وسبحان الله كل شي يشيش مع الدوره

 

[أسيـل الجـــرح]

يا دوري طبعا بدا فيني من سنه 2003 الالم كان يضرب بالظر ويهي مصوفر وتحت عيوني اسود والكل يسال اشفيني طبعا كنت اروح مستوصف ويعطوني حبوب ولما صارت سنه 2006 زاد الالم فرحت د. محمد الشمالي وسويت منظار طلع التهاب براس المعده مع بكتريا وعطاني علاج الحمدالله خف ولما صار سنه 2007 بدت اعراض ثانيه والم ثاني غير الي قبل وطبعا ترجيع على طول اي شي اكله واستمر اشهر لما رحت د. والله نسيت اسمه الاول ما ادري شنو امان الي بالشعب سوالي منظار جان يقول فتاق بالمعده اخذت علاج طخ بس قام اييني الم يقعدني من النوم يتركز براس المعده والله تعرفون الواحد لما يقص بشوكة سمج شلون تغز نفس الغزه بارس المعده دقايق وينتقل للجانب الايسر والله قمت اوسوس عبالي قلبي وحاليا مليت من كلام الدكاتره احس خلاص ماكو علاج والحين كل ما تميت ياتني الحاله ولا نسيت اقول لكم اذا استانست او ضحكت وايد ارجع واذا حزنت وايد ارجع لازم اكون بين البينين واذا كنت مستعيله وقاعده البس بسرعه اتيني اللوعه واحيانا احس اني مختنقه يعني ما اقدر اتنفس وتدروون شنو علاجي طبعا خواتي اعرفولي ... على طول يطلعون لي عطر ويخلون استنشقه يالله اصير طبيعيه مو تضحكون حالتي غريبه صح

 

[شندوخه]

اسيل الجرح
انا صار فيني التهاب براس المعده دخولني للمستشفى وعطوني مضادات حيويه بالوريد
لازم تعالجينه عشان مايتأزم عليج الوضع
ليش ماتروحين لمستشفى ثنيان الغانم احسن

 

[رياان]

وواي ماماتي حبيبتي طايحه تعبانه

بنات قولولي شسوي لها :0bee2e8d89:

آي شيء يريح

 

[أنوثهـ حتى الثمالهـ]

بنات منو جرب الرياضه سمعت السباحه واليوغا والمشي يريحون من القولون منو جرب فيكم؟؟
وحابة اسال كل اللي اشوف فيهم القولون ياانوعه اسهال مستمر او اسهال امساك متناوب ولا وحده امساك مزمن؟؟

 

[شندوخه]

وواي ماماتي حبيبتي طايحه تعبانه

بنات قولولي شسوي لها :0bee2e8d89:

آي شيء يريح

ياعمري كلشي ولا الام ماتشوف شر اذا عندج بابونج وينسون عطيها يريح الالم والمغص

بنات منو جرب الرياضه سمعت السباحه واليوغا والمشي يريحون من القولون منو جرب فيكم؟؟
وحابة اسال كل اللي اشوف فيهم القولون ياانوعه اسهال مستمر او اسهال امساك متناوب ولا وحده امساك مزمن؟؟

انا حاشني اسهال مزمن وفي ناس يحوشها امساك مزمن على حسب الحاله بس على حد علمي حالات الامساك تكون وايد اهون من الاسهال يعني ماينخاف عليها ان شاءالله والامساك عادتن يكون مصاحب للقولون العصبي

 

[الاسطورية]

الله يعينكم بنات اتا يتهيج علي مع الدوره بعد تخيلو

دوره وقالون
او قالون ونشله او كحه مثل ما قلتي ما يجي بروحه واهو بروحه يهد الحيل


الله كريم صار لي 3 ايام دوره وههم نفخه وتعبانه من معدتي مع اني مستمره ع الحميه والادويه
بس بنات احسن اريح مع الدوا معدتي

بالايام الي طافت


والله كريم
المنظار ما يخوف انا مسويته 4 ايام بس قولي له يحط لج بنج

والاخت الي ما تاكل قاومي ولازم تاكلين لو بسكوته لو لقمه خفيفه بطاطا مسلوقه

روبه
لا تخلين المعده تفضا لان مو زين

شلونج الحين

 

[الاسطورية]

السلام عليكم

متى حاشج؟

تقريبا من 3-4 سنين

شلون بدا؟

تكرمون سهال واحساس لوعه وترجيع وكل ما اكلت اكلات معنيه يبدي بطني يعورني...مالي خلق لأي شيييي...وكله هاديه وخامله..وطايحه بمكاني...وإذا توترت ولا عصبت زادت اعراضه اكثر واكثر

شنو اعراضه؟

تقريبا مثل اللي فوق
منو شفتي من دكاتره؟

وحده من رفيجات الوالده مدحت عياد عسكر..رحنا له وسوا لي فحوصات..وبالأخير قال فيج قولون

شنو جربتي علاج؟

اهو عطاني ادويه بس مليت منهم...وقال ابتعدي عن التوتر والشغلات اللي تخليج تعصبين

توصلتي لعلاج؟

أبدا لحد الحين...بس ماما تقول بسوي لج غسيل قولون

واذا ماتوصلتي شتسوين لاياج وشلون نفسيتج؟

ابعد عن أكلات معنيه....وأحاول قدر ما أقدر ما اعصب او اتوتر...وعلى قوله بابا..خليج ريلاكس وكوووووول على طول:dddds:

سلامات

ماتوقع الي عندج نوع قوي في درجات القولون والي بس لما تعصبين نعمه الحمدالله
انا في اغلب الاوقات

 

[الاسطورية]

يا دوري طبعا بدا فيني من سنه 2003 الالم كان يضرب بالظر ويهي مصوفر وتحت عيوني اسود والكل يسال اشفيني طبعا كنت اروح مستوصف ويعطوني حبوب ولما صارت سنه 2006 زاد الالم فرحت د. محمد الشمالي وسويت منظار طلع التهاب براس المعده مع بكتريا وعطاني علاج الحمدالله خف ولما صار سنه 2007 بدت اعراض ثانيه والم ثاني غير الي قبل وطبعا ترجيع على طول اي شي اكله واستمر اشهر لما رحت د. والله نسيت اسمه الاول ما ادري شنو امان الي بالشعب سوالي منظار جان يقول فتاق بالمعده اخذت علاج طخ بس قام اييني الم يقعدني من النوم يتركز براس المعده والله تعرفون الواحد لما يقص بشوكة سمج شلون تغز نفس الغزه بارس المعده دقايق وينتقل للجانب الايسر والله قمت اوسوس عبالي قلبي وحاليا مليت من كلام الدكاتره احس خلاص ماكو علاج والحين كل ما تميت ياتني الحاله ولا نسيت اقول لكم اذا استانست او ضحكت وايد ارجع واذا حزنت وايد ارجع لازم اكون بين البينين واذا كنت مستعيله وقاعده البس بسرعه اتيني اللوعه واحيانا احس اني مختنقه يعني ما اقدر اتنفس وتدروون شنو علاجي طبعا خواتي اعرفولي ... على طول يطلعون لي عطر ويخلون استنشقه يالله اصير طبيعيه مو تضحكون حالتي غريبه صح

عورتي قلبي والله سلامات وكله اجر ان شاءالله

سامي امان اتوقع الدكتور


بس لازم تشوفلج علاج

 

[الاسطورية]

ريان شنو فيها؟

بنات منو جرب الرياضه سمعت السباحه واليوغا والمشي يريحون من القولون منو جرب فيكم؟؟
وحابة اسال كل اللي اشوف فيهم القولون ياانوعه اسهال مستمر او اسهال امساك متناوب ولا وحده امساك مزمن؟؟

اكيد اكيد المشي واليوغا يساعدون

المشي يساعد عضويا ونفسيا

واليوغا نفسيا


المشي يخلي الغازات تطلع والدوره الدمويه تتحرك وكله زين للقولون

واليوغا اعرف انها تساعدنا عالاسترخاء وتبعدنا عن الاعصاب بس تكفين وين في وقت؟

انا رفيجتي امساك مزمن ودايما اشوف حالات امساك تنتفخ بطونهم قليل مثلي الاسهال عكس يخلي البطن لازق بالظهر