بشتري جلايه شرايكم..؟منو مجربه

[اطباق ماي ورد]

بنات للرفع

الصراحه ابى معلومات اكثر

ابى وحده منكم تقولى ماركه زينه وتتحمل وتغسل جدور وكل شى ونوع الجدور اللى تغسلها

وابى اعرف اى وحده اللى تكون هاديه مالها صوت عالى

وجم الديسيبل مالها لازم يكون

عفيه بنات علمونى بروح اشتريها وما ابى اتوهق .

 

[nice-girl]

شيشتوني خلاص بحطها بالقائمه ان شاء الله لي طلعت بشقه

 

[كـرمل]

نصيحة من مجربة..........أشتر وأنتي مغمضة من ويربول

 

[Ftooosha]

بخاطري وحدة بس اخاف ماتنظف الجدور والمقالي

مترددة
:bbbiu:

 

[اطباق ماي ورد]

بخاطري وحدة بس اخاف ماتنظف الجدور والمقالي

مترددة
:bbbiu:

اخيرا الحمدلله اليوم رحت وشريتها

تغسل الجدور وكل شى وفيها برامج والصوت عادى مو ازعاج ماركة ويربول من الغانم

نصيحه لا تترددين روحى اخذيها وتوكلى على الله .... كافى انج بتشوفين النظافه تلق بمواعينج ولا وساخة غسال هالخدم

 

[نورامينا]

عن تجربة
غسالة المواعين تشيل عنج نص شغل البيت بصراحة راااااااااااااااااحة انا و الله حتى جدور احط فيها بس جدور ستيل لا المعدن يتغير لونه

شوفو يا قلبي هي تفكج بس ترى مو دايما اطلع المواعين نظيفة 100% بس مع هذا ما افكر استغني عنها خو قبل ما تستخديمين المواعين غسليها بايدج قبل الاستحدام و لا تقعديت نغسيلن كود مواعين

و في شغلة حبيت اضيفها لازم تحطين الصحون بعد ما تنظفينهم من بقايا الاكل لا تحطين الصحن و هو في بقايا اكل لان راح ينشف الاكل عالصحن

 

[العاذرية]

اب


خوش موضوع

بنات تطلع الريحه من المواعين اخاف تظل فيها؟؟


والصوووووووووووت يابنات امانه اللي جربوها صوتها مزعج؟؟ عاااالي؟؟ ابي نووع ماله صوووت

وليش نص ساعه وساعتين تغسل؟؟

 

[Eng/thumbelina]

عجيبة عندي اياها من 9 سنين تنظف احسن مني وتعقم وتلمع وتنشف الصحون ماركتها ويرلبول لها صابون خاص وملمع صدقيني اشتريها ماراح تندمين معاي وحدة بالدوام نصحتها تشتريها بعد ما شرتها كل ما تشوفني تدعيلي بالنسبة لصوتها هادي وايد اهدى من الغسالة وماتطلع ريحة بالمواعين بس تطول شوي ممكن ساعة الى ساعتين لانها تغسل على ثلاث مراحل اول شي شطف بعدين ماء وصابون واخر شي تنشف على فكرة انا عضوة يديدة وهذي اول مشاركة لي:bye22:

 

[اطباق ماي ورد]

عجيبة عندي اياها من 9 سنين تنظف احسن مني وتعقم وتلمع وتنشف الصحون ماركتها ويرلبول لها صابون خاص وملمع صدقيني اشتريها ماراح تندمين معاي وحدة بالدوام نصحتها تشتريها بعد ما شرتها كل ما تشوفني تدعيلي بالنسبة لصوتها هادي وايد اهدى من الغسالة وماتطلع ريحة بالمواعين بس تطول شوي ممكن ساعة الى ساعتين لانها تغسل على ثلاث مراحل اول شي شطف بعدين ماء وصابون واخر شي تنشف على فكرة انا عضوة يديدة وهذي اول مشاركة لي:bye22:

حبيبتى الله يتمم عليج ويا الجلايه

انا شريتها الاسبوع اللى فات ولى الحين ما شغلتها

ودام انج خبره فيها ماشاءالله اشرايج تعلمينى عليها

يعنى شسم الصابون اللى تستعملينه والملح والملمع ومن وين تشترينهم وطريقة استعمالهم ؟

وابى اعرف كل جم يوم او استعمال اغسل الجلايه وانظفها وانظف الفلتر واشلون ؟

وابى الكلاصات يصير احطها بالجلايه مع الصحون وتحت جدور عادى ؟ لان البياع قالى لا تحطين الجدور مع الكلاصات ما تتحمل حرارة الماء لانها حق الجدور تكون وايد حاره فتنكسر الكلاصات .... اشرايج ؟

ابيييييييييييييييييييييه بس خلاص .... شكلى دوختى بالاسئله ....

واذا لج خلق عفيه ردى على ..وربى يعطيج الف عافيه ان شاءالله :eh_s(6):

 

[Eng/thumbelina]

الف مبروك وصدقيني راح تستفيدين منها وايد بالنسبة حق الصابون انا اشتريه من جمعيتنا الرميثية واذا ما لقيته الاقيه بمركز سلطان الصابون

صاير مثل بودرة علبته بلاستك بيضاء ماركة فنش والملح علبتة بيضاء كرتون وهم ماركة فنش ويكون مكتوب عليه ملح والملمع علبة صغيرة

حمرة مكتوب عليها سومات تشابه علبة فيري الصغير طبعا هذيل الي لقيتهم بس ساعات احصل انواع ثانية من الصابون والملمع لان في

صابون يكون سائل مثل الجل وفيه مكعبات صغيرة قد فتحة الصابون اللي بالجلاية المهم قبل ما تستعملين الجلاية في البداية تسوون لها ا

لتمديدات مالت الماي وهذا طبعا مال الادوات الصحية مال الجمعية ييكم ويسويها وبعدين قبل ما تستعملينها تحطين الملح لما تفتحين باب الجلاية

داخل تحت تلاقين مثل بلاستيكة مدورة كبيرة تفتحينها ويكون ياي مع الجلاية مثل قمع كبير تحطينة بالفتحة وتصبين الملح اول مره تقريبا العلبة

كلها مو متذكرة او لما تشوفين الليت الاحمر اللي بره مال الملح طفا وتسكرينها وبعد ما تصفين المواعين تحطين صابون بفتحة الصابون ليما

الخط والملمع بالفتحة اللي يمها تصبين لما الدائرة تصير سوداء كلها وتسكرينهم وتسكرين باب الجلاية وتختارين البرنامج اللي تبينه وتضغطين

ستارت وما تفتحينها الا لما يشب الليت الاحمر عند كلمة إند وبعد بالنسبة حق تنظيف الصحون قبل وضعهم بالجلاية انا واحنا على السفرة انفض

المواعين بكلينكس وعلظول احطهم ماله داعي تسبعينهم اول مجرد مسحيهم بكلينكس وصفيهم بالجلاية حتى اذا مقلة فيها دهن اصب الدهن بكيس

اربطه واقطه والمقلة بس اسحها بكلينكس واحطها تطلعلي يديدة جربي وقوليلي طبعا داخل الجلاية فيه طابقين كل طابق فيه من فوق شغلة تدور

تصب الماي لما تصفين مواعينج اذا حطيتي شي كبير مثل جدر كبير او دولكة جيكي انا ما تطق برشاش الماي بالنسبة حق تنظيف الجلاية اهية

لما تغسل المواعين تغسل نفسها تفتحينها نظيفة وتقدرين بين مدة ومدة تشغلينها على اي برنامج بس فاضية علشان تنظف اما الفلتر جيكي عليه كل

جم يوم انا كلما اجيك يكون نظيف وصخ خفيف لان انظف المواعين بكلينكس قبل ما احطهم والفلتر تحت مكانه يم فتحة الملح تفرينه يطلع

غسليه ورديه بالنسبة حق القلاصات انا احطهم مع بعض ويعتمد على القلاص اذا تحسين زجاجة قوي حطيه بس ساعات في قلاصات تكون وايد

خفيفة بسرعة تنكسر هذي ممكن تنكسر انا مرة فتحت الجلاية لقيت عندي طاسة صايرة نصين بس لان زجاجها وايد خفيف مافي سمك وحتى اذا

الشي بلاستك خفيف لاتحطينة واتمنى اكون فدتج وماتوهتج زيادة واذا عندج اي استفسار انا بالخدمة وموفقه انشاالله

بس تعبت بروح انام:ch12:

 

[اطباق ماي ورد]

مشكوره حبيبتى ما قصرتى الله ينولج اللى ببالج ويوقفج ويرزقج من واسع ابوابه ان شاءالله

بس فى عندى جم استفسار اذا ممكن

قبل ما تستعملينها تحطين الملح

بس الفنى اللى يانى يقول مو لازم تحطين الملح لان ماى الكويت فيه املاح هذا بس حق امريكا وغيرها اللى مايهم نقى ..

اذا كلامه غلط يعنى افهم من كلامج ان الملح نحطه لازم قبل كل غسله والا على فترات

والملمع بالفتحة اللي يمها تصبين لما الدائرة تصير سوداء كلها

حتى الملمع قالى ماله داعى الحين لانها فيها واذا خلص بيشب الليت ابيض بعدين تملينه يقول اهى اساس فيها .... صج كلامه ؟

قالى حطى بس الصابونه اللى صايره قطعه فيها 3 الوان يايه مع الغساله من الشركه دعايه الظاهر ويقول هذى تكفيج حق 3 غسلات يمكن
وشغلى اياه بدون مواعين وحط قطعة صابون وقال خليها تغسل روحها اول قبل لا تستعملينها ...
واتصدقين يوم خلصت الغسيل اطالع والا الصابونه رايحه عن بكرة ابيها .... عيل اشلون يقول كذا غسله ؟

انا غسالتى ويربول انتى بعد نفسها مو صح ( عشان ابى اعرف سالفة الملمع والملح )

 

[whitish]

والله يبيله
بطقلي وحده بدال ما ايديني كلتها الاكزيما

 

[whitish]

مشكوريين عالموضوع المفييييد

 

[Eng/thumbelina]

بالنسبة للملح أول ما شريتها حطيت ملح وبعدين ماتحطين ليمة يشب ليت احمر وهو مايشب الا من مده ليمده
وبالنسبة للملمع اذا كانت الدائرة سودا لاتحطين واذا كان شاب الليت حطي اما بالنسبة للصابون المكعبات كل وحدة استعمال واحد انا عطوني لما شريتها واذا تبين منة ينباع بس انا اخذ البودرة وعلى العموم انا جلايتي من قبل 9 سنين انت الموديل الي عندج احدث يمكن تختلف شوية بالمواصفات :dfgl:

 

[اطباق ماي ورد]

بالنسبة للملح أول ما شريتها حطيت ملح وبعدين ماتحطين ليمة يشب ليت احمر وهو مايشب الا من مده ليمده
وبالنسبة للملمع اذا كانت الدائرة سودا لاتحطين واذا كان شاب الليت حطي اما بالنسبة للصابون المكعبات كل وحدة استعمال واحد انا عطوني لما شريتها واذا تبين منة ينباع بس انا اخذ البودرة وعلى العموم انا جلايتي من قبل 9 سنين انت الموديل الي عندج احدث يمكن تختلف شوية بالمواصفات :dfgl:

مشكوره حبيبتى الله يعطيج الف عافيه

والصابون اليوم لقيته بجمعية مشرف بس صج مصرف اذا الصابونه حق غسله وحده وسعر العلبه فيها جنه 30 حبه دينارين وربع ... مو صح ؟؟ انا فكرت فيها بعدين قلت ( بس احنا وفرنا على روحنا وعلى خدمنا التاخير بغسال المواعين ووساخة غسالهم وكسبنا الوقت مع الغساله وهذا اكيد ما يصير مجانا خخخخخخخخ )

انزين والبودره يعنى اقتصاديه اكثر والا شنو ؟؟

 

[Eng/thumbelina]

الله يعافيج حبيبتي

انزين والبودره يعنى اقتصاديه اكثر والا شنو ؟؟

اتوقع لان البودره تظل عندي اكثر وانت تتحكمين شكتر تحطين بس السعر ما ادري ما اثبت الاسعار وجيكتلج على العلبة ما لقيت السعر

 

[ام بنتها]

والله يبيله ماعندي شغاله
بس جم سعرها و شنو احسن ماركه ؟؟ و تغسل الشوك و القفاش عدل مدل ؟؟
عااد انا جدوري تيفال حمدلله

 

[اطباق ماي ورد]

الله يعافيج حبيبتي



اتوقع لان البودره تظل عندي اكثر وانت تتحكمين شكتر تحطين بس السعر ما ادري ما اثبت الاسعار وجيكتلج على العلبة ما لقيت السعر

يبيله نجرب

دوختج قلبى ... يعطيج العافيه يارب

 

[Eng/thumbelina]

الله يعافيج حبيبتي

 

[sara3]

يسلمو