بعد الترشيح .. مراجعة الوزارة ؟؟ ( اسئلة ومعلومات )

[نبض زوجها]

موضوع حلو مشكوووورين

 

[حليمة بولند]

قوة بنااااااااات انا سألت متى بيطرشون كتب اسامينا حق الوزارت

قالولي يوم الاثنين يطرشونهم

بناات راجعوا الوزارات على يوم الاثنين وبالتوفيق

 

[الحــــــلا كله]

اخذي عقد الزواج انا خذوو عقد زواجي مني

 

[غلاتي غلا]

بنااااااااااااااااااااااااااااااااااااااااااات المتزوجه لازم صوره من عقد الزواج

 

[غلاتي غلا]

غريبه انا ماقالولي طرشنا كتاب او ماطرشنا؟؟

على طول راجعتهم وسويت الاجراآت وعالدي
عطوني وصل قالو نرد عليج

 

[spanish-girl]

سبانش انا كنت ناويه اروح الديوان اخذ منهم كتاب الترشيح بس الحين شنوو ما اروح يعني مافهمت عليج اروح ولا لأ حق الديوان
؟؟؟؟؟؟؟
واللي سوته لج برنت اهوا نفسه كتاب الترشيح اللي يطرشوونه

اشلوووون اعرف اذا طرشوا كتبنا الديوان حق الوزارات ؟؟؟؟؟؟؟؟؟؟؟؟

حبوبه روحي الديوان اضمن لج عشان تثبتيلهم انه اسمج نازل عندهم اوكي روحي الديوان ويعطونج ورقة برنت مكتوب فيها مؤهل لترشيح للادارة العامة للجمارك وتحت تحطلج (ختم) مكتوب فيه (مؤهل ومرشح)وتروحين الوزارة الي حطوج فيها وادشين على المدير شؤون الموظفين وتقوليله انا تخصصي دبلوم قانون ونزل ورشحوني عندكم وراح يدق على قسم التعينات تيي الموظفة تاخذج وتوريج الادارات الي فيها نقص وتحطج فيها وبعدين تعطيج اوراق الفحص الطبي الي اهي الدرن والبصمات حسن سير وسلوك وفحص بول وانتي بكرامة ولويه مجلس طبي وانشاءالله سهالات

راكضي عشان تخلصين انا على طول رحت التعيينات شفتها مادري شلون سألتها وين المدير خافت لول قالت مو موجود المهم سئلت موظفة ثانيه متى ايي قالت على ال11 وانا كنت عندهم على 9 رحت البيت يبت الاوراق الناقصه وبطلت لي حساب ودشت على المدير ودق على الموظفة وخذت اوراقي وعطتني اوراق الفحص ورحت البيت ومن ثاني يوم من صباح الله خير وانا احوس هههههههههه

 

[فروبتشينو]

ما قصرتي سباننش قيرل على الردود اللي تبرد الجبد .........

ان شاء الله بروح الأثنين وبشوف مع ان المكان مو عاجبني((الشؤون الأجتماعيه والعمل)) وكلش مالي خاطر بس بروح عن الحسافه....

الا انتي وين حطو اسمج؟؟؟

 

[Super Natural]

بنات أنا توني جيكت طلع اسمي بالموقع .. اروح باجر و أزهب الاوراق والا أنطر يوم الاثنين؟ اذا رحت باجر لازم آخذ ورقت الترشيح من الديوان ؟؟

 

[spanish-girl]

ما قصرتي سباننش قيرل على الردود اللي تبرد الجبد .........

ان شاء الله بروح الأثنين وبشوف مع ان المكان مو عاجبني((الشؤون الأجتماعيه والعمل)) وكلش مالي خاطر بس بروح عن الحسافه....

الا انتي وين حطو اسمج؟؟؟

هلا حياتي انا حطوني بالادارة العامة للجمارك
وبعدين هذول ما ينفع معاهم الا العين الحمرة لول راكضي ما تنفع القعدة جذي
وموفقة حبيبتي

 

[..، شهوده ..،]

الاوراق المطلوبه هي :






1 البطاقة المدنية الاصلية ( وخمس صور عنها )
2- 5 صور شخصية
3- شهادة الميلاد الاصلية ( 5 صور عنها )
4 الجنسية الاصليه ( 5 صور عنها )
5 عدد 2شهادة مصدقة من التطبيقي
6 - كتاب حساب راتب من البنك

بنات أنا بروح باجر هذه الأوراق المطلوبه مثل ما ذكرت
الأخت فرح




..​

 

[Super Natural]

بنات أنا توني جيكت طلع اسمي بالموقع .. اروح باجر و أزهب الاوراق والا أنطر يوم الاثنين؟ اذا رحت باجر لازم آخذ ورقةلترشيح من الديوان ؟؟

شدعوه محد رد علي !