بقيت شي يكثر دمي وطبيعي

[نادره في وجودها]

قوه بنات شلونكم فيني فقر دم من اثر الحمل

لو ما عليكم امر بقيت شي يكثر الدم وطبيعي من خيرات الله

او خلطه او ما شبه ذلك

انا بصراحه معطيني حبوب لدم بس ما طيق اكلهم احس اني ابلع دم

يالله اشوف الردود السنعه :eh_s(15):

 

[c a t w o m a n]

الله يهون ويتمم عليج انشالله

ديري بالج ع الحديد يأثر ع الأوكسجين والحبوب لابد منها إذا مو مستحملتها في شراب حديد تخلطينه مع عصير وصفولي ياه المستشفى بس سألي دكتورج عنه أول

عموما الأكلات ايللي فيها حديد عندج


جبده

دياي

البقوليات

بقدونس

خضرة وفواكه
لي رجعة انشالله بس أصورلج شراب الحديد

 

[الريشة]

اكلي:
كبدة و لحم و جرجير و بقدونس
و شربي عصير برتقال كل يوم طازج
و العسل الأسود فيه حديد ( اكلي ملعقة كبيرة مع كل وجبة )
و المشمش المجفف اكلي منه 3 حبات باليوم
و حاولي لا تشربين شاي

 

[om_saleem]

الجبده ولحوم الاسماك الحمرا و الخضرا الورقيه والشمندر الاحمر و الطماط والعسل والتمر

لاتشربين المنبهات مثل الجاي والقهوه والبيبسي

كثري من الماي وعصير البرتقال الفرش

وابتعدي عن الليمون *

 

[زين المها]

انا نفس حالتج .. وخوفتني الدكتوره من نقص الحديد .. بس انا فيني من قبل الحمل وزاد عقب الحمل .. وبالبدايه كنت ما احب ريحة الحبوب بس عقب ما عديت الخامس بدا الخوف فيني وبديت اكل لحبوب..

نصيحة اخت اكلي الحبوب .. وخلينا ناكل شمندر وبقدونس .. والله يقومنا ويقوم كل مريض بالسلامه

 

[هاناا]

الشمندر الطبيعي مو العلب

و الله يوفقج

 

[MissChoco]

شوفي حبيبتي اكثر شي يكثر الدم اهما الحبوب والاشياء الثانيه يادوب ادش بالدم

وانصحج اكلي الحبه مع ككاو سنيكرز ماراح تحسين بطعمها ،، هذا ببرنامج دكتورز قالو عنه

 

[Australia girl]

لازم تاخذين حبوب الحديد لو شنو لاتستهنين انا كان فيني نقص حديد واخذت حبوب ووقت الولاده حاشني نزيف والحمدالله لو رحمة الله والحبوب جان يترحمون علي اهلي ..

 

[أم عبود 2011]

كلش كلش لو ما قدرتي على الحبوب مالج إلا تروحين الطبيب يركبون لج درب حديد لأنه واااااااااااااااااااااااااااااااااايد مفيد للبيبي ولج ولا تستهينين فيه وبالنسبة للأكل البنات وفوا وكفوا

 

[حرمه المصون]

الطمام والتبوله ةالجرير والرمان والعنب والكرز والشمندر ممتاز

 

[حبيبا]

عصير الرمان و فراولة وايد زين

 

[" ام حمود "]

الله يتمم عليج .. اخذي حبوب الحديد وحبوب الكالسيووم واكلي عدل مثلاا عصير برتقال طازج وايد وايد زين حق اللي عندهم فقر الدم
دياي ، جبده ،لحم وايد زينين

 

[زينانه]

افضل شي يكثر الدم وطبيعي
هو ............
الزبيب (الكشمش) المجفف
تلقينه عن المحامص مثل الرفاعي
اشتريه واكلي منه يوميا

 

[sweeta77]

اهم شي الحبوب لا تخلينها تحملي ميخالف

 

[tho tho]

الفراوله و البروكلي غنيه بالحديد

 

[عسل نحل صافي]

بنصج مثل ما ينصحوني باب النجار مخلع انا بعد فيني فقر دم عايشه على الفيتامينات بس انتي لانج حامل الاكل العادي احسن لج اممممم البقدونس زين والفستق بعد وايد زين حق الحامل والعدس والسبانخ

 

[أم يزيد &سديم&]

افضل شي يكثر الدم وطبيعي
هو ............
الزبيب (الكشمش) المجفف
تلقينه عن المحامص مثل الرفاعي
اشتريه واكلي منه يوميا

صادقة والله أختي زينانة
أنا أنقعه في ماي ليلة كاملة مو في الثلاجة لأن الجو معتدل هالأيام
وإذا أبغاه أصفي الماي وأخلطه بالخلاط وأحط عليه ماي بارد وأصفيه في الصفاية
وأشربه بس بعد ما أسد أنفي لأن ريحته تلوع الكبد
مرة وأنا نفاس كنت أشربه وأبوي الله يحفظه كان عندي وكنت أشربه وأنا سادة أنفي
عاد قاللي قاعدة تشربين نجاسة
بس نصيحة مني لج عليج بالزبيب المجفف يسمونه الزبيب اليماني يجي لونه بنفسج غامق

 

[rora_q8]

عندج الرمان البرتقال الجبده الشمندر البقدونس
التفاح والموز حق الحديد
ماتشوفين شر

 

[أنفاسي دخون]

افضل شي يكثر الدم وطبيعي
هو ............
الزبيب (الكشمش) المجفف
تلقينه عن المحامص مثل الرفاعي
اشتريه واكلي منه يوميا

نفس اللي بقوله بس اللي انا استخدمته الكشمش اليمني الاسود الكبير روووووعه والمشمش المجفف مع برتقال

 

[ريماR]

الجبده