بليز تجمع للمصابين بالقولون وامراض واضطرابات المعده والجهاز الهضمي

[أنثى لان تتكرر]

بنات وينكم معقول مافية ردود انا انتظركم

 

[f.7oor]

بنات وينكم معقول مافية ردود انا انتظركم

انصحج بدكتور صقر السريع في انترناشونال كلينك

 

[f.7oor]

اذكر مره كتبت موضوع ابي دكتور زين حق معده و وايد مدحو هالدكتور والله يشااافيج ويشافي الجميع يارب بحق محمد وال محمد الطاهرين

 

[روروو]

كتكوته حبي مايصير كذا كل مكان فيه حمام
انثى جربي السنا المكي والله يشافيك يارب​

 

[الاسطورية]

انا غصب دشيت موقادره ادش مواضيعي كله داتابيس مليييييت

 

[كتكوته نورة]

بنات بليز كل اللي سو منظار يرد علي ؟؟؟

انا الله يسلمكم كنت بسوي منظار بنج موضعي بس لاعت جبدي من سالفت البخاخ ,,, سؤالي الحين اذا طلبت بنج عام راح يبخون شي بحلجي بعد ؟؟؟

 

[لولي**]

هلا بنات
سلامتكممممممممممم
الله يشفيكم ويرفع عنكم

انا يوم مرض ويم احسن شوي انا من اتوتر ترجععععععععععععععععععععععع
ياربي شلون ابعد التوتر عني اهئ اهئ احس ودي انفجرررررررررررررررررررررررررر

الحين بطني تعورني وتحووووووووووس واصواااااااااااااااااات بس عشان سمعت شي عن اهل خطيبي ياربي شفتم احدد يخاف اكثر مني


دعوااااااااااااااااااااااااااتكم

 

[f.7oor]

الله يشفي الجميع يااارب بحق محمد وال محمد الطااهرين

 

[الاسطورية]

كل عام وانتو بخيرررررررررررررررررررررررر

 

[مجروحه بلا الم]

سلامتكم بنات
انا عندي لوعه مو طبيعيه
الله يستر بس

 

[مخدوشة الوريد]

انـا فيني قالون عصبي .. بجاوب على الأسأله .. بعدين بقول لكم شنو سويت لمن خف عنــي ..


متى حاشج؟

تقريباً من عمري 17 سنه ..

شلون بدا؟
كان يي لي الألم بالمعده وارجع ومااكل ومغص واغلب وقتي عزكم الله بالحمام .. وزني نزل واايد ..

شنو اعراضه؟
الم بالمعده .. وغثيان .. ومغص ..


منو شفتي من دكاتره؟
ماذكر اسميهم والله بس كانوو مستشفى الرازي ..

شنو جربتي علاج؟
طبعاً الدكاترهـ ماقصرواا عطوني احبوب وماشفت من وراهـا فايدهـ .. الانها حبوب مهدئه على اكثر ولا اقل ..
والنسبه للقالون العصبي بالطب ماله عـلاج الانه نفــسي .. يعني لاتعبون رووحكم وترحون طبيب وتاخذون حبوب وتدمنون عليها
انـا الحمدالله تلاحقت على عمري وقطيت كل الحبوب وبديت بعـلاج يديد .. والحمدالله انـا الحين بخير ..

توصلتي لعلاج؟

اي الحمدالله .. يبت عسل اصــلي وخلطت معـاهـ سويدهـ ،، وكل يوم على الريق اكله ملعقه وحده بس ..
قبل كنت اقراا سورة الرحمن والنور يومياً .. والحين تركتها وصرت اقراا الرقيه الشرعيه كامله ..
بعدت عن الدقووس والجبن الان هالاثنين يسون لتهاب للقالون .. بالنسبه لي بس لكم مادري .. شوفواا شنو الاكل الي تاكلونه
وبعدهااا تتعبون بعدواا عنه .. استمروااا هيك وان شاءالله فتره بينتهي القالون .. واهم شي اهم شي واكررها الف مره اهم شي
القالون العصبي نفسي يعني لاتفكرون واايد ولاتتعبون وتزعلون ومع التقرب من الله بكون سهل عليهم ..

والحمدالله والحمدالله والحمدالله .. القالون العصبي انتهى من عندي ..
انا كنت اتنوم بالمستشفى من فتره لفتره الان اتعب وماكو تغذيه الان كل الي اكله استفرغه ..
وكنت كل شهر او شهرين ارجع اروح اسوي فحص .. والحمدالله استغنيت عن هذا كله ..

والله يشافيكم يارب

 

[روروو]

لولي الله يتمم عليك عافيتك يارب
عن نفسي امس فطرت ساندوتش طعميه كبس ع بطني لا وخربتها ع العشا واكلت فطاير جبنه اوف احس بطني ثقيله من الهوا
والحرقان اليوم تبت بس شربت كوب حليب وع الغدا اكلت شويتين رز وسلطه:d
بنات اللي تحس بطنها انتفخ من الهوا تتحرك وتنسدح وتظغط ع بطنها من فوق لتحت بترتاح بس مو بقوه​

 

[الاسطورية]

هاي بنات شلونكم شدعوه هاجرين الموضوع؟؟؟

كل عام وانتو بخير جميعا



لولي حبيبتي هالكلمه غلط ان القولون العصبي نفسي هذي مشكله كل الناس ان الكل يسميه نفسي موبس نفسي بالعكس ياما اكون فرحانه ويكبس علي لكن اهو مرتبط مع النفسيه يعني لاتضايقتي ينتكس اكيييييد بس موشرط وانتي فرحانه ما ايج يعني النفسيه سبب من الاسباب لكن مو كل الاسباب في اسباب ثانيه مثل الاكل مثل ماقلتي ومثل النوم عندي انا ومثل الجو بالبرد مثلا يزيد المغص ووايد اشياء حتى بالدوره

وانا القولون عندي مرتبط اكثر شي بالنوم

شلونكم طمنوني عنكم

 

[روروو]

هلا سوسو وحشتينا
وانتي بالف خير عسوله
عن نفسي ماشي حالي الحمدلله​

 

[بنت الديك]

السلام عليكم جميعا بنات الاسطوريه حبيبتى عن نفسى لاهاجره الموضوع ولاشى بس لظروف احكام القولون يخليج تكرهين كل شى لزاد عليج حدث ولاحرج الله كريم بالعكس هالتجمع تشكرين عليه حبيبيتى للامانه الواحد يرتاح لم فى ناس نفس حالته يفضفض لهم ويستشيرهم ويحس انه موبس بروحه يعانى هالشى يخفف على الواحد الله يريح بالج يالغاليه ويشافيج يارب ويشافى كل مريض صارلى جم يوم القولون زايد على شويه بغيت اسالج تمرين بهشغله جسمى من داخل يرجف حيل مادرى ليش مضيق خلقى يعنى من القولون وله شى ثانى مع انى اشرب كل يوم كراويه وزنجبيل علشان ادفى ماكو فايده اذا مريتى بنفس الشغله بغيت اعرف

 

[الاسطورية]

هلا وغلا حبايبي

رورو شلون امج

بنت الديك اي انا جسمي يرجف من داخل اهو يزيد بالشتا شعور موحلووووووووووووووووووووووو تحسين جسمج ضعيف وويسبب مغص

انا دايما البس روب فرو ودلاقات يالله ارتاح بس ماشرب دافي احس مادري ليش لاشربت دافي يزيد ادفي نفسي بالملابس وبس

 

[روروو]

سوسو الحمدلله امي زينه
انتي شخبارك؟؟
نات لاتشربون الزنجبيل يسبب تشنج القولون من تجربه شخصيه
احس بطني مليانه هوى ​

 

[الاسطورية]

انا جربت الزنجبيل ماحسيت فرق بس مايريح

 

[روروو]

عن نفسي ياسوسو اذا شربته مااقدر انثني بطني تصير جرح ​

 

[الباحثات عن الجمال]

بالنسبة للقولون حتى تأثر فيه الأدوية النباتية لابد من عمل كورس تنظيف له وهذا الكورس كالتالي:

1. يتم شراء ثمرة نبات موجودة لدى العطارين إسمها (خيار شنبر) عبارة عن عصاة بنية اللون.

1. يتم كسر العود إلى نصفين إذا كان كامل أو غالبا تجدونه مقسوم وجاهز عند العطار.

1. يتم أخذ نصف العود الكامل وغسله بالماء الفاتر ثم تكسيره لقطع صغيرة.

1. يتم وضع الكمية في مقدار 2 كوب ماء ويترك على النار يغلي حتى تتبخر نصف كمية الماء ويتبقى مقدار 1 كوب ماء.

1. تصفى الكمية ثم تشرب دافئة على الريق قبل الإفطار بساعة.

1. هذه الوصفة ليس لها أعراض جانبية ويتم ظهور مفعولها بعد 8 ساعات من وقت تناولها.

1. تكرر الطريقة على نصف العود الآخر في اليو التالي ولا تكرر إلا في الشهر مرة واحدة فقط.

وألف لا بأس على الجميع وأرجوا أن تذكرونا بالدعاء الصالح