بس الملائكه يدخلون ؟؟ نعم شتبون تخزون قلت الملائكه بس

[منار البربرية]

رد : بس الملائكه يدخلون ؟؟ نعم شتبون تخزون قلت الملائكه بس

اب
اب
اب​

 

[صاعقة بيوتي]

كلامج صح بس اسمحيلي اقول اني سمعت احد المشايخ يقول انه اذا المسلم شاف شي غلط في شخص واهو بنفسه يسوي نفس الغلط فهل ينصحه؟ اي نعم ينصحه وبقلبه ينصح نفسه. يعني الداعيات اللي تشوفينهم هم بشر ويغلطون نفسنا محد معصوم ومحد كامل ولما هم ينصحونا هم بعد ينصحون ويذكرون اعمارهم واهلهم. اما عن المسجات انا معج وخاصة اللي يحلفج انه تعيدين ارسالها اويدعي عليج اذا مارسلتيها واي اكرهه هالحركه واذا شفت نفس جيه امسحها من قبل لا أقراها

 

[دعابة الشـتاء]

باختصار لست رقيبا على الناس بنواياهم و افكارهم وشخصياتهم وبعدين الواحد مثل ما يتمنى الخير لنفسه
يتمنى الخير لغيره فأكيد بانصحها بالخير حتى لو ما اسويه اما بالنسبة للي قالت توبي الى الله فهي دعوة للجميع بالتوبة التوبة لكل مسلم
مو بس اهي لاتدورين في نوايا الناس الزم ما على الواحد انه يصلح نواياه ويترك الناس لربهم يحاسبهم مو لازم المطوعة
تثبت لج طاعتها المهم الكلام اللي تقوله صح ؟ اهنيه العبرة لو كل واحد ما أخذ بنصيحة واحد مو مطبقها جان ما استفاد
احد
تقبلي مروري المداعب عزيزتي

 

[هنووفوو]

عادي ماشوف فيها شي اذا نصحت بشي وهي تسوي عكسه
حتى لوكانت الناصحه تسوي عكس النصيحه
يعني النصيحه لوجه الله تعالى واهي ماتبي البنات يصيرون نفسها تبي لهم الخير
مثاا انا في بنات نصحتهم يداومون على قراءة سورة البقره بس انا ما اداوم على هالشي
لكن ابي هالشي لمصلحتهم وابي الخير لهم

 

[دعابة الشـتاء]

بسم الله الرحمن الرحيم

السلام عليكم و رحمة الله و بركاته , أهلين حبيبة قلبي ,, وشلونك , عساك طيبة ^_^

الله يحفظك و يا رب و يجزاك بالجنة ,, واضح من موضوعك إنّك تبين الخير و نيتك نية طيبة و نقية

حتّى و إن أخذك بعض الحماس و شووية من العصبيّة ,, الله يبارك فيك و يحفظك من كل سوء ,,

موضوعك فيه شيء من الصواب ,, و فيه شيء من الخطأ ,,

نبتدي بالصواب :

الصواب في الموضوع ,, إنّنا مثل ما ذكرتِ ما ندّعي المثالية و الكمال و نجلس ( نفلّم على الناس ) حتّى نظهر

بصورة حلوة قدّامهم و عشان نلاقي مديح و ثناء أو نغيظ الباقيـن ,, هذا الصواب في الموضوع

أما آللي خلاف كذا :

( كتمان كل شخص لمساوءهـ ) هذا ما يُعد إدعاء للمثاليّة أو اتصاف بالكمال ,, بالعكس هذا أمور محمود

و شرعًا حنــا مطالبين فيه ,, و حديث الرسول صلى الله عليه و سلم واضح :

( كل أمتي معافى إلا المجاهرين ) ,, يعني لنفرض إني وحدة سفور .. أو وحدة أكلم شباب ,, هل أروح

بكل رد و بكل موضوع أذكر هالنقطة ؟ أو ( هل أدوّن ملاحظة بتوقيعي ) أذكر فيها التالي :

يا بنات ترى أنـا أكلم شاب .. !!

عشان لا أحد يآخذ عني فكرة طيبة أو يحسبني إنسانة مثالية و أنا خلاف كذا !!

لا طبعًا مجرّد التفكير في هذا التصرّف يٌُعد ضرب من الجنون ,, يعني ستر الله عليّ أروح أفضح نفسي

و أجاهر بالمعصية عشان لا يآخذون الناس عني فكرة المثاليّة و حتى ينزلوني القدر آللي يناسبني

طيب الناس هذي وش هي حاجتهم في معرفة ( المعاصي و القبائح آللي تصدر مني ) ؟

يعني لو أنـا سمّاعة للأغاني ,, و أروح أعلّم الناس ,, بالله هالناس وش استفادت يوم إنّي علمتها بالموضوع ؟

هل إخباري لهم زادهم ثقافة ؟ هل زادهم رفعة ؟ هل زادهم علم ؟ هل كسبت أجر بهذا التصرف ؟ !!

لا طبعًا على العكس أنـا كسبت أثم !! المفروض أستر على نفسي و ما أعلّم الناس عن المعصية آللي أرتكبها إلا لحاجة

يعني مثلاً أحتاج نصيحة من أحد في الصلاة ,, لنفرض إنّي ما أصلّي ,, أنا محتاجة أحد ينصحني و يوجهني

فـ أضطر إني أتصل على شيخ و أشرح له حالتي و أذكر له إني ما أصلي عشان ينصحني ,,

مهوب شرط شيخ و إنما أي شخص أثق فيه ,, أما إني أعلّم الناس عن سواد وجهي فهذا فيه استخفاف بالمعصية

و استسهال لارتكابها و تشجيع الآخرين على الإقدام عليها ,,

يعني وحدة تكلم شاب ,, تلاقينها رازتن نفسها في كل موضوع و تسولف عن العلاقة الغرامية

آللي هي تقوم بها بلا أدب و لا حياء و لا خوف من رب العالمين !!

ممكن وحدة من البنات كانت ( تحدّثها نفسها ) بإقامة علاقة محرّمة ,, بس متردّدة !!

لكن لمّا تشوف البنات آللي يجاهرن بـ هالمعصية ,, تتشجّع !!

يتولّد في داخلها حب التجربة و شيء من الجرآءة

( يعني بس أنا آللي أكلمّ ؟ حتّى فلانة و علانة ) كلنا ندور بنفس الفلك !!

شفتِ وش نتيجة المجاهرة بالمساوء ؟ هذي نتيجته !! الإستخفاف بشأن ارتكاب المعصية و تشجيع الآخرين عليها ,,

هذا شي ,, الشي الثاني آللي ما أوافقك عليه , هي عبارتك :

( سنعي نفسك بعدين سنعي غيرك , أو سنعي بناتك بعدين سنعي بنات الناس ) ,

لااااا يا قلبي أبدًا ما أوافقك ,,

طيب ,, سؤال :

الإمام أحمد بن حنبل رحمه الله ( ألّف كتاب كامل بالزّهد ) , هل هذا يعني إنّوهـ لمّا ألف هذا الكتاب


كان يعتبر نفسه ( إمام في الزّهد ؟ ) لا والله حاشا و كلا لم يكن يدّعي الكمال

بل كان يرى نفسه من المقصّرين في الديـن ,,

لا نروح بعيد ,, نبي الله نوح عليه السلام ,, هو نبي صح ؟ ( لكن ابنه ؟ ) كان كافر !

هل قال ( أتوقّف عن الدعوة و ما أرشد الناس لدين الإسلام ) عشان ولدي كافر , لازم أبتدي بولدي بعدين الناس ؟

لاااااا ,, و إنما دعا الناس و أمرهم بعبادة الله وحدهـ لا شريك له .. نفس الشي ( نبي الله لوط عليه السلام )

امرأته كانت من الغابريـن ,, مع هذا حمل هم الدعوة ,, حمل همّ رسالة الدين .. رسالة العقيدة ,,

سبحان الله , يمكن الأم ملتزمة ,, و بنتها عكسها , فتلاقين الأم في جهاد مستمر مع بنتها ,, لكن البنت لا تستجيب

فالهداية من الله سبحانه و تعالى .. ممكن النصيحة آللي تقولها ما تأثّر في نفس بنتها , لكنها تأثّر في غيرها !

ما فيه إنسان ما يخطي ,, ^_^

فما لنـا أي حق في انتقاد الأم أو البنت و نجي نقول لهم سنعوا أنفسكم بعدين سنعوا بنات الناس ,, صح يا عسل ^_^

بارك الله فيك ,,

احترامي و تقديري

ترانيم القصيم

دائما ابتسم حينما اقرأ ردودج احترامي وتقديري عزيزتي ترانيم القصيم

 

[دلع العتبان]

لوووووووووووول هدي

 

[جروح ودموع]

كلامج صحيييييييح

 

[المرتاحة]

اختي انا حبيت اوضح نقطه بس بالنسبه لإنتقادج للداعيه اللي تقول توبي يا اختاه و اخرتها بنتها سفور

انا اعرف داعيه جذي و بنتها سفور بس يا هل ترى انتي تعتقدين انها ما نصحت بنتها بالحجاب؟!!

اللي اعرفها وايد نصحت بنتها بس البنت ما تبي تتحجب اهي اللي عليها سوته وضحت لها عقاب ترك الحجاب وانه فرض على كل مرأه مسلمه بس لي هني و خلاص تنتهي مهمتها لانها ما تقدر تغصب او تجبر بنتها بالقوه وتلبسها الحجاب وهي اشكبرها مرأه و عقلها براسها

انا بس احب اقول لج انتي لا تشوفين البشر كاملين مكملين ترى كل الناس لها عيوب حتى الداعيه نفسها بشر تخطي و تتوب حالها من حالنا

 

[قيم واخلاق]

اختي ترانيم القصيم كفت ووفت كلامها عين العقل يعني ماننتظر الكمال بالناس الكمال لله يعني اي وحده حطت مشكلتها اكيد هي منتظره النصيحه والاغلبيه اكيد فيهم عيوب مومعقوله عشان يبينون انهم ماينافقون وان هالشي فيهم يقولولها عادي كلميه واذا طلعتي معاه مو مشكله جان خربت الدنيا يعني هالبنت اكيد اي كلمه راح تاثر فيها واي وحده تبي تنصح البنت موشرط انها كامله !!!النصيحه مطلوبه وسالفة ان هالعضوه منافقه او تقول عكس اللي تسويه موانا ولا انتي ولاغيرنا نحكم !!رب العالمين هو اللي يحكم وكل انسان ربه يحاسبه عن اللي يكتبه سواء خير اوشر....ومشكوره عالموضوع

 

[عنزية الأصل]

ولآ مرة حسيت اني أنآفق أو أجآمل بردودي أو حتى ـآ بنصآيحي
فيه نآس صج تكون على ـآ نيآتهآ ومو قصدهآ تبين أنهآ ملإك

 

[أسيرة بدران]

محد يحب النفاق ولا المجامله وحبيبتي من حق كل بنت اذا بتقول شي أومشكله تشيل الي ماينقال بالنهايه الكل عنده أسرار وخصوصيات ماتنقال حق أي أحد حتى أقرب الناس مو معناته ملاك وماتغلط بس ماتبي تقول كل شي ولاتزعلين مافي ملاك على هيئة بشر من ناحية الأسلوب بالدنيا كل الناس مو معصومين من الغلط

 

[توفـــا]

شكلج شايله عليهم وايد هههههههههه كلامج صح بس مثل ماقلتي مو الكل نفس الشي في الشين وفي الزين كل واحد يفهم علي حسب تفكيره

وثانكس علي الموضوع​

 

[ركووزه]

فى البدايه كلامج ما عجبنى بس لما كملت الموضوع اقتنعت

 

[بنت العقربيه]

غالبيه البنات او الي يردون حريم او كبار في السن مانشرة عليهم وانا معاك او متعاطفين

في مساله النفاق والحمدلله على كل حال منتشرين بكثرة وكان لما تنصح هي الحين

احسن وحدة زي ام محمد الي عندكم في الكويت تطلع مع سواقها و3من شغالاتها توزع

اكل العروس الزايدة على الناس هاذي موفاضيه تنصح الناس احنا نبغى فعل زي ام محمد

الله يكثر من امثالها كم تمنيت اني مثلها او على الاقل نفعل الخير ونحث عليه وفيه مثل مشهور

يقول عش رجب تشوف عجب واذا النفاق توك تعرفينه انا عرفته من زمان وكرهت القعدة مع

هالاشكال ابشرك ان الدنيا باقي بخير ولا تزعلين على رد الي ردت يمكن يكون رجال او حتى

لو كانت حرمه تكون عقليتها محدودة وتعبانه ومعروف ان حالات الاعتداء الجنسي كثيرة و

منتشرة في جميع انحاء العالم ومن زمان ولا حول ولا قوة الابالله تقبلي مروري بصدر رحب

 

[caramil]

ويقولون مالا يفعلون

عطرتني ردودكم..

والاختلاف بالرأي لا يفسد للود قضيه
كنت اخاطب فئه عابثـه.. فئه تتلاعب بالمفاهيم..

و تتنكر في زي الطهاره..وهي اقرب للحاويه" امكرم السامع"..
وجعلت الحكم في ذلك .." ضميركم..وانفسكم.."..
لست انا من احكم على اناس لا اعرفهم..
مجرد مقال او خطاب او نصائح

قــد توقـــظ ضمائرهم..


دمتم بود

 

[بنت احلام]

والله انج صاجه بكل كلمه

 

[نونا وبس]

اختى لو سمحتى غيري عنوااان الموضوع
كيف نشبه الناس بالملائكه استغفر الله

 

[الفدنه]

فعلا انا ملاحظه90% من بنات المنتدى مثاليات
وان شاءالله انهم فعلا جذي​

 

[يرخصلك كل غالي]

ههههههههههههههههه صاااجه البنت بس تتوب وتنزل موضوع كل للي بالمنتدى شريفات ويحاسبونها وينج عن ربج ليش ما اهتميتي بسمعة اهلج وهلمم جرى ؛< ترا ربكم للي يحااسب مو انتم ويتقبل توبة عبيده تجون انتم ماتقبلونهاا سلالاماات
كلههم سنعااات ويا زوجهم كلهمم حولتهم تغلط عليهم كلهم حريم اخوانهم عوووب كل وحده تشوووف نفسسسها الملاك للي ماكو مثلهااا اثنين
مافي رد واقعي كل الردود صارت بمثاليه

 

[قلبي عبدالله]

كلامك منطقي 100%
وهذا عيبنا نذم في الاخرين واحنا مليانين عيوب