بقض اذون بنتي خايفة شلون!!!

[Bnt.Azmer]

:flower:
احد يبجي بنتي ويعورها:eh_s(11):
شسوي بنات بنتي بسم الله عليها اتكمل شهرين وابي اقض اذونها وين احسن مكان يعني اي صيدليه انا سمعت بوتس يقضون بس ابي تجاربكم وهل يحطون المخدر لان الي احاتي بنتي ماتشرب ممية ولا تحب المصاصة يعني شلون اسكتها اطلع صدري جدام الاوادم:s142: لوووووووووووولو

 

[سموره 87]

عادي حبوبه اذا تخافي نخلي احد يوديها اختج ولا امج
انا جذيه كنت خايفه واختي خذتها بدون مادري وودتها الصيدليه اللي بالجمعيه يعني موشرط بوتس كل الصيدليات يقضون

 

[ام زاكي]

شدعوه السالفه ماتاخذ خمس دقايق

شلون اذا الله رزقج بولد شلون بتطهرينه اصعب من قض الاذون بمليون مره وغير انه تقعدين معاه ايام معاناه اااااه بس

 

[حرم راشد الماجد]

لووووووووووووووووووووول


انا نفس حالتج بنتي ما تاخذ لا مصاصه ولا مميه لا واهم شي اني قضيت اذونها بصيدليه فيها خبيره تجميل بنتي تفرفر وهي متفرغه تقول لي شنو تستعملين حق بشرتج من القه جان ازفها زفة محترمه لووووووووووووووووووووووووول

بس عادي بجت شويه وسكتها وبعدين قضو الثانيه وعقب الثانيه على طووووووووووول السياره ورضعتها وتم بحمد الله

موفقه ما كو شي يخوف حبي انا الخوافه ماخفت يوم قضو اذنها

 

[unapproachable]

دشيت بسرعه عبالي كاتبه بقص اذون بنتي لوووووووووول

الله يعينج حبوبه بس اتوقع مايعور كثر ماهو يخرع يعني اول شي شخص غريب يمسكها بقوه .. بس لهيها اب لعبه او شي

 

[سينتيا]

عادي حبيبتي انا بنتي عمرها شهر وقضيت لها اذنها

بس ما انصحج ببوني انصحج بصيدليه جمعيه السره عندهم وحده شاطره بس دوامها يوم الاثنين

اهيا قضتلي انا بعد مشالله ايدها خفيفه

 

[™ S ά R ά B ●]

خلي أحد من أهلج يوديها وأنتي لا تحااتين أهي بس تحس بعوار بلحظتها وبعدين خلاااص تنسى

وع كلام الدكتوره اللي قضت أذن بنتي أني أعطيها أدول عشان لا يصدع راسها ..

وماتشوف شر حيااتي ​

 

[™ S ά R ά B ●]

بنتي تفرفر وهي متفرغه تقول لي شنو تستعملين حق بشرتج من القه جان ازفها زفة محترمه لووووووووووووووووووووووووول

زين سويتي فيها

عــاد شنو تستعلمين حق بشرتج ​

 

[*ماي الورد*]

خلي احد تثقين فيه يوديها

 

[مساء مونترو]

اوكي شرايج بنصيحتي..؟؟؟
اول ماتقومين من النوم حطي من ريجج على اذونها..
هاذي نصيحة سودانية لاختي ...
وفعلا ماصار فيها شي...
ماتعورت...
واذا عالصيدلية انصحج بوتس السالمية...

 

[مريم ص]

حبيبتي انا انصحج بمستسفى طيبه اكلينك
عند عيادة الانف و الاذن السستر تاخذها منج و الدكتور اهو اللي يقض اذانيها
و انتي بره ما لج شغل

 

[لحظة شوق]

ياختي فديتها الله يحفظها لج

 

[الغــ مرت ــالي]

انا بنتي البجر خواتي ودوها
بس يقولون شوي بجت بس
بس لمن طق المسدس بعدها سكتت نامت

 

[تـــرحـــال]

انا خليت امي توديها ما تحمل اشوفها تبجي حيل

من ردت عادي ما تحس بشي

بس بعدي يومين غسلي اذونها بماي وملح

انا وديتها صيدليه عاديه بتتعور لو وين رحتي بس وهي صغيره احسن لان اذونها الاحساس في اذونها ما يكون قوي

 

[shai5at al3arab]

لوووووووووووول حلاتها والله ربي يحفظها

لا عاادي سهالات ان شا الله

 

[Bnt.Azmer]

تسلمون على النصايح بنات تدرون للحين ماقضيت اذونها ادري بتقولون شدعوة!!!
بس خلاص باجر باخذها الافنيوز معاي بروح اتشرى للعيد ويمكن يكمن امر بوتس مو اكيد بعد لووووووووووووول
مادري جد خايفة بس بخليها عند اختي مع اختي العن مني خوافة