بس للصريحات ...عندكم تجارب؟؟؟؟

[انثى استثناء]

شوف انا ضد الي تقول ان الريال ما يتوب
امبلا يتوب اذا حس صج بغلطته و ان هذي الانسانه ما تستاهل الي يسوي فيها


انا مرة كنت متهاوشه معاه هذي اول زواجنا يعني هوشة حيل كبيرة خلاص قررت ان اطلق

انتو تعرفون مخلفات العزوبيه تنصدم فيها الوحدة و ماتدري شلون تتصرف لانها مفكرة ان الحياة الزوجية كلها عسل
المهمم طحت على ايميله و اطبع الايميلات كلهم لانهم وايد و اخشهم عندي
و طبعا غير الاتصلات خذيت الرقم و صرت ادق و اسكت و ما احجي و لا كلمه اهيه بس ادق عليها ادق على ريلي
تقول له طبعا من خلال الرسايل عرفت ان في واحد يدق ويسكت
جان ادخل على ايميلها و لا القى تحجي الواحد دازتله ايميل تقوله ان بس تضحك عليه و تاخذ من فلوس و انها شتبي بواحد مزوج
عاد اطبعه و اواجه زوجي في اليميلات و اقطهم بويها
و قتله بعد ما اعيش معاك و انا ابجي
جان اهو ياخذني و يلمني و يقول و الله ما تسوى دموعج هذي

يقول هي كانت تهددني ب الانتحار اذا ما حاجيتها
و الله من يومها بعد مستحيل حاجة اي وحدة و بس يبيني ارضى طبعا هذا الحجي من اربع سنيين و الحمد الله اربع سنيين احنا عايشين بسعادة

و انا ترى وحدة واعية حيل لحق هذي السوالف خاف وحدة تقول من يقول يمكن من وراج
لا لان في اشياء وايد تغيرت قبل تلفونه ماممكن اجيسه
لما الوحدة تعرف شلون تتكلم و تفتح موضوع الخيانه مع زوجها راح تنحل جزء من المشكله وراح يفهم عليج

 

[نورعيونك]

الله لايحطنى بموقف خيانه يارب تسخرلي زوجي وتعمي عيونه عن بنات الحرام وتعمي عيون بنات خلق الله عنه

 

[انسام الكويت]

خليها بالقلب تجرح ولا تطلع وتفضح

الله يكون بالعووون و دام في رب بالسما كلن بياخذ حسابه من ربه

وانشاالله اللي تخرب بيت اي واحد متزوج من بنات ابليس عساه الحوبه

ماتعدها وتذوق معنى الخيانه وتكون قدام عينها بعد اذا يالها نصيبها

ويرد كيدهم في نحرهم ********* موضوع حرني من قلب

 

[بنوته بحرينية]

انا قصتى تشابه البنات، تزوجنا عن حب وهو من اهلى ما عمري توقعت الخيانه منه مدللنى لأخر درجه عمرنا ما اختلفنا الا مشاكل عاديه واثقه فيه وهو بعد يثق فيني، اعرف الباسورد حق ايميله مره قاعدة الصبح اجازة وافتح ايميله ما لقيت شى ماسح كل شى وهو ذي طبعه اول ما يقرا على طول مسح رحت الرسائل الصادرة الا مطرش حق وحدة ايميل تهنئة بعيد ميلادها وما كان فى كلام يخدش بس مجرد كلام عادي، انصدمت دموع تنزل ومو قادره استوعب المهم تركت ايميلة مفتوح على الصفحة ودخلت الغرفة وسويت روحى نايمه، رجع من دخل الشقه و شاف الكمبيوتر ويانى الغرفه يركض يقول لحظة اشرح لج قلت له الخيانه ما تبى شرح وقعد يحلف ويقسم ان ولا مره شافها وبس يكلمها بالشات لما يكون بالدوام متملل.

اسبوع ما كلمته وهو يترجانى ويعتذر حتى الأكل ما صرت اقدر اكل حوالى 4 ايام ما كلت شى لغايه ما حسيت انى خلاص مو قادره اشيل عمري وكان يعتذر ويقول علشان خاطر اليهال ما تبين تسامحينى كيفج بس اكلى علشان خاطر اليهال وفعلا زعلت يمكن اكثر من شهر اكلمه جدام اهله واهلى بس بالبيت انا بغرفة وهو بغرفة وفى الأخير سامحته بس الصراحه الخيانه عمرج ما تنسينها حصوصا اذا واثقة فى الريال

اااااااااااااااااااااو طولت عليكم بنات سامحونى

 

["اسطورة العشق"]

اي القصص الي تخليني اكره الزواج و سيرته

 

[قلبي سلومي]

لا تفتحين جروح

 

[Om-Ritha]

الخيانه اشكالها كثيره بس جرحها واحد اللي يقهر انه بعد ما يصير اللي يصير الثقه تصير زيروو و هذا اصعب شي

 

[زوجة عزيز]

خواته اللي علموا عليه
ومنعوك من انك تقولين له
اخاف الشي مو صحيح

للاسف طلع كلامهم صج واهو اللي جذاب اهو قال لي انه خش عني سالفة زواجه الاولي لانه على قولته يعتبر نفسه ماتزوج وفي نفس الوقت خاف اني ارفضه حسبي الله عليه اللي مايخاف ربه

 

[كميثره]

الله يبعدنا عن الخيانه

والله يعينكم ان شاءالله

 

[انثى استثناء]

up
:eh_s(15):

 

[أحبج يمه]

لاحول ولا قوة الا بالله

يارب لا تحطني ولا تحط اي وحدة بموقف خيانة
والله يهدي كل الرياييل

طمووووشة

 

[يالبيه يا انا]

الله يكون بعونكم

 

[marimor]

متابعتكم

الله لايبلاني مع واحد خاين لان حزتها يمكن اموت من الحره

 

[Miss McDonald]

الله يهدي رياييل هالزمن ويبعد عنا بنات الحرام واولاد الحرام

 

[الله وكيلك]

مرحبــــــــــــــــا حبوبه العنوان جذبني علني توني مخطوبه

(مملجه) تصدقوووووووون بننااااات اشك في زوجي القريب

بتقولون شدراج ؟؟؟

اهواااا مشهور مو وايد بس نت وصوره متروسه بالنت

وهو مزيووووووووون

شتبون يصير اكيد عنده علاقه مني منااااااااااااااك

والله انقهر اذا فكرت مجرد تفكير

الله يعينكم بنااااااااااااات ويارب يكون ضني ممو بمحله

 

[عاشقه غربه]

السؤال اللي يعور القلب اكثر يا بنات ....في وحده منكم مره جرحت حبيبها او زوجها ؟؟؟؟؟؟طبعا الكل راح يقول لا ....بس انا متأكده انها ماتخلى .............وللاسف انا منهم:eh_s(11):

 

[عاشقه غربه]

و أشكر الجميلات على الأب

 

[عاشقه غربه]

كنت اتمنى انها تكون مساحه صراحه ....بس المثاليه اللي نمثلها على بعض طغت على الموضوع .........موهوبه حبيبتي انا راح ارد عليج هني مو عالخاص لان المفروض اني اكون اول وحده صريحه..............انا قبل لا اتزوج زوجي كنت احب واحد لمده 6سنين ....والحمد لله انا احب زوجي وااااايد ..ومتزوجه صارلي 10سنين .....بس في مره للاسف و مادري ليش سويت جذيه كلمت اللي كنت احبه وبغيت اعرف والله بس فضول شلونه وشصار عنده ...وللاسف زوجي درى عن هالمكالمه ....حسافه حيل حسافه اني سويت جذي و جرحت زوجي عشان شي سخيف ياريت شي يسوى او مهم .....وحاليا قعد اصلح الكسر اللي بقلب زوجي مني و انشالله اقدر انسيه .

 

[عاشقه غربه]

من السهل انك تكسر لكن الصعب جدا انك تصلح اللي كسرته لان حتى لو صلحته راح يكون مشوه و مو نفس ماكان قبل لا ينكسر

 

[dectora 7elwa]

لاحول ولا قوة الا بالله

يارب لا تحطني ولا تحط اي وحدة بموقف خيانة
والله يهدي كل الرياييل
​