بليز تجمع للمصابين بالقولون وامراض واضطرابات المعده والجهاز الهضمي

[زوجة الشيخ]

السلام عليكم ورحمة ربي يشفي الجميع
خواتي جربو هالوصفة لعلى وعسى تكون سبب في شفاكم وتدعولي


0 تاخذين ملعقة كبيرة بذور الحلبة وملعقة كبييرة من بذور الحبة السودة

0 وتحطين عليهم كاس ماي وتغلينهم لدرجة الغليان وبعدين خليه لين يبرد وصفيه

0 وحطي علي الماي عسل كثر كمية الماي وخلطية زين

0 وتاخذين ملعقتين كبار كل صباح على الريج وكرري الجرعة في المساء يوميآ لحد مايروح منج الألم

وان شاء الله اسمع منكم الأخبار الطيبة

 

[لولي**]

هلا بنات
كل سنه وانتم طيبين وعيدكم مبارك

شلونكم شخباركم

انا الحمدلله بخير دخلت اطمنكم واتطمن عليكم

رورو
لاتشربي برتقال بدااااااا انا مقاطعته

 

[شندوخه]

بنت الديك هلا وغلا الحمدالله انا امس بالطبيب مادري شنو صار فيني مو قادره اروح الحمام عزكم الله وبطني انتفخ والطبيب سوالي حركه الحمدالله صرت زينه بعدها وعطوني ابره مسكن الم وطخيت
وفيث والله للحين بالمستشفى ادعولها للحينها والله تعبانه


حرم الدكتور
ان شاءالله يارب تنزل وترتاحيييين وتروح منج كل هالاعراض احس العصبيه والنفسيه معناتها بتنزل او قربت تنزل بس اهم شي تدفي وشربي بابونج للعوار ودارسين

 

[*^^حرم الدكتور^^*]

بنت الديك .. انا بخير دامج بخير

لولي .. و انتي بخير و صحة سلامة حبيبتي

شندوخة.. صج يعني قربت الحلوووة تييني ،، تصدقين وااايد اشتقت لها الله يسمع منج ونستيني ربي يونس قليبج ،، و انشالله بجرب البابونج و الدارسين
و حبيبتي سلامااات و ما تشوفين شر انشالله .. واااي بعد عمري فيث للحين بالمستشفى ربي يشافيها شفاءا لا يغادره سقما و يعافيها و تطلع من المستشفى قريب انشالله .. سلمي عليها واااايد امانة

 

[الاسطورية]

هاييييييييي يبناااااااات


مشكورين كلكم
حرم الدكتور سويتيلي حفله خوش جو لووووول وانتي بخير يارب

وكلكم ان شاءالله بالف خير


وعيدكم مبارك

ومستانسه اشوف عضوات يدد ينصحون ويدعولنا الف شكر لكم
بالنسبه لعصير البرتقال انا بعد كان ياذيني وامون منه بس بنات لاتقاطعونه لانه مفيد يعطي طاقه انا اقولكم ينفع معاي اذا شربته مبجر يعني 10 الصبح مثلا
وترى برتقال اي بي سي كلش ماياذي خفيف وحلو

يعني اهو يعور البطن بفترات معينه مادري ليش



بنات انا الحين وايد ضايق خلقي اكره الشتا اييني اكتئاب الشتا الموسمي في اكتئاب للي ماعنده فكره يسمونه اكتئاب الشتاء انا اييني بسبب شي وانا شخصت نفسي هههههههههههه

السبب ان البرد وشعور اني بردانه يسببلي مغص مووووصج مغص متعببببببببببببب ومهما اتدفا ماكو فايده لان الجو بارد فالحين انا ادعي ربي يخلص بسرعه ماحبه ببجي منه:0bee2e8d89:

 

[الاسطورية]

فيث كاسره خاطري الله يشفيها

وسارونه فاقدينها

 

[بنت الديك]

السلام عليكم جميعا وعيدكم مبارك حبيباتى شندوخه حبيبتى شربى ينسون يمشى البطن شوى ويريح وماتشوفين شر والله ضيقتى خلقى على فيث لين الحين بالمستشفى الله يشافيها يارب حرم الدكتور ريحى اعصابج راح تنزل ان شاء الله الاسطوريه حاسه فيج والله لان الحال من بعضه ولا لنزلت الدوره بالشتا شى موطبيعى وانا بالصيف كله بردانه شلون بالشتا الله المستعان حبيبتى فوضنا امرنا لله

 

[روروو]

سوسو ههههههههههه هو الشتا بدا عشان يروح بخت المحلات بتكسب منا والفكس وزيت الزيتون دهنو رجليكم
انا شربت البرتقال لانه ناقصني حديد وكالسيوم بس غلطتي انه كان حامض انا لوعصرت وحده حاليه كانت اهون ع بطني بس هو مهم مانقدر نستغني عنه او اعصر برتقالتين واحطها بالخلاط مع موز تجي وسط لاتعور البطن ولاتسهله
بنت الديك كيف حالك؟​

 

[بنت الديك]

السلام عليكم جميعا هلا حبيبتى رورو انا الحمدلله بخير انتى شعلومك ان شاء الله بخير حبيبتى بشرينى عنك

 

[faith09]

عيدكم مبارك يا بنااااااااات المنتدى

مشكورييييين على السؤال عنى ولدعواتكم المباركة . مع تمنياتى للكل بالصحة والعافية

 

[*^^حرم الدكتور^^*]

هلا و الله فيث الحمدلله على سلاامتج و كل عام و انتي بألف خير .. طمنينا عنج شلونج الحين انشالله احسن؟؟؟

 

[بنت الديك]

السلام عليكم جميعا وكل عام وانتوا بصحه وسلامه يارب هلا والله فيث سلامات حبيبتى ماتشوفين شر ان شاءالله لاباس طهور ان شاء الله ان شاء الله الحين احسن يارب

 

[ماتخيلتك حبيبي]

بددددددددددددددددددددددددش عرض عاااادي <<<ويع قطيعه موليق الذرابه خخخخخ
اول شي ::عييييييييييدكم مبارك
انا مشكلتي مو ان فيني مرض القولون العصبي الطامه الكبرى ان أهلي مايعرفون ادنى فكره عن هالمرض يعني انا وربي ما مر يوم واحده بطني ما ذبحني بس ماأحب امشي واقول بطني يعورني فأهلي مايدرون وفجأ اقول لازم أروح الطيب اهم الله يهداهم شوي يطنزون ولما أروح عند المستفشي يطلب مني منظار أهلي يمنعوني اهم مايقصدون بس علي بالهم ان مافيني شي:0bee2e8d89: يقولوني عني عياره و دلوعه :eh_s(14): يرتفع ضغطي حيييل من كلامهم وماأقدر اوصلهم اللي فيني أحسهم كلش ميح مايفهموني وصارلي اكثر من 6شهور مارجعت المستشفي

 

[shmoo5 2ntha]

مزاجي صعب

حبيبيت الله يعينج يارب

حاولي إنتي تريحين عمرج شربي دارسين مع زنجبيل وايد زين ويرح


شربي ينسون


حتى لوسويتي منظار الأطبا ماينفعونج بشي غير ربج سبحانه

وهذا إحنا نعاني وساعه نصير زينين وساعه لأ والحمدلله يارب


:


كل عام وإنتوا بخير بنات


شخباركم فرداً فرداً


أنا بعد ماحب الشتا

أول شي ماحب البرد


ثاني شي بالشتا يحوشني إمساك مو طبيعي ملينات الدنيا ماتنفعني


عسى ربي يشفينا ياااااااااااااارب

بنات الدنيا تمطر خير الحمدلله بدعيلك وربي يشفي الكل ياااااااااااااااااااااااااارب

 

[f.7oor]

اسال الله العلي العظيم رب العرش العظيم ان يشفي جميع المرضى ويشفينا بحق محمد وال محمد الطاهرين

 

[ماتخيلتك حبيبي]

shmoo5 2ntha
مشكووووره بعد عمري شكلي اليووم بترس بطتي ينسسسووون خخخخخخ

 

[لولي**]

هلا بنات
شلونكم ياحلوين <<<<< منهاره بكي

ادعولي حيييييييييييييييييييييل تعبانه والله شبكت قلت يمكن يخف الالم وانسى شوي

اكتب لكم وانا ابكي
اسطوره انتي مثلييييييييييييييييييييييييييييي
اكره البرددددددددددددددددد مااحبه من يجي يبدأ مرضي والله لو اتغطى بشنو مايفيد البرد بعظامي والم بطني ولازززززززززم غثيان واسهال اكرمكم الله استغفر الله ياربي تعبت والله تعبت مايكفيني حبسه متى بشفى متى بطلع وبروح اشوف الناس والعالم
والله يابنات مااطلع ولا اروح محل بسبب المرض بجد عقدني ساعه مافيني شي وكاني مثل الحصان وشوي انقلب وانتكس وكاني مو اللي قبل كنت بخير (سبحان مغير الاحوال ) يارب اأأجرني في مصيبيتي هذي واخلفني خيرا منها وصبرني يارب
بنات والله منهاره نفسيتي زززززززززززفت ابكي شسوي الحين بمناسباتي تخيلوا مرضت فيها
ادعوووووووووووووووووووووووووووووولي لانه بجد موقادره
الالم مااعرف هو جوع هو حرقه هو مغص هو غازات الام غريبه وغثيان وبرررررررررررد والله لوتشوفوني دلاغات ولبس شتوي اهلي يضحكون عليه يقولون تو الناس لسه البرد ماجا وانا من الحين مكيسه بملابسي الحمدلله على كل حال بس

مدري ليش حبيت افضفض لكم احس بتفهموني توني قعدت اختي ابي اروح الطبيب قالت نامي واقري الفاتحه سبع مرات بتخفي

دعواتكم حبيبات قلبي

 

[روروو]

ياحبيبتي يالولي سلامتك طيب انتي اكلتي شي يضرك احد زعلك جربي قشر الرمان والله يريح امس اختي ياحرام كذا تحس الالم بيجننها مره ودها تصيح ومره مغص بس اخذت قشر الرمان ارتاحت
بقولك شي لاتقولين انا جالسه بالبيت بسبته عادي اطلعي الاماكن اللي بتروحيلها مافي حمامات ؟؟ وكل الناس يجيها مغص الحمدلله مغص ولاشي مااحد يعرفله علاج انتي توك بنت الرجال ماراح يتحمل كل شوي يشوفك كذا عادي تناسيه لان النفسيه لها دور كبير بتعب القولون
من ناحية البرد كلنا نفس الشي انا امس شلت كل ملابس الصيف لا الازمه وين لما دخلت اتروش والدش يستعبط صار مره ينزل مويا بارده ومره حاااااااااره جد تعبني طلعت قلت ماراح اتروش مره ثانيه الين تشوفون حل مع الدش انا بسرعه اطرافي تزرق​

 

[كتكوته نورة]

سلام بنات ...

بنات شنو الحل مع القولون ...
والله بنات ابي اشكي لكم والله تعبت منه نكد علي عيشتي :krkrkr:

قطعت الببسي وكل شي أحب آكل بس ماكو فايدة والله كرهت الدوام و لا بالمحاضرة الاصوات شي مو طبيعي وكل شوي اروح الحمام :krkrkr:
واي مأساة قمت ما احب أطلع كل افكر بالحمام .. أخاف اتوهق :0bee2e8d89:
شنو الحل ؟؟؟؟؟؟؟؟
مليت تعبت والله شسوي :0bee2e8d89:
غازات واصوات بطن ولويه :krkrkr:
من شنو والله ما كنت جذي من سنتين وانا على هالحال ؟؟؟
تخيلوا ما رحت الحج والسبب بطني خفت اتعب منه وروحة الحمام :nocommint:

 

[لولي**]

ياحبيبتي يالولي سلامتك طيب انتي اكلتي شي يضرك احد زعلك جربي قشر الرمان والله يريح امس اختي ياحرام كذا تحس الالم بيجننها مره ودها تصيح ومره مغص بس اخذت قشر الرمان ارتاحت
بقولك شي لاتقولين انا جالسه بالبيت بسبته عادي اطلعي الاماكن اللي بتروحيلها مافي حمامات ؟؟ وكل الناس يجيها مغص الحمدلله مغص ولاشي مااحد يعرفله علاج انتي توك بنت الرجال ماراح يتحمل كل شوي يشوفك كذا عادي تناسيه لان النفسيه لها دور كبير بتعب القولون
من ناحية البرد كلنا نفس الشي انا امس شلت كل ملابس الصيف لا الازمه وين لما دخلت اتروش والدش يستعبط صار مره ينزل مويا بارده ومره حاااااااااره جد تعبني طلعت قلت ماراح اتروش مره ثانيه الين تشوفون حل مع الدش انا بسرعه اطرافي تزرق​

ياقلبي تسلمين والله

شلون قشر الرمان

اشرحي لي شلون اسويه واشربه والا شنو

اعذريني
مااعرف له وماله تاثير او حموضه خايفه من حموضه المعده