بعد الكيرايتن .. شنو صار بشعرج ..؟!

[الـــغـــلآ]

خوفتوني والله انا شعري ناعم بسويه ك علاج للتساقط لا اكثر و لا اقل

 

[miss swan]

انا طاح نص شعري وبقى النص مسويته من 2009 حسافه لعبت فيه
وعقب شهرين من الوناسه صار منتف وحيل تساقط وخشونه​

 

[* ملكني الخوف *]

كل اهلنا موسينه الله وكيلج كلهم قرعو والله ماكو شعر بنات اللي ماتبي شعرها تسوي كراتين ترى ياما حذرونا منه يطيح الشعر ينتفه تنتف اللهم بلغت اللهم فشهد وهاذي نصيحتي لج

 

[ام شريفه]

من بعد الكيراتين صار شعري مثل القراطيس لما اتسبح و يوم سويته زوي انعدم احترق

 

[So MuCh PaIn]

انا سويت اللبناني .... مافيه شي يمشي الحال بس ما نفعني كلش لاني متحجبه ومن اطلع وارد البيت الا متكسر و مو سيده فشكله ارف يعني شعري الطبيعي احلى لاني اكون مسكره شعري ورافعته تحت اللفه وانا اساسا ساكنه مع حمولتي فاغلب وقتي معاهم و ما قعد معاي الا 4 شهور او اقل بعد وانا وجهه نظري انه ينفع السفور اكثر

 

[So MuCh PaIn]

صج بس بعدين رد شعري مثل ما كان الحمدلله انه ما خف ولا تنتف

 

[miss swan]

جذابي كل ماسالنا >>>>ماده طبيعيه اصلا موجوده بالشعر
انشالله شعورهم تصلع مثل ما صلعونا
حسبي الله عليهم
ولا شعري قبل مافيه شي وانا طول عمري اخاف من هالسوالف بس اللقافه وماتسوي
​

 

[el7ob Klah]

البنات الي طاح شعرهم

اتحداكم اذا حاطين لكم الكيراتين الاصلي

هذا مخلوط معاه تمليس ريلاكس يسوي نعومه للشعر

90% من الصالونات يخلطون معاه عشان يغرونج اول ما تغسلين شعرج

للاسف ما اذكر رقم الي سويت عندها قبل سنه وكان شعري حلو تعدل من بعد الصبغات

ما اضمن لكم تحصلون النظيف الا من رحمه ربي

الكيراتين الاصلي جذي يخلي الشعر

نفس النعومه واللمعه والصحه

 

[مـنور]

الله يكون بعونكم .. والله الشعر الطبيعي ابرك من هالخرابيط اللي يقصون علينا فيها
الله كريم يا صبايا

مشكورين ع المرور​

 

[zain-bh]

احسن نوع اسمه برازيليان بلو اوت ولونه شفاف نفس الجل واهو اساسا برازيلي

 

[مـنور]

احسن نوع اسمه برازيليان بلو اوت ولونه شفاف نفس الجل واهو اساسا برازيلي

يعطيج العافيه ع الافاده ..
شكراً ع المرور​

 

[انا لحبيبي .]

حسبي الله عليهم ،، انا بروح عند وحده معروفه ، كنت بدي اقص شعري

والله والله شعري مو خشن ولا بتسااقط ، كل الكل بحسدني انه شعري ما بتساقط

حكتلي هاد علاج لكثافه وعلاج الشعر ، حكيتلها اوكي طقه ثقه يعني


وسوتلي ياه ، من شهر 2 صرلي 9 شهور شوفي التسااقط ، خلص قرعت ومن ورا عنقووووص فار من كتر مهو خفيف هاد وانا عرووسه ، عرسي بشهر 3 مو عارفه شو اعمل وشو اسوي ... والزيوت مو منيحه لفروة راسي لانه شعري دهني يعني مالت علي اكلت هواا

 

[مـنور]

والله حرام اللي قاع يصير بشعوركم يا بنات .. انا بحثت عن هالموضوع بقوقل و شوفو شنو لقيت @@


قبل فتره في حلقة سيدتي على الفضائية المصرية .. ظهر مصفف شعر يتكلم و يمدح
بتقنية الفرد بالكيراتين .. مشددا على نفعها و وفقا لكلامه بانها تعالج الشعر بالاضافة الى
تمليسه و اعطاءه النعومة و اللمعان الخ... لانها تستخدم مادة الكيراتين و هي الماده
المكونة للشعر ( بروتين اساسا) ... و كان يشجع الكثيرات للقيام به

طبعا ذهلت لكلامه اخيرا تقنية لتنعيم الشعر بدون اتلافه؟؟؟ فا بدأت ابحث في الانترنت عنه
بدءآ بالمنتديات العربية و التي اغلبها يشجع و يمدح التمليس بالكيراتين

فا اطمئنت 80% و من ثم بدأت بحتا جديدا في المواقع الاجنبية و هنا كانت المصيبة

هذه التقنية بدأت في البرازيل و انتقلت الى الولايات المتحدة و لاقت نجاحا باهرا ..لكن بعد فترة تسببت بمقتل امرأة في البرازيل حيث انها استخدمتها في البيت ...و من هناك بدا فحص المنتج
و اتضح انه يحتوي على الكيراتين بالاضافةا الى مادة اخرى تدعى الformaldehyde.. و هي مادة مسرطنة .. بتركيز اعلى ب 10 اضعاف من الحد المسموح به

و بعد ذلك تم منعه في البرازيل و في الولايات المتحدة ..
الادهى ان هذه التقنية انتشرت في الوطن العربي دون اللجوء الى فحصها او حتى البحث عن ماهيتها
فارجو التوقف عن استخدامها و كما ارجو التوعية من خطرها


يمكنكم كتابة
keratin brazilian في محركات البحث و القراءة عنها
​

 

[أبلة مزيونة]

ماعرفنا
الي يمدح والي يذم
انا قبل سبوعين كنت بسوي بصالون بريجيت
قالتلي يصلحلي كيراتين الجوكلت
وقالت علاج ومادري شنو وسوتلي اغرااااءات
لاني صبغت شعري خصل ثلجي
وشعري طويل وكثافته حلوة الحمدلله
بس صار لازم استشوار لانه ناااشف حيل من الصبغه
وكنت ناويه اروح اسويه عالمعاشات
بس من قريت ردودكم جني غيرت رايي
انا امدحته لي رفيجه اختي
تقول روعه حيل ومرتاحه من الاستشوار
بس كلامكم غير
ماااادري احترررت

 

[بسبوسة بالعسل]

مساء الورد
حبيبتي الله فوقي يشهد على كلامي
سويته وطلع شعري روووووعه وهاذي رابع مره اسويه
مافي تساقط ولا خرابيط لأني سويت الاصلي
وشعري حيل تغير حتى بدون الكيراتين
إلي سوتلي حطتلي ماركة agimax
سوي سرج عنها بالنت فضيعه ومافيها فورملد هايد
شعري فيه لمعه ومافي تساقط
هاذي احسن ماركة برازيلية
وماشفت احد اسويها إلا إلي سويت عندها وكلة عندها ضغط وزحمه
الله اباركلها واسعارها حلوه​

 

[أبلة مزيونة]

حبيبتي بسبوسه
الله يتمم عليج بس ميخالف
تقوليلنا اسم الس سوتلج ورقمها

 

[coralia]

اب اب

 

[حياتي وأنا كيفي]

صح انا شفت doctors البرنامج يقولون ان فيه فورمالدهايد وهي ماده مسرطنه وصعب تعرفين الماركه اللي تستخدمينها فيها هالماده ولا
انا عن نفسي الكيراتين الغيته من تفكيري ابي شي ينعم الشعر وما يطيحه بس الظاهر بالاحلام
اليوكو مسوينه اليابانيين تضننون زين للشعر ولا بعد ينتفه

 

[نمبر ون]

في البدايه بتستانسين عقب

بطيح شعرج واااايد واطرافه تلوع الجبد وباهت

احين ودي يرد مثل والله يعين

 

[ياقوته82]

أنا اشتغل بالكيراتين 3 سنوات صح واعرف انواع الكيراتين عدل بعض الصالونات يخلطون لبناني مع البرازيلي او الامريكي او الالماني عليان يعطي فرد للشعر بس ماانصح بلبناني ريحه ودخان صح نتيجه حلوة بس بسرعه مفعوله يطير أنا اشتغل برازيلي عجيب بشكولاته لاريحه ولاشي نعومه طبيعيه ولمعه تهبل بس موكل وحدة تضبطه مو كل سيراميك يسوي ستريت المظبوط والي تبي تجرب أنا حاظر والي تبي رقمي هذا رقمي للتواصل بالتليفون او الواتس اب 94925895 والنتيجة روعه ومضمونه 100٪