بعد التجربة : خدمة نوكيا ovi الشبيهة بالـبلاك بيري مسنجر (صور من موبايلي)

[Lays BL.ketchup]

بسم الله الرحمن الرحيم ..

بعد ما نزلت الـOvi contacts مثل ما قتلكم , وعدتكم انزل صور البرنامج بعد استخدامه ..

وأمس جربت استخدامه على جهازين :

نوكيا E71
نوكيا N97 mini

البرنامج وايد حلو .. والاشكال والفيسيز (الابتسامات) اللي فيه حلوين ..

لكن في نقطة بنبهكم عليها :

البرنامج وقت المحادثه ممكن يختلف من جهاز لي جهاز ..

اذا نسخة جهازج قديمه راح تكون خلفية المحادثه بيضه ..
واذا نسخة جهازج يديده - او جهازج بمعنى اخر (حديث) راح تكون خلفية المحادثه بيضه , والحوار محاط بصندوق اخضر ..

يعني كل ما كان الجهاز احدث كل ما كانت نسخة الـOvi أحلى ..

وصورت لكم الشكلين , واحد بجهازي E71 شاريته من حدود 3-4 شهور ..
وصورت شكل الـOvi على N97 mini مال بنت خالتي , شاريته من جم يوم ..

شوفوا معاي :-

هذا شكله من فون E71 :-

مكان الـAnonymous يطلع اسمج اللي اخترتيه ..
لكن اهني كنت ماسحه الاسامي ..

وهذا شكله بموبايل N97 mini :-

واعذروني غطيت الاسم بالصوره ..


أكرر وأقول : هالخدمه خاصه فقط بهواتف نوكيا ..
والمحادثات تتم من نوكيا الى نوكيا !
ما تقدرين اتضيفين ربع البلاك بيري , او ربع الاي فون ..
و لا تزعلون .. ترا حتى ربع البلاك بيري والاي فون ما يقدرون يضيفون ربع الـOvi ..
والخدمه مجانيه .. كل اللي تحتاجينه هو تكلفة الانترنت او مجانية الوايرلس ..

للي حابه تتعرف على مسنجر الـOvi contacts او تستفسر عنه , تتفضل على موضوعي في الرابط هذا :-

http://www.q8yat.net/showthread.php?t=526380&page=2

وسلامتكم وسلامة الحاضرين :eh_s(6):


​

 

[marami]

وناااااسه
يلا يبيله بس ناطره e72 الاسووود لين ينزل و انشالله انضم معاكم

 

[Lays BL.ketchup]

وناااااسه
يلا يبيله بس ناطره e72 الاسووود لين ينزل و انشالله انضم معاكم

حياج الله حبيبتي ..

 

[Be colorful]

نزلته عجيب بس ماعندي احد اضيفه ‏
وارد واعيد وازيد كل البرامج هذي ما تتقارن ‏
بمسنجر ويندوز لايف ‏
يطقهم عشره صفر

 

[جوود الووفا]

وناسسه أحسن شيء إنها مجانيه لوووووول

أنا تلفوني e72

ولا مره جربت Ovi عبالي لازم خدمه نفس البلاك بيري

ثاااانكس ع الموضوووع

 

[plastic Doll]

يعطيج العافية حبيبتي والله موضوعج وايد مفيد d:

 

[آلسحرآلحلال]

واااااااااااااااااااااااااااااااااو

روعة ... انزين على e72 يكون اي شكل فيهم ...

 

[Lays BL.ketchup]

نزلته عجيب بس ماعندي احد اضيفه ‏
وارد واعيد وازيد كل البرامج هذي ما تتقارن ‏
بمسنجر ويندوز لايف ‏
يطقهم عشره صفر

برنامج الـOvi contact له مميزات غير المحادثات , يمكن انتي ذكرتيني اكتبهم :-

- الميزه المتقدمه اللي فيه ومو موجوده بالويندوز مسنجر اهي : ميزة تعيين الموقع بالاستعانه بالـOvi maps (بالـmsn ماتقدرين) ..
- تقدرين تعرضين اللي قاعده تسوينه حاليا (موجود بـmsn الكمبيوتر , مو موجود بـmsn الموبايل ) ..
- تقدرين ترسلين رسالة صوتيه (بـmsn الموبايل ماتقدرين) ..
- ارسال دعوات برابط التحميل المباشر (مو موجود بـmsn الموبايل)
- تنتقلين بيانات موبايلج والملفات والصور عبر الـovi contacts (مو موجود بـmsn الموبايل)
- أخيراً وهذي ميزه من عندي , تحديث الـovi اليديد واااااايد احلي من الـmsn ..
- واي ميزة اضافيه راح ارد احطها , ويظل رايج واحترمه .. وعقبال ما ينترس oviـيج بنكات رفيجاتج واهلج :eh_s(6): ..


- هذي صوره عن تعيين الموقع :-

 

[Lays BL.ketchup]

وناسسه أحسن شيء إنها مجانيه لوووووول

أنا تلفوني e72

ولا مره جربت Ovi عبالي لازم خدمه نفس البلاك بيري

ثاااانكس ع الموضوووع

لا حتى لو بالوايرلس تقدرين ..
والعفو حبوووبه

يعطيج العافية حبيبتي والله موضوعج وايد مفيد d:

الله يعاافيج بلاستيك دول

واااااااااااااااااااااااااااااااااو

روعة ... انزين على e72 يكون اي شكل فيهم ...

E72 يديد .. راح يطلع لج الشكل الثاني , الملون ..

 

[ام الهنود]

والله وناسه هالخدمه..بس للاسف رفيجاتي نصهم بلاك بيري يعني ماكو فايده حسافه

 

[قَلبيْ صُويبكْ !]

,



يآآآي عجيب وآلله !
تسلمين حبيبتي ~

 

[..كوكو شانيل..]

وانا نزلت الخدمه على موبايلي e72

وان شاء الله اليوم بنزلها على موبايل اختي n97 mini عشان اشوف الوضع

تسلمين

 

[نوير البنفسجي]

مشكوره على هذي المعلومات


^_^

 

[الـخـشـفـ الـنـداويـ]

مشكوره ع الموضوع حبيبتي ماقصرتي

 

[Klii heba]

بصراح هو رووووووووووعه بس المشكله ماعندي احد خخخخخخخ بروحي

بس ماعرفت ادخل البروفايل حقي ؟؟ شلون سويت لي كل شي بس ماعرفت البروفايل

 

[Lays BL.ketchup]

والله وناسه هالخدمه..بس للاسف رفيجاتي نصهم بلاك بيري يعني ماكو فايده حسافه

لووول ما عليه اخرتها بيشترون نوكيا ان شاءالله

,



يآآآي عجيب وآلله !
تسلمين حبيبتي ~

الله يسلمج حبيبتي :eh_s(6):

وانا نزلت الخدمه على موبايلي e72

وان شاء الله اليوم بنزلها على موبايل اختي n97 mini عشان اشوف الوضع

تسلمين

زين تسوين .. الله يسلمج حبيبتي :eh_s(6):

مشكوره على هذي المعلومات


^_^

العفو حبيبتي

مشكوره ع الموضوع حبيبتي ماقصرتي

العفو ولو :eh_s(6): ..

بصراح هو رووووووووووعه بس المشكله ماعندي احد خخخخخخخ بروحي

بس ماعرفت ادخل البروفايل حقي ؟؟ شلون سويت لي كل شي بس ماعرفت البروفايل

لوووووووول عندنا وعندج خير , بس الحين تطورت صرت انا وبنت خالتي ..

البروفايل لازم تكونين شابكه , بعدين تدخلين عليه من الـoptions بعدين my profile .. :eh_s(6):

 

[سعوديه وتحبكم]

حبيتي نزلت البرنامج بس اذا اتصلت يقول خطأ شبكه تتوقعين وين المشكله انا اتصالي وايرلس
والف شكر

 

[غلاي غير]

وناسه خوش خدمه

 

[spanish-girl]

شي عجيب

 

[طـالبة]

وااااو شكلها كوووول


انزين بسأل

شلون اقدر اضيف ربعي؟
يعني لازم يكونون حواليني؟ ولا عادي اي احد بعيد؟

يعني المسافة قصدي