بشتري 60 كيلو تمر او خبز بس ماني عارفه احسب بلييز ساعدوني ضروري

[مولاي الفرج]

السلام عليكم

انا بشتري خبز او تمر بمقدار ستين كيلو

بس شلون احسبها؟

لان الخبز ينباع بدون لا يحسبون الكيلوات

والتمر حتى لو بيحسبونه الميزان صغير

شلون اقدر ان يوصل 60 كيلو

والله مادري شسوي اللي تساعدني راح ادعي لها من قلبي

لان هذي كفارة ماقدر انقص المقدار من كيفيي:eh_s(11):

 

[modern]

مكتوب على علبة التمر كم غرام و تقسمي الستين كيلو على الرقم المسجل عالعلبة و بالتالي بتكوني عرفتي كم علبة رح تشتري

 

[مولاي الفرج]

مشكورة حياتي ماقصرتي

 

[بنت الاحلام]

اشتري جيشطحين 50 كيلو وواحد ثاني 10 كيلو يصيرون الكميه المطلوبه وتصدقي فيهم اسهل لج

 

[الأميرة جوري]

لرفع

 

[مولاي الفرج]

خوش فكرة بنت الاحلام

مشكورة حياتي

واميرة شكرا عالرفع

 

[شيخة الحلوة]

اتوقع الخيز مكتوب جم جرام حسبي وضربي


والله يوفقج يارب ويسهل امورج ويسخرلج عباده

 

[هيبة ملك]

الله يسهل لج أمورج

 

[رحيل المرافيء]

حبوبة شحقة خبز وتمر
تصدقي بعيش احسن او حسبي 60 كيلو جم تسوى وتصدقي بفلوسها افضل
تمر محد ياكله الحين والخبز يخيس

 

[صاحبة معرض]

حسبة التمر اسهل الكرتون فيه غالي ورخيص

بسوق التمر الكرتون فيه 8 كيلو

مكتوب على كل علبه 1 كغ ( كيلو غرام ) العدد 8 علب

بسعر 4.500 دك

بالتوفيق حبوبه

 

[الدنيا لحظه**]

حياتي روحي مسجد الامام علي بالعمريه او مسجد الامام المهدي عج هم راح يساعدونج انا نفسج عندي كفاره ورحت عطيتهم الفلوس واهما تصرفو

 

[مولاي الفرج]

مشكورين بنات


الدنيا لحظة: انا بغيت اسوي جذي بس سمعت فتوى ان لازم تودين اكل مو فلوس الا اذا ضمنتي اهما يشترون

فبشوف ان شاءالله شكرا لج